|
مبالغة في أسعار كافتيريا كلية العلوم للبنات بالدمام
طالبة : ما نشتريه بريال يباع داخل الكلية بثلاثة
مبالغة في أسعار كافتيريا كلية العلوم للبنات بالدمام محمد عبدالله (سبق) الدمام : اشتكت مجموعة من طالبات كلية العلوم بالدمام من زيادة أسعار الكافتيريا والمحلات التجارية ومحلات النسخ والتصوير المتواجدة داخل مبنى الكلية . وقالت إحدى الطالبات في الكلية لـ(سبق) إن الأسعار في المواد الغذائية ومواد القرطاسية وأسعار النسخ والتصوير مضاعفة فما نشتريه من المحلات خارج الكلية بريال يتضاعف ثلاث مرات داخل الكلية. وأضافت أن المحلات التجارية داخل مبنى الكلية تقوم باستغلال حاجة الطالبات ويقمن بزيادة الأسعار بشكل مهول دون أي رقيب عليهم ، وتتساءل الطالبة : لماذا لا تقوم إدارة الكلية بمراقبة الأسعار وضبطها ؟ ولماذا لا تجبر الكلية المحلات التجارية ببيع السلع كما تبيعها المحلات خارج الكلية ؟ . وكانت إحدى المعيدات المستجدات في الكلية دعت الطالبات إلى الإحتجاج على الأسعار الإستغلالية ، كما طلبت منهم عدم القبول والشراء من المحلات التي تستغل حاجة الطالبات لبعض السلع داخل الكلية. http://www.sabq.org/?action=shownews&news=4526 |
رد: مبالغة في أسعار كافتيريا كلية العلوم للبنات بالدمام
هالكلااااام صح خصوصا التصوير..
بس وش نسوي لازن نااااخذ.. |
رد: مبالغة في أسعار كافتيريا كلية العلوم للبنات بالدمام
وحتى كليتنا نعاني من ذلك
ولا بد من الشراء من مكتبتهم لضمان وجود الختم على ملازهم ربي يسهل |
رد: مبالغة في أسعار كافتيريا كلية العلوم للبنات بالدمام
صحيح
بالخصوص التصوير والله يعين |
رد: مبالغة في أسعار كافتيريا كلية العلوم للبنات بالدمام
معكم من ناحية التصوير وبقوة
والبقالة بعد كل شي الضعف عشان كذا آخذ من الآلة في الصالة مع إنها حتى هي نفس الحالة |
رد: مبالغة في أسعار كافتيريا كلية العلوم للبنات بالدمام
yeaaaaah.. yeaaaah
تعودنا انا خلاص عندي تبلد من الناحيه هاذي ما صرت تفرق معاي قبل كنت أتئزم بس خلاص استسلمت ugh |
رد: مبالغة في أسعار كافتيريا كلية العلوم للبنات بالدمام
الشكوى لله :t1:.. |
رد: مبالغة في أسعار كافتيريا كلية العلوم للبنات بالدمام
ايييه مرررره رافعين الأسعار التصوير الكلام ما ينفهم ونص الملزمة طاااير والسعر دبل وبطاقات شحن موبايلي اللي ب10 تصير 15 واللي 20 ب30 ليييييش وش هالنصب ؟؟؟؟؟!!! وإلا عشان ما لنا حل ثاني والوحده تتوهق لو كمل الرصيد والآلات اللي بالصالة أنصب بمليون مررررره خخخخخ والله أكثر من مررره أحط فيهها فلوس ولا تطلع لي شي هالنصااابة :mh41: |
رد: مبالغة في أسعار كافتيريا كلية العلوم للبنات بالدمام
ايه والله انا ما يرفع ضغطي الا التصوير وبطاقات الشحن :017:
بس الشكوي لله :011: |
رد: مبالغة في أسعار كافتيريا كلية العلوم للبنات بالدمام
ليش ما تشترون لكم أكل من البيت وتسوون اضراب وتخسرووووووووووووووووونهم والبطاقات خلو اهلكم يشترون لكم احسن :mh19:
|
رد: مبالغة في أسعار كافتيريا كلية العلوم للبنات بالدمام
حسبي الله ونعم الوكيل:000:
|
رد: مبالغة في أسعار كافتيريا كلية العلوم للبنات بالدمام
وأزيدكم من الشعر بيت :Cry111:أكثر من مره نكتشف ان الحلويات والشيبس خصوصا تاريخ صلاحيتها منتهى او باقي كم أسبوع وينتهي يعني أنتبهو يابنااااااااااااااات للتواريخ قبل ماتشترونها |
رد: مبالغة في أسعار كافتيريا كلية العلوم للبنات بالدمام
اقتباس:
أسمحوا لي مشاركتي المتأخرة في الموضوع أنا مع هذا الرأى :103:عملا بقول عمر رضي الله عنه عندما أشتكى له أهل المدينة غلاء اللحم فقال : ارخصوه أنتم ، فسألوه كيف ؟ فوضح لهم أنهم أن قاطعوا شراء اللحم سيضطر الباعة لترخيص ثمنه ليشتريه الناس خشية أن يفسد فإذا قاطعنا مأكولات الكافتيريا:089: سنرغمهم على خفض الأسعار |
رد: مبالغة في أسعار كافتيريا كلية العلوم للبنات بالدمام
الله المستعان
والأخطر من ذلك انهم يستخدمون جهاز المكرويف لتسخين العجائن ملفوفة بالبلاستيك حيث مادة البلاستيك تحتوي على الديوكسين الكيميائية التي تسبب مرض السرطان ... ولكن ماذا نقول يعني تسخين واضح الكيس البلاستيكي يتغير ولما نقول لهم هذا مسخن ويقولون لا هذا واصلنا من المخبز من الصباح بأي عقل يصدق الحين من ساعة 8 الى ساعة 10 يظل العجين ساخن شيء يضحك وشي ينرفز |
رد: مبالغة في أسعار كافتيريا كلية العلوم للبنات بالدمام
اقتباس:
صادقة يا اختي وهذي ملاحظة مهمة جدا الله يعينا ويكفينا شر استهتارهم :011: |
رد: مبالغة في أسعار كافتيريا كلية العلوم للبنات بالدمام
اشكرك اخوي موضوع جــــاي مع الوضع مظبووط
انــــا عن نفســي قاطعــت الكفتيريــا اشتري معجانات من المخــابز واخذه معاي الكليه منه ابتعــد من التسخيـــن في المايكرويف >>> هذا اللي قاهرني ومنــــــه اوفــر على نفســـي شــدعوه الخبزه الوحده في المخابز العاديه بريــال ان كثرت بريــالين اما في الكليــه بثلاثه وبربعـــه >>> يعتمد على حسب اللي تبيع وياليت فيه جبن او زعـــتر ..........الخ فاضيه هذا بغض النظر عن البقاله والتصوير ومحلات التجاريه عذرا لتطفل بس هالموضوع قاهرني english gairl اداب >>> لغــه انجليزيه |
رد: مبالغة في أسعار كافتيريا كلية العلوم للبنات بالدمام
صحيح والله نعااني
التصوير والكفتيرياااا يووووه حرام عليهم |
رد: مبالغة في أسعار كافتيريا كلية العلوم للبنات بالدمام
اي صح الاسعار مره نار بالنسبه للكفتيريا.
لا وفي بعضهمم يسخنوا في الميكرويف بريال وحتى التصوير ورقتين بريال:017: طيب اذا هم يسوون كذا عشان بنات الانتظام يعطونهم مكافئه اجل بنات الانتساب وش ذنبهم:bawling: |
رد: مبالغة في أسعار كافتيريا كلية العلوم للبنات بالدمام
شووووووووووو بدنا نعمل
ونحن كذلك:011: بنات كلية المجتمع بالاحسااااااااااااااااء عذاب لا في الكافتيريا ولا التصوير ويا ليت المكان مضبوطه الحمد لله والشكر ولا زووووووود ماكو مكافئه على شنو تسحبون مصروفنا غير تكاليف اللبس والتوصيل وين هاللي يقولون نساعد الطلبه والطالبات وييييييييييييييييييييينهم:017: |
رد: مبالغة في أسعار كافتيريا كلية العلوم للبنات بالدمام
كل شي في هل كليات دماااااااااار × دمااااااااااااااااااار:Cry111:
|
رد: مبالغة في أسعار كافتيريا كلية العلوم للبنات بالدمام
والله كلامكم كله مضبوط 100 %
كل شئ في الكليه دمار والأسعار نار وخاصه التصوير وياليت تصويرهم مضبوط نص الكلام مو موجود والملزمه بعض الصفحات ناقصه واذا طلبتي تصورين الناقص تدفعين فلوس على الورقه الوحده يعني المكافأه تروح بس على التصوير وعلى الأوراق الناقصه ولازم ادققين وراها علشان تعرفين اذا الملزمه كامله والا لا وبعد نفسيتهم زفت كأن نشحتهم ماكأن ندفع لهم فلوس |
رد: مبالغة في أسعار كافتيريا كلية العلوم للبنات بالدمام
:hahahahahah: :hahahahahah:
ياحبيباتي قولولي شئ زين بهذي الكليه :hahahahahah: :hahahahahah: عاااااااااااااااااااااااادي جدا لاتشترون وجيبو فطوركم معاكم(بزارين وش نسوي لعد) بس عصير اشتريه من عندهم وياليت العصير (حالته سليمه لا يجيك كانه داخل حرب وطاله قد ماهوا معفص) ههههه اما بخصوص التصوير قمه في قله الذوق وقمه في النصب وربي نفسئ اكفخهم (تحمست البنت او نا ويه شر):cheese: |
رد: مبالغة في أسعار كافتيريا كلية العلوم للبنات بالدمام
التصوير مزودينهـاآ على قد نصبهم السنوآت الماضيه http://vb.eqla3.com/images/smilies/Looking_anim.gif
بس صار دبل نصب هـ ـالسنه خير وين حنـّاآ فيه http://vb.eqla3.com/images/smilies/Looking_anim.gif ملزمه لا رآحت ولا جت بـ 40 .. 25 .. 30 http://vb.eqla3.com/images/smilies/Looking_anim.gif مافيه آرخص من كذآ آلا الورقه الوحده بـ ريال http://www.lakii.com/vb/smile/3_90.gif وآنا ما رآح آفتحها آلا ليلة الآختبار http://vb.eqla3.com/images/smilies/Looking_anim.gif وعلى قولتهم نص الكلـاآم رآيح http://vb.eqla3.com/images/smilies/Looking_anim.gif -- |
رد: مبالغة في أسعار كافتيريا كلية العلوم للبنات بالدمام
التصوير التصوير التصوير :t1:
|
رد: مبالغة في أسعار كافتيريا كلية العلوم للبنات بالدمام
مرة منزلين ملزمة بـ 40
برا تنباع بالكثير بالكثير 15 ريال من أول السنة ماخذت إلاملزمة بـ 4 ريال مافيها غير 13 ورقة !!! ومن بعدها صرت أصور بالآداب آخذ ملازم البنات وأصور في الآداب آخلاق + أسعار + تفاني + وقت + كل شيء حلووو تخيلوا أوراق عند العلوم بـ 5 أصورها بـ 3 بالآداب نصصصب غير طبييعيي بالإضافة إلى إن العلوم الله لايبلااانا لاجيتيهم الصبح تقوولك انتظري البنات يجوون وهي فييه بس ماتبي تشتغل أكثر من الباقين !!! الحمدلله والشكر الآداب حاطين لهم خالة تستقبل الطلبات لحد مايجون والله جيت مرة و اللي تبيع توها منزلة عبايتها وتستقبل طلبي بكل نفس مفتوحة وأدب وذووق وتسلمه بنفس الوقت لي !! فرق فرق يانااااس الله يديم الآداب بس ولو راحوا أصور برا الكلية ولا آحذ منهم |
رد: مبالغة في أسعار كافتيريا كلية العلوم للبنات بالدمام
الله يهديهم الصراحة تصوير العلوم دمار من كل ناحية ..
|
رد: مبالغة في أسعار كافتيريا كلية العلوم للبنات بالدمام
اقتباس:
يووووه ولا ذآ الملف اللي حاطينه مع الملـاآزم !! الملف بريال يبيعونه بالغصب وآدبـاآل سعره http://www.getsmile.com/emoticons/sm...53/aiw/huh.gif هذآ اللي بيصير آشوف آي وحده شرت الملزمه والله يسلم فجر http://co1ors.com/vb/images/smilies/GAR/GLB(1).gif اللي يصورونه بـ 10 بفجر بريال http://vb.albashiri.net/images/smili...ees%20(32).gif !! -- |
رد: مبالغة في أسعار كافتيريا كلية العلوم للبنات بالدمام
اقتباس:
بس يحسنوا أخلاقهم و يشتغلوا زي الأوادم و البشر :017: ما تسوى علينا الروحة لهم حسبالهم احنا طرارين عندهم كل شوي تعالي بعدين تعالي بعد 10 دقايق بعدين ربع ساعة بعدين تعالي الساعة وحدة وين قاعدين احنا و الله مسخرة خصوصًا احنا سنة أولى يعني ماحد قالهم الاذكياء إن عددنا يقارب ال 750 طالبة ليش ما يصوروا ملازم رياضيات بكمية كبيرة شوي و لا خساير فلوس و لا يدروا أن البنات أصلًا من كثر ما تعبوا منهم و من نصابتهم يشتروا ملزمة و يتبادلوا فيما ما بينهم و كل وحدة تصور في ديرتها أبرك و أرخص .... و لا لحد يوم الاربعاء و احنا نطارد على هذي الملزمة ما صارت و في وحدة تنفخ على الي يسألها هذاك اليوم اشتهيت اقوم أنط من فوق الزجاج و أكفخها لين تقول بس و تحترم نفسها ..... اخس ما في كليتنا الموقع المسمى التصوير :104: و سامحوني على كل الي قلته بس صحيح الوضع صعببببب و لا يطاق |
رد: مبالغة في أسعار كافتيريا كلية العلوم للبنات بالدمام
الكفتيرا وقلنا نسحب عليهم لا مشكله
بس التصوير ذول عيال اللذينه :017: خاطري امسكهم وادوس في بطنهم وحده وحده والله يعني سعر 10 اضعاف ليه يعني حتىا لو يعطونا مكافئه حتىا لو انه عندنا فلوس الدنيا المفروض ما يسون كذا كنهم يقولون انتم مخفات ونبي نقص عليكم وانتوو ما تقدرون تسون شي يا مخفاات :017: والله حتىا لو انه ناخذ الملزمه ونصورهم صح بس قهر اول ملزمه مشترينها مهنهم مره انقهر في تصوير قداام التصوير اللي عندنا في العلوم يصور الضعف وليس الـ 10 اضعاف وحتىا وحده من التصوير هذاك تهاوشت معهم تقول لهذيك احنا نقص عليهم بـ 10 اضعاف ليه تكسرون علينا بالضعف :hahahahahah: يعني قصدها كذا المهم اقول لكم ورىا ما الدكتورات ينزلون الملازم عند التصوير هذوله على الاقل الضعف ارحم من 10 اضعاف ما نقدر نكلم الدكتورات بهالموضوع ؟؟! ولا اجباري عند هذوليك ؟!! |
رد: مبالغة في أسعار كافتيريا كلية العلوم للبنات بالدمام
إجباااري هذوليك
بس لو نشتكي رسمي عليهم يطيروونهم بس من يشتكيي صادقة عجبتني الضعف بس جد شيء أهون من شيء وشيء يغطي ع شيء |
رد: مبالغة في أسعار كافتيريا كلية العلوم للبنات بالدمام
اقتباس:
صدقتِ تصوير الآداب يعرفون شي اسمه ذوق وتعامل :119: |
رد: مبالغة في أسعار كافتيريا كلية العلوم للبنات بالدمام
الاداب عنهم تصوير ؟
في العلوم المشكله اذا نزلوا ملزمه الاختبار بيكون فيها اليوم الي بعده لازم نشتريها بالسعر الي حاطينه حسبي الله عليهم الكافتريا لاتعليق ما قصروا البنات |
رد: مبالغة في أسعار كافتيريا كلية العلوم للبنات بالدمام
هلا أختي الأمورة مهاوي تصوير الآداب سابقا اللي عندنا وانتي رايحة تصوير العلوم كأنك بدخلينه لاتدخلين كملي طريقك سيده وبتلاقينه إذا بتصورين شي روحي هناك مافي مجال للتعليق كفيتوا ووفيتوا موفقين بإذن الله |
رد: مبالغة في أسعار كافتيريا كلية العلوم للبنات بالدمام
التصوير هذى السنة زودوها بالمرة
صارت الورقة الى من صفحتين بريال؟؟؟؟؟؟ |
رد: مبالغة في أسعار كافتيريا كلية العلوم للبنات بالدمام
اقتباس:
باقى ذاك المكان مفتوح وايش فية؟ |
رد: مبالغة في أسعار كافتيريا كلية العلوم للبنات بالدمام
هلا أختي ضيائي التصوير هذا أرخص وأسرع من تصوير العلوم إذا عندك شي تبين تصورين روحي هناك أحسن لك وفّقك الله لكلّ خير |
رد: مبالغة في أسعار كافتيريا كلية العلوم للبنات بالدمام
^^
^^ ^^ الضعف أهون من 10 أضعاف على قولة رهووش |
رد: مبالغة في أسعار كافتيريا كلية العلوم للبنات بالدمام
:cheese:
:cheese: :cheese: |
رد: مبالغة في أسعار كافتيريا كلية العلوم للبنات بالدمام
الى الله المشتكى
|
رد: مبالغة في أسعار كافتيريا كلية العلوم للبنات بالدمام
إيه بنات روحواا تصوير الأداب أحسن بوااجد
وخلواا العلوم على جنب |
| All times are GMT +3. الوقت الآن حسب توقيت السعودية: 05:45 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام