ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية العلوم بالدمام (https://vb.ckfu.org/f62)
-   -   [ جميع التخصصات ] سااعدونا نحن تحضييري محتاجينكم (https://vb.ckfu.org/t413855.html)

REEM, 2013- 1- 9 10:30 AM

رد: سااعدونا نحن تحضييري محتاجينكم
 
انا متخصصه أحياء
واشوف انه تخصص جميل جدا ومن ايام الثانوي وهو عاجبني وممتع
والحين الي يتخصص احياء فرصه ذهبيه
لان اول كانو البنات يختارون يا علم حيوان او نبات
الحين الخطه الدراسيه الجديده تكونين متخصصه بقسمين مع بعض حيوان ونبات
وطريقة الدراسه ترم حيوان وترم نبات
عشان كذا المقررات طويله
بس الدكاتره يراعون واسألتهم حلوه وهي اكثر ماده فيها معامل
وانا اشوفه شي حلو لانه يساعدك بتجميع الدرجات
وفيه تشريح

Remas 2012 2013- 1- 9 06:31 PM

رد: سااعدونا نحن تحضييري محتاجينكم
 
لو سمحتوا كيف أعرف معدلي؟ :36:

غيداء الناصر 2013- 1- 9 07:49 PM

رد: سااعدونا نحن تحضييري محتاجينكم
 
أنا تخصصي الرياضيات :1:

- القسم متعاون جدا جدا و كل ترم يسوي حملات تطوير وتوعية لعلكم شفتو حملاتهم هالترم ولهم كذا حملة الترم القادم عن تطبيق الرياضيات والتطور
لما ابدا بالقسم كايجابية فهو لأن كادر وطاقم هالقسم هم اللي بتتعاملين معهم طول الوقت
اذا كانو يسمعون لك فهذه نعمة والله مفقودة بكثير اماكن

- الرياضيات يحتاج منك التزام ، يعني مثلا اذا درستي تفاضل (1) بإهمال وعديتيه بالدف ، بتواجهين صعوبة بتفاضل (2)
مش لان القسم او الاسئلة او الدكتورة صعبه هذي كلها اعذار تختفي لما تكتشفين ان العيب بالمادة القديمة اللي ما تاسستي فيها صح
بمجرد ترجعين تفتحين الكتب تحسينك مشيتي
فأي شي تدرسينه تركزين فيه بحيث انك عارفة انك بتستخدمينه بعدين

مثال : نحن تعلمنا الطرح أول ثم تعلمنا القسمة المطولة بالابتدائي
لو ما كنت عارفة تطرحين ما بتعرفين تكملين القسمة المطولة صح ؟ بتصير شي عجيب وغريب
كذا الرياضيات

- الرياضيات بتشغل مخك لا تلقائيا .. بتشوفين حياتك بدت تتحول لمعطيات وبراهين و بتصير تحلين مشاكلك بشكل اجمل لما ترتبطين فيه صح وتعرفين مغزاه

- الدكاترة ، بكل قسم بتلقين نفس الكلام ، الكويس والمو كويس
الشيء السعيد ان فيه عدد كبير من الدكتورات المتميزات بالشرح اللي يمتعونك بالمادة
لا ينفي ذلك وجود من لا يتقن الشرح ، لكن أيضا يبقى أن بيدك اختيار دكتور المادة ( :

- مجالاته الوظيفية ومجالات اكمال الدراسة : بنوك ومحاسبة وخدمات مالية - تدريس - الوظائف الفنية (هندسة ونحو ذلك) - الإدارة - الحوسبة وعلوم الكمبيوتر والبرمجة - الاستشارات في مجال الفضاء - الجنايات

لديه فرص وظيفية وأكاديمية هائلة ، لكن حصرتها عقليات البعض بخسا بمسمى ( معلمة ) لمجرد انهم متكاسلين عن البحث قليلا في الجامعات وفي الفرص الوظيفية الحقيقية
وربما لأن في نواحي البلد لا توجد توعية كافية
بغض النظر عن الوظيفة الرياضيات يسمح لك باكمال ماستر بسهولة جدا ادارة اعمال وبرمجة و الكثير
لانه مفتاح مهم لكثير من العلوم
لذلك اذا قررتي تدخلينه اياك يغمرك التفكير الخاطئ السائد : باخذ دبلوم تربوي و بصير مدرسة
الا لو كان حلمك طبعا ( :
بس اقصد اياك تدنين مستوى طموحك ، وابحثي قبل ان تقرري على كلام الناس


...

الان بشكل عام وبعيدا عن تخصصي
نصيحتي لك يا عزيزتي .. انك ما تدخلين تخصص يحبه أحد غيرك !
اهم نقطة الحب .. لا تقولين مافيه مستقبل ( :
ابحثي اول كويس ، بغض النظر عن تخصصك .. اذا دخلتيه عن حب بتقدرين تكملين وتواجهين صعوباتك

الحب ما هو ؟
هو ذلك الشعور اللي جاك وانت تدرسين هالمواد الأربعة في الامتحانات
كيمياء - فيزياء - رياضيات - أحياء
وفي واحد منهم فقط ابتسمتي انه حان دوره ، مو لانه سهل ، لانه احب لقلبك وامتع
وكانت دراسته ايسر من البقية ومو غصب مثلهم

فكري كويس مو بدرجتك .. ولا بالامتحان .. بشعورك انتِ وقت دراسته :1:

ربي ييسر لكم الخير يا حبيباتي ()

H a R o H i <3 2013- 1- 9 08:26 PM

رد: سااعدونا نحن تحضييري محتاجينكم
 
أخت رمآاس...
تروحين على الخدمة الذاتيه>> السجلآت الأكاديمية >>>طلب التحقق من التسجيل..
بعدين حطي صح عند أخر أختيار ..بيكون تضمين فصل دراسي..بعدين اضغطي تقديم..وبس



أتمنى أنه ما أحد يرد بشيء خارج الموضوع الأصلي
والسبب..~
أن فيه مواضيع ثانيه بالمنتدى..تقدرون تسألون فيها عن المشاكل اللي تواجهكم..
وأعذروني ع الصراحه للي تحسس من كلآمي
لإن بالنهايهـ هذا لمصلحة الجميع ..

ودي للجميع..~

روان المعجب 2013- 1- 9 09:53 PM

رد: سااعدونا نحن تحضييري محتاجينكم
 
غيداء الناصر انتي بطله وكلامك كله درر وحكم :17:


______________________________________

عاد هينا نبدأ بالسؤال اللي شاغل بالي
وش هو نظام التخصص بيعتمد على السعه الاستيعابيه للقسم و يكون معدل الطلبه فوق الـ 2.5
ولا بيعتمد التقسيمه التاليه :
رياضيات 4 من المعدل فما فوق
فيزياء 3.5 من المعدل فما فوق
كيمياء و الاحياء فوق 2.5 من المعدل

الهنوف المطيري 2013- 1- 9 10:07 PM

رد: سااعدونا نحن تحضييري محتاجينكم
 
شكررررررريات ي حبايب :29::29::29:
طلع معدلي 2
احس تحطمت مرررررررررررررره
ومدري شنووو اتخصص :23::23::23:
ساعدوني الله لايحرمني منكم

الهنوف المطيري 2013- 1- 9 10:11 PM

رد: سااعدونا نحن تحضييري محتاجينكم
 
ابغاا اسئلكم حبايب يمدني ارفع معددلي السمستر الجاي ولا مايرتفع المعدل بسهوله لانووبنات يقولون المعدل م يرتفع بسهوووله :23::23::23::23::12:

الهنوف المطيري 2013- 1- 9 10:11 PM

رد: سااعدونا نحن تحضييري محتاجينكم
 
:4:

روان المعجب 2013- 1- 9 10:32 PM

رد: سااعدونا نحن تحضييري محتاجينكم
 
الهنوف حبيبتي هدي نفسك كل شي وله حل وانتي عادي لو تأجلين موضوع التخصص و تأخذين التحضيري سنه كامله .. مريت مكتب د.نهى المله الانسانه الجميله و مثل ما قالت اذا كان معدلك دون 2.5 تأخذين مواد عامه اللي هم مبادى حاسب و انجليزي عامه و تضبطين جدولك حسب مقدرتك لان لازم تشدين على نفسك شوي وراح تقلل لك الكليه عدد الواحدات عشان يساعدك في رفع المعدل و التخصص مع بداية السنه القادمة .

تنوية / المواد اللي درجتك w ما تتخصصين فيها اما عن درجة f فما عندي اي خلفيه


(( وسعي صدرك )) :1:

بنت الخليج 2013- 1- 10 01:16 AM

رد: سااعدونا نحن تحضييري محتاجينكم
 
الاحياء حلو :17:

وحتى اذا تخرجتي وماتوظفت لا سمح الله ..

المعلومات الي حصلتي عليها كافيه انها تخليك ام مثقفه ..

يعني بتستفيدين منه لك وللمستقبل

لانه في مواد تتكلم عن الامراض والحمايه والعلاج وكذا :17:


All times are GMT +3. الوقت الآن حسب توقيت السعودية: 02:34 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه