ملتقى طلاب وطالبات جامعة الملك فيصل,جامعة الدمام - تكفووون يالحفراووويه ابي ردود تطمن قلبي..

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- منتدى كلية التربية بحفر الباطن (https://vb.ckfu.org/f60)

- - تكفووون يالحفراووويه ابي ردود تطمن قلبي.. (https://vb.ckfu.org/t36579.html)

شواااقهـ الزينه

2009- 5- 20 05:20 AM

تكفووون يالحفراووويه ابي ردود تطمن قلبي..

:Cry111::Cry111:
ابي اسحب ملفي من كليه العلوم واقدم السنه الجايه عندكم
بالادبيه بس اخاااف يرفضوني
نسبتي العام 86,75
والقدرات بالـ/80وحولها
المجموع كله مع نسبه الثانوي يعني القدرات والثانوي 81%

النسبه هاااذي دخلتني قسم علم حيوان انتضام
انا طالبه مستجده توني اولى ابي اسحب ملفي وانقل الحفروادرس بالادبيه اريح لي
انا سمعت انو جامعه فيصل ماتخليني اذا سحبت ملفي منها ورجعت اقدم بالسنه الجديده في كليه تابعه لها
ماتخليني ادرس يعني كنها تقولي مالك الا فرصه وحده وبس

يعني وشو خلاص افقد الامل ماقدر اطلع من اللي في الدمام

لا حد يقولي حولي لانو ادرس وانا ابي اسحب الملف اليوم قبل بكره

ابي ردووووووووود مضمونه تكفوووووووون انا شاااده الضهر فيكم

نواف العنزي

2009- 5- 20 05:33 AM

رد: تكفووون يالحفراووويه ابي ردود تطمن قلبي..

والله يابنت الاجواد ..

في بنت هنا .. سئلتي .. ورحت لعمادة القبول والتسجيل بالحسا ...

وقالوا الي تسحب ملفها ماراح تقبل ثاني مره .. بس ابشري اليوم راح امرهم لك ان شاءالله ..

انا عندي روحه للكليه الساعه 12 الظهر .. وان شاءالله اني ما انسى ..

نواف العنزي

2009- 5- 20 03:38 PM

رد: تكفووون يالحفراووويه ابي ردود تطمن قلبي..

السلام عليكم ..

مالقيت العميد .. لان ابي اخذ الكلام من راسهـ . هو في نائب الوكيل .. قالي اذا سحبت مستحيل انها .. تقبل ثاني مره ..

خليني اوجهـ العميده نفسهـ السبت بأذن الله وأخذ الكلام الجد

ذكرى	2009- 5- 20 03:42 PM

رد: تكفووون يالحفراووويه ابي ردود تطمن قلبي..

خيتوووو

ودي افيدك

انا اعرف بامور التحوووويل

لكن سحب الملف مدري

,,,

نواااف ماقصرت

سعوديه كول

2009- 5- 20 04:05 PM

رد: تكفووون يالحفراووويه ابي ردود تطمن قلبي..

مرحبا اختي شواقه الادبيه والعلميه ماايقبلون الا نسبة 85 وفوووق انتظام اما انتساب فلكليه الادبيه تقبل انتساب بس مدري كم النسبه اللي يبونها انا افضلك التحويل 00موفقه

شواااقهـ الزينه

2009- 5- 20 09:37 PM

رد: تكفووون يالحفراووويه ابي ردود تطمن قلبي..

ياهلا ويا مرحبا
سعوديه كول الله يعطيك العافيه وذكرى تكفيييييييييييييييين حاولي تعرفين

اما انت ياااانوااااااااااااف ياسمي اخوووووووووي والله انك فزعه اللي زمانه ظاااااااااااااالمه :Cry111::Cry111::Cry111:

تكفى نخيتك وانا بنت حمران النوااظر تسااااعدني وتسأل لي والله لادعيلك بضهر الغيب بالستر والعافيه

ع العموم الظااااهر حاااالتي حااااااااــــــــــهـ لي

اللـــــــــــــــــه :bawling::bawling:

ملكة الحفر

2009- 5- 21 12:41 AM

رد: تكفووون يالحفراووويه ابي ردود تطمن قلبي..

ياقلبي
انقلي نقل لاتسحبين ملفك وغيري قسمك من العلوم الى الادبية
والكليه جميله بس الاداره مش كويسه والدكاتره ممتازين وخاصه اللغه العربية
:m22asmilies-com:

ملكة

شوق	2009- 5- 21 03:03 AM

رد: تكفووون يالحفراووويه ابي ردود تطمن قلبي..

مثل ماقالتلك الاخت ملكه
حولي ليش تسحبين ملفك
اطلبي نقل

بالتوفيق

نواف العنزي

2009- 5- 21 04:02 AM

رد: تكفووون يالحفراووويه ابي ردود تطمن قلبي..

اقتباس:

المشاركة الأصلية كتبت بواسطة شواااقهـ الزينه (المشاركة 431522)

اما انت ياااانوااااااااااااف ياسمي اخوووووووووي والله انك فزعه اللي زمانه ظاااااااااااااالمه :Cry111::Cry111::Cry111:

تكفى نخيتك وانا بنت حمران النوااظر تسااااعدني وتسأل لي والله لادعيلك بضهر الغيب بالستر والعافيه

ع العموم الظااااهر حاااالتي حااااااااــــــــــهـ لي

اللـــــــــــــــــه :bawling::bawling:

الله يسلمك والله انا مسوي هذا العمل لوجهـ الله ولا ابي الا الدعاء .. لاني محتاجله .. ولا احد يدري الا الله

الوعد السبت ان شاءالله راح ادخل على العميد عبدالله النجار

شواااقهـ الزينه

2009- 5- 21 06:13 AM

رد: تكفووون يالحفراووويه ابي ردود تطمن قلبي..

مشكوريييييييييييييييين ع الردووووووووود للكل

وبالاخص اخووووي نواف العنزي يامااااااااااااااااااااااال الجنه

الله يفرج هموم الجميع

نواف العنزي

2009- 5- 23 09:34 AM

رد: تكفووون يالحفراووويه ابي ردود تطمن قلبي..

السلام عليكم ورحمة الله وبركاته

قبل ربع ساعه رحت العميد القبول والتسجيل الدكتور محمد الفريدان ..

وشرحتله الوضع . وقال خلها تكتب معروض .. استرحام . وتبي تروح لاهلها لانهم انقلو

الى حفرالباطن ومن هذي الامور .

فأتمنى واحد من قرايبك يروحله .. لانه انسانه طيب .. وراح يحللك مشكلتك بأسرع وقت,,

نقل .. احسن من الفصل يقول هو

شواااقهـ الزينه

2009- 5- 23 09:14 PM

رد: تكفووون يالحفراووويه ابي ردود تطمن قلبي..

شكرايأخ نواف ياااماااال الجنه بس بغيت اعرف وين أقدم معروضي ,,,في كلية العلوم بالدمام او بالحفر ,,وبعدين انا ابي اسحب ملفي وأقدم السنه الجايه بكلية التربية بالحفر اخاااااااااااااااف اسحب الملف ويقولي البنر رقم السجل موجود,,,,,انا حصلت لي ظروف وطويت قيدي الترم الاول ورجعت ادرس الترم الثاني وعاملوني معاملة المتعثره وانا الان حامله مادة علم الحيوان الترم الاول وبناءا عليه حامله مادتين اوليات وعلم الخليه لاني قسم علم حيوان وبالتالي ماراح اقدر انقل الا بعد سنتين لاني راح ادرس الترم الاول السنه القادمه وادرس المواد التي حرمت منها وهي اوليات وعلم خليه الترم الثاني وهي مواد صعبه جدا وهناك احتماال كبير اني اعيد السنه ,,,,,,,,يعني لازم انجح واجيب معدل 3من 5 علشان اقدر انقل ,,,,يعني تقريبا بعد سنتين اذا ماعدت السنه,,

ادري طولت عليك وتفلسفت لكن اشكر الله ثم المنتدى اني وجدت شخص مثلك حتى لو لم تستطع ان تساعدني فقد سمعتني وطمنتني,,,,من لا يشكر الناس لا يشكر الله,,,,,,,,,,,,,شكرا لك..

نواف العنزي

2009- 5- 23 11:05 PM

رد: تكفووون يالحفراووويه ابي ردود تطمن قلبي..

الله يوفقك .. يارب .. وماسوينا شي يانت الاجواد .. وان شاءالله تنقلين .

العميد قالي تقدر تنقل ومعدلها 2 من 5 .. .

شوفي تقديم النقل والمعروض . حقك . من عمادة القبول والتسجيل . بالاحساء .

عند الدكتور محمد الفريدان .. انسان من ذهب والله العظيم ..

اتمنى يروحلك احد اليومين هذي قبل تصير الشغال عنده ولا يقدر يواجهـ احد . ويروح عليك العميد .

لانه هو الرجال بعد متساعد معاج .. لاني قلتله انها من حفرالباطن .. وتبي تروح لأهلها تكمل وترتاح من الشقى .

واذا في احد جا للحسا . ولا يعرف شي انا حاضر .. من قرايبك

شوق	2009- 5- 24 12:10 AM

رد: تكفووون يالحفراووويه ابي ردود تطمن قلبي..

جزاك الله خير نواف

المهم بنخليك سفير لنا بالحسا شرايك

او مراسل المنتدى

شواااقهـ الزينه

2009- 5- 24 12:35 AM

رد: تكفووون يالحفراووويه ابي ردود تطمن قلبي..

يعطيك الف الف الف مليون تريليون تزيليون عااااااااااااااااااااااااافيه,,,,,,انـــــــــــــ ا اشهد انك قدها وقدوووود
بس بغيت اعرف الدكتور الله يسلمه يقدر يساعدني بالنقل للحفر

وانشاءالله زوجي يروح الحساء هالايام يامال الجنه <<<ودي ارد لك هالجميل اي شي انا بالخدمه موووووووووووفق يااخوي

نواف العنزي

2009- 5- 24 01:08 AM

رد: تكفووون يالحفراووويه ابي ردود تطمن قلبي..

اقتباس:

المشاركة الأصلية كتبت بواسطة شوق (المشاركة 434892)

جزاك الله خير نواف

المهم بنخليك سفير لنا بالحسا شرايك

او مراسل المنتدى

ويجزاك يارب ..

لالالالالا مشكورة .. انا الي فيني مكفيني من منتدى النقاش ..

واداره المنتدى هذا .. يبيلها تعديل شووي

نواف العنزي

2009- 5- 24 01:15 AM

رد: تكفووون يالحفراووويه ابي ردود تطمن قلبي..

اقتباس:

المشاركة الأصلية كتبت بواسطة شواااقهـ الزينه (المشاركة 434920)

الله يعافيك .. الدكتور هذا هو المسئول عن القبول والتسجيل ..

حياه الله زوجك . وانا حاضر ..

وانا ماسويت شي على شان يصبح جميل .. لوني ناقلك هذا الوقت اصبح مسوي جميل عليك

الله يوفقك ويحققلك الي تبينهـ

نمبر ون

2009- 5- 26 02:40 AM

رد: تكفووون يالحفراووويه ابي ردود تطمن قلبي..

نواف الله يهديك يعني تبي النجــار عميد القبول والتسجيل يقول لك انه موجود ترىآ دايم هو موجود وعنده قوة تصريف

والوكيل محمد الفريدان الله يحفظه هو اللي بتلقى عنده العلم الاكيد ..

اما بالنسبه للي يسحب ملفه مايقدر يسجل مره ثانيه الا بـ فيتامين (و)

وبالنسبه للأخت اللي تسحب الملف تطلب تحويل من كليه الى كليه بنفس التخصص واعتقد انه احياء ولمى تقبل تحول على التخصص اللي تبغى وهذا هو الاقتراح المناسب

نواف العنزي

2009- 5- 26 10:34 AM

رد: تكفووون يالحفراووويه ابي ردود تطمن قلبي..

اقتباس:

المشاركة الأصلية كتبت بواسطة نمبر ون (المشاركة 436892)

هلا نمبر ون .. على قولة اهلك الكويت خبرك عتيج .. النجار بح يعني طار من مكانه ياطيب .. وصار بداله محمد الفريدان عميد القبول والتسجيل مكلف .. انا قاعد معاه بالمكتب وهو قالي ..

نمبر ون

2009- 5- 26 04:14 PM

رد: تكفووون يالحفراووويه ابي ردود تطمن قلبي..

يعني يوم اني تخرجت ترك العماده هههههه والله من شين الحظ

الله يوفقك ياخوي وان شاء الله نشوفك خريج يالبناخي <-- :cheese:

All times are GMT +3. الوقت الآن حسب توقيت السعودية: 10:14 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه