ريحوني الله يريح قلبكم
 

السلام عليكم و رحمة الله و بركاته

أنا طالبة سنة أولى كلية علوم حاسب وتقنية معلومات

بالبداية كنت حابة التخصص وحاطيته من رغباتي الأولى وفضلته على التخصصات الصحية

اللي صاير الحين أن الناس يقولون طلعي من ذا التخصص لأن ماله مستقبل خصوصا للبنات
وأغلبهم يقولون لي أن الخريجين عاطلين عن العمل وتمنوا أنهم مادخلوه
سؤالي

هل أبقى بالكلية ولا ماضيع سنيني وأحول كلية ثانية؟

ذا شاء الله ووفقني وكملت..شنو المستقبل الوظيفي؟أقصد وين ممكن أشتغل كبنت وكم يكون الراتب؟وشنو المستقبل الوظيفي؟
وشاكرة لكم حسن تعاونكم

رد: ريحوني الله يريح قلبكم
 

بيني وبينك خلي الناس بعيدين عنك

اهم اللي يستخفون بالاحلام واهم اللي يحطمون الشخص واهم اللي يشتتون الشخص

ماعندهم غير الكلام ذا ماله مستقبل وهذا ماله وظائف

اذا بتسمعين كلامهم روحي اداب وفكي عمرك

للعلم فقط حتى ارامكوا تقدرين تتوظفين فيها

ويكفي انه الجامعة ما خذه اعتماد دولي في تخصص علوم الحاسب و تخصص تكنلوجيا المعلومات

يعني اذا تخرجتي من الحاسب في فيصل كانك متخرجة من امريكا بسبب الاعتماد

واذا بتحولين ما يمديك تروحين لا طب ولا هندسة

واذا بتتمين تسمعين كلام الناس حولي اداب !!!!!!!!!!


سلااااااااااام

رد: ريحوني الله يريح قلبكم
 

عليكم السلام ورحمة الله وبركاته

اللي فوقي ماقصر افادك .. والمجال الوظيفي جداً واسع والرزق على رب العالمين

اذا انتِ حابه التخصص فهذا يعني انك بتبدعي فيه باذن الله

وعلى فكرة .. مو كل شخص يتخرج من الحاسب يكون فاهم

كثير منهم دخلوا التخصص عشان كلام فلان وعلان وبعضهم عشان الوظيفة بس

أنتِ عليك من نفسك .. وش تطمحي فيه بالأخير؟ وش ودك تكوني بالمستقبل؟

رامك بالبداية لازال المجال كبير عندك حتى تقدمي كل جهودك وتفكري بمنطق

وفي حال انك تخرجتي ومالقيتي الوظيفة المناسبة لك لاسمح الله عندك مجال تكملي الماجستير

وبجميع الأحوال .. لو فكرتي حالياً بأمور الحياة اللي حولك بتلاحظي ان معظمها قائم على تكنولوجيا المعلومات

والاحتياج يزداد في كل لحظة للسيطرة على هذا الكم الهائل من المعلومات

مثلاً .. هل تستطيع شركة في الوقت الحالي ادارة اعمالها بدون الحاسب؟ من سيعمل على هذهالأجهزة؟ من سيطور الأنظمة؟ من سيقوم بصيانتها؟

البنوك .. ماذا سيحصل لو توقف استخدام الحاسب الآلي فيها؟

الجهات الصحية .. اين سيتم تخزين الكم الهائل من المعلومات والسجلات ومن سيتعامل معها وينظمها؟

اذاً .. في معظم جوانب الحياة نرى بان هناك احتياج واضح لتقنية المعلومات .. ولاتكاد توجد شركة او جهة حكومية لايوجد لها قسم مختص بتقنية المعلومات

ربما يكون المجال للذكور اوسع بهذا المجال بالاخص في بلادنا الاسلامية .. ولكن هذا لا يقف امام التحدي والطموح

موفقة لكل خير باذنه تعالى