تجمع للراغبات بسكن للطالبات بالنعيرية

[سيساتو]

أهلاً ..
بالنسبة للبنات المقبولين بالنعيرية وهم من منطقة ثانية ..
و أنا إحتمال كبير أكون منهم ..
عشان كذا قمت أدور على سكن للبنات بالنعيرية ، و صراحة مالقيت !
الأغلب يقول في شلة بنات و معهم حرمة كبيرة بشقة ، لكن مو سكن فيه أمن
و غيره من المواصفات ..
===
شفت إعلان لسكن بالدمام و كانت مواصفاته ممتازة و تقريباً متكاملة ..
هذا رابطه إذا تبون تتطلعون عليه /
http://www.ckfu.org/vb/t210091.html

المهم ، سألت صاحبه إذا في سكن لهم بالنعيرية ؟
قال لي إذا تجمعتوا أكثر من 10 بنات يبون سكن بالنعيرية رح أستأجر لكم كم شقة
و رح تكون نفس المواصفات المتكاملة ..

*طبعاً المواصفات كالتالي :
1) حراس أمن على مدار الساعة .
2) يوجد مديرة للسكن لتلبية رغبات الموجودين والمحافظه على النظام.
3) الطالبة او الموظفة امكانية اختيار فئه الغرفة ..( A " B " C )
4) كما يتوفر كشك لبيع مستلزمات الجميع سواءاً غذائية او صحية وغيرها .
5) خدمة التوصيل من السكن لمقر الدراسة او السكن على سيارات مكيفة ومجهزه .
6) خدمة التوصيل الى الاهالي بنهاية الاسبوع .
7) التوصيل للمستشفى لا سمح الله . مجاناً ..
8) خدمة التوصيل للمكتبة والسوق بعد الترتيب مع الاهالي وموافقتهم مجاناً ..
9) توفير اله تصوير بالسكن .
10) توفير التلفزيون بكامل القنوات .
11) خدمة دي إس إل ( إنترنت ) مجاناً ..
===
*بالنسبة لنظام الغرف :
رح يكون في غرف فردية أو ثنائية أو أكثر ، طبعاً حسب إختيار كل طالبة ، و بإمكان كل وحدة تختار شريكتها بالسكن ..
===
*بالنسبة للأسعار :
حسب كلامه الدفع لازم يكون مقدم ..
و رح يكون بالسمستر ( يعني كل ترم ) ..
الأسعار مارح تكون أكيدة الحين ؛ لأنها رح تحدد حسب عدد البنات و حسب
عدد الشقق اللي رح تُستأجر ، لكن الأكيد إن السمستر مارح يزيد عن 3800 ريال ..
و المواصلات رح تكون أسعارها حسب المسافة بين السكن و الكلية ممكن
تكون 150 او 200 ريال أو ... ، بس الأكيد مارح تزيد عن 400 ريال للسمستر ..
====
*أكرر للمرة الثانية، الأسعار رح تتحدد بالضبط بعد معرفة عدد الطالبات أنا فوق
عطيتكم الحد الأقصى اللي مستحيل تزيد عليه ..

.
.
مثل ماقلت لكم ، إذا تجمعوا أكثر من عشر بنات يبون سكن بالنعيرية
رح يتم ترتيب هالسكن ..
فالبنت اللي تبي تسكن هناك أكيد ، تكتب هنا بالموضوع أو ترسل عالملف الشخصي
أو ع الخاص ، براحتكم ..

[LeeNDA||~]

هلا بك تسسسلمين والله


وانا ابي اسكن ان شاء الله اذا كان نفسس الموصفات


اتمنى نلاقي بنات بيسكنون .

لان بجد مشوار الطريق من غير اعطال الباصات الله يكتب الي فيه خير


انا اكيد باذن الله تعالى

[غلا الفلا]

سلام
كل عام وانتم بخير
طيب حلو بس هل يعطي شقه الى 5 بنات
ونبي اكيد ويعطيك العافيه اختي
سلام

[سيساتو]

المشاركة الأصلية كتبت بواسطة leenda||~

هلا بك تسسسلمين والله


وانا ابي اسكن ان شاء الله اذا كان نفسس الموصفات


اتمنى نلاقي بنات بيسكنون .

لان بجد مشوار الطريق من غير اعطال الباصات الله يكتب الي فيه خير


انا اكيد باذن الله تعالى

اوكي يعني نحسبك وحدة إن شاءالله ..

[سيساتو]

المشاركة الأصلية كتبت بواسطة غلا الفلا

سلام
كل عام وانتم بخير
طيب حلو بس هل يعطي شقه الى 5 بنات
ونبي اكيد ويعطيك العافيه اختي
سلام

و انتي بخير ياحلوة ..
شوفي حبيبتي أكيد الشقة الوحدة رح يكون فيها من غرفتين إلى 3 غرف ..
وكل غرفة رح يكون فيها سريرين أو ثلاثة ..
كل وحدة فيكم رح تحدد تبي غرفة ثنائية أو لحالها أو ثلاثة ..
يعني ممكن الشقة تكون فيها 5 بنات و ممكن 6 ..
يعني البنات هم اللي يحددون هالشي ،
و على حسب عدد البنات رح يتم تقسيم الشقق بينهم ..

[leelaa]

'طيب شنواسم الشقق اللي بالنعيريه عشان بسكن ساااااعدوني قبل الدوام

[سيساتو]

المشاركة الأصلية كتبت بواسطة leelaa

'طيب شنواسم الشقق اللي بالنعيريه عشان بسكن ساااااعدوني قبل الدوام :cry111:

أهلين ، و آسفة عالتأخير ..
السكن مارح يترتب إلا إذا كان في 10 بنات أو أكثر رح يسكنون فيه ..
للحين عدد البنات بين 7 و 8 بنات ، يعني ناقص بنتين تقريباً عشان يقدر يبدأ بالسكن ..
لأنه أكيد مارح يبدى سكن عشان 7 بنات بس !

[LeeNDA||~]

تعالي في بنات كثير رسلوا ع ملف برنس يبون سكن بالنعيريه

ان شاء الله عددنا يوصل 10 وفوق

لان ماما مسسسويه رعب خخخ

[*حكاية قلب*]

سؤال داخل عرض : ايش ابعد النعيرية ولا الخفجي؟؟

بالتوفيق للجميع

[سيساتو]

المشاركة الأصلية كتبت بواسطة *حكاية قلب*

سؤال داخل عرض : ايش ابعد النعيرية ولا الخفجي؟؟

بالتوفيق للجميع

الخفجي أبعد بس مو واجد فرق بينهم ساعة تقريباً ..

يعني تقريباُ للنعيرية ساعة ونص ، و للخفجي ساعتين ونص او ثلاثة ..