ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية المجتمع بالأحساء (https://vb.ckfu.org/f59)
-   -   محتاجتكم ضروري .. ساعدوني .. (https://vb.ckfu.org/t19020.html)

حلاوة * 2008- 9- 5 08:41 PM
محتاجتكم ضروري .. ساعدوني ..
 
السلام ..

كيف الحال ..؟

اني طالبه توني متخرجه من الثانويه ..

سجلت بكلية المجتمع وقبلوني ..

وبكره راح أودي اوراقي ..

لكن ماعرف مكانها لاني من سيهات ..

ولا مره جيت الاحساء ..

اتمنى تساعدوني وتقولو لي موقعها وين ..

وبالتوفيق جميعا ..

ضوضو عسل 2008- 9- 6 02:40 AM
رد: محتاجتكم ضروري .. ساعدوني ..
 
موقعها بمحاسن
قريبه من سكة القطار
ومن مركز المبارك للمواد الغذائية
ومن مركز عدنان

وهي بيت بس كبير
ولوحتها بنية كبيرة

فافا 2008- 9- 6 04:06 AM
رد: محتاجتكم ضروري .. ساعدوني ..
 
حبيبة آلبي حلاوهـ

ياهلا ومرحب فيك وفي أهل سيهات

وبالنسبه للموقع كفت او وفت اختي عسولهـ

بس المبنى يختلف عن مباني كلية التربيه وكلية التقنيه

يعني صايره اللوحه على جنب ومكتوب عليها كلية المجتمع

على العموم اول ماتوصلي مركز مبارك او رامز

آسألي عن الكليه وان شاء الله راح تحصليها ماراح تضيعك ابد

واي سؤال واستفسارات انا تحت خدمتك

وربي حاسه بمعناتكم وتوتركم بس لاتخاافون ولاتاكلون هم كثير

كل الامور راح تعدي على خير انا مريت بكل الصعوبات اللي مريتوا فيها

والحمدلله الحين عدت على خير وكل حاجه تمام .. :119:

خوية الحاسب 2008- 9- 6 04:47 AM
رد: محتاجتكم ضروري .. ساعدوني ..
 
اختي بشرينا اذا قدمتي اوراقك

والله يوفقك ان شاء الله

بسمه حزن 2008- 9- 6 04:55 AM
رد: محتاجتكم ضروري .. ساعدوني ..
 
:: ضوضو العسل ::

:: فافا ::

:: خوية الحاسب ::

الف شكر لمروركم العطر ..

وربي انكم افتدوني كثييييييير ..

الله يعطيك الف عاافيه ..

تحيتي ..

:: حلاوة ::

بسمه حزن 2008- 9- 6 04:57 AM
رد: محتاجتكم ضروري .. ساعدوني ..
 
حبيت أسال ..

وشو الاوراق اللي اخدهم وياي ..

اني للحين حهزت ..

الشهاده الاصليه وصورة مصوره ..

حسن سيرة وسلوك وصورة مصوره ..

بطاقه العايله الاصليه وصوره مصوره ..

وملف أخضر ..

هل يحتاج أودي أوراق ثانيه ..؟

تحيتي ..

:: حلاوة ::

بسمه حزن 2008- 9- 6 05:00 AM
رد: محتاجتكم ضروري .. ساعدوني ..
 
عفوا >> دخلت بعضويه أختي توني منتبه ..:000:

فافا 2008- 9- 6 05:02 AM
رد: محتاجتكم ضروري .. ساعدوني ..
 
لا قلبو خلاص مايحتاج لحاجه ابد

هذا كل البينات اللي راح يطلبونها منك :g8:

والله يوفقك يارب :119:

الوديعة 2008- 9- 6 05:17 AM
رد: محتاجتكم ضروري .. ساعدوني ..
 
مرحبا
الف مبروك القبول خيتوو
وعندي كم سؤال ؟ :praying:

- الدراسة دبلوم وهل اقدر اكمل بعدين بالشهادة ؟
- ويش المناهج الي رح ندرسها ؟
- هل اللبس بيكون مقيد ؟ يعني التنور ويش لونها وبعد الاقمصة والبلايز ؟
- الدراسه فيها معدل او لا ؟ واذا فيها من كم ؟ :g2::g2:

ووو:g2:
بس
يسلموو
وديعه :g20:

ضوضو عسل 2008- 9- 6 12:49 PM
رد: محتاجتكم ضروري .. ساعدوني ..
 
بجاوب اللي بقدر عليه

الكتب من الكلية يعني بالمجاااان

والدراسة دبلوم سنتين

عن المواد في كل سمستر تتغير المواد


السمستر ااول سنة اولى ندرس (رياضيات , برمجة (فيجوال بيسك ), اساسيات الحاسب , انجليزي1 , تطبيقات الحاسب )

السمستر الثاني سنة اولى ندرس (الحاسبات في التعليم , الاتصالات والشبكات , النشر على الانترنت , انجليزي2 , برمجة 2)

السمستر الاول سنة ثاني ندرس (برمجة 3 , هندسةالبرمجيات , نظم قواعد البيانات , اتمتة العمل المكتتبي , انجليزي 3 )

السمستر الثاني سنة ثاني ندرس (انجليزي 4 , تصميم صفحات النت (فوتوشوب وفلاش ) , علم نفس , ادارة شبكات , مشروع التخرج )

هذي موادنا



واللبس تنورة سودا وبلوزة ابيض او بيج>>على حسب ماسمعت


وسلام

خوية الحاسب 2008- 9- 6 09:20 PM
رد: محتاجتكم ضروري .. ساعدوني ..
 
اختي ضوضو جاوبت ما قصرت وانا بكمل


الدراسة فيها معدل من 5

حلاوة * 2008- 9- 7 10:08 PM
رد: محتاجتكم ضروري .. ساعدوني ..
 
الحمد الله رحت وسلملت اوراقي ..

بس اني ابغى دوام صباحي بس نستبي ماتساعد ..

وش الحل ..؟!

قلت للابله نوره >> أبغى دوا صباحي ..

قالت بتشوف على حسب الظروف ..

طيب اني مو من الاحساء >> يعني معقوله مشاوير رايحه جايه من سيهات للاحساء في الليل ..

ظروفي ماتسمح مسائي ..

عادي اقول لهم ويحولوني صباحي ..!

(( في احد هناك يدرس هالسنه )) ..

اني ولا وحده وياي بالكليه أعرفها ..

صديقاتي كل وحده بمكان ..

ممكن أتعرف عليكم >> عشان ما أحس بالغربه ..

باي ..

ضوضو عسل 2008- 9- 8 01:36 AM
رد: محتاجتكم ضروري .. ساعدوني ..
 
يعني مااعتقد انا بيدنا الخيار
اذا صباحي او مسائي

لأني انا ابقي مسائي


وانتبهي للطريق حبيبتي وانتي رايحة وراجعة


وشنو قصدش بأن نسبتش ماتساعد
يعني اذا النسبة ماتساعد يكوووووووون مسائي
واذا النسبة عالية تكون صباحي


علشان عالأقل أضمن المسائي

لأني انا نسبتي ماتساعد كمان

فافا 2008- 9- 8 05:59 AM
رد: محتاجتكم ضروري .. ساعدوني ..
 
ههههههههههـ

وش دخل النسب ياحبايبي

النسبه مالها خص الاخيار بيدهم

بس انتي اول مايحطونك مسائي ياحلاوه حولي صباحي

وحاولي فيهم انا بنات كثير من شعبتي حولوا صباحي لما كانوا مسائي

شرحي ظروفك لهم وفهميهم صح وان شاء الله بيقدرون وضعك

وان شاء الله صباحي وبلا غربه ولا هم انتي وين رايحه باريس ولا ماليز

ياقلبي انتي بتدرسي بالاحساء كلها ساعات ويقضي الوقت بالبدايه بيكون صعب عليك وبالحيل

بس بعدين بتتعودي على المكان والبنات ومابيهمك اي حاجه وبعدين ليه تروحين وتجين كل يوم

انا اعرف بنات من سيهات والقطيف ساكنين عندنا ويرحون كل ربوع للأهل

وياهلا ومرحب فيك ونفتخر فيك ياقلبي

ونشوفك بالكليه وانتي مبسوطه ومرتاحه

الوديعة 2008- 9- 9 01:44 AM
رد: محتاجتكم ضروري .. ساعدوني ..
 
يسلمو على الاجابة
بس والله كسرت خاطري بالمسائي وحاولي فيهم
تكوني بالصباح احسن

وديعة

حلاوة * 2008- 9- 11 09:12 PM
رد: محتاجتكم ضروري .. ساعدوني ..
 
اقتباس:
انا اعرف بنات من سيهات والقطيف ساكنين عندنا ويرحون كل ربوع للأهل
مع أي سكن (( مكتب )) ..؟!

لاني اتصلت بمكتب الحمادي قالوا اكتفى العدد ..

وسمعت يقولوا نجمة الرضا بعد زحمه ..

ومو عارفه غير هالمكتبين ..

ترى اذا ماشفت سكن احتمال اسحب اوراقي :Cry111: :011:..

والله اني حابه ادرس >> ماابغى اقعد في البيت ..

اللي يعرف سكن (( مكتب )) ينقل طالبات يخبرني لاني محتاجته والله ..


تحيتي ..

:: حلاوة ::

ورد جوري 2008- 9- 11 10:04 PM
رد: محتاجتكم ضروري .. ساعدوني ..
 
مرحباااااا

هلا خيتو حلاوه والله اني بعد اتصلت الحمادي ونجمة الرضا لكن مافي مجال

الله يخليكم اللي تعرف اي كتب تقول لنا

ويعطيكم العااافيه

خوية الحاسب 2008- 9- 12 05:04 AM
رد: محتاجتكم ضروري .. ساعدوني ..
 
الله يكون بالعون خواتي

غلا عمري 2008- 9- 12 09:09 AM
رد: محتاجتكم ضروري .. ساعدوني ..
 
والله انا مثل حالكم
مالقيت سكن

يعني روحة وجيه من الخبر للأحساء , وماابي مسائي , صعبة علي وانا بنت وبغربة

ياليت نلقى سكن

حلاوة * 2008- 9- 13 02:51 AM
رد: محتاجتكم ضروري .. ساعدوني ..
 
يقولوا ..

احتمال يفتح الحمادي عماره ثانيه ..

وحتي نجمة الرضا يقولوا يبفتح عماره ثانيه ..

والله العالم ..

فافا 2008- 9- 13 03:07 AM
رد: محتاجتكم ضروري .. ساعدوني ..
 
الله يوفقكن ويسر اموركم

انا اللي اعرفه عن صديقاتي انهم مع الحمادي

بس ان شاء الله ربي يفرجها عليكن وتجون عندنا ..:119:

لان عن جد الروحه والجيه تتعب مرهـ

لو الجبيل والخبر كان نتحمل بس بجد مشوار الاحساء والخبر متعب بقووهـ

توكلوا ع ربكم ولاتشغلون بالكم كثير

وبذاك الوقت بتنفرج عليكم ..

حلاوة * 2008- 9- 13 06:48 AM
رد: محتاجتكم ضروري .. ساعدوني ..
 
يارب ساعدنا ..

نحصل سكن ..

معقوله >> أصلا بنات وايد ماعندهم سكن ..

المفروض الحمادي يفتح عماره ثانيه مدام طالبات السالم حولوا عنده ..

ودا السالم بعد ضيق علينا يوم يسكر سكنه ..

ان شاء الله نحصل ان شاء الله ..

اتفائلوا بنااااااات ..

ان شاء الله يصير كل خير ..

خوية الحاسب 2008- 9- 14 03:56 AM
رد: محتاجتكم ضروري .. ساعدوني ..
 
ان شاء الله تحصلون سكن

حكاية غرام 2008- 9- 14 03:12 PM
رد: محتاجتكم ضروري .. ساعدوني ..
 
يارب نحصل سكن


All times are GMT +3. الوقت الآن حسب توقيت السعودية: 05:56 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه