ملتقى طلاب وطالبات جامعة الملك فيصل,جامعة الدمام

- - هذا سؤالي ممكن تجاوبوني (https://vb.ckfu.org/t18330.html)

هذا سؤالي ممكن تجاوبوني

السلام عليكم
هذي أول مشاركه لي بالمنتدى
وأتمنى أنكم تفيدونني
أني انقبلت بكلية المجتمع بالقطيف
وأبي أعرف الدراسه تبتدي متى وتنتهي متى
أقصد يعني ندرس للظهر أوللعصر؟
وشكرا تحياتي:119:

رد: هذا سؤالي ممكن تجاوبوني

هلا أختي ..

ألف ألف ألف مبروك للقبولك في كليةالمجتمع في القطيف

صحيح إني مو من القطيف لكن أقدر أفيدك بهذا الخصوص

الكليات عادة مو مثل الجامعات إنتـِ تنظمين الجدول

لها جدول محدد وعادةً من الصباح إلى الظهر

وأي حاجة حنا أعضاء الملتقى في خدمتك

رد: هذا سؤالي ممكن تجاوبوني

ماتوقع ليها بدايه ولا نهايه هدي شروط الكليه لهدا اني مابي اروح فيها

ولا ابي اقول شى اكر اخاف تالي يخلوني مشرفه واني مالي خلق ....

رد: هذا سؤالي ممكن تجاوبوني

هلا بك نويررررره
المحاضرة الاولى تبدأ الساعه ثمانية
وآخر محاضرة تنتهي الساعه 2 الظهر
وعاد انت وجدولك ..
ممكن ما تكون عندك محااضرات الصباح فما تجين الا الظهر..
او العكس ..وتطلعين على الساعه 12
ولا تفكرين تطلعين قبل 12 بدون أذن ويكون ولي أمرك موجود ..
وفية بريكن والبريكات ترى مره حلوة
ربي يوقفك :119:

تحياتي لك
وجاااااااااهزين للطيبين

رد: هذا سؤالي ممكن تجاوبوني

مشكوررررين وايد على مروركم تسلموا
طيب واللبس شنو يبون اقصد التنوره والبلايز لها الوان محدده ولا جميع الالوان
وشكرامره اخرى

رد: هذا سؤالي ممكن تجاوبوني

هلا عزيزتي الدوام اول يوم يبدا هو اول يوم دراسه للمدارس وبقية الدوام يكون نفس ماذكرته اختي فوق وبالنسبه للتنورة تكون لون اسود او جينز ازرق غامق وكم البلوزة لازم اقل حد ثلاثة ارباع والالوان مسموحه كلها بس الالوان الفاقعه وطبعا اللون الاحمر ممنوع والاصفر والبرتقالي

رد: هذا سؤالي ممكن تجاوبوني

مشكوره اختي على مرورج

رد: هذا سؤالي ممكن تجاوبوني

السلام عليكم ورحمة الله وبركاته

حبيت استفسر عن شئ سمعته بس مادري هو صحيح او لا

صحيح لازم تجي بعباية راس في الكلية ؟؟

رد: هذا سؤالي ممكن تجاوبوني

ايوه لازم عباة رااااااااااااااس..

رد: هذا سؤالي ممكن تجاوبوني

اقتباس:

المشاركة الأصلية كتبت بواسطة znabee (المشاركة 187564)

عزيزتي جميع كليات ومدارس المملكة تمنع عباءة الكتف

بس جامعة الفيصل..

هذا الي اعرفة:c8:

رد: هذا سؤالي ممكن تجاوبوني

السلام عليكم
ني حابه اسال عن المواد الي بندرسها
والدراسة بتكون بأي لغة؟
وسمعت ان سنة ثانية يبغوا مشروع!!!
حول وشو يعني
بحث مثلا؟؟؟؟؟
وشكرا

رد: هذا سؤالي ممكن تجاوبوني

عزيزتي المواد الا بتدرسوها في سنه اولى المستوى الاول هي لغة انجليزيه 1 و برمجه شيئيه 1 ورياضيات الحاسب الالي وتطبيقات الحاسب الالي واساسيات الحاسب الالي المستوى الثاني (الترم الثاني ) لغة انجليزيه 2 و اتصالات وشبكات وبرمجة شيئية 2 و الحاسبات في التعليم و النشر على الانترنت html وxml
سنه ثانيه المستوى الثالث (الترم الاول ) اتمته العمل المكتبي وبرمجه شيئيه 3 وهندسة برمجيات ونظم قواعد البيانات اللغة الانجليزيه 3 ودراسة اوليه للمشروع
المستوى الرابع والاخير ادارة شبكات تصميم صفحات الانترنت والوسائط المتعدده وعلم النفس التربوي ومهارات الاتصال والتحضير النهائي للمشروع
والمشروع يكون سنه ثانيه وهو يكون في احد المواد التي سوف تدريسينها اما نظم قواعد البيانات او برمجه شيئيه او النشر على الانترنت html وهو بحث عن موضوع معين ثم يتم تطبيقه باستخدام احد هاذي البرامج
ارجو انه الشرح يكون واضح واي استفسار انا جاهزه:g8:

رد: هذا سؤالي ممكن تجاوبوني

مشكورة اختي
بنت القمر على الشرح
وفيتي وكفيتي

الكون الفسيح

رد: هذا سؤالي ممكن تجاوبوني

يعطيك العافيه ع الشرح والمعلومات