ملتقى طلاب وطالبات جامعة الملك فيصل,جامعة الدمام - جميع التخصصات ( النظام الإقتصادي في الإسلام )

- - [ جميع التخصصات ] ( النظام الإقتصادي في الإسلام ) (https://vb.ckfu.org/t230515.html)

رد: د.محمد الدوسري ( النظام الإقتصادي في الإسلام )

اهااا

مع ان بنات العام درسوا كتاب من مؤلف ثاني وهو اللي عندي اللحين

غير اللي عطانا اسمائهم سألت الدكتور بالمحاضرة وما رد علي :biggrin:

رد: د.محمد الدوسري ( النظام الإقتصادي في الإسلام )

ما ادري ليش ما رد عليك :biggrin:

بس هذا اللي فهمنا لنا والله اعلم

يمكن انه قال اكثر من مرجع عشان اللي عندهم كتاب خلاص يكفيهم

موفقه حبيبتي

انا من الصبح احوس بالبرامج عشان نشاط نظرية الاحتمالات وباقي شويه معلومات مالقيتها الله ييسر

رد: د.محمد الدوسري ( النظام الإقتصادي في الإسلام )

:106: ~

قال عمر بن الخطاب رضي الله عنه :

" لا تظن بكلمة خرجت من أخيك المؤمن شراً ، وأنت تجد لها في الخير محملا ً" .

:106: ~

رد: د.محمد الدوسري ( النظام الإقتصادي في الإسلام )

اقتباس:

بس هو الله يهديه خلانا نشك بأخلاقه وتصرفه هذا خلى البنات يتكلمون عنه كثير

سوء ظن صريح ، الله يهديك بس! : )

رد: د.محمد الدوسري ( النظام الإقتصادي في الإسلام )

اقتباس:

المشاركة الأصلية كتبت بواسطة أميرة التميز

السلام عليكم ورحمة الله وبركاته

بالنسبة لموضوعك عن الدكتور محمد

أنا ما أعرفه بس ملاحظة

مدامك متضايقة من فكرة الإتصال على الدكتور ليش ماقلتي له هالكلام بدال ماتكتبينه في المنتدى

أولاً : المفروض نعامل الناس بالظاهر والسرائر أمرها عند الله

ثانياً : وزي ماقالت دمعة الشوق مش إجباري تكلمينه أرسليله إيميل إذا عندك إستفسار

ثالثاً : المفروض تحترمينه ولا تتكلمين عنه بالطريقة هذي على الأقل عشان العلم اللي هو يحمله

رابعاً : كتبتي هالشيء وهو أول مرة يدرسك يعني ماتعرفينه ولا أحد من بنات قسمك يعرفه فعلى أي أساس تشكين بأخلاقه

خامساً : ترضينها على نفسك وتجي وحدة وتقول نفس الشي عنك << ما أتوقع

عموماً لاتزعلين من كلامي بس من إخت لأختها شي ما أرضها على نفسي المفروض ما أرضاه على غيري

قال عمر بن الخطاب رضي الله عنه :

" لا تظن بكلمة خرجت من أخيك المؤمن شرًّا ، وأنت تجد لها في الخير محملا ً".

الله يوفقك لكل خير :106:

<< كنت بكتب ردي هذا في الموضوع بس قلت أفضل أرسله لك وإن شاء الله ماتتضايقين منه ما عدا العبارة الأخير بحطها عشان البنات اللي تكلموا كثير عن الدكتور يقرونها

كلامك على عيني وراسي ولا ارضاها على نفسي ولكن انا مازلت رافضه فكرته ورافضه طريقته واسلوبه ^_^
وانا ما قلت هو سيئ او قلت هو قليل ادب

انا قلت تصرفه ماله داعي وفتح الباب في المحاضره للكلام عنه

عموما اسعدني مرورك ..

رد: د.محمد الدوسري ( النظام الإقتصادي في الإسلام )

اقتباس:

المشاركة الأصلية كتبت بواسطة dexter's mind (المشاركة 4581611)

سوء ظن صريح ، الله يهديك بس! : )

خيييييييييييير وش ذاا اللي هنا ؟؟

لو سمحت هذا القسم اسمه كلية البنات بالدمام .. غلطان بالطيب

الله يهدي الجميع ..

رد: د.محمد الدوسري ( النظام الإقتصادي في الإسلام )

قال عمر بن الخطاب رضي الله عنه :

" لا تظن بكلمة خرجت من أخيك المؤمن شرًّا ، وأنت تجد لها في الخير محملا ً"

عجبتني المقوله جداً :119:

رد: د.محمد الدوسري ( النظام الإقتصادي في الإسلام )

بنااات :smile:

اعصصابكم ’’
كل دكتور و له طريقة و اسلوبه ,, :smile:

يعني انتوا اللي المفروض تتأقلمون مع طريقتة ,,

اذذا ما اعجبك’’ خذي الماده بعدين مع دكتور ثاني

يعني هنا منتدى عام’ يمكن يدخل خليه او شي ,, قوية يشوف هالكلام ينكتب عنه

بالعكس انا احسه متعاون ’’ ... ما عطانا ارقامه و ايميله الا يبينا نستفسر :love080:

يمكن ينزعج من حوسة البنات بالمحاضره اذا وحده تكلمه بالمايك و صوت الباقين طالع

مجرد وجهة نظر :smile:

رد: د.محمد الدوسري ( النظام الإقتصادي في الإسلام )

يوه بنات تحفظون جزء 28 ليه ؟؟ :bawling:
مافي وقت لجزء كامل مع مواد دسمه .. يعني اكيد الترم الجايه بناخذ الماده وبينشبون لنا روحو الاداب سمعو :lllolll:

رد: د.محمد الدوسري ( النظام الإقتصادي في الإسلام )

اقتباس:

المشاركة الأصلية كتبت بواسطة cup-cake (المشاركة 4582478)

احترم وجهة نظرك ولو كل مره ما عجبنا الدكتور سحبنا الماده عز الله ما تخرجنا :tongue:

انا لي وجه نظر مختلف عنك وهذي حريه شخصيه .. صوووح :119:

والمنتدى عام ولكن مو رسمي يعني عادي لو دخل الدكتور وشاف هالكلام رأي الطالبات فيه

وانا اشوف انه لما هزأ البنات علني وفشلهم ما فكر بكلامه عنهم وكيف احرجهم قدام زميلاتهم وهم معهم الحق وماسوو اي غلط غير المايك الخربان وانه ما يسمع !! وفوق هذا يقول لها تكلمي زين ؟؟ّ

ليش ما فكر بالبنت اللي واقفه ويحرجها .. احنا نشوف ونقول ايش سوت البنت ليش قال لها كذا !! :Cry111:

مسكينه والله انكسر خاطري عليها :icon9:

عامل الناس كما تحب ان يعاملوك .. وبعدين ياااااليت يدخل هو تكلم قدام البنات انا تكلمت قدام البنات بمنتدى عام مافي فرق

الدكتور مخلوف لما قال للبنات ياهبله وياعبيطه اشتكينا عليه وكررها ويقول هذول مثل بناتي اهاوشهم عادي ... انا صريحه واحب اعامل الناس بأخلاقها واسلوبها ما احب احترم شخص ما يحترمني .. وممكن اكون بيوم مكان وحده من البنات هذول .. الله لا يقولها يعني ..

وبالنهايه كل انسان له قدرة تحمل .. يعني في بنات يتهزؤن وتسكت واحياناً وتروح تعتذر عشان تنجح وعشان ما تخسر درجات ,, وهذي مغلوب على امرها ..

لين متى احنا نسكت عن حقنا وننهان وننذل ؟؟ يعني الكبير يظلم الصغير عادي محد يتكلم

الغني يظلم الفقير محد يقدر يسوي له شي ؟..

القوي يضرب الضعيف محد يقدر يوقفه ..

لأننا شعب متخلف دائماا .. دائما تخلفنا ( تأخرنا ) في الحضاره والتطور وايضا في المعاملات

لكن الجيل الجديد ان شاء الله جيل متعلم وواعي الا من ابى ذلك ومازال في دوامة الجهل الأغلب بسبب تأثير الأهل عليهم اسأل الله الستر والسداد ..

ومااااااااااااااازلنا شعب مسلم مهما تقدمت الخضارات نظل مسلمين .. يعني عشانه دكتور يقول كلموني ..؟؟!! والا شيخ مثلا ً خلاص جاز يعني ؟؟

المفروض مايسوي هالحركه والايميل كتبه متأخر بعد ما سمع صراخ البنات وتعليقاتهم ورجع بعد كتب الثابت << قوي :biggrin:

( وانا كنت اقول ياربي ليش مافي دكاتره سعوديين ) :biggrin:

وانا ماحبيت الموضوع يوصل لكذا ولكن شي بنفسي وابغى اقوله والأغلب تكلمنا عنه بالمحاضره نجي الحين علني نمدحه ؟؟!! هذا ام النفاق والمنافقين في الدرك الأسفل من النار واعوذو بالله أن اكون من النافيق

استغفر الله استغفر الله استغفر الله ولا حول ولا قوة الا بالله