|
استلام الجدول
السلام عليكم ورحمة الله وبركاتة اخواني ابشركم تقدر الحين تدخل الموقع برقمك الجامعي عن طريق هالموقع اضغط هنا وتحط الرقم في كل الفرآغين واللي ما فتح معاه يدخل بالرابط هذا ويشوف يطلع اسمه ولالا اضغط هنا ولو ما طلع يتصل عليهم عشان يتأكد وين المشكله 038683300 تحويله 845 .. اما طريقة استلام الجدول هنا اضغط هنا واللي عنده اي مشكله يحط استفساره وان شاء الله الاخوان ما يقصرون |
رد: استلام الجدول
يعطيك العافية اخوي ابراهيم الشمري , ماشاء الله عليك مشكور على المساعدة وتعاونك
الحمدالله استلمت الجدول بس ماني فاهم الانجلش حصصه واجد ومدري ايش السالفة الي عنده توضيح بسيط لا يبخل وشكرا |
رد: استلام الجدول
: )
انا فتح معي كل شي بس في شي ماعرفته .. " دخلت الموقع وجاني اختيارات 20111 و 20103 اختار اي واحد ؟!! .. في اختيارات كثيره ماعرفت وش اختار ارجو الافاده |
رد: استلام الجدول
اهلين اخوي سعود الجيعان وحشتنا عبالي رحت الادارة خخخخخ
ايه وناخوك هذا رقم السمستر الترم 20111 رقم مميز والمفروض ماتكون في ارقام ثانية انت ما يهمك الا الجدول واتوقع تقدر تعرف الدرجات حقتك اول باول والغياب والاعذار الخ الخ,,,,, بس طبعا كله نفس الترم 20111 الباقي ما اتوقع لنا شغل فيه والله اعلم,,,, |
رد: استلام الجدول
انت مو شرط تختاره الحين لان بيطلع جدول وفاضي تحذيرات وكذا بعدين راح تستعمله ودائما تضغط 20111 لان هذا رقم الترم حق هذي السنة والباقي كلهم قديمين
|
رد: استلام الجدول
: )
هههههههههههه ، لآ نآشب لكم بأذن الله " اصلن اول واحد كان حاطينه 20103 .. الحين بَ اغيره لـ 20111 المميز على قولتك والباقي اصلن من اول حاطينه 20111 .. وبعدها وش اسوي ؟ |
رد: استلام الجدول
لا تسوي شئ مو طالبين منك الا انك تاخذ الجدول وتطبعه ويكون معك عالدوام في الكلية (يعني لصقه على دفتر الملاحظات)
باقي الازرار وضيفتهم يقولوا لك لو عليك مخالفة وبخصوص الدرجات الخ,,,, ما رح تبان معانا الا مع الدراسة لان كله الجداول فاضية ومثل مو مذكور في تعليمات التسجيل في الموقع : http://www.dcc.kfupm.edu.sa/rp111.html بس خذ الجدول وتعال داوم |
رد: استلام الجدول
: )
حاطين اربع مرات انجليزي ومرتين ماث .. ماعرفت وشلون ارتب الجدول يعني اول يوم اجي والجدول معي وين اروح < ماعليه تحملني شوي هههههه |
رد: استلام الجدول
لا شدعوة وناخوك دام انك ما سحبت علي وناشب لي حياك :mh35:
الجدول يا طويل العمر مكتوب عندك الايام من السبت للاربعاء انا افضل انك ترتبه بنفسك وتسوي لك جدول ثاني عشان ما تتلخبط مثلا : لو تلاحظ عندنا انجلش حصتين من الساعة 10 - 10:50 حصة وحدة ومن 11:0 - 11:50 حصة ثانية بعدها يجيك بريك 3 ساعات ونص (تتغدى فيها وتحرق لك راس معسل) والحصة الثالثة من15:20 - 16:10 انجلش بعدها والرابعة نفس الكلام بتقولي متى رياضيات شوف الجدول وبتعرف يقولون SMW السبت والاثنين والربوع من الساعة 9 - 9:50 وعندك يوم U الاحد من 8 - 9:50 فهمت كيف يعني يوم الثلاثاء مافي رياضيات نهائيا طبعا انشاء الله جدولي نفس جدولك واذا اختلف الله يعينك هذا الي انا فاهمه للان وزي ما قلت لك هو ايزي بس عليك توزعه بطريقتك نفس جدول المدرسة السبت وتكتب كل الي عندك والاحد وهكذا انشاء الله وصلت الفكرة وقولي لو محتاج مساعدة :wink: |
رد: استلام الجدول
السلام
لو سمحتوا انا ما اعرفت اطلع الجدول كل ما احط الارقام تطلع خطأ شنو احط في اسم المستخدم و رقم السري مع العلم انو بس عندي هذا الرقم 3511 من وين اجيب رقم الجامعي وشكرا |
رد: استلام الجدول
: )
أي والله زيك بالظبط بس أحس الدوام كرررف .. بس الي مريحنآ البريك حق الثلاث ساعات ونص هع احسه حق نومه وسطله بالبيت بس عندك يوم الاحد كرررف من السآعه 8 لـ 17 وعشر دقايق |
رد: استلام الجدول
اقتباس:
بطاقة الكلية نفسها شوف student id : او رقم الطالب اذا كان بالعربي ويكون هو اليوزر نيم والباسوورد واذا دخلت عالصفحة بنجاح تقدر تغيره زي ماتحب |
رد: استلام الجدول
الحمدلله ان اموركم تيسرت
يالله عاد نشوفكم يوم السبت لو فيه دراسه بنلعب كوره ساعتين نبي حماس يا عيال << مسوي فيهآ تراني احب العب بس ما حولي لعب .. فسروها عااد ^_^ |
رد: استلام الجدول
اقتباس:
|
رد: استلام الجدول
وش السالفه يا شباب انا مثبت الموضوع على ردين كتبت هالرد وحصلت 20 الف رد ^_^
الا على طاري ترتيب الجدول ؟؟ يعني احنا نرتبه على كيفنا .. ايه كذا حلو لان انا جدولي ما فيه بريك 3 ساعات فيه ساعه وعشر دقايق |
رد: استلام الجدول
Dash مشكور
|
رد: استلام الجدول
يا جماعة الخير هو فيه ترتيب للجدول ولالا ؟؟
وبعدين من يقول اني اطبع الجدول حقي .. اخذه من عندهم على ما اظن |
رد: استلام الجدول
اضغط Get Schedule.....................
واطبع الجدول خله عندك عالدوام طول ما انت في الكلية , وشوف حصصك اما الازرار الباقية تقدر تعرف الدرجات والغياب والتحذيرات الحين مو شرط تعرف عنها بس مع الايام راح تعرف |
رد: استلام الجدول
: )
الايام كلها بتبدا عندي من الساعه 10 بيكون عندي بريك سآعتين وشوي .. بس يوم الاحد صحيح انه كرف ويبدآ من السآعه 8 .. لكن عندي بريك من 11:50 لـمين 15:20 هههههههههه أحسهآ كثير .. يالبيه يمديهآ نومه وكل شي |
رد: استلام الجدول
ايه هذي عندي انا بعد بس هذي ساعتين ونص والله ما يمديها نومه << رآعي نوم
|
رد: استلام الجدول
ياجماعة هذي صفحة تعليمات التسجيل في موقع الكلية
http://www.dcc.kfupm.edu.sa/rp111.html كما ذكر في هذي الخطوات Enter your DCC ID (201110XXX) & Password (the password is the same ID for new students) Submit your personal Information and click next Select Get Schedule and press Go Click Confirm and print your schedule اخر خطوة قالك سوي تاكيد على الجدول وقم بطباعته ليش الكلية بتعطيك جدول وهم عطوك وياه بالموقع :(107): ------------------------------------------ نرتب الجدول مو نغيره على كيفنا بس نظام الجدول شوي يلخبط اقول لو كل واحد يرتبه ويحط يوم السبت المواد الي عليه والساعات افضل طبعا كل واحد على حسب جدوله... اخر كلاس لي ينتهي الساعة 5 و 10 دقائق والباقي كم؟ |
رد: استلام الجدول
انا عن اذنكم بروح اطبع الجدول من الحين << مستعجل
يالله في امان الله واشوفكم يوم السبت << دق الميانه على طول ^_^ |
رد: استلام الجدول
حبيت ارد قبل لا اطلع
شوف يا بعد راسي جداولنا كلها نفس الشئ عشان ترتاحون ما فيها اي فرق |
رد: استلام الجدول
ماراح يمديها الا غفوه ..
بس يوم الاحد حلو .. يعطونك بريك 3 ساعات و20 دقيقه .. يالله انا بً اطبع الجدول وارتبه على رآحتي .. استأذن يَ الغالين والله يوفقكم |
رد: استلام الجدول
ايه كلها نفس الشي
وانا اخر كلاس لي بيكون الساعه 5 وعشر دقايق .. زيك ياداش يالله عن اذنكم |
رد: استلام الجدول
بالتوفيق لكم يا عيال , نشوفكم يوم السبت انشاء الله
|
رد: استلام الجدول
شباب ما عرفت اطلع الجدول نهائين ياليت تفهموني زين
دخلت الرقم الجامعي بعدين جاني كلام تحت بعض بالانجليزي سويت مثل ماقلتو كلها 20111 بعدين وش اسوي ياليت تفدوني |
رد: استلام الجدول
get schedule اضغط على
وراح يطلع لك الجدول واطبعه :119: |
رد: استلام الجدول
شباب كيفكم
انا ضبطت جدولي و طلع معاي كذا و الله من جد كرف . الله يعين بس السبت : ( 8 – 8.50 ) صباحا " رياضيات " . رقم الغرفة : 284 ( 10,00 – 50 ,10 ) صباحا " انجليزي " . رقم الغرفة : 172 ( 11.00 – 11.50 ) صباحا " انجليزي " رقم الغرفة : 172 ( 20 .3 – 10 . 4 ) عصرا " انجليزي " رقم الغرفة 172 ( 4,20 – 5,10 ) عصرا " انجليزي " رقم الغرفة 172 الاحد : ( 10,00 – 50 ,10 ) صباحا " انجليزي " . رقم الغرفة : 172 ( 11.00 – 11.50 ) صباحا " انجليزي " رقم الغرفة : 172 ( 20 .3 – 10 . 4 ) عصرا " انجليزي " رقم الغرفة 172 ( 4,20 – 5,10 ) عصرا " انجليزي " رقم الغرفة 172 الاثنين : ( 8 – 8.50 ) صباحا " رياضيات " . رقم الغرفة : 284 ( 10,00 – 50 ,10 ) صباحا " انجليزي " . رقم الغرفة : 172 ( 11.00 – 11.50 ) صباحا " انجليزي " رقم الغرفة : 172 ( 20 .3 – 10 . 4 ) عصرا " انجليزي " رقم الغرفة 172 ( 4,20 – 5,10 ) عصرا " انجليزي " رقم الغرفة 172 الثلاثاء : ( 8 – 9.50 ) صباحا " رياضيات " . رقم الغرفة : 284 ( 10,00 – 50 ,10 ) صباحا " انجليزي " . رقم الغرفة : 172 ( 11.00 – 11.50 ) صباحا " انجليزي " رقم الغرفة : 172 ( 20 .3 – 10 . 4 ) عصرا " انجليزي " رقم الغرفة 172 ( 4,20 – 5,10 ) عصرا " انجليزي " رقم الغرفة الاربعاء : ( 8 – 8.50 ) صباحا " رياضيات " . رقم الغرفة : 284 ( 10,00 – 50 ,10 ) صباحا " انجليزي " . رقم الغرفة : 172 ( 11.00 – 11.50 ) صباحا " انجليزي " رقم الغرفة : 172 ( 20 .3 – 10 . 4 ) عصرا " انجليزي " رقم الغرفة 172 ( 4,20 – 5,10 ) عصرا " انجليزي " رقم الغرفة 172 |
رد: استلام الجدول
الله يعينك .. بداية دوامك السآعه 8 "
انا جدولي تقريباً زيك بس دوامي في كل الايآم يبدأ السآعه 10 :cool: معدا يوم الاحد بس يبدأ 8 |
رد: استلام الجدول
السلام عليكم ورحمه الله وبركاته يا اخوان حبيت اعرف في شي موجود بالجدول اللي هو crd وش هذا ..؟
|
رد: استلام الجدول
اقتباس:
|
رد: استلام الجدول
اممم طيب سؤال ..
هل الساعات اللي ناخذهــآ بالمجتمع .. اذا جينا نعادلها بالبترول تطلع نفس ساعات البترول بالضبط ولا نضطر ناخذ صيفي .. ومعليش اذا ثقلت عليك |
رد: استلام الجدول
والله سؤال حلو اتوقع يعادلونها ليش لا بس مو متاكد الصراحة في الكلية نتاكد زيادة
|
رد: استلام الجدول
: )
بخصوص الكتب .. بنستلمها بَ اول يوم ؟! < متحمس للكتب خخخ |
رد: استلام الجدول
يفترض نستلمها من اول يوم وغير كذا لازم نجي بدري قبل الكلاس ما يبدا بساعة ونص بالكثير نعرف الاوضاع ونستلم الكتب , انشاء الله يعطونا واجب من اول يوم <<< متحمس يبغى يحل واجب :71:
|
رد: استلام الجدول
هههـأإي واللهـ انا سمعت ان الكتب فيه ـآ لطعــة ..
ويقولون انهم يتأخرون بتسليم الكتب .. وفي شخص قالي لا تستعجل وتشتري الكتب لان ثمنها غالي هم بيعطونك اياها تقريباً بعد اسبوع او اسبوعين |
رد: استلام الجدول
لبى قلوبكم منورين الموضوع
وأي واحد عنده سؤال يسدحه هنا ومحد بيقصر مع احد والاخوان ... سعود الجيعان .. وداش .. فيهم كل الخير مستلمين القسم ما شاء الله |
رد: استلام الجدول
شباب لا احد يستعجل على الاسئلة ترانا ما نعرف شئ لسه :71:
انشاء الله بكرة اول يوم دوام وكل شئ بكون واضح واتمنى يسلمون لنا الكتب من اول يوم |
رد: استلام الجدول
اي بالله صدقت بعض الاخوان زودوها خخخخخخخخخ
ان شاء الله تتسهل الامور لنا بكره |
رد: استلام الجدول
شباب يعني بكرة متى نداوم الساعة كم لأني الجدول حقي محاضرتي العصر وبيني وبينكم ماني فاهم له أبد قولولي متى أداوم |
| All times are GMT +3. الوقت الآن حسب توقيت السعودية: 04:45 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام