ملتقى طلاب وطالبات جامعة الملك فيصل,جامعة الدمام

- منتدى كلية العلوم و الآداب بالنعيرية (https://vb.ckfu.org/forumdisplay.php?f=66)

- - مات أبوي وتاااااج راااااسي (https://vb.ckfu.org/showthread.php?t=34990)

مات أبوي وتاااااج راااااسي

مات أبوي وتاج راسي مات حلال النشايب
مات يا كبر المصيبة و الفجيعة و البليه
مات لكن من بعد موته تحاقرت المصايب
لو تجمع فوق راسي كلها هانت عليه
ماتهون اليوم ياراس على قبره نصايب
والله أن القبر عندي شامخ كنه طميه
ليتني قبل النهار إللي فقدتك فيه غايب
ليت عمري قدفنى قبلك وفي عمرك
بقيه
الربيع أقفى ولا ظنيت نفرح بالسحايب
والمطر ما عاد يطري له بوقت القيظ نيه
ياصليب الرأي مدري وين نوخت الركايب
بعد مادجت الفيافي و السهول الجرهديه
ماكسبت إلا الصخا و الطيب وخيار الجلايب
ولا انحنى راسك ذليل ولا تهقويت الرديه
لاوزير ولا سفير ولا مدير ولا أنت نايب
والله أنك جايز عندي على هذي و ذيه
جعل ذاك الوجه مايرجع من الرحمن خايب
جعل مثواه النعيم و في جنان سرمديه

والدي
اسكنك الله فسيح الجنان وجمعنا و أياك في فردوسه...

ابنتك