[بسمة مودة]

السلام عليكم بالنسبه للتخصص أنا كانت نسبتي 93% والقدرات69%

والحمدلله شديت حيلي وقدرت أمشي زين مع أن نسبتي بالقدرات مرررره نااازلة ..... بس هم شيء ميولك أنا حبيت التخصص هذا ومشيت فيه بس ما أخفي عليك من التعب مانذوق طعم النوم كل يوم شغل وتسليمات بس ممتع بنفس الوقت بس بالأخير لما تعرضين مشرعك تحسين بقمة الفرحة كنا نجتمع مع بعض أنا وصديقاتي ونشتغل مع بعض..قضينا أوقات مرره حلوة....والمعلمات الي هم ال(مساات)الله يذكرهم بالخير كانو زي العسل ذكريات لاتنسى


بالنسبة للمواد أول سنة تاخذين مقدمة عن التصميم الداخلي وكيف ترسمين الأشياء أو تتخيلينها على شكل 2D يعني ثنائي أبعاد بعدين تاخذين الdrawing يعلمونك مبادىء الرسم والcolor إستعمال الألوان ومزجها وكل لون يعطيك أيش أحساس

و تاخذين ال3D كيف تتخيلين الشكل على أساس الثلاثي أبعاد وكيف ترسمينه وتاخذين أستديو وهي المادة الأساسية هذي مادة المخططات والمشاريع فيه من أستديو1 إلى 5

وفيه مادة القرافك ديزاين تتعلمين فيه الفوتوشب الي هو كيف تصممين الإعلانات واللوح التجارية والبوسترات وأغلفة الكتب

وفيه مادة الHUMANFACTORS تدرسين الإنسان وعلاقته بالمحيط وكيفية إتصالة والمسافات الي لازم يتخذها مثلا بين شخص يعرفه أو غريب

فيه مادة الثريدي ماكس هذا شغل على الكمبيوتر يعني تصممين مشروعك بالكمبيوتر علشكل ثلاثي أبعاد.

فيه مادة الSAFITY TO BULDING هذي المادة تعلمك كيف تتخذين الإجرأت الازمة لحماية المبنى.

وفيه مادة الCONSEPT STRUCTER وBULDING STRUCTURE هذولي المادتين تقريبا نفس بعض كلهم تدرسين تركيب أو مواد المبنى نفسه يعني هل هو خشب؟خرسانة؟فولاذ؟ألمنيوم؟ وتدرسين عن الجسور والكهوف و ARCH الي هي الأقواس أنواعها وأشكالها

وفيه مادة الMATERIAL هذي المادة عملي تدرسين المتريل الي هي المواد
مثل الخشب و القزاز و الخرسانة و الحديد....الخ أحيانا تطلب منك تسوين مجسم أو لوحة فنية بهذي المواد.

فيه مادة الهستري و الأرت تدرسين فيه عن تاريخ الفن وعن أشهر الرسامين وشي أبرز لوحاتهم مثل المونوليزا لليوناردو دافينشي.

هذا عن INTERIOR DESIGN(التصميم الداخلي) أتمنى أكون أفدتك بإجابتي