ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية العلوم بالدمام (https://vb.ckfu.org/f62)
-   -   [ جميع التخصصات ] كتب الجامعة مستعمله للبيع............. (https://vb.ckfu.org/t102985.html)

وردة علاوي 2010- 10- 1 05:11 PM
كتب الجامعة مستعمله للبيع.............
 
مرحباااااااااااا بناات
انا في كلية العلوم بالدمام
وعندي كتب مستعمله وحابه ابيعها بدل ماهي مرميه عندي في الشقه ومسببه زحمه
وبعد مساعده للبنات بدل مايشتروا كتب جديده واسعار اغلى
وطبعا راح تكون الاسعار كويسه ان شاء الله
والبنت اصلا ماتحتاج الكتاب الا ترم واحد يعني مو مهم لو كان مستعمل
لو تاخذه جديد بيكون غالي وبعدين بينرمى نفس الشئ

هذه الكتب الموجوده عندي

دراسة في الثقافة الاسلامية للدكتور جمال نصار هذا تقريبا ب 15 ريال
تبسيط الكيمياء العامة الجزء الثاني ل سعيد بن عبدالله بالبيد ب 30 ريال
اساسيات النبات العام تأليف: د: ابراهيم العريض ود: عبدالعزيز العسكر ود: عبدالكريم عياش
ب 25 ريال
اساسيات في الكيمياء العامة ل د: سهير نظمي واحلام العرفج وشيخه الغنام هذا الكتاب مهم جدا تحتاجوه اكثر من مرره وسعره الاصلي 105 ببيعه ب 75
كتاب التفاضل والتكامل ل د: هدى الخرساني ببيعه ب 45 ريال سعره الاصلي 80
كتاب علم الحيوان ل د: محمود البنهاوي ب 35 ريال
كتاب معايير حقوق الانسان ل د: عيسى الشامخ ب 5 ريال


في عندي ملازم بعد
الصحة واللياقة ل د: كاظم . عبدالحكيم بن جواد المطر وهذه ببيعها ب 15 ريال
كبيره طبعا وللمنهج كامل
في عندي تمارين الرياضيات(( تفاضل وتكامل )) كل الفصول تقريبا ببيع الملزمه الوحده ب 5 ريال
حتى لو كانت كبيره
في بعد العملي للنبات المستوى الاول ب 3 ريال
والحيوان العملي المستوى الاول ب ريال واحد
الفيزياء العملي المستوى الاول ب 3 ريال
عندي ملزمه الدكتوره رفيقه كيمياء عضوية 1 وهذه ببيعها ب 5 ريال
الكيمياء العامه العملي بريالين محلوله طبعا

واللي تاخذ مني ان شاء الله براعيها بالاسعار
وبالتوفيق للجميع

Angel M 2010- 10- 1 10:40 PM
رد: كتب الجامعة مستعمله للبيع.............
 
اقتباس:
في عندي تمارين الرياضيات(( تفاضل وتكامل )) كل الفصول تقريبا ببيع الملزمه الوحده ب 5 ريال
حتى لو كانت كبيره


عزيزتي


اممم ...

أبيهم كيف ألاقيك

:)

صهيل الأمل 2010- 10- 1 11:38 PM
رد: كتب الجامعة مستعمله للبيع.............
 
ياوردة علاوي انا بشتري منك العامه والي تخص الكيمياء
بس ممكن كيف نتواصل:(159):

سآااره 2010- 10- 2 12:00 AM
رد: كتب الجامعة مستعمله للبيع.............
 
اقتباس:
في عندي تمارين الرياضيات(( تفاضل وتكامل )) كل الفصول تقريبا ببيع الملزمه الوحده ب 5 ريال
حتى لو كانت كبيره



فديييييتس ابيي هالشششي مأزمتني هالماده حملتهآأا 3 مراااااات ياااكرهي لهااا

الزبده يآني اشتريه منتس يآني بصوره من الاخت اللي قبلي طلبته

الزبده انيي ابييييييه اهم ششي

looly...{~ 2010- 10- 2 05:31 AM
رد: كتب الجامعة مستعمله للبيع.............
 
^^
مي تو لااخذتوها قولو لي عشآن اجي واصورهآ منكم :(177):
لآني ابيييهم انا بعد اكثر شي :mh318:

وردة علاوي 2010- 10- 2 06:21 AM
رد: كتب الجامعة مستعمله للبيع.............
 
ياهلا فيكم
ان شاء الله خير
بس انا مااقدر ارسل خاص لان مشاركاتي قليله
اللي تبي اكيددددددد
ترسل رقم جوالها عالخاص وانا بكلمها
ونتفق عالوقت والمكان

وردة علاوي 2010- 10- 2 06:23 AM
رد: كتب الجامعة مستعمله للبيع.............
 
اخت صهيل الامل
انا تخصصي كيمياء
وكل هالكتب درسناهم سنه اولى الترمين
اذا اكيييد تبيهم بس ارسلي رقمك وانا اكلمك
وياهلا والله

وردة علاوي 2010- 10- 2 11:24 AM
رد: كتب الجامعة مستعمله للبيع.............
 
بنات اللي فهمته انكم تبون حل تمارين الكتاب للتفاضل صح؟؟؟؟؟؟؟؟؟

اذا هذا اللي تقصدووه اسفه
ترى اللي عندي شئ ثاني مو تمارين الكتاب:(175):

سوررررررري حبيباتي توي فهمت اللي طالبينه انتووو

بس لو شفتها عند اي احد بجيبها لكم ان شاء الله

صهيل الأمل 2010- 10- 2 10:06 PM
رد: كتب الجامعة مستعمله للبيع.............
 
اهلين ورده
مابقدر ارسلك لانو حتى مشاركاتي ماوفت
لكن انتي اي سنه عشان نلتقي بالكليه دامنا نفس القسم
وانا توي جديده ع الجامعه طالعه سنه رابع بس باقي يعادلون لي المواد
وشكلهم بينزلوني كذا سنه
لاني من جامعة الملك خالد بيسير اشوي بهذله
وبعد باحتاج الكتب الي عندك
ومشكوره

وردة علاوي 2010- 10- 3 01:11 PM
رد: كتب الجامعة مستعمله للبيع.............
 
ياهلا والله
انا سنه ثانيه
بحاول ارفع من مشاركاتي وارسل لك رقمي
ونلتقي بالجامعه ان شاء الله

زهرة البابونج 2010- 10- 6 05:57 PM
رد: كتب الجامعة مستعمله للبيع.............
 
موفقة

al.sultanah 2010- 10- 7 11:33 AM
رد: كتب الجامعة مستعمله للبيع.............
 
اساسيات في الكيمياء العامة ل د: سهير نظمي واحلام العرفج وشيخه الغنام

هذا ابي اشتريه منك

وردة علاوي 2010- 10- 8 04:31 PM
رد: كتب الجامعة مستعمله للبيع.............
 
ياهلا فيك
ارسلي لي رقمك وانا اتصل فيك واجيبه معاي الكليه ان شاء الله

قطعة بسكويت 2010- 10- 11 05:59 PM
رد: كتب الجامعة مستعمله للبيع.............
 
وربي ما تقصرين
طيب شو بااقي من الكتب عندكـ ؟!

وكماان استفساار ثااني :mh318:

ان شاء الله اتخصص كيمياء ، ايش الموواد اللي راح ادرسها المستوى الثااني ؟
وهل المستوى الثااني يعتبر أسهل من الأول ؟

وردة علاوي 2010- 10- 12 04:22 AM
رد: كتب الجامعة مستعمله للبيع.............
 
اهلين بنات
الكتب موجوده
ان شاء الله برفع مشاركاتي الحين وبراسلكم
بس لو رسلتوا ارقامكم كان اسهل لي

وردة علاوي 2010- 10- 12 04:23 AM
رد: كتب الجامعة مستعمله للبيع.............
 
اقتباس:
المشاركة الأصلية كتبت بواسطة Ňαųğhτy Ḟєṁα£є (المشاركة 1752846)
وربي ما تقصرين
طيب شو بااقي من الكتب عندكـ ؟!

وكماان استفساار ثااني :mh318:

ان شاء الله اتخصص كيمياء ، ايش الموواد اللي راح ادرسها المستوى الثااني ؟
وهل المستوى الثااني يعتبر أسهل من الأول ؟
اهلا اختي
بالنسبه لي اي المستوى الثاني اسهل من الاول
والدوام يجنن لتخصص الكيمياء انصحش فيه

وردة علاوي 2010- 10- 12 04:26 AM
رد: كتب الجامعة مستعمله للبيع.............
 
اللي طلبوا كتاب النبات والحيوان والكيمياء ترى لساتهم موجودين
بس مشاركاتي مو راضيه تصير 100
بس تصير على طول برسل لكم ان شاء الله

وردة علاوي 2010- 10- 12 06:34 AM
رد: كتب الجامعة مستعمله للبيع.............
 
حبيبتي ترى كل الكتب لساتها موجوده لو حبيتي

♥..ЙAИa 2010- 10- 12 01:11 PM
رد: كتب الجامعة مستعمله للبيع.............
 
اقتباس:
المشاركة الأصلية كتبت بواسطة Ňαųğhτy Ḟєṁα£є (المشاركة 1752846)
وربي ما تقصرين
طيب شو بااقي من الكتب عندكـ ؟!

وكماان استفساار ثااني :mh318:

ان شاء الله اتخصص كيمياء ، ايش الموواد اللي راح ادرسها المستوى الثااني ؟
وهل المستوى الثااني يعتبر أسهل من الأول ؟

كيمياء عامه التحضيري مجرد مراجعه :mh318:
المستوى الثاني تبدين شوي تتخصصين تاخذين مادتين تخصص
كيمياء عامه 2 أو كيمياء فيزيائيه عن بويل وشلته خخـ ..
وكيمياء عضويه 1
المواد العامه
ثقافه اسلاميه
وتفاضل وتكامل والله يعينكم عليه :(164):
مدري كني نسيت ماده خخخخخخخخخخخخخخخخ

ااي وإنجلش شفته بالبنر :mh318:
موفقه

وردة علاوي 2010- 10- 13 01:30 AM
رد: كتب الجامعة مستعمله للبيع.............
 
ياهلا روووني
ماقصرتي شرحتي كل شئ
بس موادنا حلووه
اصعب شئ كان التفاضل والتكامل وهذا مو خاص بالكيمياء
وموفقه

زهرة البابونج 2010- 10- 13 06:33 PM
رد: كتب الجامعة مستعمله للبيع.............
 
طيب عندك كتاب فيزياء للمؤلف سيرواي :mh318:

وردة علاوي 2010- 10- 14 12:24 AM
رد: كتب الجامعة مستعمله للبيع.............
 
لا والله ماعندي كتاب الفيزياء:020:

الخضراء 2010- 10- 19 04:49 PM
رد: كتب الجامعة مستعمله للبيع.............
 
بنات انا عندي بعض تمارين التفاضل للكتاب بس اي معيده تعطيكم الماده

*حـلا* 2010- 10- 19 10:32 PM
رد: كتب الجامعة مستعمله للبيع.............
 
مرحبآ ,,

[ اذا بعدهـ الكتاب موجود ]! ,,


اساسيات النبات العام تأليف: د: ابراهيم العريض ود: عبدالعزيز العسكر ود: عبدالكريم عياش

فـ آنا حابه اشتريه :(204):

بحثت عنه في اكثر من مكتبه ولا لقيته

=)

وردة علاوي 2010- 10- 21 10:04 AM
رد: كتب الجامعة مستعمله للبيع.............
 
حلا الكتاب لسه موجود
اذا حابه ارسلي رقم جوالك واكلمك

وردة علاوي 2010- 10- 21 10:05 AM
رد: كتب الجامعة مستعمله للبيع.............
 
يووو مشاركاتك 8 لسه
خلاص انا برسل لك رقم جوالي واذا كنتي جاده وحابه تشتريه اتصلي
:g24:

غلآ.~ 2010- 10- 31 03:49 PM
رد: كتب الجامعة مستعمله للبيع.............
 
وردة علاوي

عندك كتاب اساسيات علم الحيوان الكبير


بشوف اذا ماشريته اليوم احاول ارسل لك رقمي او اتصرف

وردة علاوي 2010- 11- 2 01:18 AM
رد: كتب الجامعة مستعمله للبيع.............
 
كتاب علم الحيوان موجود خيه

اذا حبيتي خبريني

غلآ.~ 2010- 11- 2 03:27 PM
رد: كتب الجامعة مستعمله للبيع.............
 
وردة علاوي مشكورة خلاص شريت الكتاب واخيرا لقيته


ماقصرتي وجزاك الله خير

قطعة بسكويت 2010- 11- 10 07:08 PM
رد: كتب الجامعة مستعمله للبيع.............
 
ورده ..
كل عااآم وأنتِ بخير
ان شاء الله اشتري منكـ هزززولـ :
الحيوان العملي المستوى الاول
الفيزياء العملي المستوى الاول
الكيمياء العامه العملي
وكمان حقت الصحه ..
^
موعدنااآ بعد الأجيزه ان شاء الله



All times are GMT +3. الوقت الآن حسب توقيت السعودية: 09:40 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه