|
كلية المجتمع ( الدمام )
السلام عليكم ورحمة الله وبركاته ، كيف حال اعضاء المنتدى الكرام ان شاء الله طيبون ، عندي بعض الاستفسارات الي مالقيت لها جواب هنآ ، والكثير يعانون ويريدون اجابه ، طبعا اليوم " سجلت بالموقع وقدمت عليهم ، وان شاء الله الامور طيبه حبيت استفسر ماهي النسبه المركبه الموزونه الي يطلبونهآ ؟!! وياليت الاجابه بدقه انا نسبتي الثانويه 85 القدرات 68 التحصيلي 59 هل تعتقدون أن نسبتي مناسبه ؟ وراح يقبلوني أو لآءءء ؟ وهل من الممكن متابعة البكالريوس بعد الكليه ، في جامعة الدمام ؟ ولا بس جامعة البترول ؟!!! وماهو افضل تخصص ينصح به الان في الكليـه أسف على الآطاله بس انا محتآج هذه الاجوبه ، والكثير راح يستفيد من الموضوع ، ويعطيكم العافيه ، |
رد: كلية المجتمع ( الدمام )
اقتباس:
انا بعد سجلت في الكلية المجتمع الدمام تقريبا نسبتي معاك متقاربة , وللاسف هم ما عمرهم عرضوا كم يبغون نسبة موزونة بس الي اعرفه انه ياخذون مركبات موزونة اقل من جامعة البترول بكثير ,, وطبعا القبول يكون على حسب الاماكن الشاغرة بمعنى لو في واحد درجاته اعلى منك بنسب راح تكون الاولوية له وراح يشوفوا اذا في مكان عشان يستقبلوا الباقي ,,,,, تقدر تتابع البكلريوس طبعا ,,, اذا جبت c او جيد في كل المواد الي يعطوك وياها راح يقطونك في جامعة البترول وتكمل بكالريوس بكل سهولة (بدون ما تاخذ سنة تحضيرية ثانية) بالنسبة للتخصصات كلهم مرغوبين يعتمد عليك انت ويش تبي تتخصص فيه انت ورغبتك ^^ ادعوا الله انه يقبلونا انشاء الله في الكلية هي املنا الوحيد واي شئ او استفسار ثاني انا حاضر.. |
رد: كلية المجتمع ( الدمام )
: )
يعطيك العافيه على ردك الوافي ، والله ريحتني ويآلله نطلبك الخيررر " مالي غير هالكليه بعد اذا ماقبلتني بجلس بالبيت هالايام صايره الجامعات تطلب الكثير والكثير : الله يعين .. نصبر ونشوف النتآيج ، |
رد: كلية المجتمع ( الدمام )
صحيح والله طيب يالخوي روح سجل في معهد الادارة في الدمام , انا سجلت وعندي اختبار قبول بعد اسبوعين يدرسونك دبلوم ويعطونك راتب 1000 ريال , التخصصات تكون ادارة وتجارة ومبيعات واذا شافوك جبت معدل كويس بيعطونك محنة تكمل بكالريوس انصحك تسجل فيها...
|
رد: كلية المجتمع ( الدمام )
: )
أيه يالغالي انا سجلت فيه وعندي موعد اختبار فيه ، موعدي قبل رمضان بيوم او يومين ماذكر ، بس بسألك المعهد هذآ برسوم ؟ ولآ بدون رسوم ، ومتأكد انهم يعطون مكافئه 1000 ريآل ؟ |
رد: كلية المجتمع ( الدمام )
^
ابي رابط هالمكان .. و جاوبو فيه رسوم او لا ؟؟؟ بليز تكفون جاوبو لا تصفطون !! اخوي نفسكم .. اذا ما انقبل ما له الا البيت ، حسبي الله ونعم الوكيل .. شباب و يقعدون في البيت .. ..! ضاع مستقبلهم .. ! الله يوفقكم ي رب .. وتنقبلون و تفرحون و تفرحون اهاليكم .. و تفرحونا معكم :Cry111: |
رد: كلية المجتمع ( الدمام )
: )
هلا فيك اختي ، انا سجلت فيه واخذت تخصص علوم حاسب ، ويمدحونه النآس موقعه بَ الدمام عند الشيرتون بالكورنيش ، اما موضوع الرسوم مآدري اذا فيه ولآء ؟! اذا اخوك نسبته ضعيفه ، خليه يسجل بكلية المجتمع بالدمام او معهد الاداره ، وهذا رابط موقع معهد الاداره http://www.ipa.edu.sa/AR/pages/default.aspx اسال الله انه يوفقنآ كلنآ ، .. بَ صراحه قلبي ع نآررررر .. :( |
رد: كلية المجتمع ( الدمام )
اخوي سعود لو سمحت ممكن توصف لي وين مكان المعهد انا سجلت ولا ادري وين بس كاني سامع انه حول مجمع الواحة , اذا تقول عند الشيراتون مافي هناك معهد؟؟ لو سمحت ابغى وصف دقيق الله لا يهينك..:(107):
|
رد: كلية المجتمع ( الدمام )
: )
كآنك تبي العلم حتى انا مادري وينه خخخ ، اليوم رحت أفتر هنآك حوالين الواحه ، مع اني المنطقه هذي ما ادلها ما اجيها كثير احسن حل تمشي ورآ تاكسي ، لين يوصلك المكآن .. " |
رد: كلية المجتمع ( الدمام )
هلا سعود حصلت خريطة الموقع ادخل الرابط :
http://www.ipa.edu.sa/ar/Branches/Pages/Dammam.aspx واضغط على خارطة الوصول , عند استاد الدمام على يسارك وعلى يمينك معهد الادارة الظاهر جنب امانة المنطقة الشرقية ,والمكتبة العامة :biggrin: اروح لها مشي يعني |
| All times are GMT +3. الوقت الآن حسب توقيت السعودية: 07:40 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه