|
منتدى كلية الجبيل الصناعية منتدى كلية الجبيل الصناعية ; مساحة للتعاون و تبادل الخبرات بين طلاب كلية الجبيل الصناعية و نقل آخر الأخبار و المستجدات . |
![]() |
|
أدوات الموضوع |
![]() |
#11 |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
الاخوان كفو ووفو الله يجزاهم خير
اقرا عن اتخصصات واقرا ردود الشباب وان شاء الله تقدر تختار التخصص اللي يناسبك. .. فيه نقطه بخصوص البكالوريوس والدبلوم ، مثل ما قالو الاخوان فرص الوظيفه لطلاب الدبلوم اعلى بكثير من البكالوريوس انا خريج تخصص هندسة كيميائيه دبلوم وانا الان موظف في سابك كـ مشغل operator. وعلى فكرة انا كلموني سابك لعمل مقابله شخصيه وانا ما زلت طالب (سويت المقابله قبل نهاية برنامج التدريب التعاوني الي يعتبر اخر كورس تاخذه في الكلية قبل ما تتخرج ويكون التدريب في احد الشركات كسابك او ارامكو او غيرها لمدة ترم كامل) .. ووقعت العقد بعد ماتخرجت بأسبوعين تقريباً .. وازيدك من الشعر بيت ، كل طلاب دفعتي اللي هم كيميكال كلموهم سابك لعمل مقابله وظيفه ، وتم قبول فوق الـ 80% منهم ، والان هم موظفين رسميين. اما طلاب البكالوريوس ياخذون وقت على ما يجيهم عرض من الشركات ، ودائما تكون مقابلة الوظيفه الخاصه بهم اصعب نسبيا من مقابلة الوظيفه الخاصه بطلاب الدبلوم. هذا اللي عندي ، ولا تنسى اخوك من صالح الدعاء |
التعديل الأخير تم بواسطة خرّيج الجبيل ; 2015- 1- 17 الساعة 06:53 PM |
|
![]() |
![]() |
#12 |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
^^
طيب ياليت تفيدنا بكيف الرواتب بسابك لنفس التخصص وكم كان معدلك يوم كلموك؟ |
![]() |
![]() |
#13 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
جزاك الله كل خير .. ما قصرت يا بعدي الله يسهل امورك ويرزقك الحياة الرغيدة في الدنيا والجنة في الآخرة .. .. ياليت يالغالي تعطينا لو نبذة مختصرة عن طبيعة عملك هناك وكيف الدوام واهم شيء هل اللي درسته كله فادك هناك ولا ندرس شيء ونشتغل على شيء ثاني وهل متوقع منك انك او ما تبدا العمل تكون عارف كل شيء او لك فترة تكون فيها تحت التدريب .. .. في إنتظارك |
|
![]() |
![]() |
#14 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
الحمدلله معدلي كان عالي ( فوق 3 من 4) ، وكلموني سابك وانا في نهاية فترة التطبيق (الكو أب) وقالو لي انهم يبون يسوون معي مقابله عمل في التاريخ الفلاني في مخيم أحدى شركات سابك. ويكون بعلمك ان شركه سابك كلمت تقريبا وبلا مبالغه أكثر من نص دفعتنا سواء الكيميكال أو البوليمر ، واغلب الشباب انقبلو في سابك ... الغالبيه انقبلو كـ مشغل وبعضهم مانقبلو كـ فني مختبر. يعني لاتشيل هم التوظيف ، ان شاء الله الوظيفه مضمونه. بالنسبه لسابك .. خريج الكلية يدخل على قريد 8 ، بعكس خريج الثنوي اللي يدخل على قريد 6 ، أما المهندس يدخل على قريد 10 مباشره. وبالنسبه لراتب المشغل قريد 8 في سابك: * راتب اساسي = 6890 ريال * بدل سكن = 2500 ريال (25% من الراتب الاساسي) * بدل المواصلات = 689 ريال (10% من الراتب الاساسي) * بدل الشفت = 1033 ريال ( 15% من الراتب الاساسي) * وعندكم التأمينات الاجتماعيه وساند يخصمون تقريبا 950 ريال من الراتب. يعني مجموع الراتب الشهري تقريبا = 10.000 ريال طبعا بالنسبه للاوبريتر أو المشغل ، عندهم برنامج اسمه JQP ... طبيعه عمل الاوبرتر تكون في المصنع ، والمصنع يتكون من عدة أقسام أو عدة AREA .. مثلا المصنع اللي أشتغل فيه يتكون من 6 أقسام. كل قسم من اقسام المصنع هذي ماسكها مجموعه مشغلين. برنامج الـ JQP يتيح للاوبرتر أنه يمسك أكثر من قسم كل سنه ، يعني يقدر المشغل في كل سنه ياخذ قسم جديد من المصنع .. طبعاً كل ما تخلص قسم من المصنع رآح يزيد عندك الراتب الاساسي بمقدار 400 ريال تقريبا ، ويما ان الراتب زاد ، راح تزيد عندك البدلات مثل بدل الشفت وبدل المواصلات .. يعني احتمال بعد ما يكمل الموظف سنتين وينهي قسمين من المصنع راح يزيد عنده الراتب من 10 الاف الى 13 ألف تقريبا ، هذا بدون الاوفر تايم اللي هي ساعات العمل الاضافيه مثل ايام العمل في الاعياد واليوم الوطني ورمضان وبونص أخر السنه... فهمتم طريقه البرنامج هذا!!!!!!!!! طبعاً ، دوام الاوبريتر يكون شفتات ، صباح واول ليل واخر ليل .. يعني اجازتك أو الاوف تبعك ما راح يكون مثل باقي الموظفين خميس وجمعه .. مرات يوافق خميس وجمعه ومرات ما يوافق. .. هذا اللي عندي ، اتمنى اني افدتكم ... وأي سؤال انا حاضر لا تنسون أخوكم من صالح الدعاء |
|
التعديل الأخير تم بواسطة خرّيج الجبيل ; 2015- 1- 25 الساعة 12:58 AM |
||
![]() |
![]() |
#15 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
المصنع اللي اشتغل فيه هو مصنع لإنتاج الإيثيلين والبروبيلين .. ويتكون المصنع من 3 أقسام رئيسيه عندنا وهي: 1- الافران : هنا يأتي الفيد من ارامكو ، ويصير للفيد هذا عملية ****نق (تكسير) بحيث يطلع لنا أكثر من منتج 2- الكومبرسرات: هنا يتم فيها معالجة الغازات اللي تم تكسيرها في الافران والتحكم بدرجة حرارتها وازالة العناصر المضره منها 3- أعمدة الفصل: هنا يتم فصل هذي الغازات عن بعضها البعض بحيث نخلي كل منتج مستقل عن الاخر. طبعاً بالعاده اذا كان المصنع ماشي تمام بدون اي مشاكل ، يكون الاوبريتر مرتاح وماعنده شي يسويه .. لكن احيان يصير فيه زيادة في درجة الحراره أو الضغط مثلا في أحد الاجهزه مثل الكومبرسر ، هنا يأتي دور الاوبرتر بالتعامل مع هذه المشكله وحلها. - بالنسبه للمواد اللي درستها في الكليه .. فعلا كانت مفيده جدا لي ، وكل شي درسته بلا استثناء شفته على ارض الواقع في المصنع.لأنه تم وضعي في القسم المناسب للتخصص اللي درسته في الكلية - لكن بالمقابل ، بعض الشباب اللي من نفس تخصصي قبلوهم سابك كـ فنيين مختبرات ، رغم ان هذي الوظيفه مالها اي علاقه بتخصصنا وما اخذنا الا شي بسيط عنها..طبعاً عندنا تخصص بالكلية اسمه كيمياء صناعيه كل دراستهم عن الكيمياء والمحاليل ووظيفه فني المختبرات هي وظيفتهم المناسبه لهم لانهم دارسين كل شي عنها ... - وأزيدك من الشعر بيت ، بعض الشباب اللي عندي بالشفت خريجين تخصص ميكانيكا!! ويشتغلون معي في قسم التشغيل operation وهو قاسم مالهم اي علاقه فيه ، ولكنهم اضطرو يتوظفون فيه لحاجتهم للوظيفه بالنسبه للتدريب .. -أول ما دخلت الشركة ، داومت شهر ونص تقريبا انا و 4 من الشباب الجدد مع الترينر اللي هو المدرب الخاص بالمصنع حقنا .. دوامنا كان صباحي زي المهندسين والمنجر والسبيشلست من 7 الى 3 ونص... كان المدرب كل يوم يشرح لنا بشكل بسيط عن المصنع ومن ايش يتكون والمنتجات اللي يتم انتاجها ، واعطانا فكره عن كل قسم في المصنع ،، وعطانا معلومات عن السيفتي وكيف نتصرف وقت الحالات الطارئه ،، واستلمنا اليونيفورم الخاص بالشركه مع ادوات السلامه - بعدين حولنا شفتات ، حط كل واحد في قسم معين في المصنع وقسمنا الاربعه على الشفتات الأربعه الموجوده ، يعني حط كل واحد لحاله .. دخلت الشفت حقي وتعرفت على السوبرفايزر والشباب اللي معي في الشفت ، أول يوم قعدت مع السوبرفايزر وعطاني الخطة العمليه الخاصه فيني وطلب مني اني انهي الخطه هذي خلال المده المحدده واللي هي 4 شهور ، يعني خلال اربع شهور أتعلم الاشياء الموجوده في الخطه عن طريق الكتيب الخاص بالقسم تبعي وعن طريق الشباب اللي يشتغلون في نفس القسم حقي .. وبعد اربع شهور قال لي ان المدرب راح يسوي لي اختبار نظري وعملي ، واذا عديت الاختبار راح اصير مؤهل اني امسك القسم حقي لحالي وراح استلم شهاده وزياده 400 ريال على راتبي. طبعا خطه العمل تختلف من قسم لقسم .. مثل ماذكرت لك ان البلان حقي كان 4 شهور اتعلم فيه واطلع برا مع الشباب المصنع واتعلم منهم. .. هذا اللي عندي وسلامتك .. اي سؤال انا حاضر |
|
![]() |
![]() |
#16 |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
ماقصروا الاخوان يعطيهم العافيه..
|
![]() |
![]() |
#17 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
يعطيك العافية آخوي على المعلومات القيمة ... بسألك بخصوص التطبيق ... آنآ المفروض اطبق بالصيف الجآي .. ومآعرف شي ابد عن التطبيق .. ف ياليت تعطينآ نبذه عنه ~ آقصد من ناحيه الريبورتات وكذا يعني .. و وش تنصحني... آنتظر الكلية تبحث لي عن شركة آو أبحث انا بنفسي ؟ وعندي سؤال ثاني .. بس شوي ملقوف ![]() آنت تشتغل فالمتحدة ؟ |
|
![]() |
![]() |
#18 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
التطبيق هو برنامج تعاوني بين الكلية والشركات.. الغرض من هذا البرنامج تعريف الطالب على طبيعة عمله بعد ما يتخرج. يعني انا خريج تقنية هندسة كيميائيه وطبقت في سابك .. تعلمت في فتره التطبيق اشياء كثيره وشفت اغلب الاشياء اللي تعلمتها في الكلية في الشركه اللي طبقت فيها ... انا درست في الكلية بعض المواد اللي تتكلم عن المضخات والصمامات والمبادلات الحراريه واعمده الفصل وشفت نماذج مصغره لها في معامل الكلية ، لكن يوم دخلت الشركه شفت كل هذي الاشياء بشكل أكبر وأدق .. وفيه اشياء كثيره استفدت منها خلال فترة التطبيق. التطبيق مدته 4 شهور ( 15 اسبوع) .. كل اسبوع مطلوب منك كتابة تقرير اسبوعي ما يتعدى نص صفحه ويتم توقيعه من رئيسك او مشرفك في الشركه ، تجمع كل التقارير هذي بعدين ترفقها مع الريبورت النهائي + فيه نموذج تحضير بحيث يحضرك رئيسك كل يوم ، ويتم ارسال نسخه منه الى الكلية كل خمس اسابيع عشان تتاكد الكلية انك تحضر للشركه. + تقرير نهائي ما يقل عن 20 صفحه تتكلم فيه عن تجربتك في الشركه اللي طبقت فيها واهم الاشياء اللي استفدتها..الخ + برزنتيشن تقدمه لبعض الدكاتره من قسمك تتكلم فيه عن تطبيقك. طبعا قبل التطبيق راح يسوون لكم زي الدورة التعريفيه بالتطبيق وبيوزعون عليكم النماذج الخاصه بالشركات وبيعلمونك كل شي .. لاتشيل هم الكلية مسؤوله عن توفير برنامج تعاوني لكل الطلاب بدون استثناء ، لكن اللي حاب يجيب شركة من عنده يقدر يستلم نموذج خاص من مسؤول التطبيق ويختار الشركة اللي يبيها بحيث تعبيه هذي الشركه بعدين يسلم النموذج مره ثانيه لمسؤول التطبيق في الكلية عشان يعتمد له الشركة اللي اختارها. أشهر الشركات اللي تاخذ طلاب من الكلية : سابك ، ارامكو ، شلمبرجير ، شيفرون ، تصنيع ، بيكرهيوز ، نابكو ، الهيئة الملية بالجبيل ، وغيرها. ... .. . بالنسبه لسؤالك الملقوف ![]() أنا طبقت في شركة المتحده .. كيف عرفت اني كنت بالمتحده ![]() حالياً انا موظف في احدى شركات ولست في شركة المتحده. |
|
![]() |
![]() |
#19 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
يعطيك العافية آخوي , و آنا توقعت آنك بالمتحدة لآنك قلت في رد #15 : "المصنع اللي اشتغل فيه هو مصنع لإنتاج الإيثيلين والبروبيلين .. ويتكون المصنع من 3 أقسام رئيسيه عندنا ... " وحسب معلوماتي المتواضعه مافي غير المتحدة عندها هاذي المنتجات ,,, ~ طيب بما آنك طبقت فالمتحدة ... وش رآيك في هاذي الشركة , هل تنصحني آطبق فيهآ ؟ |
|
![]() |
![]() |
#20 | |
أكـاديـمـي
![]() |
رد: اتمنى شرح بسيط للتخصصات التقنية في كلية الجبيل
اقتباس:
كثير من شركات سابك تنتج الايثيلين .. وبعضها تنتج الايثيلين والبروبيلين معاً. .. . أما بالنسبه لسؤالك عن المتحده. أنا اشوف انها شركة ممتازه جداً رغم صغر حجمها مقارنه بباقي الشركات، وهي من أجدد شركات سابك ( تم تأسيسها في 2001 تقريبا ) ، وارباحها دائما عاليه. المباني جديده ، ومجهزه بأفضل الاجهزه والخدمات ... وبصراحه انصح بهذه الشركه سواء كانت للتطبيق او للوظيفه. بس عندي ملاحظه :: بالنسبه لتطبيق الشركات في سابك ، يكون توزيع الطلاب في الشركات بشكل عشوائي .. يعني مو انت اللي تحدد الشركه اللي تبيها يعني ممكن يحطون 4 طلاب في المتحده و 12 في صدف و 1 في كيان و 6 في بتروكيميا و 3 في كيميا .. الخ وصلت الفكره ؟؟ بالتوفيق .. |
|
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
[ أنتهى ] موعد التسجيل في الكليات التقنية للبنات 1435 - 1436 | ابواياد | آخر أخبار القبول و التسجيل في الجامعات و الكليات و المعاهد | 12 | 2015- 1- 14 12:33 AM |
موعد التسجيل في معهد الجبيل التقني 1435 - 1436 | OmarAE | آخر أخبار القبول و التسجيل في الجامعات و الكليات و المعاهد | 13 | 2014- 9- 12 05:11 AM |
إعلان نتائج الدفعه الأولى للطلبة المقبولين بجامعة الملك فيصل | جرحني بسكآت | آخر أخبار القبول و التسجيل في الجامعات و الكليات و المعاهد | 84 | 2014- 7- 3 08:47 AM |
معلومات جديدة مهمه عن البرامج والكليات المتاحة في جامعة الملك فيصل | محمد الناصر | آخر أخبار القبول و التسجيل في الجامعات و الكليات و المعاهد | 0 | 2014- 6- 13 06:10 AM |