|
تعرفوا على دكاترة كلية التربية ~
السلام عليكم ورحمة الله وبركاتة
أسعد الله أوقاتككم بكل خير .. الصراحة الفكرة اقتبستها , لأنني ابغا افيدكم وتفيدوني * المهم موضوع يشبه [ الإستفسار عن الدكاترة ] بس بشكل مختلف .. يعني كل طالب/ة .. يكتب عن الدكاترة إللي أخذ عندهم من السمستر الأول إلى إللي هي فيه الحين علشان يسهل علينا البحث وكيذا ,, ^ الموضوع مقتبس من قسم كلية العلوم وكلية الاداب اكتبوا المادة إللي أخذتوها وأسم الدكتور/ة وبعدين تكلموا عن الأسلوب والشرح والأسئلة .. يفضل ذكر المستوى الحآلي والتخصص |
رد: تعرفوا على دكاترة كلية التربية ~
ببدأ انا وياليت الكل يشارك و نفيد بعض حتى لو نفس الدكاترة عشان نشوف وجهة نظر كل طالبة
المستوى الاول الاستاذة مريم المخيلد : تقنيات التعليم درستني الى نص الترم بعدين سافرت اسلوبها وشرحها قريب للقلب غصب تحبين المادة وتندمجين معها دائماً مبتسمه واختبارها موضوعي سهل كل شي من الكتب وواضح دكتور منيب وصفي : تقنيات التعليم درسني ما سافرت الاستاذة مريم يحب المشاركة والمناقشة اكثر من الاختبارات كان حاط لهم 25 درجة شرحه كويس اختباره النهائي كان حلو بس يميل لصعوبة شوي الدكتورة فاطمة الهويش : مبادئ علم النفس شرحها 0/10 مجرد تقراء لك الكتاب وصوتها ما ينسمع اسلوبها جداً سيئ حتى لما تكلميها بهدوء واحترام وتشوف انها الوحيدة اللي صح والكل غلط اللي يشفع لها تحذف الشهري واختباراتها سهله وغالباً تجيب نفس الاسئلة كل سنة للأسف الوحيدة اللي تجربتي معها كانت سيئه ومستحيل ارجع ادرس عندها الدكتورة هنام مصطفى : احصاء تربوي شرحها واضح وسهل وتراعي انك ادبي فا تشرح لك ببساطه عشان تغير فكرتك عن الرياضيات اسئلتها سهله ما تجيب مسائل طويلة وتحذف جزئية الشهري وتعطي بونس على المشاركة كل محاضرة تعطي واجب وتستلم جزء قبل الاختبار الشهري وجزء قبل الاختبار النهائي وان شاء الله بكمل بعدين :love080: |
رد: تعرفوا على دكاترة كلية التربية ~
نبي نعرف عن الدكتور عزة جميل
لتطبيقات الحاسب؟ شرايكم كويس ويسهل ولا |
رد: تعرفوا على دكاترة كلية التربية ~
وعليكم السـلام و رحمة الله .. يا هلا أفنان .. فكرة جيدة ، خصوصًا إن قسم الكلية أغلبه صار استفسارات عن الدكاترة . :biggrin: هالموضوع إن شاء الله بيكون مرجـع للإستفادة .. لي رجعـة مع اللي درسوني .. و يعطيك العافية :icon19: |
رد: تعرفوا على دكاترة كلية التربية ~
. ... مستوى أوّل : مقدمة في التربية الخاصة / د. عائشة العمير لطيفة جدًا بـ التعامل و الإسلوب . بداية كل محاضرة كانت تسوي ألعاب متنوعة تخص موضوع المحاضرة , عشان نتفاعل و نتحمس للأمانة كانت هالألعاب أكثر شيء أتحمس له بالمحاضرة :biggrin: تعتمد ع قراءة الباوربوينت نوعًا ما , وأحيان قليلة تشرح فيها . اسئلتها متوسطة ,, مش صعبة لكن تحتاج منك تركيز .. خصوصًا إن المادة حفظ , وكلها خصائص تضيعك شوي :sm5: ما قصّرت , لما شافت درجات الميد نازلة شوي وما أعجبتها .. سوت كويز مفاجئ من 3 - 5 اسئلة .. وساعدنا كثير :love080: و تطلب منكم قروبات , كل قروب يسوي مشروع مميّز عليه 10 درجات .. هذا كان يبيله شغل . واللي ما يستعد له من البداية ، مشكلة . . مبادئ الإحصاء / د. مها عبدالمنعم هالدكتورة كثير سمعت إنهم يذموها .. لكن لما درست عندها تغيّرت نظرتي :004: وفعلًا كل شخص تختلف وجهة نظره عن الآخرين . لطيفة ، و نضحك معها كثير .. و شرحها حلو و مفهوم ... مدري إن كان تخصصي بالثانوي ( علمي ) له تأثير :biggrin: لكن اللي يركّز معها يفهم ،، و إذا شافت إنو لسا البنات مش فاهمين تاخذ كم بنت فاهمة و توزعهم ع قروبات عشان يشرحوا للبقيّة . تعطي مسائل , و تحدد وقت للحل .. وتعطي درجات للي تجاوب صح .. بالعربي : محاضرة ممتعة جدًا . :004: بعد نهاية المقرر .. توزع البنات قروبات .. وكل قروب تعطيه عنوان درس معين .. و يشرحوا مسألة عنه بعرض بوربوينت - عليه 10 درجات ( بنت تشرح .. والبقية تآخذهم وتسألهم بنفس المسألة ) بالنسبة لاسئلتها : بالميد تيرم كانت شوي فيها صعوبة . لكن بالنهائي بطلــة .. سهلة مرة .. :(204)::004::004::004: . . مبادئ علم النفس / د. فاطمة الهويش من أكثر المحاضرات مللًا :139: كانت تقرأ فقط ،، ما تحب الإزعاج .. ودايم تهاوش البنات :biggrin: الحسنة الوحيدة : اسئلتها مباشرة و واضحة .. مافيها صعوبة . و حذفت كثير بالنهائي :icon120: . . مبادئ التربية / د. اعتدال حجازي هالمقرر كان كريه وصعب , يمكن لأني كنت أشوفه كذا .. ما حبيته ولا حبيت تعامل الدكتورة كثير . كانت صراحة تفضّل بنات ع البقيّة .. و تحارش بعد :biggrin: اللي تشارك .. تكون مميزة عندها .. فـ اللي بتدرس عندها , تحرص ع المشاركة . بالنسبة للاسئلة / اشوفها من متوسطة لـ صعبة . :(217): . . الصحة و اللياقة / د. إيمان ماهر هالدكتورة أتعب و أنا أقول رائعة :sm5::004: اللي يعرف نظامها ما يتعب معها ... تحب النظام .. تشرح بـ ذمة و تندمجين معها .. تحسي فاهمة المادة صح :(204): تخيركم بين طريقتين في درجات المشاركة .. اذكر اننا اخترنا تسألنا بكل محاضرة . كان يوتر الوضع للأمانة :biggrin: بس هالشيء يخلينا نذاكر كويس .. بالاختبارات ما تعبنا كثير :icon120: اسئلتها حلوة و سهلة .. :004::004: و تطلب من كل قروب مجسم يخص وحدة ... . . العقيدة الإسلامية و المذاهب / د. شيخة الحمادي تحب الحوار في المحاضرة .. تآخذ و تعطي كثير .. لدرجة إن المحاضرة تنتهي و تآخذ وقت بعد :tongue: لكنها بالشرح ما تقصر .. تسوي اللي عليها وأكثر .. و اسئلتها رايقة و سهلة ... و تأشر لنا :sm5::004: و برضو بتسميع القرآن حددت لنا سورة وحدة فقط .. كل قروب يختار درس ويشرحه ... وله درجات . . التحرير العربي / د. فايز صبحي نوعًا ما أشوفه ثرثار :biggrin: يمكن لأنو يشرح بإسهاب جدًا في معلومات أنا شخصيًا أعرفها .. و هذا الشيء يملل .. لكنه مرح , ويحب يمزح ههههه .. ما يحب الإزعاج و الفوضى .. هالشيء يضايقه .. اسئلته سهلة .. لأن المادة بكبرها سهلة :tongue: يطلب بحث عن أي درس .. ( عادي لو اشتركتوا 2 مع بعض ) .. . . وبس ، هذيله بالمستوى الأول ، اتمنى أني كفّيت و وفّيت :060: اي سؤال أنا حاضرة :love080: لي عودة مع المستوى الثاني .. :icon1: |
رد: تعرفوا على دكاترة كلية التربية ~
فكرة موضوع مميز ومفيد لجميع الطلآب والطآلباتفجزآكم الله خير الجزآء على إفآدتكم لأخوآنكم
أرجوا عدم التجريح في أي شخص وأن يكون التطرق للأشخآص بشكل محآيد وهآدف |
رد: تعرفوا على دكاترة كلية التربية ~
السلام عليكم مشكورة حبيبتي افنان على الموضوع :004::43: بسم الله نبدأ . مقدمة في التربية الخاصة : سارة الفوزان . طيبه و اسلوبها بالتعامل جميل , كان الشرح اغلبه من من البور واحسها تحاول تبسطه و توصل المعلومة للطالبه , تطلب من كل قروب عرض و عليها عشر درجات و لعشر درجات تتقسم 5 فردي و 5 جماعي . اسئلتها فيها شويه صعوبة و لما شافت درجات الامتحان بالنصفي نازلة قالت لنا نروح لدكتوره و نقدم لها عمل و راح تعطينها 3 درجات زيادة . وقالت لنا اللي راح تكون اول مجموعه تعرض راح تراعيها و الحمدالله كنت من ضمن المجموعة الاولى:16.jpg: , و تحب العرض يكون مميز و شكلة جميل و غير كذا ك ل ماكان موضوع العرض نادر و غير معروف عند الطالبات يكون افضل , و كانت تخلي البنات هم يقولون اللي اعجبهم و اللي ما اعجبهم بالعرض و كانت تقول لنا انتبهوا لاخطاء الطالبات عشان تنتبهون ماتقعون فيه التحرير العربي : عبدالباقي يوسف . دكتور يشرح بذمة و ضمير , مايخلي و لا نقطه مايشرحها :16.jpg: . اسئلته مرهه سههلة بس كانت صياغه الاسئلة هي اللي ضيعتنا :5: و قال لنا ببداية السمستر راح تكون اسئلة الاختبار مقالية و موضوعيه و من كثر مانترجاه صارت موضوعية :16.jpg: وصح الاختبار كان كل الكتاب ماحذف و لا شئ مبادئ علم النفس , مهارات البحث التربوي : خالد الشريف دكتور انصح فيه بقوة :21::42: ملزمة خفيفه و و يحدد الاشياء و يحذف كثير من الملزمة , و اسئلته سهلة بس يبي لها دقة و الواجبات كثيرة :sm5: التذوق الادبي : عبدالله محمد الملا دكتور :21: طيب و اسلوبة ممتع و يوصل شرح الابيات بابسط شئ و كان اختبار موضوي و مقالي و سهل و كان يحدد لنا الكتاب و التحديد هو اسئلة الاختبار , كان الاختبار النصفي من 40 قال اللي ماخذه 38 تزيد نفسها درجه و اللي اقل درجتين :004: , يحب المشاركة كثير و المناقشة في المحاضرة , طلب منا انه نجيب قصيدة و نتكلم عنها و نتكلم عن الشاعر , و غير كذا بأخر الايام كان يخلي الطالبات يقروون درس من الدروس اللي اخذناها و يعطينا درجات عليها . النظام الاجتماعي : حمد المري . دكتور يساعد و يراعي الطالبة بشكل مو طبيعي :(204)::sm5: اعطانا ملزمة سهلة و خفيفة وواضحة , اسئلته اتعب و انا اقول انها سهلة :(204)::004: الحفظ كان سورة الاحزاب كلها بس اعطانا نصها , و بسبب ان الشعبة ان عدد الطالبات فوق 100 طلب منا كتابة السورة في اوراق مو نسمعها له :16.jpg: . ادارة تربويه : سارة الحامد شرحها واضح جدا و كان المقرر ملزمة كانت تخطط المطلوب اي بمعنى ( تعطينا الزبدة ) :5: كانت تطلب عرض للدروس اللي ناخذها كل قروب عدد الطالبات فيه 5 . اسئلتها بالنصفي جميلة بس كان لها بعض الدقة و لما جاء وقت الاختبار النصفي حذفت الجزء اللي اختبرنا فيه النصفي اما الباقي حاولت انه تخلية خفيف و طبعا كان اسهل من النصفي بكثير . اما مها عبد المنعم للاحصاء و شيخة الحمادي للعقيدة , و ايمان ماهر للصحة و اللياقة كفت ووفت فاطمة فيهم :53::004: بعض الدكاتره اللي ذكرتهم هم للسمستر الاول و الثاني :004:. |
رد: تعرفوا على دكاترة كلية التربية ~
افنان ممكن ايميلك مشاركاتي ماتسمح اكلمك خاص
|
رد: تعرفوا على دكاترة كلية التربية ~
فكرة الموضوع ممتازة
الطالب يستطيع التعرف على انطباعات الزملاء عن الدكتور و الدكتور يقرأ التعليقات و يعمل على تدارك السلبيات |
رد: تعرفوا على دكاترة كلية التربية ~
.. . عودة مع : المستوى الثاني . إدارة تربويّة / أ. نورة الشعيبي . أتعب وأنا اقول تهبّل :004::004::004: تشرح بشكل حلو , و بسيط ... وتعطي أمثلة عشان نفهم أكثر ما تحب أحد ينشغل بشيء آخر في المحاضرة , أو يسولف ،، ومن حقها :10111: بداية السمستر يكون شرحها بكل المحاضرة . بعدها ،، يكون ع الطالبات بـ مساعدة منها . بحيث كل قروب يمسك محاضرة .. ويرتب العرض بإشراف من الاستاذة ... و وقت الشرح هي كمان تشجّع و تساعد :004: بالنسبة للاسئلة : جدًا جدًا مباشرة و سهلة :(204): خصوصًا إن قبل الاختبار كانت محددة لنا بالملزمة وش الأشياء المهمة . . . . بناء و تطوير المناهج / د. أحلام العرفج . بما إنو المقرر يتكلم عن المناهج ، وهالشيء كلنا درسناه وفاهمينه فـ غالبًا المحاضرة تكون ع شكل حوار و سواليف و مواقف .. :biggrin: بدايتها تكون أنشطة من عمل الطالبات و الكل يحلها .. وهالشيء كان ممتع :004: الشيء الحلو بالدكتورة إنها كل ماشافت الطالبات ملّوا .. تحاول تغيّر الجو و نسولف عن أشياء ثانية :tongue::004: غالبًا عدد الطالبات بالكلاس مو كثير .. و يكونوا بشكل قروبات .. فهذا يشجعك تتعرفي ع بنات قروبك أكثر ... ومن البداية اشتغلي مع قروبك كويّس ع الانشطة .. لان وقت الاختبارات مرة غلط و ضغط . :(177): بالنسبة للاسئلة : فهي تعتمد ع الفهم أكثر شيء .. و أشوفها حلوة مش صعبة مرة وقت الاختبارات يُفضّل انك تفهمين أكثر من الحفظ .. لان أشياء كثير بالكتاب تتشابه و بتتعبين معها . . . تقنيات التعليم / د. أحلام العبداللطيف دكتورة رائعة في الإسلوب و الشرح :004::004::004: شرحها مبسّط وخفيف .. بالعربي : ( ماتطولها وهي قصيرة :biggrin:) لدرجة ساعة بالكثير وحنا مخلصين . :icon120: الميد منقسم لـ اختبارين : كل اختبار من 25 درجة واسئلتها حلوة ، لكن تحتاج تركيز .. الاستعجال بيضيعك . . . علم نفس النمو / د. منى محرّم خفيفة دم مرة :biggrin::004: شرحها حلو لكنها تطوّل كثير ... خصوصًا إن المقرر بعض معلوماته مكررة .. يملل شوي . برضو كل قروب يعمل عرض و يشرح ... اسئلتها : من سهلة لـ متوسطة تحتاج تركيز بحفظ المعلومات و فهمها . . مهارات البحث التربوي / د. إلهام فاروق الحلو في هالمقرر مع دكتورة إلهام هو سواليفها و قصصها أيام الجامعة و كتابتها للبحوث .. كان هالشيء جدًا ممتع و ندخل معها جوّ :004: اسلوبها في الشرح يشدّك غصب ... اللي تشارك معها تعطيها درجات ، فإحرصوا ع المشاركة . بداية السمستر يُفضّل إنكم تسألوها عن المشاريع اللي تعملوها مع قروبكم . لأن مادرينا عنها الا متأخر ، و مرة تقروشنا مع الاختبارات :icon9: بالنسبة لاسئلتها : شوي فيها صعوبـة .. لكن الحلو إن فيه اسئلة بونس وتساعد :004: - غير هذي درست ال3 مواد لتقنيات التعليم .. رياضيات عامة و مقدمة في الحاسب / د. انتصار عليـوة أطيب دكتورة مرت عليّ :verycute::004::004: شرحها حلو .. وتعيد مرة ومرتين وثلاث للي مش فاهم .. تعبت معنا كثير صراحة .. اسئلتها حلـوة ومش صعبة ،، و فيها بونس بعد :004::004: قبل الفاينل عطتنا اسئلة مراجعة عامة .. ساعدتنا كثير وقت الاختبار . . اللغـة الإنجليزية في الحاسب / د. مهدي العمـري دكتور أقل ما يُقال عنه إنه رائـع . مميز في الإسلوب والشرح . :004: حريص ع إيصال المعلومة بشكل بسيط و نفهمه بسهولة .. ومتساعـد جدًا . فيه واجبات إسبوعية .. مفيدة كثير كونها مراجعة للمحاضرة . و أيضًا الأشياء المهمة يقولنا عنها .. وفعلًا تجي بالإختبارات ... اللي بتركز معه ما بتضيع :10111: و اسئلته حلوة للي تذاكر كويّس .. تلعبين ؟ ما بتحلين خصوصًا إنها انجلش :biggrin: , و بس ، هذي المواد اللي درستها في سنة أولى :004: كانت ممتعة و جميلة صراحة .. الآن أنا مستوى ثالث .. أي معلومة أعرفها عن اللي يدرسوني بأكتبها أكيد .. ،، أتمنى إني أفدتكم ولو بالقليـل .. وما أكون قصرت بـ حق أي دكتور . و بالتوفيق للجميـع :icon19: |
| All times are GMT +3. الوقت الآن حسب توقيت السعودية: 02:33 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه