كلية العلوم قسم علم الحيوان(استفسار)

[Candy Doll]

هلا شلونكم؟
كل عام وانتم بخير
عندي استفسار عن هذا القسم
انا سجلت في كلية العلوم قسم علم حيوانات طبعاً هذا ما كان رغبتي الاولى بس الحمدلله على كل حال
استفساري هو ما هي المواد اللي ندرسها في هذا القسم واذا تخرجت شنو هي الشغلات اللي ممكن اشتغلها غير التدريس لاني ما ابي اصير مدرسة
ارجوا منكم تردون على موضوعي لاني كم مرة اكتب بس ما حد يرد

[moon14]

مرحبا فيك اختي انا مثلك بعد بنفس القسم واذا حابتي تتعرفين على بنات بعد بنفس قسمك ادخلي منتدى المستجدين
بالنسبة للمواد لسه ماحددوها راح يكون في رابع العيد ان شاء الله

[عطر الكون]

http://www.ckfu.org/vb/showthread.php?t=17749

تعــــــــــاآليـ هونــاآ

ولا تستعجلين الخيـــر جــــــاآيـ ~


=)

[άŇ3m 3яbjeά]

يسلموو طموحه

[Candy Doll]

شكراً لردودكم
انا بس بغيت اتطمن على مستقبلي

[WINGS]

طبعا الترم الأول راح تدرسين مواد عامه رياضيات عامه وفيزياء عامه وعلم نبات عام وعلم حيوان عام وكيمياء عضويه وو عربي وثقافه اسلاميه ولغه انجليزيه .. يعني بالضبط كأنك في مدرسه مافيه شي جديد بالمنهج ولا فيه شي ينخاف منه ..

أما الترم الثاني راح تدرسين مواد اكثر تخصص مثل علم الأوليات وتقنيه المجهر والكيمياء الحيويه وعلم الخليه واحصاء ودين وانجليزي وعربي ..

السنوات اللي بعدها راح تدرسين مواد مررة حلوة وسهله مثل فسيولوجيا جسم الانسان وعلم الانسجه وعن الزواحف والطيور وغيرها من المواد المتخصصه اكثر بهالعلم ..

اما عن المستقبل . انتي ان شاء الله راح تتخرجين بشهاده بكالوريوس بالعلوم تخصص أحياء علم الحيوان .
يعني لو اخذتي دبلوم تقنيه مختبرات طبيه ممكن انك تتوظفين بمستشفى . لأنو المستشفيات مايوفضون الا الجامعيات اللي عندهم خبرة .. وانتي بكذا راح تكونين جامعيه وعندك خبرة : )

كمان تقدرين تتوظفين بمركز الامير سلطان للعلوم والتقنيه ( سايتك ) وتصيرين مرشدة علميه وحركات ..

كمان ممكن تحضرين ماجستير في البيئه وتشتغلين في ارامكو وتصيرين عالمه بيولوجيه .

التفكير في الوظيفه مو مهم اهم شي انك تبدعين بقسمك ..

بالتوفيق

[//خزامى//]

أسعد الله مساءكم

<< خريجة علم حيوان سابقاً

كان الله في عونكم
فهي سنوات ممتعة مملة متعبة :t1:

آلا ليت الزمان ...

ودمتم سالمين

[غداً آجمل]

هلآ بنآت آخباركم .؟؟

انا طالبهـ بقسم علم الحيـوااان

سنه ثالثه ان شاء الله ..

وترى القسم مرره حلووو وممتع ..

واذا على الصعوبه كل الاقسام صعبهـ لازم شدة حيـل ..

انا زيكم قبل دخلته بدون رغبه ..بس مع الوقت حبيته وتعودت عليـهـ ..

والحمدلله ماتدرون يمكن في الامر خيـرهـ لكم ..


آممممممممممم انتي حابه تعرفين عن المواد اللي درسناهـاا

<<<< راحت تجيب اشعار النتيجه حق سنه اولى

عشآن اقولكم وش المواد اللي درستها..

آمممممممم شوفي ياقلبي سنه اولى ..

طبعآ بكتب لك كل مواد سنه اولى يعني مواد الترمين مع بعض اوكيشن

شوفي اول ترم ماتدرسين تخصص الا ماده وحده والباقي كلللللله مواد عامه ..

يلا خليك معاي


حيوان عام ..
نبات عام..
كيمياء عامه..
فيزياء عامه..
رياضيات عامه..
اللغه الانجليزيه..
اللغه العربيه..
علم خليه..
بيئه الاحياء الارضيه..
اوليات..
كيمياء فيزيائيه وتحليله..
ثقافه اسلاميه..

هذي المواد مقسمه على ترمين..


ادري تغير وجهك من اسماء المواد

بس ترى سهل وممتع بإذن الله اذا شديتي حيلك ..


وأي سؤال من بنـااات القسمـ انا حاضرهـ ..