|
كل ماتريدون معرفته عن اختبار Ielts
مرحبا حبيت اريحكم واريح نفسي من اسئلتكم عن الاختبار :mh35: ولو انا مستعده لتقديم اي مساعده <<<انتوا تامرون المهم راح اوضح لكم كل شي عن الاختبار واللي عندها استفسار تتفضل وتسال ينقسم الأمتحان إلى 4 أقسام ومدته 2:45 ساعتان و خمس وأربعون دقيقه و يتقدم الممتحن لهذه الأقسام تتابعا في نفس اليوم الا انه في بعض الاحيان يكون قسم Speaking في اليوم الثاني <<هالشي يحددونه المعهد البريطاني. Reading مدة أمتحان القراءة ساعة وهو يضم ثلاث مواضيع مختلفة كل موضوع صفحة واحدة تقريبا. بمجموع حوالي 2500 كلمة يجيب الممتحن على 40 سؤال لها علاقة بالمواضيع الثلاثة. راح يكون عند كل طالب\ه ورقة خاصة بوضع الاجابات وهي المهمه والثانيه راح تكون عباره عن مجلد صغير يحتوي على الثلاثة مراضيع مع الاسئله التابعه لهم واهم نقطه لازم الكل يركز عليها ان الاجابات لازم تكون في ورقة الاجابه حيث ان المصحح ماراح يطالع ورقة الاسئله حتى لو كانت الاجوبه فيها. Writing مدة أمتحان الكتابة ساعة واحدة ويتكون من جزئين الجزء الأول (task 1) عبارة عن كتابة 150 كلمة تكون عبارة عن وصف لشكل معين , مبين للممتحن( الرسمة عادة ما تكون رسم بياني أو رسم لنسب معينة شرح لعملية معينة). الرسم يكون له انواع عندنا bar graph http://education.yahoo.com/homework_...-bargraph2.gif وكمان في line graph http://www.awe.asn.au/branches/sunsh...line_graph.jpg وفي pie chart http://www.fedstats.gov/kids/mapstats/graphics/pie.gif واخر شي يكون عندنا table عباره عن جدول يحتوي على معلومات وارقام كل اللي المفرض نسويه في task 1 نوصف الشكل اللي امامنا وشنو المعلومات اللي فيه في 150 كلمه. الجزءالثاني من الأمتحان(task2) هو كتابة موضوع تعبير 250 كلمة عن موضوع يكون محدد في ورقة الأمتحان.راح يكون عن موضوع عام مثل التعليم او النجاح او السعاده وفي غيرها من المواضيع يعني موضوع تعبير عادي وفي بعض الاحيان يكون عن شي معين الناس يسوونه ويبون يعرفون هل انت\ي مع او ضد. نجي الى Lisenting مدة أمتحان الأستماع نصف ساعة يتكون من 40 سؤال .يستمع الممتحن لشريط تسجيل وتزيد صعوبة التسجيل مع تقدم وقت الأمتحان بحيث يزداد طول المحادثة والمشتركين فيها .يستمع الممتحن للتسجيل مرة واحدة ويعطى وقت لقرائة الأسئلة وأجابتها .في نهاية أمتحان الأستماع يعطى الممتحن وقتا لا يزيد عن عشر دقائق ليفرغ أجوبته من ورقة الأسئلة لورقة خاصة بالأجوبة . نصيحتي للجميع تحاولون تدربون الاذن على سماع اللغه الانجليزيه مع استيعاب الشي اللي انتوا تسمعونه. Speaking عبارة عن مقابلة شخصية(شخص بريطاني او يتكلم باللهجة البريطانية السليمة ) ما بين المتقدم للأمتحان و الممتحن . يجب على المتقدم للأمتحان أن يجيب عن أسئلة الممتحن ويعطي أرائه عن موضوع معين .عادة ما يتم تسجيل المقابلة . اهم شي الانسان يسويه في هذا الجزء انه يتكلم ويتكلم ويكون هدفه الوحيد انو الممتحن يوقفه عن التكلم <<<يعني هذارين بس بالانجليزي هذا الامتحان باختصار تحيـــــــــــــــاتي |
رد: كل ماتريدون معرفته عن اختبار Ielts
اسئلة متكررة حول اختبار IELTS
1- كيف يمكنني التحضير لاختبار الــ IELTS؟ الخطوة الاولى هي قراءة تعليمات المتقدمين لاختبار الايلتس المتوفره في المجلس الثقافي البريطاني أو زيارة الموقع الالكتروني WWW.ielts.org كما يمكن شراء مجموعة من النماذج عن الاختبار من مكاتب المجلس الثقافي البريطاني والتي تحتوي على امتحانات سابقة من اختبارات الايلتس بحيث تمنحك فكرة عامه عن اسلوب الامتحان كما يمكن الالتحاق بدورة تحضيرية لـielts في المجلس نفسه. 2- مواعيد التسجيل؟ هناك مواعيد محددة للاختبارات طوال العام ويجب التسجيل قبل 5 اسابيع على الاقل من موعد الاختبار المرغوب 3- طريقة التسجيل للتسجيل تحتاج الى ابراز جواز السفر الاصلي ونسخه منه وصورتين شمسيتين بالاضافه الى ملء نموذج الطلب والتوقيع عليه 4- كم تبلغ تكلفة تقديم الاختبار؟ تبلغ تكاليف اختبار الايلتس 800 ريال سعودي 5- هل يترتب علي تقديم الاختبار بالكامل في يوم واحد؟ تجرى اختبارات الاستماع والقراءه والكتابه في اليوم نفسه وقد يستدعي الامر اجراء اختبار المحادثه اما في اليوم التالي او خلال سبعة ايام قبل او بعد تاريخ الاختبار ويتم تاكيد موعد اختبار المحادثه بعد تأكيد موعد الاختبار 6- ما الذي يمكنني احضاره الى قاعة الامتحان؟ يمكن احضار اقلام الحبر والرصاص والممحاة. يجب اغلاق الهواتف المتحركة واجهزة النداء ووضعها مع الاغراض الشخصيه في المكان المخصص لذلك من قبل المشرف. كما يجب عليك احضار وثيقة التعريف الشخصية الاصليه المستخدمه عند التسجيل للاختبار حيث يجب مقارنة المعلومات الموجوده في نموذج الطلب. سيتم تدقيق هذه المستندات من قبل الاداري وفاحص امتحان المحادثة. 7- متى سأحصل على النتائج؟ ستحصل على النتائج خلال 13 يوما من تقديم الاختبار. ويمكنك مراجعة النتائج باستخدام الانترنت بالدخول على الموقع الالكتروني التالي: http://ielts-results.britishcouncil.org وستتوفر النتائج على شبكة الانترنت لمدة اسبوعين من تاريخ اصدار النتائج الرسميه 8- ما الذي احصل عليه عند تقديم الاختبار؟ تحصل على نموذج تقرير الاختبار مع النتيجة الكلية وتفاصيل اداءك في كل مهارة. ويتضمن نموذج تقرير الاختبار صورة فوتوغرافيه لاغراض امنية. 9- متى ستكون اقرب فرصة الاعادة الاختبار؟ يمكنك التقدم الى الاختبار في اي وقت شئت. إلا انك لن تحسن من نتيجتك بتقدمك للاختبار عدة مرات. ولتحسين علاماتك يجب الالتزام في دراسة ذات طبيعة اكثر جديه 10- ما الذي يحدث في حال تأجيل او الغاء طلبي؟ في حال اخترت الغاء تسجيلك خلال فترة الخمس اسابيع قبل تاريخ الاختبار فانك لن تحصل على اي مرتجع وفي حال دعم طلبك بالاثباتات اللازمه فان المركز سيعيد رسوم التسجيل بعد خصم مبلغ قدره 200 ريال سعودي. 11- ما الذي يحدث في حال غيابي عن يوم الاختبار بدون اشعار مسبق؟ ستخسر رسوم الاختبار بالكامل ولكن في حال تقديم شهادة طبيه خلال خمسة ايام من موعد الاختبار فانه يمكن اعادة المبلغ ناقصا الرسوم الاداريه 200 ريال سعودي . 12- ماذا افعل اذا لم اكن راضيا عن النتيجة؟ يمكن تقديم طلب استقصاء حول النتائج في مركز الاختبار ويجب القيام بذلك خلال ستة اسابيع من تاريخ الاختبار وتستوفي رسوم لهذه الخدمه بقيمة 450 ريال سعودي قابله للاسترداد بالكامل في حال تغيير النتيجه. هاتف: 8877851 إيميل enquiry.dammam@sa.britishcouncil.org وبث :g26: ان شاء الله تسفيدون من المعلومات تحيــــــــــــــاتي |
رد: كل ماتريدون معرفته عن اختبار Ielts
بعض الكتب اللي موجوده عندنا في الكليه وكنا نستخدمها في دراستنا واستعدادنا للاختبار
http://www.oup.com.mx/Portals/2/IELT...20practice.gif هذا الكتاب اخذته من المجلس الثقافي البريطاني وهو مفيد جدا ويحتوي على جميع اقسام الاختبار ومعاه سي دي عشان قسم الاستماع http://www.britishcouncil.org/BR/bra...prep-image-new طبعا في كتب ثانيه وعديده ممكن تفيدكم وعلى حسب علمي مكتبة جرير فيها انواع كثيره والله يوفق الجميع |
رد: كل ماتريدون معرفته عن اختبار Ielts
يعطيك العااافيه ..:106:
مرره مفيد موضووعك .. بس عندي سؤال واحد .. احين بوكرا نختبر والا كيف !:confused: وادفع لهم بوكرا والا ش السالفه ؟! |
رد: كل ماتريدون معرفته عن اختبار Ielts
اقتباس:
حتى الدفع ماراح يكون بكره بكره راح يسوون لكم برنامج بحيث تتعرفون على الكليه ونظامها وطريقة الدراسه عشان تكون عندكم فكره قبل التسجيل اما اختبار الايلتس كل شي بوقته حلو وانتوا لسه بدري عليكم عشان هذا الاختبار وفي حال طلبو منكم عمل الاختبار راح يعطوكم خبر عشان تسجلون له والله يوفق الجميع |
رد: كل ماتريدون معرفته عن اختبار Ielts
اشوااا ريحتيني .. ع بااالي بوكرا الاختباار >>>مضيعه :003:
|
رد: كل ماتريدون معرفته عن اختبار Ielts
مشكورهـ اختي موون
معلومات مرهـ مفيدهـ لناس المضيعه مثلي :hahaha_2008: يعطيك العافيه وربي يوفقك :119: |
رد: كل ماتريدون معرفته عن اختبار Ielts
مشكورين ياحلوين على مروركم الجميل
لاعدمنا تواجدكم |
رد: كل ماتريدون معرفته عن اختبار Ielts
مشكووورة إختي أفدتينا بالمعلومات
عساكي دوووم معنا..:119: :m22asmilies-com: :m29asmilies-com: |
رد: كل ماتريدون معرفته عن اختبار Ielts
عندي سؤال؟؟
إذا ما نجحنا بالإختبار ندرس بالكلية عادي.. أقصد سنة الفونديشن.. والله شكل الإختبار بيكون صعب .. لأني مو مرة بالإنجليزي يعني مو بلبل... :s12: ...الله المعين... :s12: |
رد: كل ماتريدون معرفته عن اختبار Ielts
اي اختي اذا ماعديتي تدرسي فاونديشن <<<لان الفاونديشن عشان تقويين لغتك
والله يوفق الجميع |
رد: كل ماتريدون معرفته عن اختبار Ielts
:119:تسلمين إختي ريحتيني ... :119:
|
رد: كل ماتريدون معرفته عن اختبار Ielts
السلام عليكم
انا سجلت بالكليه ونقبلت بس ماراح اقدر ادخل هذا الاختبار عندي ظروووف وأنا عارفه ماقدر اعديه قالوا لي عاادي ع طوول يدخلوني انجليزي وهذا الي ابيه بس انا اللحين خاايفه يعني اتظرر اذا مادخلته ابي رايكم وهل صحيح ان عاادي مادخله ولابس كلام يعطووني |
رد: كل ماتريدون معرفته عن اختبار Ielts
اقتباس:
اممم اذا تبين فاونديشن ع طول .. خلاص مايحتااج الاختبار لانه بس علشان يحدد مستواك بالانقليش .. كان معي وحده وقت توقيع العقد .. قالو لها نفس الشي اذا تبين فاونديشن لاتختبرين الاربعاء اتمنى اكون افدتك |
رد: كل ماتريدون معرفته عن اختبار Ielts
هاي بنات عندي لكم موقع مره حلو
فيه امثله على طريقة اسئلة الاختبار وكل شي لازم تعرفيه علشان تختبري يعني مو تروحي ولا تدري وش صاير :hahaha_2008: هذا اللينك ان شاء الله تستفيدوا http://www.english-online.org.uk/exam.htm good luck :119: |
رد: كل ماتريدون معرفته عن اختبار Ielts
:g10:
أشكرك حبيبتي على تعبك وجهودك معانا الله يوفقك |
رد: كل ماتريدون معرفته عن اختبار Ielts
:m22asmilies-com::m22asmilies-com:
|
رد: كل ماتريدون معرفته عن اختبار Ielts
اهلين اخباركم
بس حبيت اسال انا الحين اختبرت في الكلية وعديت واختبرت في البريطاني وللحين ماعرفت النتيجة جربت الرابط وفتح لكن لما اكتب البيانات اوم بس النتيجة ماتطلع هل الموقع خربان او كان معطل واذا في احد يعرف كيف الطريقة بليز يقول لي سي يو |
رد: كل ماتريدون معرفته عن اختبار Ielts
النتيجه يبي لها اسبوعين او اكثر يعني اخر حد 3 اسابيع عشان تشوفينها في الموقع
والله يوفقك يارب |
رد: كل ماتريدون معرفته عن اختبار Ielts
:d5: مشكورة خيتو على كل المساعدة ما صارت هذي اختبار و الله عذاب الله يعينكم يمكن لو ما اجيب العلامة المطلوب و لا قدمت في مكان انتحر :s3: الله يعطيش العافية |
رد: كل ماتريدون معرفته عن اختبار Ielts
الله يوفق الجميع يارب
|
رد: كل ماتريدون معرفته عن اختبار Ielts
بناات معليش انا على قد عقلي وبااقي ماسجلت
وخاايفه من الأمتحاان وماادري كيف امتحن انقليزيتي مترديه وماادري كيف يعني عاادي مو لازم اختبر ولا اختبر وااشوف حظي يمكن يزبط تيب والدفع و3000 كييف متى ادفعها تيب واللي لمتحاان ماتنجح فيه يحق لها طلب منحه اذا كانت جايبه نسبتها في التسعين والقدرات في 70 ولا مايحق لها وهل المنحه ااكيده ووش الأفضل المنحه ولا الموارد البشريه انا سمعت التسجيل ينتهي برمضاان يعني بااقي عندي اسبوع اسجل بس سمعت يقولوا ان المنتح والموااارد انتهت خلااص فيه بس درااسه على حساابي وهل لما ارووح اقدم لازم اقدم شهاادتي الأصليه لأن والله طلع لي في الفيصل قسم ماابيه بس وديت اورااقي قلت عشان مايطيع علي افيدوووووووووووووووووووووني بموت والله:Cry111: |
رد: كل ماتريدون معرفته عن اختبار Ielts
اقتباس:
خيتو اشفيك في كل مكان حاطه اسئلتك خخخخ <<<امزح ولاتزعلين المهم انا اقولك اختبري وماراح تخسرين شي ومنها تعرفين مستواك اللي اعرفه ان المنحه شامله لكل شي وباقي اسئلتك سبق وجاوبنا عليها ^_^ واي استفسارات ثانيه ترا حاضرين للطيبين وبالتوفيق |
رد: كل ماتريدون معرفته عن اختبار Ielts
الي قاعد يصير لي خلاف ماتقولوا ...!!!!!!!!!
الحين أنا سجلت وسويت المقابله في الكلية وقالوا لي الإختبار في نفس الكلية مو بمعهد ولا شي و3000 أدفعها أي يوم في نفس المستشفى وكأني سمعت من المنتدى أن الإختبار بـ 800 ريال ماشفت شي من هذا القبيل وصاحبتي كانت مسجله وهم عملت نفس الخطوات الي أنا جالسة أسويها أنحاااس مخي !!! على العموم هو أختباري اليوم وأنا زينه بالإنجليزي بس انك تختبري شي مادرستيه ولا تعرفي مضمونه ولا اسألته شي مخوفني ماتركت دعاء ماقريته ياااارب الله يوفقنا جميع ويسهل علينا بحق محمد وآل محمد وبحق هذا الشهر الكريم ولا تنسوني من صالح دعائكم .... أختكم،،، |
رد: كل ماتريدون معرفته عن اختبار Ielts
الله يوفقك ويوفق الجميع ان شاااءالله
|
رد: كل ماتريدون معرفته عن اختبار Ielts
اقتباس:
كلامنا اللي قلناه هذا يدل على النظام السابق قبل مايطلبون مبلغ ال3000 وتنضم الموارد والوزراه للكليه والحين كل شي تغير بس على فكره الاختبار اللي انا تكلمت عنه وشرحته هو نفسه راح تختبرينه بعدين في كل سمستر بالتوفيق |
رد: كل ماتريدون معرفته عن اختبار Ielts
اسفه على الازعااج:cheese: بس ابغي اعرف في وين هذا المعهد وهل طريقة الاختبار اختاري او كيف؟؟:cheese: ماعليش بس اني اول مره افكر اختبر هذا الاختبار الرجاء الرد:g20: |
رد: كل ماتريدون معرفته عن اختبار Ielts
اقتباس:
ياهلا اختي طريقة الاختبار مشروحه في اول صفحه اما وين المعهد فهو في الخبر ابراج الراشد بناية فلك الدور السابع اذا رحتي اسألي عن المهعد البريطاني او القنصليه البريطانيه بالتوفيق |
رد: كل ماتريدون معرفته عن اختبار Ielts
ما هي الشروط في معهد المانع ..؟؟
هل في أمل قبول اللي نسبتهم تحت 80 % : : |
رد: كل ماتريدون معرفته عن اختبار Ielts
888
hahahahahah وششش دخل المآآآآآنع في منتدى سعد .. روحي الى قسم منتدى المآآنع يآآآ بعدي.. |
رد: كل ماتريدون معرفته عن اختبار Ielts
هههههههههههه خوف مستقبلي عجبني ردش صراحه هع هع
|
رد: كل ماتريدون معرفته عن اختبار Ielts
اقتباس:
جزاك الله خير يعني الاختبار هذا مو بس مره وحده يختبروه يعني كل سمستر يختبروووووه؟؟ الا اعرفه ان واحد بس تحديد مستوى؟؟ طيب سوال ثاني احين اذا عديت فونديشن لازم بعد اروح اختبر مره ثانيه هذا الاختبار؟ ولا خلاص ماله داعي وعلى طول نيرسنج؟؟ اتمنى الافاده وشكرا والموارد متى تدعمني لو بسجل فيها بعد الاختبار يعني ولا قبل ولا كيف؟ الا سمعته نروح الكليه ونودي اوراقنا ونقول نبي تبع الموارد ولالا؟؟ |
رد: كل ماتريدون معرفته عن اختبار Ielts
ياناس
انا باخذ دوره بالبريطاني انجلش لكن نتيجة الاختبار الي تبيها كلية سعد من البريطاني واللي تعفيني من اختبار التوفل تبع سعد هل يقصدوون اختبار تحديد المستوى الي بسويه هو اللي يعفيني ؟ ولا لما اخلص الدوره ويجي االاختبار النهائي هو اللي يطلبونه ؟؟ بليز ابي رد ! |
رد: كل ماتريدون معرفته عن اختبار Ielts
آلسسلآم عليكم ورحممه آلله وبركآآته .. :sdfgdsf: حبيت آسستفسسر عن آلامتحآآن بششي بسسيط مآآره ،، وآتمنى آن آلآقي حل لآن من جد مسبب ليي حآله من آلاررق في آلمذآكرره .. آني رحت مكتبه جرير بـ/آلآمسس وشريت كتآآب IELTS .. وآني آلحين آذآكر منه بسس فيه ششي محيرني .. آن جميع آلحلوول آطلعهآ من آستمآع من آلسسيدي وآلمووضووع مكتووب فيه lisenting فـ/ آلحين آللي شآغلني هل بكوون آن كل وحده تسسمع من سسمآعآت لوحدهآ آو عآم بمكبرآت آلصصووت؟؟ لآن لو مكبرآت آلصصوت صصعبه وآذآ مكآن مفتوح آصصعب وآصصعب بصصرآحه هـ/آلششي متعبني كثير لان آلكلآم سسريع مرره وبعضه مشش مفهووم وشش طريقتهم بسسمآعآت آو مكبرآت صصوت !!؟؟ :(107): موودتي ~.. |
رد: كل ماتريدون معرفته عن اختبار Ielts
ايوا حبيبتي اتوقع بيكون مكبرات صوت مش سماعات لكل وحده
الا بسالك متى حددو لكم اختباركم اي يوم ؟؟ |
رد: كل ماتريدون معرفته عن اختبار Ielts
اقتباس:
لا تحاتي بالنسبة للأختبار ان شاء الله بيكون سهل و هذا رابط تقدرين تتعلمين على طريقة الأسئلة http://www.english-online.org.uk/pet...201%20test%201 راح يكون فية سماعات اهم شي انك تركزين ولا عليك من اللي حولك |
رد: كل ماتريدون معرفته عن اختبار Ielts
اقتباس:
لمن تاخذين دورة بالبريطاني وتسجلين بالكلية راح تختبرين اختبار واحد يحدد اذا راح تدخلين الفاونديشن او النيرسنج ويعتمد على مستوى الأنجليزي تبعك بعض البنات عطول دخلو نيرسنج بعد الأختبار :004: |
رد: كل ماتريدون معرفته عن اختبار Ielts
اقتباس:
الاختبار تختبرينة مرة وحدة اذا عديتي تدخلين نيرسنج واذا ما عديتي تدخلين فاونديشن واذا خلصتي فاونديشن تختبرينة مرة ثانية اذا عديتي نيرسنج واذا ما عديتي في فاونديشن 2 وتالي تختبرين مرة ثالثة اذا عديتي تدخلين نيرسنج <<<< نحتاج خريطة :lllolll: بالنسبة للموارد ما ادري هل الكلية هي اللي ترفع اسمك بناء على بعض النقاط او لا اية لازم تودين اوراق للكلية .. يب قولي لهم |
رد: كل ماتريدون معرفته عن اختبار Ielts
آلحين هَذآ آلاختبآر ضروري ولآ لآ ؟!..
ومتى آختبرهـ إذآ رحت آسجل في آلكلية آختبره عَلى طول وَ لآ إذآ بدينآ درآسههْ ؟!.. وَ إذآ بختبر هَذآ آلاختبآر آدفع لهُمْ 800 وَ آلـ 800 هَذي نفسهآ حقت رسوم آلتسجيل ؟!.. طَيب وفلوس درآسة آلتخصص ليشش مو شآملة كِلْ شَي ؟!.. آلمشكلة آنآ ميح بآلآنجليزي يَعني آعرف آمشي حآلي شوي بَسْ آخآف مآ آعدي سوريي كَثرت آسئلههْ .. بَسْ لآن مآدري عَن آلدنيآ .. |
رد: كل ماتريدون معرفته عن اختبار Ielts
^ رسوم التسجيل والاختبار 750 ..
اذا رحتي تسجلين يححددون لك موعد للإختبار ' البنات الي راحوا الأسبوع الي فات ححددوا لهم اختبارهم يوم الثلاثاء .. وممكن ماتختبرينه او ماتعدينه وتدخلين فاونديشن ( 7000 ) للترم |
رد: كل ماتريدون معرفته عن اختبار Ielts
عندي استفسار اتمنى تجاوبوني عليه :34:
الي اعرفه اختبار ielts مستويات 9مستويات على ما اظن :36: المهم كلية سعد اي مستوى تبغاه عشان تقبلني وادرس التخصص :11: وشكرا |
رد: كل ماتريدون معرفته عن اختبار Ielts
انا عندي شهادة ايلتس مآخذة فيه ٥ ، انقبل نيرسنق كذا ولاا لازم فونديشن ولا ايش بالضبط ؟!
|
رد: كل ماتريدون معرفته عن اختبار Ielts
اقتباس:
لازم تختبري اذا عديتي الاختبار تدخلي نيرسنق |
رد: كل ماتريدون معرفته عن اختبار Ielts
قآلو لي فآونديشن !! :(
|
رد: كل ماتريدون معرفته عن اختبار Ielts
اقتباس:
وين مكان المجلس الثقافي البريطاني |
رد: كل ماتريدون معرفته عن اختبار Ielts
طيب الحين إحنآ بنختبر بمبنى الكلية " اختبار تحديد مستوى " اللي هو pet exam مو آيلتس . من عندها خلفية عن هالأختبار تساعدنا و تقول تجربتها لنا ؟ ممكن لأنه قرب الأختبار و نبي نستفيد و نجمع كم معلومة . اللي مخوفني التعبير . |
رد: كل ماتريدون معرفته عن اختبار Ielts
اقتباس:
|
رد: كل ماتريدون معرفته عن اختبار Ielts
يعطيك العافية . بسأل هذا الاختبار غير عن اختبار pet ! لاني تو مسجلة و اختباري الاثنين ولا بعارفه أيش يضمن هذآ الاختبار ! |
رد: كل ماتريدون معرفته عن اختبار Ielts
السلام عليكم
بنآت انا اختباري بكره ان شاء الله بسس مكتوب bet exam تتوقعون سسهل :( أنا اعرف انجليزي بس مو هديك المعرفه خايفه دعوآتكم ربي يسهله صح سمعت ان الكليه متفتحه بزياده . صدق او اشاعه |
رد: كل ماتريدون معرفته عن اختبار Ielts
اقتباس:
* كيف يعني متفتحة بزيادة مو فاهمة عليك ؟ |
رد: كل ماتريدون معرفته عن اختبار Ielts
اختبار الpet
يحتوي على ريدنق ورايتنق وليسننق وسبيكنق الرايتنق بيجيك موضوع تعبير سهل جدا تقريبا 40كلمه وواحد 100كلمه موذاكره بالضبط المواضيع الي احتمال تجيكم الفقره الاولى 40كلمه )دعوه الى بارتي او دعوه الى تسوق الموهم رح تجيكم عباره عن رساله قصيره جدا الرساله الثانيه 100كلمه اتوقع رح يجيكم تكلمي عن ويكند كيف تقضينه عن رحله عن العطله عن سفر اهم شي ركزو ع القرامر والبدايه والخاتمه وحاولو قد ماتقدرون السبيلنق يكون صح الريدنق بيجيكم قطع وعليها اسأله رح يكون سهل بس حاولو تقروه بالاختبار بشكل سريع وتطلعي الكلمات لمهمه عشان يسهل عليك الحل اللسننق رح يبتدي معاكم بالسهل لين صعب قبل لاتحلي بيعطوكم وقت تقرو الاسئله وتحددي الكلمات المهمه مثلا اذا فراغات توقعي بالفراغ رقم تاريخ اسم مدينه عشان بالكلام تنتبهي للكلمه لمطلوبه بشكل سريع وسهل السبيكنق اهم مافيه ونص الدرجه لي عليه رح تكون بالثقه بالنفس و لاتحاولي تأتئي وتسكتي مده طويله اعملي حركات وكانك عارفه الي بتقولينه رح تجيب لك تكلمي عن نفسك قولي اسمك عمرك وين ساكنه مع مين انتي ترتيبك بالعايله اشياء تحبيها اكلك المفضل السؤال الثاني تجيب لكم صوره وتكلمي عنهامع وحده رح تكون معك السبيكنق بشكل عام سهل جداااا اهم شي عدم التوتر اثناء الاختبار بالتوفيق للجميع |
رد: كل ماتريدون معرفته عن اختبار Ielts
اقتباس:
الجوال الكاميرا ممنوع ،، الطلوع من الكليه قبل موعد خروجك لازم إذن من ولي امرك او عذر كموعد بالمستشفى التطبيق بالمستشفى فيه مراقبه وفيه تقييم الكليه ليست منغلقه لكنها منفتحه بحدود معينه فمدري وش تقصديه بسؤالك لكن كتبت لك قوانين لكليه وملاحظه الغياب له عدد معين مسموح تتعديه حرمان والعذر لايسمح من اي مكان لازم حكوومه |
رد: كل ماتريدون معرفته عن اختبار Ielts
اقتباس:
|
رد: كل ماتريدون معرفته عن اختبار Ielts
الله يعطيك العافيه موضوع مفيد
|
رد: كل ماتريدون معرفته عن اختبار Ielts
شكرا لكم
|
| All times are GMT +3. الوقت الآن حسب توقيت السعودية: 08:47 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه