ملتقى طلاب وطالبات جامعة الملك فيصل,جامعة الدمام - ضروري .. استاذ عباس ..او من يعرف عن الصيفي..

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- منتدى كلية العلوم (https://vb.ckfu.org/f5)

- - ضروري .. استاذ عباس ..او من يعرف عن الصيفي.. (https://vb.ckfu.org/t339189.html)

فيزيائية

2012- 5- 30 05:03 PM

ضروري .. استاذ عباس ..او من يعرف عن الصيفي..

السلام عليكم ...
لو سمحتوا كنت بسال عن الصيفي ... انا زائره من جامعه الدمام .. انا اخذت الخطاب وموافقه جامعتي ..
سجلت 3مواد .. فيزياء رياضيه ،،و فيزياء ذريه ...و فزياء نووية ...
كنت حابه اتاكد ان تذه المواد موجوده فعلا عندكم .. وايش اسوي الحين اجي الاسبوع الجاي واقدم الخطاب لان جامعتي قالوا مالهم علاقه بارسال الخطاب..ومين المسؤول عن الصيفي ف كليه العلوم بجامعه الملك فيصل حتى اسال عنهم لما اوصل ...
انا اسفه كثرت الاسئله عليكم
اتمنى احد يساعدني لانمن اسبوع وانا اسال وما احد رد...
والشكر مقدم طبعاً..

جون دالتون كيم

2012- 5- 31 02:00 PM

رد: ضروري .. استاذ عباس ..او من يعرف عن الصيفي..

1 مرفق

أختي العزيزه فيزيائيه المواد الي راح تنزل بالصيفي موجوده بالمرفق ..
تلقين كل شي ..ولكي كل ودي واحترامي .

نهر الوفاء~

2012- 5- 31 02:08 PM

رد: ضروري .. استاذ عباس ..او من يعرف عن الصيفي..

هلااختي

تروحين لعمادة القبول والتسجيل في الجامعه وتسلمين لهم الخطاب

راح يكون اخر موعد لاستلام طلب زياره يوم الاربعاء 16_7

كل التوفيقـ

فيزيائية

2012- 5- 31 08:45 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة جون دالتون كيم (المشاركة 6687331)

أختي العزيزه فيزيائيه المواد الي راح تنزل بالصيفي موجوده بالمرفق ..
تلقين كل شي ..ولكي كل ودي واحترامي .

شكرا جزيلا ...
بس انا عندي الجدول بس مافهمت ... يعني مثلا عندي فيزياء رياضيه اربع مرات ف الاسبوع يعني هذي شعبه واحده كلها ولا اختار واحده بس

فيزيائية

2012- 5- 31 08:51 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة نهر الوفاء~ (المشاركة 6687368)

شكراً ججزيلاً...
طيب اروح عند مين ف عماده القبول والتسجيل يعني لو اعرف اسم احد معين افضل .. لان ماعرف شئ عندكم ابدا..
وعادي الصباح ع الساعه 9 يكو
متواجدين؟؟
احتاج شئ ثاني اجيبه معاي غير الخطاب ؟؟
الله يعطيكم العافيه يارب :rose:

فيثاغورس

2012- 5- 31 09:16 PM

رد: ضروري .. استاذ عباس ..او من يعرف عن الصيفي..

انا بعد عنديا استفسار
اذا ماده نازله في الصيفي
حق مستوى سادس
وانا الحين مستوى رابع
اقدر اخذها صيفي ولا

جون دالتون كيم

2012- 5- 31 11:42 PM

رد: ضروري .. استاذ عباس ..او من يعرف عن الصيفي..

شكرا جزيلا ...
بس انا عندي الجدول بس مافهمت ... يعني مثلا عندي فيزياء رياضيه اربع مرات ف الاسبوع يعني هذي شعبه واحده كلها ولا اختار واحده بس

أحنا بالجامعه نظام جديد للساعات
لو كانت الماده مثلا ساعتين راح تكون عندك محاضرتين بالاسبوع
ولو الماده أربع راح تكون أربع محاضرات ..

جون دالتون كيم

2012- 5- 31 11:45 PM

رد: ضروري .. استاذ عباس ..او من يعرف عن الصيفي..

انا بعد عنديا استفسار
اذا ماده نازله في الصيفي
حق مستوى سادس
وانا الحين مستوى رابع
اقدر اخذها صيفي ولا

لو ما كااان للماده متطلب عاادي تاخذينها
مثلا مقدمه في الاحصاء متطلبها رياضيات عامه
ومثلا تقدرين تاخذين التفاضل وتكامل 1 وانتي لا قدر الله حملتي الماده ..
تذكري لو مو موجود متطلب تقدرين تاخذيها .

فيزيائية

2012- 6- 1 12:47 AM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة جون دالتون كيم (المشاركة 6689875)

يعني اشوف الماده اساسا كم ساعه .. وبعددها تكون عدد المحاضرات ..احنا كمان ع نظام الساعات بس اول مره ادرس صيفي ف جامعه الملك فيصل ...
:004:شكرا والله يوفقك ويسعدك ياااااارب

جون دالتون كيم

2012- 6- 1 01:00 AM

رد: ضروري .. استاذ عباس ..او من يعرف عن الصيفي..

طيب وشو تااامرين عليه اقدر اساعدك فيه .

فيثاغورس

2012- 6- 1 07:18 PM

رد: ضروري .. استاذ عباس ..او من يعرف عن الصيفي..

الماده متطلبها دارسته يعني اقدر اخذها

فيزيائية

2012- 6- 1 08:16 PM

رد: ضروري .. استاذ عباس ..او من يعرف عن الصيفي..

بناااات ضروري .. الله يعافيكم..
بسالكم عن مبنى كليه العلوم ب جامعه الملك فيصل ... قالولي ان في اثنين واحده ف الجامعه نفسها وواحده ف مكان ثاني ... انا كيف اعرفها ؟؟
ف الجدول مكتوب مبنى 28-29 ...؟
وهل مبنى عماده القبول والتسجيل معاها ؟
وشكراً ...

درة الكوثر

2012- 6- 1 08:32 PM

رد: ضروري .. استاذ عباس ..او من يعرف عن الصيفي..

هلا فيزيائيه

أتوقع أنهم يقصدون كلية العلوم الي في الجامعه لأن الدراسه فيها

لارحتي الجامعه ودخلتي روحي لكلية مبنى الطالبات أول كليه تصادفك من بوابه الجامعه رقم 4

ولادخلتي الكلية أول مبنى يصادفك ياهو رقمه 28 أو 29 موذاكره بضيط تدخلينه

وتسألينهم وين مكتب عمادة القبول والتسجيل؟ ويدالونك مكانه

يااري يوفقك ويسهل عليك

فيزيائية

2012- 6- 1 08:38 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة درة الكوثر (المشاركة 6695234)

هلا فيزيائيه

أتوقع أنهم يقصدون كلية العلوم الي في الجامعه لأن الدراسه فيها

لارحتي الجامعه ودخلتي روحي لكلية مبنى الطالبات أول كليه تصافك من بوابه الجامعه رقم 4

ولادخلتي الكلية أول مبنى يصادفك ياهو رقمه 28 أو 29 موذاكره بضيط تدخلينه

وتسألينهم وين مكتب عمادة القبول والتسجيل؟ ويدالونك مكانه

يااري يوفقك ويسهل عليك

شكرا ..جزيلا ..
يعني الكليه اللي ابغها حقت العلوم ف الجامعه الاساسيه ... تمااام ツ
الله يسعدك ويوفقك..

درة الكوثر

2012- 6- 1 08:41 PM

رد: ضروري .. استاذ عباس ..او من يعرف عن الصيفي..

عفواا جزيلا

إي سؤال عندك تفضلي سألي

نهر الوفاء~

2012- 6- 1 08:44 PM

رد: ضروري .. استاذ عباس ..او من يعرف عن الصيفي..

فيزيائيه عدل كلية العلوم بالجامععه مكتوب عليها مبنى 26 ..

اما28 مافي اداره

29 هذا اللي فيه عمادة القبول والتسجيل..

:biggrin:

فيزيائية

2012- 6- 1 08:47 PM

رد: ضروري .. استاذ عباس ..او من يعرف عن الصيفي..

بتاخذين صيفي ؟؟؟ كنت بسال عن دكاتره ..
صالح متولي
فتحي المدوري
عادل طرابلسي ..

فيزيائية

2012- 6- 1 08:52 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة نهر الوفاء~ (المشاركة 6695330)

مكتوب ف الجدول اللي نزلته من المنتدى
ان محاضراتي مبنى 28-29
وارقام القاعات غريبه ...0281020 ؟؟؟؟
ايش هذا الرقم ههههه والله تهت من الجدول

درة الكوثر

2012- 6- 1 08:52 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة فيزيائية (المشاركة 6695347)

بتاخذين صيفي ؟؟؟ كنت بسال عن دكاتره ..
صالح متولي
فتحي المدوري
عادل طرابلسي ..

مين تقصدين أنا لا ماراح أخذ صيفي

والدكاتره أول مره يمرون علي أسمائهم ماعرفهم

نهر الوفاء~

2012- 6- 1 08:55 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة فيزيائية (المشاركة 6695375)

ياقلبي اي هذول مباني ندرس فيها

امابخصووص رقم 0281020

يعني مبنى 28 قاعه 20 هذه اول ماتدخلين مبنى 28 بتشوفينها

:biggrin:

فيزيائية

2012- 6- 1 08:56 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة درة الكوثر (المشاركة 6695382)

مين تقصدين أنا لا ماراح أخذ صيفي

والدكاتره أول مره يمرون علي أسمائهم ماعرفهم

ايوا لانك رياضيات .. وانا فيزياء يمكن علشان كذا ماعرفتي الدكاتره

فيزيائية

2012- 6- 1 09:01 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة نهر الوفاء~ (المشاركة 6695401)

ياقلبي اي هذول مباني ندرس فيها

امابخصووص رقم 0281020

يعني مبنى 28 قاعه 20 هذه اول ماتدخلين مبنى 28 بتشوفينها

:biggrin:

هههههههه
واخيرا عرفت معني الارقام
طيب مافي حل ثاني غير اني اجي هذا الاسبوع علشان تسليم خطاب الزائره؟؟
لان اخاف مايمديني هذا الاسبوع واخر موعد يوم الاربعاء

درة الكوثر

2012- 6- 1 09:02 PM

رد: ضروري .. استاذ عباس ..او من يعرف عن الصيفي..

اي وأول مره بعد يمر علي

لأن كليتنا مافيها دكاتره تدرس فيزياء كلهم دكتورات

فيزيائية

2012- 6- 1 09:05 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة درة الكوثر (المشاركة 6695448)

اي وأول مره بعد يمر علي

لأن كليتنا مافيها دكاتره تدرس فيزياء كلهم دكتورات

الاه يوفقك يارب لنا بدرس ف نفس مبناكم صح ؟؟

نهر الوفاء~

2012- 6- 1 09:09 PM

رد: ضروري .. استاذ عباس ..او من يعرف عن الصيفي..

لادره في الكليه اللي بره جنب العثييم ..

لا لازم هذا الاسبووع ولا بيروح عليك الصيفي ..

فيزيائيه حتى بنات الرياضيات يدرسوون 5 مواد من الفيزياء,,,:icon120:

فيزيائية

2012- 6- 1 09:10 PM

رد: ضروري .. استاذ عباس ..او من يعرف عن الصيفي..

الله يوفقك اختي ... دره الكوثر.:rose:107):

فيزيائية

2012- 6- 1 09:12 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة نهر الوفاء~ (المشاركة 6695489)

الحين ضيعتوني ..
كليه العلوم اللي فيها الصيفي ..

ون مكانها بالضبط ؟؟ ا

نهر الوفاء~

2012- 6- 1 09:15 PM

رد: ضروري .. استاذ عباس ..او من يعرف عن الصيفي..

اللي بالجامعه ..

فيزيائية

2012- 6- 1 09:21 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة نهر الوفاء~ (المشاركة 6695528)

اللي بالجامعه ..

اخيرا .. بالجامعه

طيب ممكن العنوان .. انا اسفه تعبتكم معاي بس لان اول مره اروح صيفي الاحساء
:rose:روحالله يوفقكم ويسعدكم يااااااارب

درة الكوثر

2012- 6- 1 09:40 PM

رد: ضروري .. استاذ عباس ..او من يعرف عن الصيفي..

في الهفوف

وين بضبط ؟؟ ماأدري

نهر الوفاء~

2012- 6- 1 09:42 PM

رد: ضروري .. استاذ عباس ..او من يعرف عن الصيفي..

تقريبا في الهفوف حي السلمانيه اذا موغلطانه ..

فيزيائية

2012- 6- 2 09:31 AM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة نهر الوفاء~ (المشاركة 6695681)

تقريبا في الهفوف حي السلمانيه اذا موغلطانه ..

لو سمحتي...
عادي اخلي احد غيري يقدم طلب الزياره ... يعني ابوي او اي احد ثاني مثلا يعني ما اروح معاه بس هو اللي يروح يسلمها ولا ضروري حضوري

جون دالتون كيم

2012- 6- 2 10:01 AM

رد: ضروري .. استاذ عباس ..او من يعرف عن الصيفي..

كلية العلوم
الموقع الاول جامعة الملك فيصل المبنى الكبير(الجامعه) بالقرب من السجن العام وبالقرب من خط قطر . وبالقرب من حي الخالديه .
والمكان الثاني للكلية .. يم العثيم ..وبالاصح يم المرور . بالقرب من مكتب العمل والمعهد الثانوي الصناعي .
..
ولو تحتاجي شي قولي أحنا أخوان .

فيزيائية

2012- 6- 2 10:07 AM

رد: ضروري .. استاذ عباس ..او من يعرف عن الصيفي..

يارب يرضيك لحد مايكفيك وزياده كمان يا اخ جون دالتون كيم..
طيب لازم انا اروح اقدم الطلب بنفسي ماينفع احد ثاني ... يعني ارسل رجال وما اروح معاه ...

جون دالتون كيم

2012- 6- 2 10:30 AM

رد: ضروري .. استاذ عباس ..او من يعرف عن الصيفي..

شوفي لو موضوعك بعمادة القبول والتسجيل أكيد بيكون رجال لانه مكان رجال
طيب أنا ما أبغا يروح عليك التسجيل ..
بكره عندي أختبار واسئل لك واتاكد ..
مو تعتمدين بس راح أتاكد بكره .
ولو فيه أحد عنده خلفيه بالموضوع بالمنتدى هنى وساعدك الله يعطيه العافيه ولا أنا راح أسئل لك .

فيزيائية

2012- 6- 2 12:30 PM

رد: ضروري .. استاذ عباس ..او من يعرف عن الصيفي..

يا بناااااات ضروري ... الحين انا ختمت اوراقي من جامعه الدمام ...
واعطوني رقم معامله ... علشان اراجع في جامعه الملك فيصل...
كيف اراجعها ..اروح يعني ل الاحساء ولا في رقم تلفون اتصل اسالهم ؟؟؟
ف جامعه الدمام قالوا انهم بيرسلون ل جامعه الملك فيصل من العماده ل العماده..

نهر الوفاء~

2012- 6- 2 01:44 PM

رد: ضروري .. استاذ عباس ..او من يعرف عن الصيفي..

عزيزتي

هنا في هالرابط ارقام عمادة القبول والتسجيل اتصلي عليهم وشوفي شي قلون لك انتي تروحين لهم ولا ولي امرك

http://www.kfu.edu.sa/ar/Deans/AdmissionRecordsDeanship/Pages/ContactUs.aspx

موفقه

:106:

عباس الاحمد

2012- 6- 3 10:48 AM

رد: ضروري .. استاذ عباس ..او من يعرف عن الصيفي..

اقتباس:

اعتذر لتأخري عن الدخول والرد فيما يلزم وذلك لزحمة وضغط العمل
مع لجان الاختبارات خلال هذه الأيام

جميل جداً اختي الكريمة
احتفظي برقم وتاريخ المعاملة واتصلي على العمادة للتأكد من وصول المعاملة
ومتابعتها لدى عمادة القبول والتسجيل قسم الرجال
أو ولي امرك او احد اقاربك يتابع في العمادة بالجامعة
بالاتصال

على الأستاذ/ أحمد المسلم رئيس قسم التسجيل
هاتف رقم 035800000 تحويلة 1232

او الأستاذ/ صالح السيف رئيس قسم القبول
هاتف رقم 035800000 تحويله 1223

والله الموفق،،،

عباس الاحمد

2012- 6- 3 11:39 AM

رد: ضروري .. استاذ عباس ..او من يعرف عن الصيفي..

اقتباس:

اخيرا .. بالجامعه

طيب ممكن العنوان .. انا اسفه تعبتكم معاي بس لان اول مره اروح صيفي الاحساء
روحالله يوفقكم ويسعدكم يااااااارب

دراسة الفصل الصيفي ستكون في كلية العلوم بالجامعة
وموقع الجامعة كالتالي
الاحساء - الهفوف
حي الخالدية بالقرب من ادارة تعليم البنات والسجن العام
بوابة الطالبات القريبة من ادارة تعليم البنات

وحياك الله اختي فيزيائية

فيزيائية

2012- 6- 3 12:57 PM

رد: ضروري .. استاذ عباس ..او من يعرف عن الصيفي..

اقتباس:

المشاركة الأصلية كتبت بواسطة عباس الاحمد (المشاركة 6707649)

شكرا جزيلا وربي يعطيك العافيه ,, وياااااااااااارب يرضيك لحد مايكفيك وزياده كمان ,,
فكيت ازمتي والله لان عندي ظروف هذا الاسبوع واخاف ما اقدر اجي بنفسي ,, ان شاء الله بتصل واتابعهم وربي يسهل الامور,,
:119:

عباس الاحمد

2012- 6- 3 02:40 PM

رد: ضروري .. استاذ عباس ..او من يعرف عن الصيفي..

ويعافيك اختي الكريمة فيزيائية

ولك بالمثل واعظم من الدعوات الطيبة

ولك خالص تحياتي

جون دالتون كيم

2012- 6- 3 04:31 PM

رد: ضروري .. استاذ عباس ..او من يعرف عن الصيفي..

الله يعطيك العافيه أستاذ عباس والله يوفقك يا اخت فيزيائيه .
وانا سئلت لك ..
ومثل ما قال الاستاذ عباس دقي عليهم ولو ما فاااد
عااادي أحد يراجع عنك أبوك اخووك .
والله يوفقك .

عباس الاحمد

2012- 6- 4 10:54 AM

رد: ضروري .. استاذ عباس ..او من يعرف عن الصيفي..

اقتباس:

يا بناااااات ضروري ... الحين انا ختمت اوراقي من جامعه الدمام ...
واعطوني رقم معامله ... علشان اراجع في جامعه الملك فيصل...
كيف اراجعها ..اروح يعني ل الاحساء ولا في رقم تلفون اتصل اسالهم ؟؟؟
ف جامعه الدمام قالوا انهم بيرسلون ل جامعه الملك فيصل من العماده ل العماده..

اختي الكريمة // فيزيائية

ابشرك أوراقك وصلت للجامعة وان شاء الله سيتم انهاء اجراءاتها في اسرع وقت
وسيتم تسجيلك طالبة زائرة بإصدار رقم اكاديمي خاص للطلبة الزائرين ويتم تسجيل
مقرراتك من قبل العمادة

ولك اجمل الامنيات بالتوفيق

عباس الاحمد

2012- 6- 4 10:57 AM

رد: ضروري .. استاذ عباس ..او من يعرف عن الصيفي..

اقتباس:

الله يعطيك العافيه أستاذ عباس والله يوفقك يا اخت فيزيائيه .
وانا سئلت لك ..
ومثل ما قال الاستاذ عباس دقي عليهم ولو ما فاااد
عااادي أحد يراجع عنك أبوك اخووك .
والله يوفقك .

الأخ الفاضل// جون دالتون كيم

لك كل الشكر والتقدير لجهودك الطيبة
ويعطيك الف عافية اخوي

ولك خالص تحياتي

All times are GMT +3. الوقت الآن حسب توقيت السعودية: 03:59 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه