| الطالبات اللي حضروا اليوم التعريفي اليوم |ممكن تساعدوني !!

[CLAIRE REDFIELD]

السلاام عليكم ورحمة الله وبركااته

كيف الحال ..؟

صراحة بقول القصة من البداية ..من زود القهر اللي فيني

أمس وقت ما كنا نختبر انجليزي _ القاعة فيها بنات هندسة و صيدلة _ جات وحدة وقالت الاتي :

""يوم الثلاثاء راح يكون اليوم التعريفي لطالبات الهندسة الطبية لازم تحضرون الساعة 11
لان راح يعلمونكم عن التخصص وشنو راح تدرسون و كيف تطلعون الجدول
طبعا راح يكون في مبنى العمادات مبنى 20
ويوم الاربعاء راح يكون اليوم التعريفي لطالبات الصيدلة في نفس الوقت وفي نفس المكان ""
^
في احد سمع كذاا مثلي ولا انا مخبطه ؟؟

المهم

اليوم اروح الجامعة .. الوالد يسأل الامن عن اليوم التعريفي لكلية الهندسة وين قال :
"" روح مبنى 22 "
^
سبحان الله تغير المكان فجأة
طيب رحناا هناك سألنا وين القاعة قالت :
" مو هناا كلية الهندسة روحي مبنى 28 "

رحت مبنى 28 سألت عن القاعة _ طبعا كانت هناك اللي جات لنا امس بالاختبار _ قالت :
"" ليش متأخرة تراا خلصوا ""
قلت لها اللي اهي قالت لنا .. ردت :
"" لا لااا انا ما قلت كذا ""
كاان بخش وياها في هواش بس تعوذت من ابليس
المهم .. قالت لي :
" هذي القاعة هناا يمكن تشوفين احد وسأليه "
رحت القاعة شفت وحدة سألتها :
" قالت ما دامك متأخرة تعالي بعد شوي مبنى 29 "
^
حضراتهم يكلموني وعلى اني اناا الغلطانة جاية متأخر

رحت لها وعطتني البطاقة .....
كل ما أسألها عن شي تقول ما تدري
كل ما أسألها عن شي تقول ما تدري ....
^
أجل مين اللي يدري ..




ياريت اللي حضروا اليوم يقولون لي وش سووا ..
أحس اني ضايعة وأنا في مكاني ..~

[احب الحب]

يابنت الحلال خليها ع الله بس
مافي تنظيم ولا في نظام
نفس طريقتك فريت الجامعه كلها وزحمه مره عااد وتاخرت بس زين خذيت البطاقه
ويوم سالته كيف اطلع الجدول لانو قالو في الموقع باسوورد ويوزر قالي روح مبنى السنه التحضيريه !
رحت هناك قالي واحد روح عند دكتور لؤي ودورته لين تعبت طلع مو موجود يقول تعال بكره !!
مادري ايش الحل صراحه
ياليت يفيدونا اللي حضرو