|
إستفسار عن المنح
السلام عليكم ورحمه الله وبركاته لدي إستسفار يا أخوان انا الحمدلله تم قبولي في المنح تبع وزاره التعليم العالي ورحت اليوم لكليه الغد وانا خريج دبلوم تمريض .. قال الموظف تدفع رسوم 5000 ريال تسجيل وفي اختبار مصطلحات طبيه وإنجلش واعتقد (التوفل) الحين وش قصه الإختبارات هذي اذا ماعديت فيها ماراح اقدر اكمل وبتروح علي الـ 5000 ريال <حرام أطير 5000 ريال وانا ما اضمن دراستي بعد الإختبارات هذي بصراحه متردد من الموضوع هذا لأنه زي ما تعرفون التوفل صعب مو اي واحد يقدر يجتازه أرجو الرد اللي عنده الجواب أو مر عليه الموضوع هذا وشكرآ |
رد: إستفسار عن المنح
انشاء الله كلية الغد يدخل ويفيدك
|
رد: إستفسار عن المنح
|
رد: إستفسار عن المنح
الف مبروك اخوي
بالنسية لاختبار الانجلش والمصطلحات اختياري بمعني اذا عديت الاختبار ما راح تدرسهم واذا ماعديت راح تدرسهم اخوي ممكن سؤال قدمت بدون ماتدفع 5000 على المنح |
رد: إستفسار عن المنح
الله يبارك فيك أخوي
طيب إذا ماعديت الإختبار بتكون فيه دراسه وإختبار بعدين.. يعني لابد أجتازه..؟ انا قدمت ايام ماكان التسجيل على الموقع وأخذت رقم أكاديمي واليوم مريتهم الصباح وقالوا إدفع 5000 وتسجل .. يعني لسى أوراقي ما وديتها لهم آخر موعد قال لي يوم الأربعاء مع الكشف الطبي مع الـ 5000 ريال رسوم تسجيل. |
رد: إستفسار عن المنح
اي فرع انت
بالنسبة اختبار التوفل صعب جدا لكن هم راح يعطونك خيارات حق الاختبار للانجلش هم الكلية الوحيدة لي تطلب اختبار التوفل |
رد: إستفسار عن المنح
ايهـ اتوقع زي ماقال أخوي الباحث
اذا عديتها تنحذف لك هالمواد أثناء دراستك واذا ماعديتها ترجع تدرسها الله يووفقك ويسهلها عليك .. |
رد: إستفسار عن المنح
أخوي الباحث عن العلم
انا فرع المدينه المنوره معليش مافهمت وش تقصد بخيارات ؟ ويعني الكليه الوحيده اللي تطلب إختبار توفل؟ والله تعجيز |
رد: إستفسار عن المنح
لا اخوي
فيه اختبار الهئية للتخصات الطبية اختبار انجلش وفيه اختبار الايلتس وفيه اختبار التوفل انت اختار بس الاسهل هو اختبار الهئية للانجلش |
رد: إستفسار عن المنح
اخوي اغلب للكليات للي بكملوا بكالوريوس وعندهم دبلوم مايطلبون اختبار للانجلش بس كلية الغد
|
رد: إستفسار عن المنح
اقتباس:
شكرآ عسوله الشرقيه لحضورك |
رد: إستفسار عن المنح
شكرآ لك أخوي الباحث تعبتك معاي
إستفسار اخير الإختبار تبع الهيئه يكون بنفس الكليه ولا في معهد أتوقع انه معهد اسمه الخليج والمصطلحات الطبيه وش وضعها نفس نظام الإنجلش او اختبرها بنفس الكليه؟ |
رد: إستفسار عن المنح
الحين بالنسبه لحاملي الدبلوم كل الكليات ماتطلب إختبار الإنجلش إلا كليه الغد وليش يعني وش يميزها عن باقي الكليات؟
|
رد: إستفسار عن المنح
اخوي صار عندك سوء فهم راح اشرح لك
بالنسبة للاختبار الانجلش والمصطلحات تتختبرهم في المعهد لانك دراسهم في الدبلوم لو ماعديت ترجع تدرسهم من جديد بالنسبة اختبار الهئية في معهد الخليج هذا حق اخبار القبول للبكالويورس في الكليلة |
رد: إستفسار عن المنح
الله يجزاك خير أخوي الباحث عن العلم
يعطيك العافيه |
رد: إستفسار عن المنح
اخوي ممكن سؤال
كم معدلك في الدبلوم |
رد: إستفسار عن المنح
معدلي4.14-5
|
رد: إستفسار عن المنح
انا معدلي 3.26 من 4
وماجاتني منحة مبروك لك |
رد: إستفسار عن المنح
الله يبارك فيك
وإن شاءالله ربي يكتب لك أفضل منها ليش ماجاتك منحه معدلك ممتاز اخذت رقم أكاديمي؟ ورسلوا أوراقك للوزاره؟ |
رد: إستفسار عن المنح
اي اخذت رقمي اكاديمي و ارسلو اوراقي للوزرة
|
| All times are GMT +3. الوقت الآن حسب توقيت السعودية: 09:27 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام