|
طالبات اللغة الانجليزية من جميع المستويات
السلام عليكم ورحمة الله وبركاته انا طالبة في احدى الكليات التابعة لجامعة الدمام تخصصي ياطويلين العمر ادب انجليزي مستوى سادس حاليا جالسة افكر بجدية اني اقدم على زائر واكمل دراستي في كلية الاداب بالخفجي لأسباب عدة وماتنتهي نقرتين لعرض الصورة في صفحة مستقلة بعطيكم مثال صغير يفسر الوضع اللي نعيشه في قسمنا.. الميدترم يكون من 20 درجة والكويز من 5 درجات .. يبقى في ايد الدكتورة 25 درجة تقسمها على واجبات وبحوث وبرزنتيشن والله يابنات ان الدرجة الوحدة نجيبها بطلعة الروح مهما جبتي واجبات وبحوث وعرضتي عرضك تنصدمين من مجموعك النهائي يعني هالسمستر سوينا برزنتيشن وحنا بالاساس شبه اول مرة نسويه لان هم ماعودونا عليه الصدمة كانت لما شفنا درجاتنا 1 من 10 و 3 ان طارت.. ليش؟ لان الاخت مو عاجبها كوننا نقرأ من العرض لازم توقفين وتشرحين شرح كامل من غير لاتناظرينه وهذا الشيء صعب وخصوصا ان اغلب الكلاس لغته مش بيرفكت والبنات طبعهم الخجل.. يعني حنا عند باقي المواد العامة العربية نقرى من العرض وناخذ الفل مارك لان مراعين كوننا بنات ونستحي في بعض الاحيان لو نخطأ قدام باقي الكلاس درجاتنا من 50 والله العظيم وانا جالسة اتكلم عن قسم كامل مو عني انا بس توصل لـ 11 و 14 و 13 من 50!!! ونادرا ماتوصل البنت لـ 35 طبعا اللي تجيب هالمجموع بنت او ثلاث وطبعا هم متعمدين بهذا الشيء لان العميدة على قولتهم ماتبي تخرج من هالقسم الا النابغات.. يعني السالفة مطووولة على التخرج نقرتين لعرض الصورة في صفحة مستقلة اعتقد محد يلومني لو فكرت بالنحشة منه نقرتين لعرض الصورة في صفحة مستقلة اخيرا حبيت اسالكم يابنات الاداب في كلية الخفجي عن الوضع عندكم : - نسبة الرسوب -المجاميع الكلية للمادة كم تكون عادةً -البحوث والواجبات والعروض تاخذون عليها درجات ترضيكم؟ -الاستاذات والدكتورات غالبيتهم سعوديات؟ لان حنا اللي عندنا كلهم هنديات مطلعات روحنا نقرتين لعرض الصورة في صفحة مستقلة - طبيعة الاسئلة في الاختبارات والقسم نفسه لبنت مش "دافورة" يعني نص ونص يعني متساهلين معكم وكذا؟ - الدكتورات كيف طريقتهم يخفسون فالبنت وكثيرين الملاحظة والنقد؟ اتمنى الرد واسفة على الاطالة بس والله ماكتبت كل هالحكي الا لاني بحاجة اسمع ارائكم |
رد: طالبات اللغة الانجليزية من جميع المستويات
،
وعليكم السلام والرحمة حاسه ب معاناتك بجد مع اني م جربتها شخصيا لكن صديقاتي باقسام ثانية وجربو :( انا خريجة انجليزي من كلية العلوم والاداب بالخفجي القسم بشكل عام جميل << هذا على خبري م ادري عنه الحين بحكم اني متخرجة من سنتين تقسيم الدرجات اعتقد موحد يعني 20 ميد ترم 10 كويز 10 برزنتيشن 10 حضور ومشاركة و50 فاينل قبل الفاينل تاخذين مجموعك من الخمسين الاولى وغالبا الحمدلله عادلين يعني م يكون فيه ظلم ولله الحمد الاستاذات اللي جربتهم كانو جدا متعاونات وكل م تعاونتي معهم كل م تعاونو هم معك ! << طبعا هذول اللي انا جربتهم وغالبيتهم اصلا نقلو :) لكن الموجودين الحين فيهم الخير والبركة ، طبعا فيه الحين سعوديات وفيه كمان من الهند ومصر والاردن اسئلة الاختبارات على حسب الاستاذة والاستاذة على حسب تعاون البنات معها ، يعني كل شي مرتبط ببعضه ! البحوث والعروض والواجبات الحمدلله حسب اللي شفته اعتقد اننا كان ناخذ اللي نستحقه وزيادة :) وعندنا رسوب ترا نفس غيرنا ، بس مو رسوب ظلم وانو الاستاذة م اعجبتها الطالبة ورسبتها ! << ع الاقل هذا على خبري م ادري عن الوضع الحين لأن تغير كثير بالقسم بعد م تخرجت لكن ان شاء الله م تغير هالشي :) لكن قسم مساوئ اعترف بهالشي لكن حسنات قسمنا تغطي على مساوئه ، م ابي امدح لك القسم زيادة ولما تجين تنصدمين وتدعين علي ترا هالحتسي حتسي وحده متخرجه من سنتين �� بالتوفيق ()" |
رد: طالبات اللغة الانجليزية من جميع المستويات
موفقين
|
رد: طالبات اللغة الانجليزية من جميع المستويات
اهلين اختي
بالنسبة للنظام اللي بكليتنا اقدر افيدك لاني احدى الطالبات اولا البرزنتيشن متعودين علية من اول سنه ومعروف ان القراءة من العرض يخصم من الدرجات فـ هذا الشي مفروغ منه وبما انك مستوى سادس المفروض ماتعانين من هالمشكلة ,اكثر اللي يعانون من البرزنتيشنز هم البنات الخجولات عندنا بالرغم من انهم شاطرات ومع هذا تنخصم عليها درجات العرض لأنهم يقرون منه . الاستاذات يختلفون من استاذة للثانية بعضهم شديدات بالدرجات والأجنبيات ماشين ع النظام بزيادة يعني حتى بنص درجة يتناقشون مع القسم عليها . انا انصحك تكملين بالكلية اللي انتي فيها الشدة بالدرجات دافع عشان تتحسنين اقتباس:
-المجاميع ماقصرت تبا للحنين _طبعا لا ماناخذ درجاات ترضينا ابدااااااا - الغالبية سعوديات خريجات كندا وبريطانيا و عسرات اكثر من الهنديات -البعض حلوة اسئلته والبعض لا مو متساهلين ابد بأسئلة الاختبارت فيه استاذات غرامهم الاسئلة المقالية اللي يخلص الوقت وحنا ماخلصنا كتابة . بالتوفيق :rose: |
| All times are GMT +3. الوقت الآن حسب توقيت السعودية: 09:34 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه