![]() |
رد: [ تعرفوا على دكاترة كلية العلوم *من هنا* ]
الدكتورة ريم بالطيب
هادية ورايقة في الشرح < يمكن لأنهم من نفس البلد :cool: شرحها طويييييييييل ويوصل للمحاضرة الوحدة أحيان إلى ١١ صفحة من دفتر حجمه قريب من a4 < شرايكم في الدقة هههههه شرحها يبيله تركيييز شديد وما يمدي تركزين أو تكتبين تعطي كويز في نفس الدرس اللي جالسه تشرحة تحاول ترفع من درجات البنات قد ما تقدر بس كل محاولاتها باءت بالفشل < عسى باءت مكتوبه صح لا نتفشل :D تعطي تمارين تزيد درجاتهم لدرجة الامتحان أسئلتها من وجهة نظري فيها الشي السهل الممتنع و فيها الشي المعقد اللي ما ينحل |
رد: [ تعرفوا على دكاترة كلية العلوم *من هنا* ]
الدكتورأحمد الغافلي ( يا شيخ روح الله يوفقك )
شرحه دقيق ومتعمق ( يعني مثلا يمسك النظرية ويشرحها كلمة كلمة يفصفصها تفصفص : تفصفص يتفصفص متفصفصاً وتعني اصطلاحا التدقيق في الشيء ويقول فصفص الشيء أي تعمق فيه ) ما أنصح بقراءة ما بداخل القوسين ما يترك الشخص اللي سأله الى أن يفهم أسئلته جميله تتراوح ما بين السهل والسهل الممتنع ( لكن جبنا العيد في الاختبار الاول ما أدري ليش ) عنده قانون جميل ( إذا عدلت وضعك في المادة من حيث الدرجات إلى ما يعجب الدكتور راح تنجح أكيد وأحيان بدجة حلوة ) ما راح تمشي معاه كويس الله يعينك دقيق في التصحيح ( يقول الدكتور أن إذا خربطت في البرهان وكان ما بين خرابيطك حاجة صح ما راح أعطيك ولا ربع درجة لازم أغلبه صحيح ) ........................ رجاء اللي يسألون عن دكاترة في مواضيع لهذا الشي أرجو من الاشراف حذف الردود هذي عشان ما يضيع الموضوع |
رد: [ تعرفوا على دكاترة كلية العلوم *من هنا* ]
#
شكراً لكِ أخت ديار |
رد: [ تعرفوا على دكاترة كلية العلوم *من هنا* ]
أ. حنان المسلم
من ننطق أسمها أول شي يجي في بالنا سرعتها في الشرح سريعة ١٤٠كم/ ساعة أحياناً ما ألومها لأن مقرراتنا طويلة بالموت يمديها تلحق شرحها رائع بسيط ( يعني مستحيل تمر فقرة مبهمه أو ما نعرف من وين جات ) بس لما تبدأ تشرح عملي أضيع معها ( يعني مثلا تمسك زاوية بالقاعة وتشرح عليها مستويات وزوايا أنا هنا أتوه ) لكن في النظري رائعة أسئلتها تتراوح بين السهل المباشر والسهل اللي يبيله تفكير شويات ( ما في شي في أسئلتها صعب ) من ناحية الدرجات مو كريمة تعطي على قد تعب البنت بالضبط ما عندها زيادات مني مناك تعطي واجبات وكويزات شي أساسي عندها |
رد: [ تعرفوا على دكاترة كلية العلوم *من هنا* ]
بكتب اللي اتذكرهم
كيمياء عامةة 1 خلود الحميد م عندهااا شرح ولا اسئلةة عامة 2 وتحليلية حنان صلاح شرح رايق واسئلتهااا حلوة وسهلةة عضوية 1 عرفات الحطاب دمااار بكل شي عضويةة 2 نجلاء الرفاعي شرح ممتاز وقمة والمعلومةة توصل سريع و اسئلتها مية مية تلوث بيئي نسرين العتيبي شرحها لا بأس و الاسئلةة سهلة و حلووة فراغيةة و بوليمرات و ميكانيكا عضوية أمل يوسف شرحهاا حلو اسئلتها نسخ لصق م تطلع من الملزمةةة :106: تناسقية وبيئةة و لانثانيدات ونظرية المجموعات مها بو الغار شرحها عميق وتدخل بستين موضوع لكن بالأخير توصل المعلومةة و اسئلتها لا بأس بها :106: تطبيقات الحاسب و التحليل الآلي ميرفت مسعد تحب الهذرة حييييييييييييل و اسئلتها من وسط الكلام لكن حلوة م هي صعبةة السطوح و الغرويات والكهربية كوثر العامر تحب تتكلم كثير و مااا أذكر اني انتبهت للشرح مرة ههههه و اسئلتها من الملزمة مباشرة وسهلة وتحب المقالي جدااااا حركية و تآكل منال جمعة شرحها حليو عادي و اسئلتها سهلةةة لكن تصحيحهاا دقيق حييييييييل:bawling: اطياف عضوية و عضو معدنيةة زينب احمد شرحها ممتاز واسئلتها حليوة وتحب حضري و هيك و تجيب سؤال يميز الفاهمة من اللي لا ضوئيةة هناء هادية وشرحها ممتاز و اسئلتها حلوة انجليزي عام رنا وهذي الانسانةة جميلة و تجننن وكل شي :rose: :004: بس هذا اللي على باليااا حالياً. :106: |
رد: [ تعرفوا على دكاترة كلية العلوم *من هنا* ]
[align=center][table1="width:95%;background-image:url('http://img04.arabsh.com/uploads/image/2014/02/08/0c31474c60f605.png');"][cell="filter:;"][align=center]
[/align][/cell][/table1][/align][align=center][table1="width:95%;background-image:url('http://img04.arabsh.com/uploads/image/2014/02/08/0c31474c60f604.png');"][cell="filter:;"][align=center] بسم الله الرحمن الرحيم جيبوا فشار وعصير كيوي وليمون واقروا بالعافيه الرياضيات العامه: عطتني في البدايه أ/فضيله المحمد علي (كانت تشرح عادي جدا بس كانت تتنفرز لمن محد يفهم وبشكل عام شرحها يصنف 8 من10 اختباراتها ابد ما تطلع من المحاضرات سهله وبسيطه وأما في اخر السنه جات لنا د/نسيم الكليب وكانت شرحها جميل جميل جميل جدا وتوصل المعلومه بشكل جيد والاختبار كان سهل جدا ) الفيزياء العامه 1: -نظري- عطتني د/أمل السيد (كانت تخوفنا اشوي وشديده معنا وجديه حيل حيل بس في الشرح راااااااائعه أتعب وانا اقول جميله جدا لانها قديمه كانت تقول لنا الاسئله اللي تجي في الاختبارات وتوضح المساله من الى لو جا جذا سووا جذا ولو جذا نسوي جذا المهم الله يوفقها وين ما كانت لانها ((مثال للعمل النزيه))((حسافه قدمت استقالتها))اصنفها 10 من 10) -عملي- عطتني أ/ندى اليوسف (كانت ممتازه حيل ماشاء الله عليها وتشرح شرح وافي وكافي ومفهوم الله يوفقها اصنفها 10 من 10) الكيمياء العامه 1: -نظري- عطاني د/محمد السيد (شرحه بالنسبه لي واضح ومفهوم ورائع اللي يكتب معاه في المحاضره بيمشي اما اللييعتمد ع الملزمه بيضيع لان يحط اضافات من عنده ويوضح اكثر اختباره لازم يطلع بفكره في الاختبار مش موجوده في المنهج اممم وبس اصنفه 10 من 10 ) -عملي- عطتني أ/------ (المهم الله يسامحها طول الوقت صرااخ في صراخ الا ما ينكسر الف شي في المعمل مستحيل بنت تطلع ادواتها كامله حسبي ربي ع الظالم (ترا ناسيه اسمها بس اكيد بنات الكيميا عرفوها )اصنفها الصفر مايوفيها -10 من 10) الاحياء العامه 1: -نظري حيوان - عطاني د/الاغلب البرتاجي (ان كان يقرا في ملزمه وصوته مش واضح ويتكلم يتكلم يتكلم يتكلم كثيييير ولا بعد يعطي بريك خمس دقايق بس اختباره الله يهديه نختار كل الاجابات الصحيحه لو اخترنا وحده غلط راحت الدرجه راحت اصنفه 5من 10) -نظري نبات - د/إيمان محمد علي >>ان شاء الله اسمها صح (المهم شرح عن طريق البروجكتر الطريقه اللي الكل يموت عليها ,,, المهم شرحها حليو مش سيء الاختبار كان من اللي تعطينه اياه بس دقيق مابين السطور والحروف والنقط اصنفها 8 من 10) اصلا اصلا انا ما احب الحفظ -عملي للحيوان والنبات - عطتني أ/هدى .... نسيت العايله (المهم والله كانت متعاونه حيل الله يوفقها وتسهل علينا كل شي وتحبنا هههه اهم شي الصراحه اصنفها 10 من 10) فيزياء عامه2 : -نظري - عطتني د/أمل السيد سبق تكلمت عنها الماده دسمه كثير -عملي- أ/إيمان البوعلي (جميل شرحها حيل وتفهم وواضح واختباراتها سهله وجميله تعتمد على شرحها اصنفها 10 من 10 ) تفاضل وتكامل 1: عطتني أ/فضيله المحمد علي سبق وتكلمت عنها الماده سهله صحه ولياقه: عطتني الف وحده اول شي د/ ساميه فريد ( كمن محاضره وولدت ) جات بعدها د/ايمان ... (ممله) جات بعدها د/ايمان ... (نشيطه حيل لازم الكل يشارك الكل يتحرك الكل .....) بعدين رجعت لنا د/ساميه (المهم في كل اللي جاوو لنا انا جسد بلا روح لان الماده ممملللله حيل ما حبيتها ابد ابدا بتاتا البته اصلا زين نجحت فيها عووع اصنفهم كلهم 5 من 10 ) نظرية المجموعات : عطتني د/ نسيم الكليب ( وكانها تقول انا تغيرت بس بطريق غير مباشر المهم هي ممتازه وذكيه وكل شي من وجهة نظري ما اقدر اندمج معها لان الجبر اساسا مااا احبه من ايام المدرسه واكتشف ان تخصصنا اللي ندرسه كل بهالشكل الله المستعان المهم طول المحاضرات نظريه وبرهان نظريه وبرهان نظريه وبرهان والاختبار كله تطبيقات يعني مسائل والله اختباراتها تقهر حيل المهم اصنفها 3 من 10 ) المنطق وطرق الاثبات : عطاني د/ مصطفى حسن (طبعا هالدكتور يقرا الملزمه والتفصيل يفصله والمهم يوقف عنده ويشرحه واما الاختبارات سهله جدا كلها من الدفتر اصنفه 9 من 10 ) مقدمة في الحاسب الالي ومقدمة في البرمجه: - العملي والنظري - عطتني أ/ليلى بشير (ان هالانسانه والله طيبه حيل وخلوقه وحيل تساعد وتعطي درجات بس باااااااااااااااااااااااااارده حييل حييل يعني لازم الكل يرقد في المحاضره مسكينه والله تفصل كل شي في المثال يعني تقول لو جا جذا لو شلنا ذه وحطينه ذه وووو بس هات من يركز معها والا والله طيوبه وحبوبه حيل الله يسعدها اختباراتها تعتمد على الفهم للماده ماتجيب نفس الموجود الا نادرا واتوقع لان معها دكتور محمد نور فالوضع يختلف تعطي واجبات اصنفها 5من10) تفاضل وتكامل 2 : عطتني د/فريال العدساني (اول شي الماده حيل طويله اتعب واناا اقول طويله وتعتمد على الحفظ والفهم والتفرقه اما الدكتوره تحب تفصل المساله تحب تقول منين جا هذا وتحب الرسم بشكل كل داله لازم ترسمها وبطيئه وهي قالت على روحها بعد انها بطيئه تعطي كويزز ولازم شي خارجي فيها طبعا كرييييييييييييييييييييييييمه في الدرجات بشكل مو طبيعي بس اشوي محاضراتها ممله لانها لازم توصل المعلومه اللي في بالها حق البنات اصنفها 7 من 10) مبادئ الجبر: عطتني د/ نسيم الكليب (طبعا ما اقدر اقول شي الماده قطع في قطع في عووووع ثقيله ع القلب والفهم طبعا طلعت من الماده وانا مو فاهمه الا 30% فقط لا غير لان المنهج طول بعرض والدكتوره شرحت لنا من 6 كتب ولا الكتاب الاخير توها شاريته والله انقهرت حيل الحمد لله على كل حال مبادئ الجبر منهجها كله نظريات وبراهين ونفس الشي الاختبارات تطبيقات ع النظريه ) الجبر الخطي : عطتني د/ عاليه ( شرحها جميل بما تعنيه الكلمه من معنى وحيل حلو الصراحه صحيح الاختبار الاول جبنا العيد بس كلمناها وحنت بنت على راسها لمن سوت تحسين والشهر الثاني كان سهل والنهائي كله من الدفتر المهم الماده تعتمد على حفظ القوانين واما الدكتوره خلاص تقاعدت الله يسعدها وين ماكانت اصنفها 10 من 10 ) فيزياء عامه 3 : -نظري - عطتني أ/سمر الحمد (طبعا لان مافيه احد يدرس جابوا لنا بنت توها مخلصه ماستر المهم يعني مش موجوده الله يوفقها اهم شي نجحتنا بالنسبه للماده تعتمد على الحفظ لان اغلبها كلام وهذره ) -عملي - عطتني أ/ منى الراضي ( جميل شرحها تعيد لو حد مافهم تشرح التجربه واختباراتها تعتمد على الملزمه اصنفها 9 من 10 ) العقيدة الاسلاميه و فقه السيره: عطاني اياها د/ سامي الاشقر (جميل شرحه لازم نحفظ المحاضره معاه وكان ياشر معنا اسالته مقالي وموضوعي بس سهله واما في فقه السيره جاب صح وخطا كل الفقرات اكل شي في الدنيا جاز له الوضع وسواها في النهائي اصنفه 9 من 10 ) انجليزي عامه : عطتني أ/رنا أبو شيخه ( حلو شرحها حييييييل وتفهم وتفصل كل شي كويزها دقيق اشويتين بس سهل نوعا ما والنهائي كله من الكتاب واللي نكتبه معها في الدفتر تعطيج حقج من غير زياده او نقصان اصنفها 10 من 10 ) انجليزي علميه : عطتني أ/اماني بو خرمه (الله يسامحها كانت كله تغيب تغيب تغيب وفجاه اختبرنا شهري وفجاه اختبرنا كويز وطبعا خلال المفاجاتين ما ندري كم درجاتنا المهم تغيب وتجي تشرح كلمتين وتطلعنا المهم اخر السمستر درسنا 4 وحدات ولله الحمد والنهائي جابت كله من الكتاب اللي شرحته واللي ماشرحته جا طبعا 25 فقره ختاري اصنفها 1 من 10 ) مقدمة في الاحصاء : عطتني أ/امينه النغموش (جميل شرحها يعني ينفهم عليها والماده تعتمد على حفظ القوانين والاختبارات االشهريه والنهائيه كل من الدفتر ما جا شي غريب لو جا شي غريب كانت تحسبه حق البنات كلهم صح المهم جميله هالانسانه اصنفها 10 من 10 ) تحرير عربي وتذق ادبي : عطتني أ/ ابتسام العرفج (هالانسانه جدا رائعه ((مثال للعمل النزيه )) الله يوفقها وين ما كانت حيل متعاونه وجميله جدافي الشرح اما التحرير عباره عن املاء والتذوق عباره عن ادب اصنفها 10 من 10 ) تفاضل وتكامل 3 : عطتني د/عبير العليو (الماده تتكلم عن المتجهات اغلبها للفيزيا تميل على الرغم من ان الدكتوره كانت تعبانه الا انها كانت تشرح من ققلب وتوصل المعلومه بشكل جميل وسلس وعندها اسلوب تحفيز تسال سؤال ذكاء وهيك تخلي البنات يفكرون المهم عندها اسلوب رائع وشرح اروع ((مثال للعمل النزيه )) الله يسعدها وين ما كنت اصنفها 10 من 10 ) المعادلات التفاضليه العاديه : عطتني أ/ اسمهان العجيان (شرح وافي وكافي وتشرح بالتفصيل التفصيل المفصل وتوضح كل نقطه في المعادله وتعطي درجاااات بشكل يعني لو بنت جاوبت على سؤال خطير تعطيها درجات مشاركه وهالدرجات تحطهم للبنت لو اخطات في الشهري او النهائي المهم في كل الاحوال رائعه ((مثال للعمل النزيه)) طبعا الماده طويله من اولها لاخرها معادله وطريقه حلها ومع اختلاف الدرجات والرتب اصنف الاستاذه 10 من 10 ) مبادئ التحليل : عطتني د/ فريال العدساني (سبق وتكلمت عنها بس الماده تعتمد ع الحفظ حييل وهذا شي كريه بالنسبه ليه كلها نظريات وبراهين عووووع ) جبر1: عطتني د/ منى الملا (طبعا وهي تشرح الماده تشرح بشكل سطحي تحسسج ليش ندرس هالماده وبعدين يام في الشهري جابت لنا امثله كثيره وغير عن اسلوبها في الشرح المهم اختباراتها تعتمد على مدى الفهم للماده حيييييييييل مش على شرحها تعطي كويزات من الفضاء الخارجي وليش ما نحل بعد المهم ان المادة سهله حيل وبسيطه مافيها شي اسهل من مبادئ الجبرالعوووع بس الحمد لله على كل حال اصنفها 4 من 10 ) تحليل 1 : عطتني د/ فريال العدساني (سبق وتكلمت عنها بس الماده امتداد لمبادئ التحليل بشكل متطور واعمق شوي) هندسة التحويلات : عطتني د/ سهام طرابلسي ( هالانسانه جميل شرحها وفاهمه اللي تقوله لو تسالينها اي سؤال في الدنيا تقدر تجاوب عليه بسرعه ما تقعد تتعتع وتتبلع على طول تجاوب وذكيه حيل ما شاء الله عليها ((مثال للعمل النزيه )) طبعا دقيقه في التصحيح بحكم ان الماده لو تغلطين في اشاره الحل كله تغير الماده تعتمد على الحفظ بشكل كبير بالاضافه الى الفهم اصنفها 10 من 10 ) الاخلاق الاسلاميه واداب المهنه : عطتني د/ حنان يبرودي ( تشرح وشرحها كلام وهذره بس جميل ينفهم شاللي تقول تطلب بحث عرض بور بوينت وتاشر المنهج معنا الشهري كان في متناول الجميع بس صعقتنا في النهائي جابت اشياء محذوفه الله يهديها وواجد فقرات اصنفها 8من 10 ) ملاحظه: التصنيف يعتمد على الشرح والاختبارات فقط الاسلوب مش مهم عنديه وهذا كله من وجهة نظري الخاصه وقد تختلف وجهات النظر من شخص لاخر على حسب مايريده الشخص انا ابحث عن الشرح الجميل ما همني الاسلوب كل واحد يعكس ما بداخله خير خير شر شر هذا المواد اللي درستهم والدكاتره اللي درسونيه مواد هالسمستر ما حطيتهم لسى قيد الانشاءووو بس وشكرا [/align][/cell][/table1][/align][align=center][table1="width:95%;background-image:url('http://img04.arabsh.com/uploads/image/2014/02/08/0c31474c60f607.png');"][cell="filter:;"][align=center] [/align][/cell][/table1][/align] |
رد: [ تعرفوا على دكاترة كلية العلوم *من هنا* ]
طيب آمال بن سليمان محمد يعرفها تعبت وانا أسأل عنها ؟؟؟؟!
|
رد: [ تعرفوا على دكاترة كلية العلوم *من هنا* ]
آمال حلبوة
شرحها لا بأس لكن اسألتها كانت صعبةةة يقولون تغيرت من اسحبوا منها اهم مقرر صارت متعاونة وحلوة |
رد: [ تعرفوا على دكاترة كلية العلوم *من هنا* ]
#
الاخت ( وميض شمعة ) والاخت ( كوثر الشداد ) شاكر لكم اطلالتكم ,, وجزاكم الله خيراً || |
رد: [ تعرفوا على دكاترة كلية العلوم *من هنا* ]
أ. عهود السهيل
ما جربتها نظري . عملي بس رائعة قليلة في حقها شرح رائع تعاملها روعة متعاونة جداً تهتم في الطالبة وتهتم في درجاتها كريمة في الدرجات .................................. أ. نورة المهاوش نظري راااااائعة لأبعد مدى شرح مرتب بكل ما يحوي من بساطة صارت بالنسبة لي فيزياء ٢ سهلة كريمة في الدرجات |
All times are GMT +3. الوقت الآن حسب توقيت السعودية: 12:15 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه