ملتقى طلاب وطالبات جامعة الملك فيصل,جامعة الدمام

اقتباس:

المشاركة الأصلية كتبت بواسطة *عيون الشوق* (المشاركة 1546016)

يامرحباآآآ الف ترحيب
اخباركم صبايا وش فيكم معصبين وحالتكم حاله>>>ماكنها معصبه هع
اول شي يالبى بناآاآات بقيق يا أن لكم معزه بقلبي خاآاآصه
ثاني شي انا ((توفي)) من الاحساء ورايحه سنه ثانيه<<<<من طيحة الحظ والله
شفتكم خايفين وحالتكم حاله ....مثلي اول ماسجلت بالكليه
لكن احب اقول لكم شغله اللي خايفين ان شهادتها مالها مستقبل ومن هالكلام لاتحط ببالها
هي صدق كلية المجتمع محد يمدحها لكن بعد مانظمت للجامعة الملك فيصل
نضمن ان الشهاده راح تكون مختومه من الجامعه نفسها مو مثل السنوات السابقه
وعلى فكره ان اعرف وحده تخرجت العام الماضي وتعينت اداريه با احد مدارس الشرقيه لكن وين بالضبط ما ادري والحمدلله راتبها حلو
وسمعت ان وحده من خريجات الكليه سوت مشروع وباعته على شركة ارامكو واستفادت منه
واكثر من بنت انا اعرفهم من بعيد او من قريب متخرجين من الكليه والحمد لله وظايفهم كل وحده تقول الزود عندي
يمكن صحيح ان بعض البنات مانقبلوا لانهم راحوا لوظايف تحتاج شهاده اكبر من دبلوم حاسب على شان كذا ظنوا ان الشهاده مو معتمده وهذا كلام مو صحيح هو فعلا الكليه ماهي كاملة المواصفات ولا هي كلية الاحلام
لكن بذمتكم اللي يدخلون الادبيه وش يبون فيها..؟ مالاعت كبودكم من التاريخ بالثانويه
حنا تاريخ العرب ماندري عنه نروح ندرس اليونان والفراعنه ليه ناقصنا فراعنه بالبيت<<<<متعقده من التاريخ
وياكثرهم بنات الادبيه اللي اعرفهم معي بالباص لا طلعنا اخر الدوام تعالوا سمعو سوالفهم>>>حتى لو مافيني صداع جاني بسببهم كاني دارستن معهم
وحده تحلف يمين انها مقدمه الاختبار صح واذا بتنقص شي بسيط مايضر
يوم استلمت النتيجه الا الدكتور خاسف ام الدرجات عليها قال ايش ما اعجبه الخط خطها مو واضح
وياكثر الظلم عندهم
واحسن ميزه بكليتنا اسالتنا كلها صح وخطأ واذا ماعرفتي الاجابه عدي من 1 الى 10 واختاري>>>لاتطيعونها تراها دلخ ههه
يعني مافيه مجال للتلاعب بالدرجا وكل وحده تاخذ قدر تعبها
وطول ما انتي مركزه وفاهمه بامكانك انتي تبدعين
وبعد اعرف وحده<<<<ياكثر ماتعرف ذالبنيه
المهم اعرف وحده تخرجت من الكليه ولا لها خلق الدوام يعني على مايقولون >>>زوله
وش سوت فتحت كتبها والملاحظات اللي كاتبتها ايام الكليه وبدت تصمم مواقع وتصميمها جناااان
واخر مره من شهر تقريبا واحد صاحب موقع شرا منها تصميم للعيد بمبلغ وقدره>>>>لا اله الا الله

وبيني وبينكم انا اول ماقبلوني بالكليه قومت القيامه بالبيت سبيت اللي يستاهل واللي مايستاهل
ولعنت حظي المسكين
لكن بعد ماداومت وتعرفت لي على شلتي فديتها ارتحت كثير الا اني اكره يوم السبت بسبة البرمجه الشيئيه>>>>تقص قصة حياتها
لكن ماعلينا فديتكم لاتشيلون في بالكم اذا مو مرتاحين للدبلوم مو مشكله تقدرين تدرسين السمستر الاول وتجيبين معدل ممتاز وتحولين للجامعه وتكملين دراستك هناك>>>وتقريبا 4 من دفعتنا العام الماضي سووها
3 منهم نقلوا كلية التقنيه ووحده منهم نقلت للجامعه بس حسب كلامها تقول دراستهم هناك اصعب بكثير من الكليه لان هناك يشغلون مخك عدل وخاصه تطبيقهم عملي يعني يفككون الجهاز قدامك ويعلمونك وش داخله قطعه قطعه وتعالي اليوم الثاني فككيه انتي بالحالك قدامهم وعلى هالاساس تاخذين درجات العملي
وعلى العموم لو داومتي بالكليه راح تضمنين الشهاده وتضمنين انو ماتضيع سنه من عمرك
واذا ربي كتب وبدينا دوامات
انا بالشوفه ياقلبي اسالوا عني انا كنت العام الماضي بشعبه 3 صباحي قولو لهم (لطوف الخالدي) باذن الله راح اساعدكم واخدمكم بعيوني
ولا تشيلون هم وخلوها على ربكم

امممممممممممممممواه<<<<اشوفكم على خير...مابقت تخلص من الهذره

يالبى قلبش لطووف

هذا اللي اقووووووول يمكن لانه اول مو من ضمن جامعة الملك فيصل مالها مستقبل

بس اللحين الوضع تغير والحمدلله

اما بالنسبه لسالفة خطش مب واضح هذي السالفه سمعتها من بنت خالتي في الادبيه

وتقول ان هي ماذاكرت ولا شي واخذت درجه حلووووه بس لانها خطتها كبيررره ووواضحه ههههههههه

:(204):