ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية علوم الحاسب و تقنية المعلومات (https://vb.ckfu.org/f9)
-   -   طلآب كلية علوم الحاسب وتقنية المعلومات لدفعة 2009 تعالوا هنا (https://vb.ckfu.org/t45621.html)

ـآلمفكّر ـآلفيز 2009- 9- 23 09:10 AM
طلآب كلية علوم الحاسب وتقنية المعلومات لدفعة 2009 تعالوا هنا
 
السلام عليكم ورحمة الله وبركاته

كل عام وأنتم بخير .. شباب , هذا موضوع للنقاش بين طلاب دفعة 2009 لكلية الحاسب وكيف يكون الوضع طبعاً فيه كثير من الطلاب انقبلوا بهالكلية ولا عارفين كيف رايح تصير الترتيبات لبداية اول يوم يعني من ناحية مستلزمات , الزي , وكذلك اذا كان فيه اجراءات قبل تاريخ 14/10 لان اللي اخبره هو نروح 14/10 وفيه اجراء قبله لازم حق تاكيد التسجيل طبعاً انا ماعرف كيف طريقة تسجيل المقررات
ولا اعرف هالشغلات فاتمنى ان يكون الموضوع لي ولكم مفيد ... بليز طلاب 2009 تعالوا وشاركوا معنا
تكلموا عن اي موضوع بخصوص الكلية وان شاء الله بنستفيد ..



:150:
ـآلمفكـ‘ـر ـآلفيـزيّآئي

المبدعة11 2009- 9- 23 01:46 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
وعليكم السلام ورحمة الرحمن وبركاته :

كلنا في حاجة فعلا لجميع الاستفسارات التي طرحتها ننتظر رد اهل الخبرة .. وجزاكم الله خير

ـآلمفكّر ـآلفيز 2009- 9- 24 05:06 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
شكـرآً على المـرور ـآلمبدعـة ..
فيـه كثير شآفوا الموضوع ولآ ردوآ مدري ليش :000: اضيف على الموضوع .. تسجيل المواد للجداول هل هي جاهزه
او حنا نحطها بالتسجيل ومن ناحية القبول بالكلية يعني المعدل اللي يؤهل قبولنا بالتخصصات كم ؟ لان فيه بعض الطلاب
جابوا معدلات عاليه بس مادة الرياضيات ( رسبوا فيها ) يعني يقدرون يكملون بالكليه ؟ او لا .. وشكراً على الرد من جديد

المبدعة11 2009- 9- 25 07:55 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
بعض الاقسام اشوف فيها حماس ورد من الاخوة الدارسين واللي عندهم خبرة اما هنا ويــــــــــ:000:ـــــــــــــنهم ؟؟

واللحين متى نحدد تخصصاتنا احنا تونا مابعد ندرس سنة اولى حتى متى نختار التخصص؟؟؟

ـآلمفكّر ـآلفيز 2009- 9- 26 01:46 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
كلامك صادق 1,000,000% مدري ليش :bawling: اصلاً حتى لو نروح الجامعه اول يوم مدري وين بنروح ندخل داخل الكليه او ننتظر بالشارع ( كثر منها ) او نروح الصاله مدري وين نروح والله لازم يساعدونا اهل الخبره
اما ناحية التخصص اللي فهمته بعد السنة التحضيريه .. عرفت شي جديد ان الجدول جاهز من قبل لجنة التحكيم للسنة التحضيريه > التحكيم مره وحده :o3: .. يعني الجدول جاهز للفصل الاول لطلاب السنة التحضيريه
(طب , صيدلة ,هندسة , علوم حاسب وتقنية المعلومات ) وبس هذا اللي اعرفه لكن فيه شغله قبل 14/10 هذي اللي ماعرف شي عنها اعتقد حق تاكيد التسجيل للفصل الاول وتسجيل لنظام البانر يكون بيوم 14/10 هذا كل اللي اعرفه

شكراً على التفاعل يا المبدعه :150:

مافـ مثلي ـي 2009- 9- 26 10:38 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
السلااااام

كم مره دخلت موضوعك بس مارديت ,, الصراحه اتعيجز ارد لأن الي اعرفه كله بالنسبه للبنات فمو أكيد انه ينطبق على الطلاب بعد
ولأن أغلب اسئلتكم جاوبت عليها في مواضيع ثانيه :119:

اقتباس:
المشاركة الأصلية كتبت بواسطة ـآلمفكّر ـآلفيز (المشاركة 523485)
اضيف على الموضوع .. تسجيل المواد للجداول هل هي جاهزه
او حنا نحطها بالتسجيل
لا جاهز حتى احنا سنه اولى بجينا جاهز ,, اريح من العفسه والتسجيل وخرابيطه :hahahahahah:

اقتباس:
ومن ناحية القبول بالكلية يعني المعدل اللي يؤهل قبولنا بالتخصصات كم ؟
على ما اذكر 2.75 او 3 وكأنهم قالوا لنا ان الاولاد معدلهم اقل :t1:

اقتباس:
لان فيه بعض الطلاب
جابوا معدلات عاليه بس مادة الرياضيات ( رسبوا فيها ) يعني يقدرون يكملون بالكليه ؟ او لا
عندي زميلاتي نفس الشي رسبوا في الرياضيات بس الظاهر انه تغاضوا عنه
اهم شي الانجليزي والرياضيات اظن :119:

------

اقتباس:
المشاركة الأصلية كتبت بواسطة المبدعة11 (المشاركة 525266)
واللحين متى نحدد تخصصاتنا احنا تونا مابعد ندرس سنة اولى حتى متى نختار التخصص؟؟؟
يقال والعلم عند الله انه سنه ثانيه يعني تركي السنه التحضريه على جنب
سنه اولى دراسه عامه سنه ثانيه تخصص :cheese:

-----

اقتباس:
المشاركة الأصلية كتبت بواسطة ـآلمفكّر ـآلفيز (المشاركة 525784)
كلامك صادق 1,000,000% مدري ليش :bawling: اصلاً حتى لو نروح الجامعه اول يوم مدري وين بنروح ندخل داخل الكليه او ننتظر بالشارع ( كثر منها ) او نروح الصاله مدري وين نروح والله لازم يساعدونا اهل الخبره
روحوا وسألوا متى اختبار تحديد المستوى اذا بيسوون لكم مثلنا
او سألوا عن الجدول اذا نزل ومتى تبدؤون دوام :119:

اقتباس:
اما ناحية التخصص اللي فهمته بعد السنة التحضيريه .. عرفت شي جديد ان الجدول جاهز من قبل لجنة التحكيم للسنة التحضيريه > التحكيم مره وحده :o3: .. يعني الجدول جاهز للفصل الاول لطلاب السنة التحضيريه
يب يب

وهذا المواد الي خذناها ::


الاسبوع راح تاخذون ::

الكمبيوتر // ساعه "نظري" + ساعتين "معمل مع الهنود اذا ماطيروهم "
رياضيات // 3 ساعات "محاضره ساعه + محاضره ساعتين"
انجليزي // 20 ساعه " 4 ساعات يومياً : مقسمه الى ساعتين r+w , ساعتين l+s"
مهارات الاتصال "الفصل الاول" // ساعتين
صحه ولياقه "الفصل الاول" // ساعتين
--
مهارات التفكير والبحث "الفصل الثاني" // ساعتين
علوم حيويه "فيزياء+كيمياء" "الفصل الثاني"// 4 ساعات "محاضرتين ساعه + محاضرتين ساعتين"

الجدول يجيك جاهز 30 ساعه في الاسبوع
يوميا من 7ونص الى 2:50 ,, الا يوم الاربعا الى 12 تقريباً
مافي ولا يوم فاضي من السبت للاربعا :cheese:


اقتباس:
وبس هذا اللي اعرفه لكن فيه شغله قبل 14/10 هذي اللي ماعرف شي عنها اعتقد حق تاكيد التسجيل للفصل الاول
للي عندهم تسجيل جداول ,, المفروض انهم سجلوهم وفي هالأسبوع يأكدون

اقتباس:
وتسجيل لنظام البانر يكون بيوم 14/10 هذا كل اللي اعرفه
هذا لدفعتكم بس لبعض الكليات الي على الطالب انه يسوي جدوله بنفسه
انا الفصل الثاني جانا الجدول جلهز بس قالوا لنا سجلوا في البنر بس كذا :119: <<-- عن النفس والخاطر هع

بالتوفيق جميعاً ..

مياسه 2009- 9- 26 11:54 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
بليييز ياجماعه ياليت تردوون

ونداء خاص للعضوه ما في مثلي

ودي اسأل كم سؤال الصراحه

بالبدايه عند مين نروح نستلم الجداول هل عند منال السودانيه ولا مين؟

ووين بالظبط بالبرتبل هذا حق بنات الحاسب والطب والصيدله ولا وين؟

ولما رحتوا تستلمون الجدول ما طلبوا منكم ورقه تثبت انكم مقبولات بالحاسب
ولا حتى البطاقه الجامعيه ولا ولا شي؟:mh19:

والجدول اللي استلمتوه يحتاج تدخلونه بالبانر ولا لا؟

واذا احد يعرف تحويله د/ منال العبيد(السودانيه)
يكتبها لو سمحتوا:cheese:


بليييز الله يخليكم ردو ضروري:bawling:

مافـ مثلي ـي 2009- 9- 26 01:19 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة مياسه (المشاركة 526512)
بليييز ياجماعه ياليت تردوون

ونداء خاص للعضوه ما في مثلي

ودي اسأل كم سؤال الصراحه
:cheese: في الخدمه

اقتباس:
بالبدايه عند مين نروح نستلم الجداول هل عند منال السودانيه ولا مين؟
شوفي في البدايه اذا بيسوون لكم زي الي سووه لنا ::

بيكون قبل في اختبار تحديد مستوى , اذا رحتوا يقولون لكم متى

بعد ماتختبرون راح تنقسمون الى مجموعتين وبالكثير ثلاث اما الطلاب كثيــر ذيك السنه

كل موجوعه لها جدولها بيعطونكم ياه لما تتوزعون :119:

اقتباس:
ولما رحتوا تستلمون الجدول ما طلبوا منكم ورقه تثبت انكم مقبولات بالحاسب
ولا حتى البطاقه الجامعيه ولا ولا شي؟:mh19:
شي طبيعي اول الايام بخلونك تسجلين اسمك ورقمك الأكاديمي عادي
بس البطاقه الجامعيه شلون لازم تطلعينه وماتطلع الا بعدييين انا ماطلعت لي الا نهايه الفصل الثاني :cheese:

اقتباس:
والجدول اللي استلمتوه يحتاج تدخلونه بالبانر ولا لا؟
الفصل الاول ماقالوا لنا ندخلها في البنر
بس افصل الثاني خلونا ندخلها عن العين والخاطر مثل ماقلت سابقا :p

اقتباس:
واذا احد يعرف تحويله د/ منال العبيد(السودانيه)
يكتبها لو سمحتوا
لا والله انا كنت ابغاه ايام تسجيل موادنا لان عفسه صارت لنا , نسجل ولا مانسجل والمواد مو راضيه تسجل وكذا
بس بعدين خلاص بما ان الجدول حتى احنا من عندهم مو مهم نسجل :119:

بالتوفيق :cheese:

مافـ مثلي ـي 2009- 9- 26 01:32 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
بس حبيت اقول ان دفعتي

الي هي دفعت السنه الماضيه هي دفعه 2009

مو دفعتكم الجديده <<-- للتوضيح بس :cheese:

مياسه 2009- 9- 26 02:30 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
مشكووووووره

اختي مافي مثلي

الله يعطيك الف الف عافيه

بس ما قلتي لي اول يوم رحتوا الجامعه
في اي مبنى تم تقسيمكم وكذا

يعني الله يعافيك بس نبغى المكان عشان مانتوه

والف الف شكر ياقلبي

مافـ مثلي ـي 2009- 9- 26 02:54 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة مياسه (المشاركة 526612)
مشكووووووره

اختي مافي مثلي

الله يعطيك الف الف عافيه
العفو لو :)
وياك يارب :cheese:

اقتباس:
المشاركة الأصلية كتبت بواسطة مياسه (المشاركة 526612)

بس ما قلتي لي اول يوم رحتوا الجامعه
في اي مبنى تم تقسيمكم وكذا

يعني الله يعافيك بس نبغى المكان عشان مانتوه

والف الف شكر ياقلبي
احنا داومنا في مبنى 30 الي كان لخدمه المجتمع قبل
واختبرنا فيه وقسمونا فيه ودرسنا طول السنه فيه :119:

بس قالوا انهم بيفتحون مبنى جديد لكليتنا احتمال هالسنه ومايندرى
بس اغلب الظن مروا على مبنى 30 وسألي عن الدكتوره منال ولا عن الكليه وهم يدلونك :cheese:

العفو وفي الخدمه :p

!..قلب أنثى..! 2009- 9- 26 05:07 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
مآفي مثلي


في ميزآن أعمآلك مليون ترليون حسنة :119:

مافـ مثلي ـي 2009- 9- 26 05:22 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة !..قلب أنثى..! (المشاركة 526759)
مآفي مثلي


في ميزآن أعمآلك مليون ترليون حسنة :119:
:t2:

أخجلتم تواضعنا

وياك والجميع يارب :s12:

المبدعة11 2009- 9- 26 06:50 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
يوميا من 7ونص الى 2:50 ,, الا يوم الاربعا الى 12 تقريباً
مافي ولا يوم فاضي من السبت للاربعا
تحطيـــــــــــــــم :Cry111:

توقعت بكون فاضية اكثر لارحت للجامعة :bawling:

ع العموم جزاك الله كل خير على كل شيء

وعندي استفسار اخير .. لاجا وقت تأكيد التسجيل الجاي هذا احنا مانسوي شيء ؟؟؟ يعني خلاص ننتظر لبداية الدوام وبس؟؟

ثم من اي بوابة ندخل للمبنى 30 عادي من اي بوابه ولا كيف ؟؟؟

مافـ مثلي ـي 2009- 9- 26 07:07 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة المبدعة11 (المشاركة 526924)


تحطيـــــــــــــــم :Cry111:

توقعت بكون فاضية اكثر لارحت للجامعة :bawling:
عادي تعودي ,, سنه تحضيريه يعني شي طبيعي :cheese:

اقتباس:

ع العموم جزاك الله كل خير على كل شيء
وياااك اجمعين يارب :)

اقتباس:

وعندي استفسار اخير .. لاجا وقت تأكيد التسجيل الجاي هذا احنا مانسوي شيء ؟؟؟ يعني خلاص ننتظر لبداية الدوام وبس؟؟
قالوا انهم بيحددون مين الكليات الي بيستلم جداوله جاهزه مين لازم تسجيل
اغلب الظن مايحتاج :119:

اقتباس:

ثم من اي بوابة ندخل للمبنى 30 عادي من اي بوابه ولا كيف ؟؟؟
كل الطرق تؤدي الى روما :hahahahahah:
كل الجامعه مفتوحه على بعض اي بوابه تدخلين تدورين شوي تلقين الي تبينه

هو مبنى مكتوب عليه 30 حول مبنى 3 الكبير
سألي وأكيد بتلقين من يدلك ان شاء الله :cheese:

يعطيك العافيه :119:

f-b-i 328 2009- 9- 26 07:40 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
حلوه منكم الموضوع مقيد جداً بنسبة للمستجدين زيي ..

انا توني السنة وقبلوني كلية الحاسب الحمدلله وعندي كم سؤال ادا احد عنده خبره ..:mh19:


المهم درينا ان فيه اختبار تحديد مستوى اوكي .. الا يروح عليه دا الأختبار ويش يصير وياه ؟؟ وش يصير يعند من اجرائات . ..؟؟؟


زين ادا خلصت السنة التحضيرية فيه اختبار توفل على ما سمعت صحيح او لا وليش دا الأختبار ؟؟



وادا خلصت التحضيرية بمعدل قوي هل اقدر اخش كلية الهندسة ...؟؟؟

:praying: بس هدا الا عندي واتمنى احد يجاوبني تحياتي ..؟؟
طالب مستجن ..:mh35:

مافـ مثلي ـي 2009- 9- 26 07:51 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة f-b-i 328 (المشاركة 527002)
المهم درينا ان فيه اختبار تحديد مستوى اوكي .. الا يروح عليه دا الأختبار ويش يصير وياه ؟؟ وش يصير يعند من اجرائات . ..؟؟؟
اذا ماحضرت الاختبار اتوقع لما تجي بعدين تختبره ,,
واذا طولت وماحضرت يسحبون اورقك ولا كأنك قبلت في الجامعه :cheese:
<<-- مادري بس اتوقع :119:

اقتباس:
زين ادا خلصت السنة التحضيرية فيه اختبار توفل على ما سمعت صحيح او لا وليش دا الأختبار ؟؟
عادي آخر إختبار توفل مثل اول اختبار مايحدد نجاحك في السنه بس يقيس مدى تطورك قي الإنجليزي :119:

اقتباس:
وادا خلصت التحضيرية بمعدل قوي هل اقدر اخش كلية الهندسة ...؟؟؟
مادري بالضبط عن هالمسأله
بس الي اعرفه ان التحويل لاي كليه يحتاج معدل عدل وسالفه وهذره
واتوقع الهندسه يبغى لها معدل مرتفع

واذا جبت معدل قوي ليه ماتخش تخش ونص :cheese:

بالتوفيق :119:

ـآلمفكّر ـآلفيز 2009- 9- 26 10:12 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
:d5: شكراً على المعلومات القيمة شكراً شكراً ~> مسرح ولا سينما :cheese:


يعطيك الف عافيه على المعلومات والتفاعل يا مـافي مثلي

FBI .. أنت شكلك ضايع مثلي هههههه ( انا حتى سكن ما خذته تصدق ؟ ) خخخخ :cheese:
عسى الله يعين ويوفقنا جميعاً ..

مافـ مثلي ـي 2009- 9- 26 10:27 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
العفو ولو :119:

الله يعافيك :cheese:

في الخدمه ..

f-b-i 328 2009- 9- 27 12:29 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
زين حصلنا واحد يفهمنا ويش السالفه ... تسلم ياغالي ويعطيك العافيه والله يوفقك :praying:



وعندي سؤال بعد بس ما بطول فيه ..

التخصصات حق الحاسب احين ويش هي ..؟؟؟
ولو تخرجت من تخصص في كلية الحاسب وين اقدر اشتغل ..؟؟؟

بس واتمنى ما تكون اسألتي ثقيله عليك ...:c8:

miss_lool 2009- 9- 27 02:55 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
( مافي مثلي ) أنتي في كلية الدمام ولا الاحساء ؟

miss_lool 2009- 9- 27 02:56 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
( مافي مثلي ) أنتي في كلية الحاسب بالدمام ولا الاحساء ؟

forward 2009- 9- 27 05:32 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
هع انا اجاوب >> لاقافه ادري

بالاحســـــــــــــــــــــــــــــاء

مافـ مثلي ـي 2009- 9- 27 10:55 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
يب يب من الاحساء :119:

f-b-i 328 2009- 9- 27 12:38 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
زين حصلنا واحد يفهمنا ويش السالفه ... تسلم ياغالي ويعطيك العافيه والله يوفقك



وعندي سؤال بعد بس ما بطول فيه ..

التخصصات حق الحاسب احين ويش هي ..؟؟؟
ولو تخرجت من تخصص في كلية الحاسب وين اقدر اشتغل ..؟؟؟

بس واتمنى ما تكون اسألتي ثقيله عليك ...:praying:

مافـ مثلي ـي 2009- 9- 27 12:42 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
^^

أنا ماعندي خبره بأقسام الطلاب ولا كان جاوبته

في انتظار حد يجاوبك :119:

المبدعة11 2009- 9- 27 07:37 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
طيب البنات المتخرجات من كلية الحاسب وين مستقبل العمل حقهم ان شاء الله؟؟

لا تقولون شركات لأن ما عندنا أصلاً ... رجاءً طمنوني؟؟؟

ـآلمفكّر ـآلفيز 2009- 9- 28 04:09 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة f-b-i 328 (المشاركة 528470)
زين حصلنا واحد يفهمنا ويش السالفه ... تسلم ياغالي ويعطيك العافيه والله يوفقك



وعندي سؤال بعد بس ما بطول فيه ..

التخصصات حق الحاسب احين ويش هي ..؟؟؟
ولو تخرجت من تخصص في كلية الحاسب وين اقدر اشتغل ..؟؟؟

بس واتمنى ما تكون اسألتي ثقيله عليك ...:praying:
فيه ٤ أقسام للطلاب : ١-علوم حاسب ٢-نظم معلومات ٣-هندسة شبكات ٤-هندسة حاسب
على حسب علمي القسمين الاخيرين مافتحوهم بس احتمال كبير ان يفتحون هندسة شبكات هذا اللي اعرفه
أما من ناحية شغل : تقدر تشتغل بكل مكان :cheese: ( أنت الحين انقبلت بكلية من أفضل وأنجح الكليات بالجامعة والتخصصات اللي فيها ناجحة 100% ومستقبلها مضمون )
والله يوفقك ..
لو أعرف أنت وين بتدرس بالاحساء او الدمام كان صارت علوم ( ودي اتعرف على واحد يدرس بكلية علوم حاسب وتقنية معلومات بالاحساء ) ~> صاير قلقان ووحيد وشكلي بروح الجامعة ماعرف حد ولا اعرف وين بروح اصلاً بالجامعة ولا ادري وين الله قاطني فيه بس يالله على كل حال الله يعين ويوفق الجميع ...

ـآلمفكّر ـآلفيز 2009- 9- 28 04:13 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة المبدعة11 (المشاركة 529013)
طيب البنات المتخرجات من كلية الحاسب وين مستقبل العمل حقهم ان شاء الله؟؟

لا تقولون شركات لأن ما عندنا أصلاً ... رجاءً طمنوني؟؟؟
أكيد لهم مستقبل كبير وشارق ~> مثل الشمس

تقدرون تشتغلون بالقطاع الخاص او الحكومي , في مستشفيات أو بنوك أو بعض الشركات وتقدرين تدخلين في قطاع التعليم اذا ماخاب ظني , ( بس ماعرف الطريقة يعني يمكن تقدرين تكونين مدرسة بمعهد لكن بعد ماتاخذين دورة تأهيليه تربويه او تعليمية هذا اللي اعتقدة ) بس ان شاء الله يعني راح تضمنين مستقبلك باذن الله ..
الله يوفقك :praying:

ـآلمفكّر ـآلفيز 2009- 9- 28 04:29 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
أتمنى للطلاب المستجدين لهذا العام يساعدوني في بعض النقاط :
[ في حال ذهابي الى الجامعة ]
س١/ هل اخذ معي مستندات وأوراق غير ورقة مركز البريد الممتاز ؟
س٢/اريد معرفة المقر اللي بروح له ( لاني كنت بكلية العمارة والتخطيط وبعدين اتصلوا علي وقالوا لي انت مقبول بكلية علوم حاسب وتقنية المعلومات ) فمثلاً اذا جيت بروح الجامعة اول يوم وين بروح ( ايش الهدف ؟ ) ؟
س٣/بما ان موعد الدوام هو 14/10 متى علي أختبر تحديد مستوى ؟
س٤/ هل تحديد المستوى مهم ( سمعت سالفة بأن تحديد المستوى لو اشد حيلي به واخذ نقاط راح الاقي صعوبه بمقرر
الانجليزي اللي بدرسه ! فهل علي اني اهمل بالاختبار عشان يجيني مقرر سهل واتجاوزه بمعدل عالي ؟
س٥/ هل هناك أشياء ومستلزمات وإجراءات قبل ذهابي إلى الجامعة وماهي ؟

[ في حال وصولي إلى الجامعة ]
س١/كم الساعة يتسنى لي دخول الجامعة ؟ ومن أي بوابة أدخل ؟
س٢/وين يحطون سياراتهم طلاب الكلية ؟ لأني سمعت بان فيه باركات خاصة للدكاترة والموظفين !
س٣/وين أروح بالتحديد اول يوم وكيف راح يكون الوضع وكيف اخذ جدولي وأسجل بنظام البنر ؟

[ سؤال خارج الموضوع ] :cheese:
س١/ هل غثيتـكم بأسئلتي ؟ وأسف إذا غثيتكم بس سمحولي ماعرف شي غير التخصصات والأقسام ( وكانت معلوماتي للجامعة خاصة بتخصص ثاني هو هندسة بترول وللأسف مانقبلت ) فسمحولي إذا غثيتكم بأسئلتي .
أتمنى حد من الطلاب اللي معي يردون علي بأجوبة أكيدة ( لأني إلى الأن محتاج هالمعلومات بكل صراحه ) وسيو

مافـ مثلي ـي 2009- 9- 28 10:28 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
س٤/ هل تحديد المستوى مهم ( سمعت سالفة بأن تحديد المستوى لو اشد حيلي به واخذ نقاط راح الاقي صعوبه بمقرر
الانجليزي اللي بدرسه ! فهل علي اني اهمل بالاختبار عشان يجيني مقرر سهل واتجاوزه بمعدل عالي ؟
سؤاال في الصميم

بس لو حللناها شوي لو اهملت الاختبار وجات درجاتك نازله وحطوك مع ناس خير شر مالهم في الانجليزي ,, يعني انت بالنسبه لهم شي خطير

مارح تستفيد كثير وبتصير تزهق لان الي معاك يحتاجون اكثر منك


ولو حليت وطلعت مع ناس يرطنون انجليزي وانت مو ذاك الزود

بتصير مثل الاطرش بالزفه :hahahahahah: <<-- اسأل مجرب


فحاول تعطي الي تقدر والافضل تكون مع القروب الي في الوسط لا الي عالي ولا الي نازل يكون افضل

انا مارتحت الا لما قسمونا 3 مجموعات بدل مجموعتين وصرت في الثانيه
مع انهم كانوا يعاملون قروب 2 و3 مثل بعض ,, والقروب 1 كان ياخذون مستوى اعلى منا وكان صعب

بس الي اعرفه انه الطلاب عندهم مجموعات اكثر يعني حول 13 مجموعه فما ادري :cheese:


فلا تتساهل وتتوهق ,, حاول الي تقدر عليه :119: ,,
والأسئله مو سهله لان مو عرب الي كاتبنهم ولا من مناهجنا العبيطه نوعا ما
من الأجانب نفسهم فالاسئله يبغى لها :119:

بالتوفيق

f-b-i 328 2009- 9- 28 11:16 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
هاهاها :hahahahahah: المستجدين ظايعين ,,,,

انا قسم حاسب في الأحساء بعد ..
وانا من القطيف وتارخ 14 باروح الجامعة وعلى الله ..:praying:

ـآلمفكّر ـآلفيز 2009- 9- 28 12:38 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
يعطيك العافية يا مافـي مثـلي على التفآعل والهيلـب
قررت بأني راح أهمل بشكل متوسط ~> كيف يعني .. :hahahahahah:

وتسلمين على الرد


F.B.I 328 الله يعينك , أنا من المرآح قريبة من العيون على كل حال الجامعة بعيدة علي اصلاً هههههههههههه
المشكلة مو في هذي المشكلة في الاسئلة اللي حطيتها لو نعرف اجوبتها راح نستانس وننبسط
وماراح نضيع :c8:


الله يعينك ويوفقك :praying:

f-b-i 328 2009- 9- 28 05:56 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
الله يوفق الجميع ..
اخويي ـآلمفكّر ـآلفيز انشالله نحصل لبنا واحد يجاوبنا هاهاهاهااههه:cheese:..

وانا والله عندي اسأله واجد بس ما في احد يجاوب ..:bawling:

ـآلمفكّر ـآلفيز 2009- 9- 28 06:13 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
أنت حط أسئلتك وأن شاء الله بتلقى الجواب .. وأنا فريت المنتدى فر الين لقيت بعض المعلومات المفيدة وغير كذا أتصلت بعميد الكلية ( تهورت وقتها كنت خايف وقلقان بس الحين الحمدلله تحسنت الامور ) بس ماقولك اني مو محتاج اجوبة الاسئلة اللي حطيتها الا محتاجها ونص طبعاً الكل بيساعدك ان شاء الله والموضوع مانكتب الا للمناقشات وحل المشاكل والاسئلة اللي تدور في رؤوسنا > مثقف


:cheese: ـآلله يوفقنا

f-b-i 328 2009- 9- 29 12:41 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
انا الحين امبا أسأل عن تحديد المستوى متى يصير دا الأختبار في اول اسبوع ..؟؟؟

يعني الاثنين لو الثلاثاء او الاربعاء ؟.. لأن ادا صار الأربعاء وهقه بعد لأن عندي اختبار في ارامكو وامادري ويش يصير ويايي ..؟؟؟:Cry111:

ولو ما اختبرته ويش بصير بعد والله مادري ..؟؟؟:017:

ـآلمفكّر ـآلفيز 2009- 9- 29 06:52 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
انا مدري اي يوم بالتحديد لكن اول اسبوع ان شاء الله تقريباً راح نختبره بعد الاسبوع الاول ..



ـآلمفكـ‘ـر ـآلفيزيــآئي

Essa Ali 2009- 9- 30 10:40 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
سلآآآمــ

آنا مثلكم مستجد وضآآيع ومآآدري وش صآآير

آلي اعرفته آن تآكيد التسيجل كآن السبت 7/10

وآنآ مآ آكدت تسجيلي فهل هذآ يضر آو كيف؟!؟

وآقدر آآكده دي الآيآم مثلآ ؟؟؟:000:

f-b-i 328 2009- 9- 30 11:32 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
على الله نروح ونشوف الوضع :150:


وبنسبة لأخويي عيسى علي ..
احنا المستجنيين ما لينا تأكيد تسجيل تأكيد التسجيل للي يسو ليهم جداول
اما احنا جداولنا جاهزين نروح ونستلمهم ..

هدا الا سمعتة ..:mh19:

f-b-i 328 2009- 10- 1 10:48 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
مرااااااحب شباااااب ...


موقع الجامعة حاطين اخبار ..
يقولون ان من 14 الى 18 اسبوع التهيأه وهذا الرابط
http://www.kfu.edu.sa/ar/Lists/KfuNews/DispForm.aspx?ID=135

وخبر ثاني ان بيصرفوو رقم جامعي ورقم سري اليوم ولا يندرا ويش الطبخه وياهم :017: يعني احنا ما ندري نسوي الجدول او لا او هم يعطونا وياه يا ريت واحد يتصل الجامعة يتأكد لينا ..:Cry111:
وهذا الخبر الثاني ..
http://www.kfu.edu.sa/ar/Lists/KfuNews/DispForm.aspx?ID=137
:103:

ـآلمفكّر ـآلفيز 2009- 10- 1 02:27 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
يعطيك الف عافيه على النقل والتغطيات

أخوي انا كلمت وكيل كلية علوم الحاسب وتقنية المعلومات وكلمت عميد السنة التحضيرية وقالوا لي ثنينهم نفس الجواب ان ان شاء الله يوم 14 نروح الجامعة وناخذ محاضرة سريعة تعلمنا كل شي عن التسجيل وغيرها
بس حنا كسنة تحضيرية الجدول يكون جاهز على حسب الشعب هذا اللي كلمني ياه يعني احتمال ادرس معك بنفس الشعبة 2 او 3 او يمكن انت غير وانا غير بالنسبة للسنة التحضيرية ندرس مع ناس تخصصاتهم هندسة وغيرها بس حنا حاسب ! فهمت شلون يعني السنة التحضيرية لها جداول مهيئة ومزبطه من قبل اللجنة
وعمادة النسة التحضيرية هذا اللي جاني منهم بس اليوم احتياط بشوف الموقع وباخذ معلومات عن السنة التحضيرية ( معلومات اضافية ) شاكر لك التغطيات مره ثانيه يا زميلي

:150:
ـآلمفكـر ـآلفيـ‘ـزيآئي

f-b-i 328 2009- 10- 1 04:43 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
تسلم لي اخويي المفكر ...

واي جديد خبرنا ..
وانا ايضا اي جديد بخبركم ......
:praying:

f-b-i 328 2009- 10- 2 08:32 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
:mh19: ويش شباب الحاسب المستجدين ..
انا حصلت رقمي الجامعي والرقم السري .. بس الجداول مادري عنها ويش شالفة امها .:000::mh19:

ـآلمفكّر ـآلفيز 2009- 10- 2 10:49 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة f-b-i 328 (المشاركة 539371)
:mh19: ويش شباب الحاسب المستجدين ..
انا حصلت رقمي الجامعي والرقم السري .. بس الجداول مادري عنها ويش شالفة امها .:000::mh19:
السلام عليكم ورحمة الله وبركاته

الجداول باذن الله نستلمها بكرى لكن فيه احتمال لتسليمها لنا بالجامعة او تسليمها لنا بنظام البانر وتكون جاهزة
بس اتوقع 70% ان الجامعة تعطينا الجدول وحنا نرجع البيت وندخله بنظام البانر


f-b-i 328 2009- 10- 2 10:52 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اهاااا يسلمو اخويي

على العموووووم غداص اليوم الموعوووود ...:mh001:

ـآلمفكّر ـآلفيز 2009- 10- 2 11:04 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
ابي اروح اليوم وادور لي شقه وش تنصحني فيه ؟ ولا ماخذت لك شقه :mh19:

f-b-i 328 2009- 10- 2 11:38 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
والله ياخوك انا شفت لي شباااااب اعرفهم يدرسون هناك وعندهم شقه وكلمتهم ..زخلصت اموري ..



الله يعينك على ما تحصل لك ؟؟:praying:

ـآلمفكّر ـآلفيز 2009- 10- 3 01:33 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
الجداول يوم الثلاثاء على نظام البانر :c8: والله تعبت اليوم .. أول يوم جامعي لي واحس رجولي تقطعت من المشي

المفروض يحطون لنا مترو او باص صغير يودينا بريالين الى المقر اللي حنا فيه من مقر الى مقر والله رجولي تقطعت
كل شوي يقولون قاعة الشيخ ومبنى كليتك ~> بديت أتشكى من اول يوم خخخخخخخ :cheese:
على كل حال مبروك عليكم العام الدراسي والله يوفقكم حبيت اقولك يا اف بي اي ان الجداول يوم الثلاثاء وانا ماحضرت المحاضره لان
مافيه اصلاً محاضره رحت لشؤون الاكاديمية وعلمني كل شي انا بريح بالي من بكرى الين الثلاثاء بدخل على موقعهم وبناظر البانر
واذا لقيت جدولي بداوم يوم السبت واذا ماطلع الجدول اراجعهم يوم الاربعاء ! والله يوفقنا اجمعين

~> تغطيات اليوم مع مستر فيزيائي :mh001:

حياتي هوايتي 2009- 10- 3 07:05 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة ـآلمفكّر ـآلفيز (المشاركة 541842)
الجداول يوم الثلاثاء على نظام البانر :c8: والله تعبت اليوم .. أول يوم جامعي لي واحس رجولي تقطعت من المشي

المفروض يحطون لنا مترو او باص صغير يودينا بريالين الى المقر اللي حنا فيه من مقر الى مقر والله رجولي تقطعت
كل شوي يقولون قاعة الشيخ ومبنى كليتك ~> بديت أتشكى من اول يوم خخخخخخخ :cheese:
على كل حال مبروك عليكم العام الدراسي والله يوفقكم حبيت اقولك يا اف بي اي ان الجداول يوم الثلاثاء وانا ماحضرت المحاضره لان
مافيه اصلاً محاضره رحت لشؤون الاكاديمية وعلمني كل شي انا بريح بالي من بكرى الين الثلاثاء بدخل على موقعهم وبناظر البانر
واذا لقيت جدولي بداوم يوم السبت واذا ماطلع الجدول اراجعهم يوم الاربعاء ! والله يوفقنا اجمعين

~> تغطيات اليوم مع مستر فيزيائي :mh001:

كلامك صحيح اخوي

هم قالو راح يكون فيه تعريف عن السنه التحضيريه اول يوم بس رحنا اليوم هناك وماكان فيه اي شئ

وقالو لنا تحصلون جداولكم يوم الثلاثاء على نظام البانر خلنا نريح اليومين الجايه في البيت بعدين نشوف وش يصير يوم الثلاثاء واذا مانزل شئ نروح لهم يوم الأربعاء نشوف وش الوضع

وعسى الله يكتب الي فيه الخير


دمتم سالمين

f-b-i 328 2009- 10- 3 07:09 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
:mh001: هاهاهاهاهههههاااااا

اليوم نكبونا نكبة جامده :017: خلونا نروح على الفاضي ..؟؟
انا رحت وجلست ويا الشبااااب وشوي اناااضر الشاشات الى مكتوب فيها الجدول بنزل على البانر يوم الثلاثا ..:017: .. :cheese: لاكن والله قمت وشلت علىه على البلد .. وقلت ما بروح الا الاسبوع الجااااي ...

:cheese: بس زين ريحونا من وجع الراس ..
وادا صار ماصار عطنا خبر اخويي الفيزيائي ....:cheese:

ـآلمفكّر ـآلفيز 2009- 10- 4 11:52 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
هذا اليوم الأحد باقي يوم على الجدول بكرى اروح او ماروح ؟

وعندي سؤال ياشباب انا واحد من اخوياي بيدرس ان شاء الله بالكلية الزراعية وش السالفة الجداول عطوهم ولا لا ؟ وبعدين سمعت خويي يقول انها سنة تحضيرية المفروض يدرس مثل مقرراتنا .. بس هم عطوه مادة
محاصيل ؟؟؟؟ والله سالفه

نرجع لموضوعنا انا امس ماسويت شي ابد رحت هناك بس وافتريت بالجامعة فر الين تعب راسي
هل فاتني شي ؟ تسجيل او حاجه لان الوسواس ضاربني ْْ======> :064: هنا الشيطان يلعب دور الوسواس هع هع ههههههههههه المهم عطوني الوضع الحين انتظر الين يوم الثلاثاء واناظر الجدول او اروح بكرى واكمل بياناتي ( اذا وجد ) لان واحد يقرب لي بعد تووه طالب مستجد سنة تحضيرية بكلية العمارة والتخطيط وسجل بياناته للبطاقة الجامعية والصرافه فماذا افعل انا وهل هو بالدمام وانا بالاحساء يسوي فرق في النظام لان المفروض يوم السبت يسوون لنا كل شي ! :o3:


يالله سيو :c8:

f-b-i 328 2009- 10- 4 12:06 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
:017: بلى وجع راس ..
المفروض في اختبار تحيد مستوى بعد بس خلهم :hahahahahah:
انا واحد مني ما بروح لهم الا يوم السبت .. وباخلص كل شي ..

وادا احد صار معه شي يخبرنا ..

ـآلمفكّر ـآلفيز 2009- 10- 4 06:34 PM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
الكتب متى نستلمهم طيب ؟ سمعت بأن الكتب بالمجان يوزعوهم ! أو نشتريهم من المكاتب لاحوول
طيب هي مو مشكلة .. متى نعبي البيانات للبطاقة الجامعية ؟ اهم شي البطاقة والصرافة والجدول ايش طريقته يعني الثلاثاء نراجع موقعهم
وبعدين اذا نزل الجدول ايش نسوي لان فيه تسجيل مدري وشو ! وحنا متورطين والله يا ذا النشبه ..


:Cry111:




:cheese: كانت دموع مزيفه .. من قبل ـآلمفكّـر ـآلفيـ‘ـزيـآئي :] ^-^

f-b-i 328 2009- 10- 5 12:14 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
:017: انا ما اقول اا الله يعيننا ...

انا باروح الاسبوع الجاي وباشوف ويش يصير ويانا ...................:017:

Wite Bunny 2011- 8- 7 03:33 AM
رد: طلآب كلية علوم الحاسب وتقنية المعلومات لدفعة 2009 تعالوا هنا
 
اقتباس:
المشاركة الأصلية كتبت بواسطة ـآلمفكّر ـآلفيز (المشاركة 547103)
الكتب متى نستلمهم طيب ؟ سمعت بأن الكتب بالمجان يوزعوهم ! أو نشتريهم من المكاتب لاحوول
طيب هي مو مشكلة .. متى نعبي البيانات للبطاقة الجامعية ؟ اهم شي البطاقة والصرافة والجدول ايش طريقته يعني الثلاثاء نراجع موقعهم
وبعدين اذا نزل الجدول ايش نسوي لان فيه تسجيل مدري وشو ! وحنا متورطين والله يا ذا النشبه ..


:cry111:




:cheese: كانت دموع مزيفه .. من قبل ـآلمفكّـر ـآلفيـ‘ـزيـآئي :] ^-^

بسم الله عليك يا خوي .... وراك مستعجل

أول ما تبدى الدراسه راح تعبون طلب للبطاقه الجامعية

و بالنسبة للمكافئات راح تنزل لكم شيكات إلى ما ينزلون على موقع الجامعه إستمارة طلب بطاقة الصراف

و الكتب تشتريها من الجامعه بنص القيمه... يعني هم دافعين عنك نص السعر ...

الجداول راح تكون معلقه بالجامعه ... درو حول مكتب المشرف


طبعا كل هالمعلومات من قسم البنات السنه الماضيه ... ما أدري بيتغير شي هالسنه ولا لا ...

بالتوفيق


All times are GMT +3. الوقت الآن حسب توقيت السعودية: 08:33 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه