ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية المجتمع بالدمام (https://vb.ckfu.org/forumdisplay.php?f=87)
-   -   جميع الي تم قبولهم بكلية المجتمع بالدمام (دعوة للنقاش) (https://vb.ckfu.org/showthread.php?t=205170)

DASH 2011- 7- 31 04:51 PM

جميع الي تم قبولهم بكلية المجتمع بالدمام (دعوة للنقاش)
 
السلام عليكم ورحمة الله وبركاته.....

مبارك عليكم الشهر الفضيل رمضان كريم , الحمدالله نزلت النتايج في موقع كلية المجتمع بالدمام:

http://www.dcc.kfupm.edu.sa/results/dccA.asp

ابارك للجميع الي قبلوهم في الكلية وانشاء الله عقبال جامعة الملك فهد للبترول والمعادن...

الحمدالله تم قبولي في كلية المجتمع ونسبتي المركبة بالضبط 70%

طيب الي عنده سؤال او وده يشاركنا بمعلومات بخصوص اي شئ التقديم,الدراسة, الخ لا يبخل علينا..

مثل مو مكتوب شروط الانتقال الى جامعة البترول :::

تسجيل مقرر اللغة الإنجليزية (ENGL 011) ومقرر الرياضيات (MATH 011) معاً والحصول

على تقدير لا يقل عن جيد (C) في كل منهما في ذلك الفصل الدراسي .


** الحين هل كلية المجتمع تصرب مكافاة للطلاب واحنا نعتبر طلاب منتظمين , انا اسمع كلام وكلام مافي اي تاكيد للخبر الي عنده الخبر اليقين يتفضل....

** بالنسبة لشهادة حسن سيرة وسلوك عندي حقت المتوسطة وسمعت انه الغوها وبيعتمدون على شهادة الثانوية هل هذا صحيح؟؟..

دعوة للنقاش-----

سعود الجيعان 2011- 7- 31 10:30 PM

رد: جميع الي تم قبولهم بكلية المجتمع بالدمام (دعوة للنقاش)
 
: )

الله يبارك فيك ، والله يوفق كل المقبولين وانا معهم هع ،
احنا طلاب منتظمين بس للحين مآسمعت ان للكليه مكافئات شهريه وهذآ شي يحطم بَ صرآحه
بس الزين فيهم ان الكتب الدراسيه مجانيه .. "
آلمهم بَ خصوص شهادة الحسن سيره وسلوك .. أيه الغوهآ صارت على الشهآده
انا السلوك عندي 100 بس المواظبه 93 .. تعتقد رآح تسوي لي مشكله هذي ؟!! لأني حسب ماسمعت اهم شي السلوك والباقي مايهم ..
والحمدلله السلوك عندي 100 ..

DASH 2011- 7- 31 10:53 PM

رد: جميع الي تم قبولهم بكلية المجتمع بالدمام (دعوة للنقاش)
 
اهلين بيك

والله مشكلة من وين ندبر فلوس ونشتري اغراض الدراسة الواحد الحين لازم معاه لابتوب دفاتر تحضيرية على الاقل يفتحون البوفيه مجانا :biggrin:لحد الحين مافي مكافاة والله حالة ,,, طيب على الاقل شجعونا بس لا حياة لمـ ن تنادي ,,,,

ايوه السلوك اهم شئ الحمدالله انا 100% والمواظبة 100% بس ما استاهلها <<< صادوه 7 مرات يدخن بالفسحة :biggrin:

عالعموم انشاء الله راح اتاكد من خبر المكافاة من احد اخويائي وبجيكم الخبر

سعود الجيعان 2011- 7- 31 11:08 PM

رد: جميع الي تم قبولهم بكلية المجتمع بالدمام (دعوة للنقاش)
 
بَ خصوص الكتب الدراسيه والتحظيريه .. " هم يعطونك ببلاش وهذا عذرهم انهم مايعطون مكافئات
يقولون احنا نوفر لكم كل شي خخخ
على العموم دام اهم شي السلوك 100% خلاص زين مايهم المواظبه .. وعلى طاري التدخين بالفسحه
انا زيك وعلى كذآ تهريب يوميآ وكم مره انصآد :biggrin:

اسأل وشوف وش يقولون لك .. " وعلى طاري معهد الاداره " نسحب عليه لو اقبلونآ ولآ ؟

ص.ع 2011- 8- 1 01:39 AM

رد: جميع الي تم قبولهم بكلية المجتمع بالدمام (دعوة للنقاش)
 
^
هههههههههههه تدخين بالفسحه اجل ... فالينها الحبآيب .. الله يآخذ ابليسكم
يعني ما حلى لكم التدخين الا بالمدرسه ، كان انتظرتو لما تطلعون .. :biggrin:

..

بخصوص المكآفأت .. لا ما فيه .. و شهادة السلوك ألغوها :biggrin: و زي ما قلتو بالشهادة صارت خلاص ..
انا كنت شاكه بس تأكدت لما كتبتو كلامكم :biggrin:

الله يوفقكم ي رب ويوفق اخوي .. و يسهل عليكم .. و عقبال جامعه الملك فهد ي رب ..

وانا عندي سؤال ، بخصوص درجه المشاركه ؟ > وش تطلع هاذي .؟
وشنو هي البرامج الأكاديمية الي عنده معلومات ي ليت يفيدنا :106:


>> احس الكل يقول وش فيها هاذي قاطه في كل نقاش عن كلية المجتمع :tongue:
خخخخخ مسوية مسؤولية الأخت الكبرى خخخخ :(284):

سعود الجيعان 2011- 8- 1 01:46 AM

رد: جميع الي تم قبولهم بكلية المجتمع بالدمام (دعوة للنقاش)
 
: )
درجآت المشآركه مآدري يمكن تكون درجآت اضافيه .. "
الي اعرفه من الموقع ومن ولد عمي الي كان يدرس فيهآ
أن بالبدايه يدرسونك مادة انجليزي ومادة رياضيات < تحضيري .. " والانجليزي رآح يفيدك الطآلب
علشآن الدراسه اغلبهآ انجليزي ..
وبعدهآ يدرس مواد التخصص ..

برمجة حاسب ..
محاسبه ..
تسويق ..
ادارة مواد ( تفرق عن ادارة الموارد البشريه ) لاتلخبطون فيهآ
هذي ادارة المواد تختص بَ ادارة المبيعات والبضاعه المطلوبه من الخارج في المخازن التجاريه
وحساب المبالغ المشتريه وكذآ يعني وأكثر شي يبونهآ شركآت الشحن والتوصيل والمحلآت التجآريه ..
ومحطة تحلية الميآآآآه .. وشركآت كثيره وهو تخصص جديد تقريباَ ..
وانا محتار اختاره ولآ اخذ برمجة حآسب .. مع أن مابقا احد الا واخذ برمجة حآسب حتى من المعآهد ..
والمحآسبـه . ممتازه جدا جدا جدا :biggrin: بس شوي يعني صعبه فيهآ حسابات وكذآ ورياضيات

DASH 2011- 8- 1 03:24 AM

رد: جميع الي تم قبولهم بكلية المجتمع بالدمام (دعوة للنقاش)
 
انا والله اختبرت اليوم وكل شئ تاليف , بس انشاء الله بروح كلية المجتمع لان باذن الله ناوي التحق بالبترول

مشعل الشملاني 2011- 8- 1 03:29 AM

رد: جميع الي تم قبولهم بكلية المجتمع بالدمام (دعوة للنقاش)
 
يعني ياشباب

وش نأخذ معنا

النموذج اللي نطبعه

و1- الشهادة الأصلية

2- أصل شهادة حسن سيرة وسلوك ( طبعا ماعندي وش نجيب مكانها)

3- خمس صور حديثه مقاس 4*6

4- كشف طبي لتحديد فئة الدم (الرخصه تكفي )

5- صورة مع بطاقة الأحوال مع الاصل للمطابقة

ياشباب بالله عليكم فيدوني وش أجيب معي بالتفصيل الممل


أنتظركم

سعود الجيعان 2011- 8- 1 06:08 AM

رد: جميع الي تم قبولهم بكلية المجتمع بالدمام (دعوة للنقاش)
 
كل الي قلته أنت جيبه معك .. "
شهادة حسن سيره وسلوك ، هذي الغوهآ وزارة التربيه والتعليم صآروآ يشوفون درجة السلوك والمواظبه الي بشهادتك ..
اطبع الصفحه الي طلعت لك انك مقبول + النموذج الي حملته اطبعه واكتب اسمك ووقع ..الخ
وبس كل شي واضح ونآ اخوك .. " كاتبين لك الي تجيبه

مشعل الشملاني 2011- 8- 1 06:59 AM

رد: جميع الي تم قبولهم بكلية المجتمع بالدمام (دعوة للنقاش)
 
مشكور أخوي سعود ويعطيك العافية


All times are GMT +3. الوقت الآن حسب توقيت السعودية: 01:41 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه