معلومات عن كلية العلوم الزراعية والأغذية مع [ الخطط الدراسية ] لكل الاقسام .
بسم الله الرحمن الرحيم أنشئت كلية العلوم الزراعية والأغذية مع بداية إنشاء الجامعة في عام 1395هـ/1975م وبدأت الدراسة الفعلية في الكلية في خريف عام 1395هـ للطلاب وخريف عام 1398 هـــ للطالبات . علوم الغذاء والتغذية برنامج الصناعات الغذائية برنامج علوم التغذية برنامج علوم التغذية العلاجية ~~~ الأعمال الزراعية وعلوم المستهلك برنامج الأعمال الزراعية برنامج علوم المستهلك برنامج الاقتصاد الزراعي التطبيق ~~~ الإنتاج الحيواني والسمكي برنامج علوم المجترات برنامج علوم الدواجن برنامج الثروة السمكية ~~~ الاقتصاد المنزلي برنامج علوم الاقتصاد المنزلي برنامج علوم الأسرة و الطفل برنامج علوم الكساء والمنسوجات ~~~ البيئة والمصادر الطبيعية برنامج علوم البيئة برنامج علوم المياه برنامج علوم المصادرة الطبيعية ~~~ التقنية الحيوية الزراعية برنامج التقنية الحيوية النباتية برنامج التقنية الحيوية الحيوانية برنامج التقنية الحيوية الغذائية ~~~ زراعة الأراضي القاحلة برنامج علوم البساتين برنامج علوم المحاصيل برنامج علوم وقاية النبات ~~~ هندسة النظم الزراعية برنامج هندسة التصنيع الغذائي برنامج هندسة النظم الزراعية برنامج هندسة الميكنة الحقلية مع العلم ان ليست جميع الأقسام والتخصصات متوفرة للطلاب والطالبات فحسب الخطة الجديدة للكلية يتم فتح تخصص وإقفال اخر حسب رؤية الكلية وحسب الاقبال عليه مع الاخذ بالاعتبار سوق العمل وإحتياجاته. تتبع الكلية النظام الفصلي السنوي وتمنح الطالب درجة البكالوريوس بعد أن ينهي بنجاح دراسة 144 وحدة مدة الدراسة لنيل درجة البكالوريوس 4 سنوات ( 8 فصول دراسية يعادل كل منها فصل دراسي مستقل ) والخطة الدراسية كالآتي: المستوى الأول : ثقافة إسلامية - اللغة النجليزية - كيمياء عامة - رياضيات عامة - مقدمة في علم الإحصاء - مقدمة في الحاسب الآلي ~~ المستوى الثاني : عقيدة و أخلاق - احياء عامة - الفيزياء - اللغة الإنجليزية العلمية - مقدمة في علم الإقتصاد ~~ المستوى الثالث :النظام الإقتصادي في الإسلام - الكتابة و التعبير - كيمياء عضوية - أساسيات الإنتاج الحيواني و السمكي أساسيات الإنتاج النباتي - أساسيات علوم الغذاء و التغذية ~~ المستوى الرابع : النظام السياسي في الإسلام - كيمياء حيوية - مهارات الإتصال والتعلم -أساسيات البيئة و المصادر الطبيعية التقنيات الحديثة في العلوم الزراعية - هندسة النظم الزراعية. وبعد انجاز المستوى الرابع بنجاح يتاح للطالب التخصص والذي يبدأ من المستوى الخامس حتى الثامن ويمكن الإطلاع على الخطط الدراسية للتخصصات هــنــا ~~~~~~~~~~~~~~~~~~~~~~~~~~~~~~~~~~~~~~~~~~~~~~ وأخيراً نسعد بـ استفساراتكم في هذا الموضوع و في منتدى الكلية مع تمنياتي لكم بالتوفيق @Ahmed@ |
رد: معلومات عن كلية العلوم الزراعية والأغذية
الف شكــــــــــــــــــر لك زرااعي ماتقصر
|
رد: معلومات عن كلية العلوم الزراعية والأغذية
فيه تسجيل للترم الثاني بالكليه...
|
رد: معلومات عن كلية العلوم الزراعية والأغذية
يسعدكـ ربيـ زراعي رائع ربي يسعدكـ
|
رد: معلومات عن كلية العلوم الزراعية والأغذية
يعطيك العافيه
|
رد: معلومات عن كلية العلوم الزراعية والأغذية
سلامي للجميع
و الشكر ع المووضوع الرائع واود الاستفسار عن النسبة المطلوبة لهذا القسم ولكي اكون اخصائية تغذية اي قسم او فرع ادرس ... وهي بالدماام؟؟؟؟ مع الشكرر |
رد: معلومات عن كلية العلوم الزراعية والأغذية
مرحبا اختي كول فراوله ~~~~~~~~~~~~~~~~~~~~~~~~~~~~~~~~~~~~~~~~~~~~~~ مقر الكلية في الاحساء اما النسب فلا توجد نسبة محدد, القبول حسب المقاعد المتاحة في الكلية اذا كان طموحك في ان تكوني اخصائية تغذية فيه كلية العلوم الطبية التطبيقية وموجوده في الدمام لا علم لدي هل القسم مفتوح الان او لا , ولكن خريجة قسم التغذية في كلية العلوم الزراعية تحصل على مسمى "فني اغذية" لا اخصائية تغذية ومن غير الممكن ان تعمل في القطاع الصحي الا بعد حصولها على دبلوم تاهيلي صحي ~~~~~~~~~~~~~~~~~~~~~~~~~~~~~~~~~~~~~~~~~~~~~~ تحياتي لك |
رد: معلومات عن كلية العلوم الزراعية والأغذية
الســلام عليكم تـــــحياااتــي لكـ // اخوي :: زراعي :: اشكرركـ ع ردكـ الوافي ,, ولكن لم افهم كـلامكـ بااخر سطر .. ومن غير الممكن ان تعمل في القطاع الصحي ....... تقصد في ذالكـ فني التغذية ام اخصائية مع الشكر |
رد: معلومات عن كلية العلوم الزراعية والأغذية
السسلآم عليكم ورحمة الله وبركآتهـ
ـآخوي زراعي يعني اذا تخرجت من قسم التغذيه ماراح اكون اخصائية تغذيه واذا ابي اكوون اخصائية تغذيه وين ادرس؟ |
رد: معلومات عن كلية العلوم الزراعية والأغذية
[align=center]
ومن اين يمكن الحصول على الدبلوم التأهيلي الصحي؟ [/align] |
رد: معلومات عن كلية العلوم الزراعية والأغذية
من سنة الى سنة تقريباً تعلن المستشفيات التخصصية الكبيره والمدن الطبيه ومستشفيات الحرس الوطني
عن هذه الدبلومات مثل هذا الاعلان الي كان قبل اشهر اقتباس:
|
رد: معلومات عن كلية العلوم الزراعية والأغذية
اخوي احمد بس لفت انتباهي بالاقتباس اللي فوق لدوره اللي سنتين قسم اقتصاد منزلي
يعني اللحين قسم التغذيه كلية الزراعه بالاصح هو اقتصاد منزلي او ايش الله يعافيك فهمني لاني خفت انه يكون اقتصاد ومغيرين المسمى فقط |
رد: معلومات عن كلية العلوم الزراعية والأغذية
اختي
اقتصاااد منزلي الكليه العلميه التغذيه كلية الزراعه ليوومكم ماافي شي عندنا اقتصاااد منزلي |
رد: معلومات عن كلية العلوم الزراعية والأغذية
يعطيك العافيه
|
رد: معلومات عن كلية العلوم الزراعية والأغذية
امممم
يعــني اللي يتخرج مـنهـآ درس 4 سنيــن وش مستقبله !! |
رد: معلومات عن كلية العلوم الزراعية والأغذية
انا بقولك من الي شفتهم تجارب حولي
العيله الكريمه فيها كثير معيد بالكليه مهندس زراعي مهندس غذائي فنية اغذيه واعرف وحده متخرجه من قسم علو غذاء وتغذيه الحين هي في مستشفى الحرس الوطني بالحسا في المختبر تبع التحاليل وحده ثانيه تشتغل في مستشفى الملك فهد مع اخصائيه الاغذيه ولكن هي مو اخصاائيه فنيه اغذيه هاااذي تجاارب من هو شفتهم |
رد: معلومات عن كلية العلوم الزراعية والأغذية
الكليه موجوده بحي محاسن ؟
او الهفوف ؟ او كلهم حي واحد ؟ |
استفسار
السلام عليكم
عندي استفسار متى دوام طلاب كلية العلوم الزراعية والاغذية للطلاب المستجدين اول سنة يعني من الساعة كم الي الساعة كم والي من الدمام ويبي يداوم بالقطار على اي رحلة يروح واي رحلة يرجع ومبروك عليكم الشهر :119: |
رد: معلومات عن كلية العلوم الزراعية والأغذية
الجامعه بالهفوف
وينها ووين محاسن محاسن في المبرز |
رد: استفسار
اقتباس:
الدراسة تبدأ في 16/10 ان شاء الله تعالى وما فيه شي اسمه الدوام من الساعة كم الى الساعة كم !!!! لان انت راح تحط جدولك وتختار الاوقات الي تناسبك كذلك قد تطر لتسجيل محاضرات في العصر اذا كانت الشعب مغلقة تحياتي لك ... |
وآلله لا آدعي لكم سـآآآعدوني طـآلبه جديدة :)
آلسلام عليكم ورحمه آلله وبركـآآته
كل عـآم وآنتم بخير آنآ آنقبلت معكم :) بس نـآآآس كثير آنتقدوو لي هـآلقسم وآنه مـآله مستقبل ومن هـآلكلام وهل هذآ آلشي صحيح ؟ وكيف آلدرآآآسه فيه صعبه ؟؟ وفيه آقسـآم جديدة ؟؟؟؟؟؟؟ آنـآ آقبلتني آلتقنيه دعم فني وش رآيكم آحسن ولا ؟؟ ولا آجلس بآلبيت وآقدم آلسنه آلجـآيه يمكن آنقبل مكـآن آزين ؟؟ آلله يوفق كل من يرد علي ويعطيني معلوومـآت عن آلكليه لآنه لحآآآآآآآآآآلي مآعرف آحد وحييل خـآيفه :( |
رد: وآلله لا آدعي لكم سـآآآعدوني طـآلبه جديدة :)
طيــف والله انا بعد توني انقبلت فيها ., بس انا مابقيت حد ماسئلته بشكل عااام يمدحونه ويقولون ان حلووو
وان مستقبله كويس .. بس اهم شي ان يكوون تخصصك كويس مثل هندسه زراعيه او علوم غذائيه انا خلاص قدمت اوراقي ,, وان شااء الله خير |
رد: وآلله لا آدعي لكم سـآآآعدوني طـآلبه جديدة :)
اقتباس:
اتمنى ما تضيعين هالفرصة عليك بالتوفيق .... |
رد: معلومات عن كلية العلوم الزراعية والأغذية
اقتباس:
الدعم الفني يعني دبلووم بكلية التقنيه نااس كثير تدخلها وتطلع ماتكمل وحراام تضيعين فرصتك بدبلووم اقري ردود الاعضااء وتعرفين مستقبل الكليه |
استفسار اتمنى ردودكم
السلام عليكم ورحمة الله وبركاته
اخواني واخواتي انا انقبلت في كلية العلوم الزراعية والاغدية وانا مو من الاحساء وباكون مسافرة اول اسبوع من الدراسة حبيت اسال هو ياثر والا لازم حضوري والا مانداوم اتمنى ردودكم وشكرا |
رد: استفسار اتمنى ردودكم
المتعارف علية أن أول أسبوع مايأثر ولايحسب الغياب <<<< صديق سوء ههه
لأن أسبوع الاول يكون فية تعديل جدول وتغيير مدرسين على على ماأعتقد هاذا والله أعلم |
رد: معلومات عن كلية العلوم الزراعية والأغذية
همسااات مايحتاج تداومين اذا تبين تتعرفين على الجامعه والمباني تعالي يوووم ورجعي
|
رد: معلومات عن كلية العلوم الزراعية والأغذية
ل تداوم يابنات تسوي جدول ضروري
أنا العام جيت أداوم ثاني اسبوع قالوا ماسويتي جدول ومايصلح تدوامين اللحين أنتي اتصلي عليهم واسالي الكليه أفضل شيء |
رد: معلومات عن كلية العلوم الزراعية والأغذية
الجداووول تسوووينهها بالنت
عن طريق البااانر مافي شي هناك تروحين تضبطين جدولك فيه |
طالبه جديده عندها كم سؤال =)
السلام عليكم
شخباركم =) صيام مقبول ان شاء الله انا انقبلت في كليه العلوم الزرآعيه في الدفعه الرابعه الي قبل الاخيره وارسلت اوراقي ع البريد الممتاز بس للحين ماردو عليي ؟؟ احد يعرف متى الرد ؟ وبعد الرد في اختبار ومقابله ولا كيف تحياتي لكم :) |
رد: طالبه جديده عندها كم سؤال =)
هلا والله بأختي معنى الهدوء انا انقبلت العام الماضي بالكليه
لكن خلاص اذا رسلتي اوراقك انتي مقبوله ولا فيه مقابله ... اهم شيء انك راسله اروقك ولو فيه مقابله كان سمعنا لكن مافي مشكله اذا استفسرتي اكثر ... وهم مايردون .. |
رد: طالبه جديده عندها كم سؤال =)
اهاا يعني خلاص انقبلت نهائي
مشكووره خيتي مكسوره ع الرد يعطيج ربي العافيه :) |
رد: معلومات عن كلية العلوم الزراعية والأغذية
اخوآتي الي تقدر تفيدني اكثر بلييييز لاتقصر ؟
|
رد: معلومات عن كلية العلوم الزراعية والأغذية
معنى الهدوء
ادخلي على بوابة القبول الي عرفتي انك انقبلتي فيها جنب رغبة الزراعة اذا شفتي ( تم وصول الوثائق وقبولك نهائياً علما ان موعد الدراسة ...إلخ ) معناها تم قبولك بشكل نهائي تحياتي لك |
آستفسسآر طآل عمركم ..!
آول شي آنآ طالبه مستجده في آلعلوم آلزآعيه وآلاغذيه َ
آبي آعرف وين المبنى ..؟ وكيف آللبس ..؟ وشش آقسآمه و وش مسستقبلهم ..؟ وش آلموآد اللي بآلسنه آلاولى .. آمممممم .. وكم المكآفأه .. لان سمعت آنه 1500 :c8: ليش يعني الزرآعه غير ..؟ وبآلأأخير آهم شي آلدرآسه ومآنبي شي =) بس ياليت تجآوبوني بسسسسرعه .. |
استفسار بخصوص الكلية ... بليــــــــززز
صبـاحكم / مسـائكم .. روقـآإآن وراحــة بآإآل ... أنا أنقبلت بكلية العلوم الزراعية والأغذية وكلية العلوم وكلية الآداب بس أنا ماأبي مستقبلي تدريس لأن حلمي كان إدارة أعمال بس الله ماكتب :011: عشان كذا قررت أنو أقدم أوراقي على كلية العلوم الزراعية بس اللي حولي حطموني كثيررر بإتخاذي هالقرار ... وعندي كذا استفسار وأتمنى تردون علي .. أولا : برأيكم قراري اللي أتخذته صح أو لا ؟؟؟ ثانيا : وش مستقبلي بعدين ...؟!! ثالثا : قريت بأن فيه تخصص اسمه الإقتصاد التطبيقي وانو مستقبله الوظيفي .. بنك << ابي أتأكد من صحة الخبر .. رابعا : وين مبنى الكلية هل داخل الجامعة أم مستقل ( خارج الجامعـة ) .. بليــز إذا فيــه تخصص لـه علاقــة بـإدارة الأعمــال بشرووونـــي وبليـــز أبــي أحـد يرفــع معنويــاتي :Cry111: .. << متحطمـــة حــدها خخخخخ ســوري أدري استفساراتي كثيررر بس مالي الا أنتم ... تقبلــــوا تحيـــاتي .... |
رد: استفسار بخصوص الكلية ... بليــــــــززز
صبااااحك أروق ..
* شوفي أختي لاتخلين أحد يحطمك لو مين ماكان .. ربي كاتب لك تدرسين فيها وربك أدرى باللي يصلح لك وأكيد انه خييره .. وأكييد اللي حولك ما درسوا في هالكليه عشان يحكمون . يعني ان شاء الله اذا درستي وعرفتي وش فيها يمكن ترتاحين .. * واذا على مستقبلك في موضوع كاتبينه ادخلي شوفيه .. * هو ما أدري اذا هذا هو التخصص ولا لا . بس صديقه اختي في هالكليه وتقول انه التطبيق في البنوك أو انه اذا تخرجت تشتغل في بنك .. ان شاء الله اكون أفدتك وربي يووفقك ويسهلها عليك :love080: .. |
رد: معلومات عن كلية العلوم الزراعية والأغذية
اقتباس:
مافي مبنى معين كل الي عليك بعد ماتسوين جدولك تشووفين اي مبنى واي قاعه واذا على ادارة الكليه بمبنى 27 الدور الاول على اليسار اللبس مفتوووح اي شي تلبسين عدا الكت والبنطلوون الاقساام في قسمين غذاء وتغذيه والتطبيق في المستشفى وفي علوم مستهلك والتطبيق بالبنك المستقبل يعتمد على معدلك وفي اشياء كثيررر بتلقين لي رد في الخطط الدراسيه وكلها مواد عاامه واغلب الاشياء درسنها بالثانوي المكافاه 1000 ريال لانها قسم علمي اما 1500 السنه المااضيه قالوا لانه مجلس الشورى وافق عليها والى الان وزاره التعليم العالي ماوافقت وربي يوفقك |
رد: معلومات عن كلية العلوم الزراعية والأغذية
اقتباس:
ياااااهلا فيك اختي ياارب لك راحه البال دوووم قرارك سليم مافي اي شي يخليك تتحسفين بشهاده العلوم الزراعيه كثير اماكن بالبنك والمستشفى والتدريس وبعدين بقولك كثير يققولووون الكليه مالها مستقبل لو تحصل لهم مايقولون لاء والي مايعرف مايفيد بشي وصحيح علوم المستهلك تطبيقه بالبنك والمبنى ماافي الى الان مبنى معين بكل المبااني تدرسين والاداره في مبنى 27 الدور الاول والى الان هوو يسووونه ربي يوووفقك يااارب ولاتتحطمين ترها مره حلوووة وبتستاانسين على الدكاتره لانهم يسااعدون بس بتتعبين شوووي في السنتين الاوليتين لانه المواد العامه من كليات ثانيه والدكاتره حقتهم شووووي مو يساااعدون واحسن لك جيبي معدل حلووو وكملي ماااجستير فيها :119::119::119: |
رد: معلومات عن كلية العلوم الزراعية والأغذية
Lubna.H ثـآنكـس قلبوـوـو ... تسلميـــن لبآإآ قلبـكـ :love080: ,, ويــآإآك يــآإآرب ... |
رد: معلومات عن كلية العلوم الزراعية والأغذية
كولكشن الوان .. تسلميــن لبآإآ قلبـكـ :love080:.. ويـآإآكـ يـآإآرب ,, اللـه يجـزاك خير رفعتـي شـوي من معنويـاتي وأنا بسـوي اللي علي والبـاقي ع اللـه .. ثــآإآنكس قلبـــوـوـو ... |
رد: معلومات عن كلية العلوم الزراعية والأغذية
السلام
اللحين باءذن الله لو انقبل خطابي بيكون اول اسبوع كيف ارتب جدولي بالضبط يعني كيف اعرف من دكاترة سنه اولى والايام والاوقات وكذا اقدر اعرف من موقع الجامعه ولا ضروري اروح الكليه ابي شرح مفصل جزاكم الفردوس لان العام كانت هاذي مشكله لي |
رد: معلومات عن كلية العلوم الزراعية والأغذية
كان المفروض انك تسجلين مع الطلاب القدامى "التسجيل المبكر"
وتأكدين التسجيل في الاسبوع الاول ولكن بما انك ما سويتي هالشي تسجلين مع الطالبة المستجدين اول اسبوع |
رد: معلومات عن كلية العلوم الزراعية والأغذية
طيب
كيف الطريقه وكيف اعرف الدكاتره والمواد حق سنه اولى والاوةقات لاني من جد محتاااااااسه جزاكم الفردوس |
رد: معلومات عن كلية العلوم الزراعية والأغذية
مااكبر احلامي لي رد بخصوووص التسجيل شوووفيه
|
رد: معلومات عن كلية العلوم الزراعية والأغذية
عطيني الرابط كولكشن الله يعافيك
|
رد: معلومات عن كلية العلوم الزراعية والأغذية
اقتباس:
هذا هوووو اكبر احلامي ربي يوفقك |
رد: معلومات عن كلية العلوم الزراعية والأغذية
شـكــ وبارك الله فيك ـــرا لك ... لك مني أجمل تحية .
|
رد: معلومات عن كلية العلوم الزراعية والأغذية
السلام عليكم ورحمة الله ...
انا اقبلتني كلية العلوم الزراعية وطموحي اكون اخصائية تغذية بس من الكلام اللي انا قريته هنا حطمني ابي كيف ادرس السنة الاولى وكيف اتخصص وابي رد ضروري توقعون اي احسن كلية الصيدلة ام كلية العلوم الزراعية؟؟ |
رد: معلومات عن كلية العلوم الزراعية والأغذية
وين الررررررررررررررررررد
|
رد: معلومات عن كلية العلوم الزراعية والأغذية
بتردون علي ولا دورت لي احد ثاني تراني زهقت من كثر ماسأل
|
رد: معلومات عن كلية العلوم الزراعية والأغذية
الله يكون في عوني انصحوني الناس اجي هنا بس شكلي ماني لاقية رد
|
رد: معلومات عن كلية العلوم الزراعية والأغذية
اقتباس:
تدرسين السنتين الاولى مواد عامه من جميع الكليات تكون بعدها تتخصصين علوم مستهلك او علوم غذاء وتغذيه وليه متحطمه ربي كتب لك وخيره ياارب لك اهم شي الاجتهاد ولكل مجتهد نصيب وبعدين بشوويش اكيد مافي رد الحين صباااح ومافي احد يدخل وبعدين انتي تسالين عن شي شتان فيما بعض اكيد الصيدله افضل وكل كليه ولها مجااالها لكن الشخص يصنع مستقبله ولا يوقف حلمك وطموحك على رغبه ومن رضى بالقليل وحمد ربه عليه ربي يعوضه خيررر والله الموفق :praying: |
تكفوووووووووووووون ساعدوني بلييييييييز
السلام عليكم ورحمه الله وبركاته
كيف حالكم ؟؟؟؟؟؟؟؟؟ أنا ولله الحمد أنقبلت بهالكليه بصير مزارعه ههههههههههههههههه وديت اوراقي وما وديتها إلا لاني ابي تخصص تغذيه علاجيه ومعي صديقتي فديتها أنقبلنا مع بعض طيب بعد ما وصلت لهم اوراقي ايش اسوي الحين تكفوووووووووووووون خبروني ويا حلوات انتو يا صبايا ابي اتعرف عليكم عشان هناك نكون ايد وحده موافقين انتظر ردودكم وفيه كلام كثيييير موجود ما فهمته معناااااااه جاااوبوني |
استفسار مهم جداً
انا والحمد لله انقبلت بس ابي اعرف وين الرقم الاكاديمي وما عندي شهاده الاصل عندي طبق الاصل تنفع ولا لا :t1::000: |
رد: استفسار مهم جداً
الرقم الاكاديمي هو الرقم التسلسلي الي موجود على ورقة البريد الممتاز
اما الشهادة ما تقبل غير الاصل بس |
رد: تكفوووووووووووووون ساعدوني بلييييييييز
ما فيه تخصص تغذية علاجية في الكلية الان
فيه الاقتصاد الزراعي علوم الاغذية ويدمج الموضوع لان العنوان مخالف |
رد: معلومات عن كلية العلوم الزراعية والأغذية
يعني ما في امل
|
رد: معلومات عن كلية العلوم الزراعية والأغذية
في امل
اذا افتحته الكليه لانه مسكر الى يومك موجود بس اسم بالموقع الي مفتوح حاليا علوم الغذاء والتغذيه & علوم مستهلك فقط |
رد: معلومات عن كلية العلوم الزراعية والأغذية
ممكن لو سمحتو يا بنات حد يعطيني رابط حق التخصصات الموجوده بالكليه و اماكن التوظيف بالمستقبل لاني حسست موقع الجامعه و ما عرفت من وين ؟؟؟
فهمتو وش اقصد .. يعني اقصد انو مثلا .. علوم مستهلك << التطبيق يكون ببنك و هكذا .. ابي رابط اللي الموجود بموقع الجامعه .. |
معرف بجامعه الملك فيصل
السلام عليكم ورحمه الله وبركاته
اخواني متى اقدر اسوي لي معرف بجامعه الملك فيصل اللي فيه الرقم الاكاديمي و الرقم السري متى يفتحونه ومتى اسجل مقررات والمحاضرات " تخصص علوووم زراعيه " هل يتم كل اذا بدت الدراسه ولا الحين ؟؟؟؟؟؟؟؟؟ والله يتقبل منا ومنكم صالح الاعمال |
رد: معلومات عن كلية العلوم الزراعية والأغذية
بعد ماتسكر بوابة القبول بالجامعه
تجي في نفس الصفحه ايقونه تضغط عليها وتحط بياناتك ويعطونك الارقام حقتك الاكاديمي والرقم السري (بالامكان تغيره) بعدها تدخل نظام البانر وتحطهم ويدخل اما التسجيل في ردود كثير بطريقته وبيبدء باذن الله في 16 -10 يستحسن انك تنظم جدولك من الان |
اللغه ؟؟؟؟؟؟
يارب تردووون علي بسرعه >>>وحده مافيها ولاذرة صبر
الكلية نظام الدراسه فيها بالعربي ولا الانجلش؟؟؟؟؟؟؟>>>>يارب انجلش يقولون حولووو التدريس (الهيئه) من العربي الى الانجلش هل هذا الكلام صحيح جد العرررررررربي ماراح ينفعنا كثر الانجلش:011: |
رد: اللغه ؟؟؟؟؟؟
[align=center]
الدراسه باللغه العربيه .. :) [/align] |
رد: اللغه ؟؟؟؟؟؟
اقتباس:
بس يا ليت لو توضحين لنا شنو (الهيئة) اي هيئة تقصدين وبالتوفيق ..... |
رد: معلومات عن كلية العلوم الزراعية والأغذية
يعطيكم العافيه ماقصرتم..
جعله الله في ميزان حسناتكم.. |
رد: معلومات عن كلية العلوم الزراعية والأغذية
اقتباس:
لا وربي قوويه .. شنو 4 سنوات و اخررتها مقصف مدرسي ..؟!!! ممكن توضيح << انصدمت البنت:000: |
رد: معلومات عن كلية العلوم الزراعية والأغذية
لالالالالالالالالالاع استحاله ..!
اصلا انا كل اللي شفتهم بالمقصف المدرسي ..! شهادتهم ثانوي ..! تخيلي بس اتعب 4 سنوات واتخصص علشان بالاخير مقصف ..! اصلا المقصف مايحتاج له شهاده ..! اول مره اسمع بالحكي ..! |
رد: معلومات عن كلية العلوم الزراعية والأغذية
اقتباس:
لالا وين مقصف نبطق بالمستشفى واخرتها مقصف وبعدين اصلا شركات المقاصف توظف شهادة ثانوي |
رد: معلومات عن كلية العلوم الزراعية والأغذية
فعلا كولكشن حتى انا اللي اعرف شهادتهم ثانوي..!
يعني بالعربي مايقبلهم شي ..! والله صدمتني بهالحكوه ..! |
بلييييييز ساعدوني انا طالبه مستجده
مرحبا يا حلوين لو سمحتوا ابي اعرف وشلون صاير مبنى الكلية
بلييييييييييييييييز ردوا علي؟؟؟؟؟؟؟؟؟؟؟؟؟؟ :sdfgdsf: |
رد: معلومات عن كلية العلوم الزراعية والأغذية
شـكــ وبارك الله فيك ـــرا لك ... لك مني أجمل تحية .
|
رد: معلومات عن كلية العلوم الزراعية والأغذية
آنـآ سمعت عن وحدة متخرجه من كليه آلعلوم
متوظفه بآلمقصف >>> من شح آلوظآآآيف ولا لوكآآآن لهـآ وظيفه في آلتعليم كآن آقبلوهـآ ونفس آلشي آلتتوووقع هـآآلقسم آلتغذييه وآلزرآعه هخ :) |
رد: معلومات عن كلية العلوم الزراعية والأغذية
اقتباس:
اتوقع كلية العلوم مالها مستقبل غير التدريس والديوان كان مسكر وتوهم فاتحينه .. بس اتوقع على مانتخرج بيتسكر ثانيه الدوله يمكن عندهم اكتفاء من المدرسات في بعض المدارس واغلب المدارس عندهم شح مدرسات بس مادري ليش مايوظفون وحتى اللي يوظفونهم لآزم تكون عندها شهادات غير الجامعه يعني مثلاً دورات حاسب وغيره أما الزراعه والتغذيه مجالاتها إما مستشفى أو بنك ~>> هذا اللي عرفته للحين بس برضو الوظيفه مو مضمونه 100% يعني يمكن تتوظفين براتب بسيط أو انهم يطلبون منك لغه أو حاسب ~>> على حسب الوظيفه وبشكل عام هالأيام مافي وظايف يعني لآ علوم ولا زراعه :b6b66: احنا بس نسوي اللي علينا والتوفيق من الله |
أرجو الاجابة للاهمية
السلام عليكم ورحمة الله وبركاته
كيفكم ياعضاء كلية العلوم الزراعية والاغذية انا الحين مقبوولة بالكلية والحمد الله بس حبيت استفسر بالنسبة للتحويل انا ساكنة بالخبر الحين اذا خلصت سنة دراسية وابي احول هل استطيع التحويل الى الدمام كلية العمارة والتخطيط ولا لاااااااااااااااااااااااااا ارجو الافادة جزاكم الله الف خيير |
رد: أرجو الاجابة للاهمية
الليِ آعررفهَ تقدرينِ تحولينِ لـ آيَ كليهِ بسَ ششرط تكون مو صحيييهَ ..
ويكوونَ معدلكَ 3 وفووقِ وفيهً كذآ ششي بعدَ http://www.kfu.edu.sa/ar/Deans/Admis.../Transfer.aspx آتمنىَ يفييدكَ =) |
رد: معلومات عن كلية العلوم الزراعية والأغذية
[caution]false[/caution]:sdfgdsf: ممكن طلب انا طالب مستجد ووابي اسكن مع شباب في الاحساء الي عنده معلومه يكلمني على المسن -_@hotmail.com بليززززززز ضروري وبسرعه
|
استفسار ....,
السلام عليكم وحمة الله ..
مدري اذا مكان استفساري مناسب او لا .. عموما حابه استفسر عن المكافاه انا اعتذرت عن الدراسه سنه كامله اللي هي السنه الماضيه .. والحمد لله الآن رجعت ولسى المكافاه مانزلوها لي هذا الشهر راجعت مامورت الصرف قالت لي كلمي د/ عادل الحليبي .. وحاولت اكثر من عشر مرات اتصل ومحد يرد :tj4: ., ابي اعرف والحل مع المكافاه متى بتنزل .. ياليت احد يجاوبني اذا مر بنفس حالتي .. شكرا |
رد: معلومات عن كلية العلوم الزراعية والأغذية
مشكووور:049:
|
أفيدوني جزاكمالله خيرا
سلاااااااااااااااام
كيف تتم عملية الإنسحاب من مقرر وأين أذهب علما من أني من كلية الزراعة أريدأن أسحب مادة بس كيف ووين شكرااااااااااااا |
استفسار .. ارجو الرد ..
السلام عليكم .. كيفكم ..؟؟ و كيف دراستكم ؟؟ وكيف اختباراتكم ..؟؟ راح تكون قريبه و الله المعين .. المهم .. سمعت إنا قسم التغذيه العام بيحذفونه و اخر دفعه سجلت فيه دفعة 2009 .. وبيحطوا بداله التغذيه العلاجيه .. فياريت احد يتأكد لي من الخبر ... قلت بروح للأستاذه بديعه و اسألها بس قلت اول اشوفكم هون و بعدين اروح اسألها .. فخبروني الله يرضى عليكم .. السمستر الجاي بسجل تخصصي .. والله الموفق .. وأملي في التغذيه العلاجيه .. موفقين .. |
رد: معلومات عن كلية العلوم الزراعية والأغذية
^^^^^^
صراحة ما عندي خبر بالموضوع ويا ليت لو تسألين المسؤولة المختصة بس... التغذية العلاجية تحتاج لمناهج جديدة والى تغيير المواد العامة والتركيز على اللغة الانجليزية لانه لو ما صاار هالشي راح تكون نفس التغذية العامة بس اختلف الاسم !! او نفس التخصص الموجود في جامعة الملك سعود والي هو "تغذية انسان" ومستقبله ما يختلف عن تخصص التغذية العامة او علوم الاطعمة في كليات الاقتصاد المنزلي بالتوفيق |
رد: معلومات عن كلية العلوم الزراعية والأغذية
يارب يارب يا كريم يغيرونه تغذيه علاجيه
وعلى فكره قالت لنا استاذة الانجليزي انو هالسنه احنى كلمه ومعناه بالانجليزي مو قواعد وكذا بس قراه والكلمات ومعانيها لانه يبونا نكون اقوى بالانجليزي واعتقد انه اول سمستر يخلون الانجليزيه العامه كذا ياربببببب يكون الخبر صحيح ويوفقنا كلنا كلنا في الدارين :150: تتوقعون له علاقه بتغيير التغذيه العامه لتغذيه علاجيه |
سوال لو سمحتم
فيه تسجيل في الترم الثاني في نفس الكلية او اي الكلية ؟ ........... و جزاكم الله خير
|
رد: سوال لو سمحتم
اقتباس:
بالتوفيق ... |
بنات بليييييز ابي مساعده..
السلام عليكم ورحمة الله وبركاته...
كيفككمم ان شاء الله بخير؟؟ الموضوع مو لي لصديقتي هي بكليتكم ولاعليكم امر هي تبغى تحضير وحدة التمور(تبي اهداف) وتحضير العنايه بالملابس.. واللي تساعدني الله يجزاها خير وربي يوفقكم ان شاء الله... |
لووو سمحتوآ
بنات كليتنا العزيزات اللي راح ـت يوم الأربعاء اللي طاف ..
ابي اعرف جدول الأختبارات الشهريه كيف صار وضعه جان اتاكد لو لآ ؟؟ لآن صعبه يعني إذا بقى مقترح صعبه مرهـ لآنو مآ بقى وقتـ .. |
ابي رد ضروري الله يسهل عليكم
ان خريجة وباقي ليمادة مانزلت بالجدول
سمعت ماتنزل الا الفصل الاول عاد معقولة يخلوني اجي عشانها حرام ابقى حل كيف اطالب فيها |
بلييييييييييييز ساعدوني
بلييييييييييييز ساعدوني:sdfgdsf: انا ما اعرف كيف اسوي الجدول و لا المواد اللي لازم اسجلها ................. احس اني ضاااااااااااااااايعه.....
|
رد: معلومات عن كلية العلوم الزراعية والأغذية
بنات ممكن سوال عن الدكتوره لمياء تدرس كيمياء هل شرحها حلو وهل كبيره بالعمر والاصغيره عشان الاكثريه الدكتورات الكبار شرحهم موحلو وارجو الافاده بسرعه للي تعرف شي عنها
|
رد: معلومات عن كلية العلوم الزراعية والأغذية
هل فيه مكافأة تصرف لطلاب كلية الزراعة
|
رد: معلومات عن كلية العلوم الزراعية والأغذية
اقتباس:
وفيهِ موضوعِ مخصصِ للآسفسآرِ عن الدكآترهِ :biggrin: هذآ الرآبطِ http://www.ckfu.org/vb/t94392.html |
رد: معلومات عن كلية العلوم الزراعية والأغذية
اقتباس:
آيهِ فيهِ مكآفأه شهريهِ ( 1000 ) ريآلِ :biggrin: |
رد: معلومات عن كلية العلوم الزراعية والأغذية
بسال عن الزي المسموح فيه
بالجامعه للبنات طبعاا:biggrin::biggrin: |
رد: معلومات عن كلية العلوم الزراعية والأغذية
up
|
رد: معلومات عن كلية العلوم الزراعية والأغذية
يسلموووو مآتقصرون فديتكم ..!
|
رد: معلومات عن كلية العلوم الزراعية والأغذية
السلام ..
يسعد ( صباحكم / مساكم ) .. :106: من زمان ودي في التغذية والحمد لله انقبلت فيه :biggrin: وحابه استفسر هل تم تفعيل برنامج علوم التغذية العلاجية .. ؟ وهل لما اتخرج اكون بمسمى أخصائية تغذية ؟ سؤال اخير .. بما انها اول سنة لي .. شنو نظام الكلية في الملابس ؟ . . . اتمنى اكون ماثقلت عليكم :cheese: |
رد: معلومات عن كلية العلوم الزراعية والأغذية
اقتباس:
وحيآتس معنآَ http://www.ckfu.org/vb/images/icons/ei11.gif آلله يوفقك آن شاء الله ويعطيك ماتتمنين :biggrin::106: وبعدين آنت رآح تدرسين 4 سنوآت ، سنتين عآم ـ وسنتين تخصص يعنيه السنه الثالثه تختآرين تخصص التغذيه :106: وآنتٍِ رآح تدرسين تغذيه علآجيه بس مآرآح تتخرجين على أنك أخصائيه بتتخرجين على مسمى فنية تغذيه http://www.ckfu.org/vb/images/icons/ei11.gif وآذآ ودك تكونِ آخصآئيه تدرسين سنتينِ زيآده بآالريآض آو مدري وين بالضبط معآهد آو غيره :biggrin: واللبس عآدي ميدي وكم قصير بس آيآم الاختبآرآت يحبذ تكوني ع الانظمة والتنوره طويله وميدي وهييك يعني > بتجين الجآمعه وبتعرفين كل شي عنهآ من آسبوع بس :biggrin: .. وعآدي لو تكون عندك عبآه للجآمعه ع الكتف اريح لك مآتحتآرين وش تلبسين ولآ شي آلبسي العباهـ وتعآلي الجآمعه وتجولي فيهآ وحضري فيهآ المحآضرت بس محآضرآت المعآمل لآزم تشيليهِآ آتمنى آكون آفدتكِ :106: دعوآتك ليِ |
رد: معلومات عن كلية العلوم الزراعية والأغذية
يسلمو عالمعلوماات
انا من الدمام وبجيكم الاحسآء ان شاء الله ودي اتعرف على بنات توهم متخرجين لاني ما اعرف احد هناك ابد :Cry111: والمشكله الحين بالسكن ابي اكون مع احد مابي وحدي .. افيدوني بآرك الله فيكم وياليت اللي بهالقسم ابي اتعرف عليها عالاقل نكون مع بعض :biggrin: |
رد: معلومات عن كلية العلوم الزراعية والأغذية
! M ! مشكورة حبيبتي ع الرد ما قصرتي .. موفقة لكل خيير ان شاء الله :106: |
All times are GMT +3. الوقت الآن حسب توقيت السعودية: 01:33 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه