|
شبـاب وبنــات كليــة العلوم
السلام عليكم ورحمة الله صباح/مساء الخير والنور هاي قايز كلية العلوم للبنات بالدمــام بليز كوول البنات بكل الاقسام هناك تدخل وتكتب افضل المدرسين والمدرسات عندها او اللي ادرست عندهم وكانوا حلوين بالشرح والاسئله وحتى اذا في لباقي كلية العلوم بالاحساء طلاب وطالبات عشان الكل يستفد وربي يوفق الجميع :love080: |
رد: شبـاب وبنــات كليــة العلوم
هاي أختي
بالنسبة لقسم الحاسب: الأساتذة: إيمان عبد العظيم >> طيبة مررة وأسئلتها سهلة اللة يسعدها الأستاذة :سعاد أبو جبل >> طيبة مررة وتحب تساعد البنات بالدرجات لكن أسئلها صعبة والمعيدات ماأقدر أحصرهم كل وحدة أطيب من الثانية وأسئلتهم سهلة مثل :إسراء-منى وغيرهم أما الدكاترة::: الدكتور: جمال بحيري >> طيب مرة ومايحب يرسب أحد وأسئلتة حلوة الدكتور: يحيى بري>> طيب مرة وأسئلته حليوة الدكتور:أحمد الحربي>>طيب وأسئلته عسل والباقي :: عبدالعزيز العثمان وحمد التميمي سهلة أسئلتهم لكن التصحيح الله يستر عليهم بس مايرسبون كثير ويبسسسسسسسس |
رد: شبـاب وبنــات كليــة العلوم
وعليكم السلام ورحمة الله وبركاته
سأعود مرة أخرى بإذن الله للرد على ماطلبتيه وفقكِ الله في الدنيا والآخرة . |
رد: شبـاب وبنــات كليــة العلوم
وعليكم السلام ورحمة الله وبركاته بالنسبة لقسم الفيزياء الدكتورة نوال اليحيى تفهم الفيزياء عدل ماشاء الله عليها وأسئلتها منوعة وسهلة وأخلاقها حلوة وأنا الحمد لله فرحت لما شفت الجدول ولقيت انها بتدرسنا الإلكترونيات يارب مايطلع غلط الدكتورة هدى عبد الباعث تحاول قد ماتقدر انها تفهم المادة بس لما درستنا كانت توها جاية السعودية وما تعرف الأنظمة والمنهج وهي متعودة على المراجع الأجنبية فهذا اللي خرب عليها إن شاء الله الحين صارت أحسن وأسئلتها سهلة بس قليلة وحلها طويلة وأخلاقها حلوة الدكتور فتحي سالمان شرحه في محاضراته وأسئلته سهلة وتصحيحه يكون على أساس حل الطالبات السؤال اللي حلوا معظم البنات يحط عليه درجات أعلى والعكس الأستاذة أمل الخالدي أحسن أستاذة درستني في الشرح كأنها بروفسوة ماشاء الله لاقوة إلا بالله عليها ماتخلي شي تعرفه يخص الموضوع إلا قالته لنا متواضعة وتحب تساعد البنات باللي تقدر عليه وماتمل من أسئلتهم حتى لوعادوها عشرين مرة تظل تفهمهم لين مايفهمون يارب تدرسنا طول ماحنا في الكلية الأستاذة نجلاء الشمري شرحها حلو ماشاء الله عليها وتساعد البنات وأخلاقها حلوة مع ان في بنات خوفوني منها في العملي بس لما درستني شفت العكس وهي مدرستني تمارين وكانت رائعة وفي العملي أروع وفي معيدات يمدحونهم البنات كثير وفعلا مبين عليهم مثل الأستاذة ريم الدخيل والأستاذة إيمان الداوود والأستاذة هند الذيب فجزاهم الله خير الجزاء وأعطاهم من فضله جزيل العطاء إنه سميع الدعاء |
رد: شبـاب وبنــات كليــة العلوم
قسمي الحآآآآسب د. يحيى بري .... مررره اسلوبه رآآقي واسئلته حلوه ويساعد ^_^ م. سعاد ابو جبل ... حبووووبه ومحآضرتها ونآسه "" امممم هي المحآضره الوحيده اللي اركز فيها . خخخخـ أ. مشاعل القاضي... فديتهاااا هالانسآآآنهـ .. ذوق واخلاق والاسئله روعهـ .. الله يحفظهآآ |
رد: شبـاب وبنــات كليــة العلوم
الله يوفقكم
ويوفق كل الدكاترة اللي يساعدون الطلاب في الدنيا والآخرة بس ترى الوحده هي اللي تخلي الدكتورات او الدكاترة يحترمونهم يعني لما تكون اخلاق وذوق مهما كانت الدكتورة نذلة راح تلين |
رد: شبـاب وبنــات كليــة العلوم
يعطيكم العافيه ربي يوفقكم وننتظر الباقي |
رد: شبـاب وبنــات كليــة العلوم
مساء الخير عالجميع.. أنا من قسم الرياضيات
د. نوال المالكي لا يعلى عليها بالشرح إنسانه جد فاهمه الماده صح ويهمها مصلحة الطالبه وفوق كذا أخلاق وكانت تتناقش معنا بهمومنا وتخفف عنا:d5: د. ساره العريفي حلوه بالشرح بس الله المستعان على أسئلتها وتصحيحها ونسب الرسوب :000: د. مها الحامد قمه بالأخلاق حلو شرحها وأسئلتها:119: د. منيره الهاجري أسئلتها حلوه من المعيدات: :love080:د. رنا الخال:love080: جنان مره تهبل جدآ حنونه وقلبها طيب ومتعاونه وتراعي الطالبات وترتب أفكار الطالبه بالتمارين على فهم الطالبه بالنظري وإذا مافهمتي شي حتى بالنظري تساعدك وأسئلتها إنتي وشطارتك :119: أ.دانه الصالح يحليلها إنسانه متواضعه وشرحها حلو تحاول قد ماتقدر تفهم الطالبات ويهمها كثير هالشي خاصه إذا شافت علامات إستفام بوجه الطالبات وتساعدنا بس تمسك عالنص والربع درجه :g2: يستاهلون كل خير.. الله يوفقهم ويوفقنا أجمعين |
رد: شبـاب وبنــات كليــة العلوم
السلام عليكم أختي شوق
رجعت أجاوب عليك سأتكلم عن قسم الرياضيات والي موجودة أسماءهم هنا بجدول السنة التحضيرية اللي تخصكم لان الوقت بيطول لو تكلمت عن كل اللي درسوني بإختصار * الدكتورة : هدى الشربيني ماشاء الله طيبة وأسألتها حلوة وأغلب البنات ناجحين عندها بس نصيحة شاركي معها * الدكتورة : أروى الشيباني أحسها ماشاء الله تحب العلم بشكل كبير و أسألتها يبغالها تركييز ومذاكرة أول بأول وحلي تمارين كثير * الدكتور : محمد الحداد يفهم يفهم وشرحه حلو وأسئلته حلوة بس ركزي ركزي لأنه يحب يجيب افكار في الاختبار النهائي * الدكتور : السيد مبروك يفهم كويس وخليك معه واكتبي محاضراته والأسئلة حلوة نفس الافكار الي يشرحها * الدكتورة منال العوهلي مادرستني * الدكتور : مصطفى الخطيب تفهمين معاه بإذن الله والاسئلة من محاضراته أو الكتاب ومرة واضحة وأهم شي توكلي على الله و ذاكري زين وشدي حيللك وحلي تمارين وأن شاء الله تجيبين أعلى الدرجات وبالتوفيق :119: . |
رد: شبـاب وبنــات كليــة العلوم
يعطيكم العافيه
بس ممكن معلومات عن د. منيره المصيرعي (فيزياء ) د. أسماء محمد زامل الشريف (كيمياء) د. هند الزهراني , د.ماجده عبد الغفار البنداري مسعد ( أحياء ) |
| All times are GMT +3. الوقت الآن حسب توقيت السعودية: 04:26 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام