ملتقى طلاب وطالبات جامعة الملك فيصل,جامعة الدمام

http://img387.imageshack.us/img387/3224/72318411.png

بقولكم قصه وانتم بكرامه عنوانها (( الحمام الهائجه))

في احد الايام وفي صيف الشتاء القارص كنت بالصف الثاني ثنوي .. المهم كان عندي اختبار رياضيات اعاده طبعا لان صادوني وانا اغش :g11:
فخذتني ابله هانم حسني المتبولي و بدون ما اذكر اسماء طبعا ..المهم ودتني لحالي للمكتبه وبعد ما فتشتني و تاكدت اني مابرشمت على ايدي ولا المريول ولا مسفطه بريشيمه وداعستها بجيبي او بالجزمه كالعاده .. قالت لي : انا حقفل عليكي الباب لاني عندي شغلانه حعملها وحاجي على طول .. ..
قلت لها : ابله خذي راحتك على الاخر حتى لو تجيني بكره ((صدق مهايط سعوديات وانا بيني وبينكم قلت احسن عشان اطنش باقي الحصص )) قلت لها ولا يهمك ابشري اصلا انا ابكون مشغوله بالحل ((امحق حل خرطي:hahaha_2008:)) يعني خذي راحتك وسوي كل اشغالك والي ماسوتيه سويه اليوم
قالتلي : خلاص انا حسيبك لوحدك وانا واثقه فيكي (( ؟ بذمه يعني من مين بغش الجني مثلا)) قلت لها : ترى كل الكتب الي حولي سندريلا وليلى والذئب يعني لا تخافين مابغش (اطمنها لان ادري انها متاكده يقينا اني موب ثقه ابد)) المهم .. قالت لي المكتبه امانه في يدك ((مدري حاسبتني ورع يعني وش بسوي بشخبط على الكتب مثلا ولا ابلعب اكس او مع الجني ))
المهم عاد قفلت علي الباب قفلتين عشان محد يجي يغششني من اخواتي الصالحات وراحت وانا جلست اتمشى و اتفرج بالكتب قلت دام العمه شكلها مطوله خليني اخذ جوله على الكتب اشوف وش فاتني من الاكتشافات :g4:
واثر في كتب طيبه والله شغل عدل ومتعوب عليها وانا احسب حاطين الكتب يعنني كشخه عندنا مكتبه اثر السالفه جد .. المهم قلت في بالي ليه استعجل بالحل كني باخذ درجه زينه .. اهم شي انجح (مقوله متعارف عليها عند بنات الكليات ) المهم عاد وانا اتمشى شفت كتاب {الرازي } قلت خليني اطلع على اعماله .. فتحته وقريت الفهرس بس مادري مااقنعني بارائه .. دورت لي كتاب ثاني
لقيت كتاب { تعلمي فن الطبخ} من جد هذي الكتب الي تنفع المجتمع وتعيشه وقلت يالله خليني اتعلم كم طبخه عشان امي اذا قالتلي مو فالحه بالمدرسه اسمعلها كم طبخه تستانس :cheese:.. وقهر حاولت ادور كتاب {بنات الرياض} بس مالقيته .. وبعد فتره هونت عن الطبخ وقلت خليني على سندريلا ابرك .. فتحت الكتاب وجلست اللون وشخبط والعب مع نفسي اكس او و اثناء ممارستي حقوقي كطفله واذا بصوت غريب كالخرخشه فوق راسي شي يصفق خشش .. خشش .. خشش والتفت ... ... ...
واذا بحمام زاجل في وجهي يخزني خزه حقد :000:

>> تخاف من الحمام .. ويما كرشه شكله مقرف جدا استغفر الله

عاد شوفوني انا ها ها ها انواع التسويط

لحظتها فكرت في نفسي وقلت .. وش يقولون الناس اذا توهقوا؟! النجده النجده مثلا ولا اقولhelp me .. help me !!!
:sdfgdsf:

.. .. وليت ان محترق شي كان فكيت نفسي وقلت حريقاااا حريقاااا وخلصنا
مادريت وش اقول مالقيت تعبير يخدمني هذيك
اللحظه قلت اصرخ ابرك .. ااااااااااااااااااااااااا- ااااااااااااااااااااااااا- ااااااااااااااااااااااااا- ااااااااااااااااااااااااا- ااااااااااااااااااااااااا- ااااااااااااااااااااااااا- اه
الحقوني ياجماعه يالهوووووووووووي حمامه .. حمامه والنعمه .. وربي حمامه قسم بالله حمامه ورب الكعبه حمامه.. وخري يامجنونه ياغبيه
اركض والحمامه لازق بظهري ولاحقتني وين مااروح والمشكله الغرفه صغيره وين مااروح في وجهي جدار ولازق بظهري طير متخلف مدري وش يبي؟! .. حده هائج احسه يبي يحك ظهره وماهو عارف كيف !! وانا اصارخ وهو يصفق وجلست على هالحال اسيره مايقارب الخمس دقائق و ثلاثه وعشرون ثانيه من الظلم والاظطهاد والقمع والله كليت هوا من قلب حتى دموعي تيبست ونخارير وحالتي حاله خخخ
وبالاخير بنت الذين جتني بعد ماساح قلبي وفتحت الباب وانا حالتي يرثى لها وقامت تظحك علي :Cry111::Cry111::Cry111: وخرب البرستيج قدام الشله وكلن درى بسالفتي :Cry111: والله ذيك الايام كرهت المدرسه من جد ..
>> مادرت انها بتدرس بالنعيريه .. صرنا نكش حمام تقولون ذبان مو حمام !!! :Cry111:

..
احداث هذه الشلخه واقعيه ولانستغني عن رشه البهارات