أخبار اليوم.. تفاجأ عدد كبير من طلاب «التعليم المُطور للانتساب» دار الحياة !

[أبو الحسن]

المشاركة الأصلية كتبت بواسطة ماجد32

والله ظلم يا جامعة فيصل = ساهر

اخي العزيز لا تكون سلبي

يعني الجامعه متعمده ترسبكم مثلا

نظام ساه ما طبق الى عشان يضبط سلوكيات الناس قول الحمد لله انا ما راح عندك عزيز من ضحايا السرعه

لو صرت نظامي هل ساهر بيستفيد

[Faisal590]

المشاركة الأصلية كتبت بواسطة الهادئ

شكرا ياجامعة الملك فيصل فانت الافضل ولا يشكك فيك الا من يعتقد ان الجامعة سوق يشتري الشهادة بماله , والله انا ماني الافضل ولا كني اقول الحق شوفو جامعة الملك عبد العزيز واحمدو ربكم الترم عندهم ب300 الاف لو مااخذت الا ماده ولازم تروح تختبر عندهم ولا محاضرات على البلاك بورد ولاهم يحزنون بس ابن ادم مايعجبه العجب

اللهم لك الحمد اني من طلبة جامعة الملك فيصل

فعلاً الترم بـ 3000 وأول سنة اللي يبي يختبر في الدمام او المنطقة اللي ساكن فيها يدفع 1000 ريال هذي 4000 واذا سافر لجدة كم راح يصرف في السنة ايش هالاستغلال وباقي السنوات لازم يسافر .. أول مرة اشوف واحد يسافر يختبر ويرجع (عجلة التخلف مستمرة).. واشوى الحمد الله اني ما سجلت فيها وانفتح الي المجال ادرس هنا لاني ساكن في الدمام ,, وصديقي كان مسكين يروح يختبر بجدة ويسكن هناك ويستأجر سيارة ما تسوى عليه والحين سحب عليهم وجا جامعة الملك فيصل.

[نايف سلمان]

شكل الجهاز اللي يصحح الاختبار ملحوس

والله العظيم اني كنت ناجح وبعد اربع ايام شيكت على النتجة وطلعت صاقط بالاقتصاد الجزئي

[محترف]

المسؤولين ماينفع فيهم الا الإعلام

[بدر الشمالي]

المشاركة الأصلية كتبت بواسطة الهادئ

شكرا ياجامعة الملك فيصل فانت الافضل ولا يشكك فيك الا من يعتقد ان الجامعة سوق يشتري الشهادة بماله , والله انا ماني الافضل ولا كني اقول الحق شوفو جامعة الملك عبد العزيز واحمدو ربكم الترم عندهم ب3 الاف لو مااخذت الا ماده ولازم تروح تختبر عندهم ولا محاضرات على البلاك بورد ولاهم يحزنون بس ابن ادم مايعجبه العجب



اللهم لك الحمد اني من طلبة جامعة الملك فيصل

كلامك صحيح 100%

أقسم بالله أن بعض الطلاب لايستحون ولاينتخون درجاته زي وجهه ودوخ أم العالم ظلموني ظلموني ... واللي يقول كنت ناجح وبعدين رسبوني واللي واللي ... أغلبيه الطلاب تفكيرهم مايرتقي لمستوى الجامعة . حدهم ثانوية وتخب عليهم .

[محترف]

انا أرى انكم انحرفتوا عن محتوى الخبر الذي يتعلق بأنظمة الجامعة

ماحد تكلم على الرسوم يا اخوان

المتظلمين في الخبر المنقول ، يتكلمون عن حصولهم على صفر ... ص ف ر
والبقية شي طبيعي انهم بيستاؤون لما يحصل انه ناجح .. ويرجع ثاني يوم ويلقاها متغيرة .. هنا الوضع يخوف

ماهي مسألة مذاكرة او لا

[أشواااااق]

المشاركة الأصلية كتبت بواسطة إبتسامة

وعن وجود الأصفار في درجات الطالب، أبان ان «من حصلوا على الأصفار في بعض المقررات أو كلها، هو وجود أخطاء لديهم في بياناتهم الشخصية، بسبب عدم تظليل الرقم الجامعي، والسجل المدني، أو أخطاء في تعبئة البيانات ونحوها في ورقة الإجابة الخاصة بالاختبارات. ما جعل من الصعب التعرف على حالاتهم، وهم بذلك يتحملون مسؤولياتهم في ذلك» موضحاً أنه «بإمكان الطلبة الذين تعرضوا لهذه المشكلة؛ إرسال بياناتهم على الفاكس رقم «035896119».

هه

أرسلت من قبل أمس وللحين ماتغير شيء -_-

الله يعيننــآ عليهم بس !


بالتوفيق

[طلال عبدالعزيز]

المشاركة الأصلية كتبت بواسطة الهادئ

شكرا ياجامعة الملك فيصل فانت الافضل ولا يشكك فيك الا من يعتقد ان الجامعة سوق يشتري الشهادة بماله , والله انا ماني الافضل ولا كني اقول الحق شوفو جامعة الملك عبد العزيز واحمدو ربكم الترم عندهم ب300 الاف لو مااخذت الا ماده ولازم تروح تختبر عندهم ولا محاضرات على البلاك بورد ولاهم يحزنون بس ابن ادم مايعجبه العجب



اللهم لك الحمد اني من طلبة جامعة الملك فيصل

لا اخوي حنا عاجبتنا الجامعه لكن نظامها اللي كل يوم شكل ودائما معلق هو اللي ماجبنا ولمعلوميتك ترى المواد في جامعة الملك عبدالعزيز اسهل بكثير من هنا وانا سبق اني انتسبت هناك واقرب مثال مادة المحاسبه 1 قارنها بالمحاسبه عندهم هذا غير ان كل ماده فيها حذف هنا مافيه شي اسمه حذف لبعض الدروس معاملينا كأننا طلاب انتظام وفاضين ياأخي غالبيه اللي يدخلون انتساب موظفين وفيه ناس متزوجين يعني وقتله مو فاضي كل يوم يشوف محاضرات
انا شخص دوامي ينتهي الساعه 5 العصر من السبت للخميس ارجع للبيت اريح شوي بعدين اشوف التزامات البيت ما القى فرصه الا الجمعه افتح المحاضرات وشلون بحصل وقت اراجع كل المواد ؟؟

[طلال عبدالعزيز]

المشاركة الأصلية كتبت بواسطة بدر الشمالي

كلامك صحيح 100%

أقسم بالله أن بعض الطلاب لايستحون ولاينتخون درجاته زي وجهه ودوخ أم العالم ظلموني ظلموني ... واللي يقول كنت ناجح وبعدين رسبوني واللي واللي ... أغلبيه الطلاب تفكيرهم مايرتقي لمستوى الجامعة . حدهم ثانوية وتخب عليهم .

اخوي عيب الكلام هذا ( لا يستحون ولا ينتخون درجات زي وججه ) ماله داعي ولو ان صارلك ما صار لنا كان ما قلت الكلام هذا

تخيل انك تشوف نتيجتك ناجح وبعد يومين تحصل نفسك حامل كذا ماده بتسكت ؟؟ اسألك بالله تسكت ؟؟ يااخي اذا الله وقفك وكنت ناجح وما تغيرت درجاتك لا تتكلم عن الناس المقهوره قل خيرا او اصمت

[عزيز حمد]

تبون الصراحة ......... المفروض الي ناجح يحمد ربه ولي تغيرت درجاته صراحة قهر من حقهم يفضفضون ما في خاطره صراحة قهر اشوف درجاتي ناجح وبلغ العالم اني ناجح وبعدين اكون راسب

اما نظام الجامعة نتمنى اكثر صراحة وشفافية زي نظام النتائج النهائية ما قدرت اشوفها الا الساعة 6 الصباح يوم الخميس
طيب وين تسجيل المواد الا يقولون الأربعاء ؟؟؟
اتوقع ما راح يفتح الا بكرى ... هذا اذا فتح

تحياتي لكم