|
حكايتي ...... مع الدراسة بالكلية !!!
السلام عليكم ورحمة الله وبركاته اخواتي الغاليات هذي اول مشاركة لي اتمنى انكم تساعدوني ~~~~~~بليز باحكي لكم حكايتي من اولها مع الكلية تخيلوا اني كنت في الكلية وفي وثالث كلية لغة عربية وشاء الله اني انقل من الكلية اللي انا فيها الى كلية الاداب بالدمام وبعد ما نقلت اجلت سنة وهذا الكلام من سنة1421 <<<<< ترى انا صغيرة وما صغير الا الشيطان هههههه والسنة اللي بعدها كمان اجلت وبعدين نسيت الدراسة مع الزواج والعيال والله المستعان وشاء الله ان اتذكر الدراسة الاسبوع اللي فات <<<<<< لالالا لاتضحكو علي اية توني اتذكر عادي هههههههههه ان تصل متأخرا خيرا من ان لا تصل ابدا وابغى اسال هل يحق لي ان اكمل دراستي وانا ما طلعت الملف من الكلية لسى الملف عندهم وهل اقدر انقل كلية النعيرية بعد السنوات هذي اللي اقطعت عنها واكمل دراسةمع العلم اني سنة ثالث لغة عربية و ابغى اكمل انتساب اذا احد يقدر يساعدني من بنات النعيرية الغاليات ويسأل الادارة في الكلية او اي مسؤل من الكلية يرد علي <<<<< احلامي كبيرة هههه والله يسهل لها كل امانيها اللي ترد علي بالخبر الاكيد انتظر الرد علي احر من الجمر وسلامتكم |
رد: حكايتي ...... مع الدراسة بالكلية !!!
ابشششششششششري اختي اسألك بكره باذن الله
وان شاء الله خير اتمنى لك التوفيق |
رد: حكايتي ...... مع الدراسة بالكلية !!!
اتتووقع يحقل لك تكملين اذا انتي مأجله بالكليه خذي تحوويل من الدمام وودي للنعيريه وشوفي اش يصير .. وبالتوفيق لك يالغلا والله الشهاده الجامعيه شي ضروري سواء بنت او متزوجه
|
رد: حكايتي ...... مع الدراسة بالكلية !!!
اذا انتي عطيتيهم خبر الوضع عادي
بس اذا ماتقدمتي من اول وطلبتي تأجيل مايمديك تكملي لانه يصدر لك حرمان اختك مها الحويطر لغة عربية السنة الثانية |
رد: حكايتي ...... مع الدراسة بالكلية !!!
هلا فيك اختي
ركزي وياي وخلينا نقرا لائحة القبول والتسجيل الانقطاع عن الدراسة : إذا انقطع الطالب عن الدراسة مدة فصل دراسي دون طلب التأجيل يطوى قيده من الجامعة ، ولمجلس الجامعة طي قيد الطالب إذا انقطع عن الدراسة لمدة أقل ، ولا يعتبر الطالب منقطعاً عن الدراسة للفصول التي يدرسها زائراً في جامعة أخرى . يعني انتي الآن مطوي قيدك في كلية الآداب ... إعادة القيد : لا يجوز إعادة قيد الطالب الذي فصل من الجامعة لأسباب تعليمية أو تأديبية أو الذي فصل من جامعة أخرى لأسباب تأديبية ، وإذا اتضح بعد إعادة قيده أنه سبق فصله لمثل هذه الأسباب فيعتبر قيده ملغي من تاريخ القيد . وانتي ماطوى قيدك لاسباب تعليمية او تأديبية .. فاللي ابيك تسوينه .. انك تروحين لكلية الآداب .. وتقولين لهم أبي إعادة قيد .. يمكن يقولون لك مافيه إعادة قيد .. لان اللائحة تقول .. في حالة انقطاع الطالب لأكثر من عامين .. يعامل كأنه طالب مستجد ويستطيع ان يسجل من جديد .. يعني اذا قالوا لك مانقدر نسوي لك شي .. او مانقدر نعيد قيدك .. قولي لهم اقدر احول للنعيرية ..!! اذا قالوا لأ .. اسحبي ملفك وقدمي بالجامعة من جديد .. يعني عندك الامور الثلاثة تسوينها بالترتيب 1- إعادة القيد .. 2- التحويل من الآداب للنعيرية .. 3- التسجيل من جديد .. ويمكن بعد .. ماتقدرين ترجعين تدرسين الا انتساب .. على العموم افضل شي انك تروحين الكلية عند شؤون الطالبات للدكتورة سعاد الشايقي بكلية الآداب وراح تشوف مشكلتك والحلول باذن الله بالتوفيق |
رد: حكايتي ...... مع الدراسة بالكلية !!!
السوبر كفى ووفى موفقه يارب ولاتزعلين حالك الدنيااا حظوظ:119:
|
رد: حكايتي ...... مع الدراسة بالكلية !!!
كروزة مشكورة حبيبتي ما قصرتي جوي غير ان شاء الله اقدر اكمل وبالتوقيق مها الخويطر طلبت تأجيل سنتين والباقي ما أجلت والله يعين.. super فعلا انا قرأت اللائحة من قبل وان شاء الله اسوي اللي قلت علية والله يكتب لنا ما فية الخير ولا يحرمك من الاجر كت كات الخبر اذا ماصار اللي ابية انا باكسر الدنيا:s3: ههههههه |
رد: حكايتي ...... مع الدراسة بالكلية !!!
لا ونسيت اقول اني محتفظة ببطاقة الكلية والله قهر لو ما اخلص :Cry111: |
رد: حكايتي ...... مع الدراسة بالكلية !!!
ماشاء الله عليك يالسوووبر صحيح انك سووبر
من جد كفيت ووفيت فديتك يعطيك الف عافيه |
| All times are GMT +3. الوقت الآن حسب توقيت السعودية: 08:12 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه