ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كليه الغد للعلوم الصحية (https://vb.ckfu.org/f194)
-   -   بليز تعآلو عطوني رآيكم ..!! (https://vb.ckfu.org/t127324.html)

яοѲо7-Ãƪwᾷᴙđ 2010- 12- 25 07:12 PM
بليز تعآلو عطوني رآيكم ..!!
 
اسسسسسسسسسسلآم عليكم


شخبآركم شنو مسوين ........

المهم


ان شاآء الله اذا ربي كتب خير بسسسجل بـ كلية الغد..

بس عندي كم سؤال ياريت تفيدوني ...

1 - في معادلة بالكلية لاني درست بالجامعه العربية المفتوحة سنتين وكل المواد العامة خلصتها


يصيرون يعادولنها ولالا ..!!


2- ماعمري اختبرت اختبآر القدرآت او التحصيلي هذا شلون رآح تكون الطريقة ..!!

3 - انا بالمدينة مدري فرع البنآت هوآ اللي قدآم سوق الخضآر العمآرة الطويلة ولا مكآن ثآني ..!!

4 - كيف طريقة التسجيل بالمنحة هوا راح يكون بداية كل سنة

وفي معلومة شفتها بالبحث عن المنحة

ان كآنت نسبتي الثآنوي 85 % ونسبة القدرآت 65 % رآح ادرس ترم ع حسآبي

واذا جبت معدل 3.75 من 5 يصير ع كله حساب الدولة واذا اقل الدولة تدفع نص القيمة

صح ولالا .!!!


ومتى اقدم ع المنحة بدآية السنة وكيف الطريقة لاني مآعرفها

ويآريت في بنآت من المدينة حتى اسئلهم كمآن


وبالتوفيق يارب للجميع

تاج حيدر 2010- 12- 25 08:00 PM
رد: بليز تعآلو عطوني رآيكم ..!!
 
يا اختي جبتي ارفع من 3.75 أو اقل
في النهاية تصير مفاضلة على المقدمين على البعثة الداخلية ومو الكل يآخذوه

яοѲо7-Ãƪwᾷᴙđ 2010- 12- 25 08:04 PM
رد: بليز تعآلو عطوني رآيكم ..!!
 
يعني حتى لو شديت حيلي وجبت 4 كمآن تصير مفآضلة :(107):

هدوء البنفسج 2010- 12- 25 08:09 PM
رد: بليز تعآلو عطوني رآيكم ..!!
 
اقتباس:
المشاركة الأصلية كتبت بواسطة яοѲо7-Ãƪwᾷᴙđ (المشاركة 2270239)
اسسسسسسسسسسلآم عليكم


شخبآركم شنو مسوين ........
بخير ونسأل عن احوالك

المهم


ان شاآء الله اذا ربي كتب خير بسسسجل بـ كلية الغد..

بس عندي كم سؤال ياريت تفيدوني ...
أن شاء الله اقدر افيدك باللي اقدر عليه

1 - في معادلة بالكلية لاني درست بالجامعه العربية المفتوحة سنتين وكل المواد العامة خلصتها

يصيرون يعادولنها ولالا ..!!

احتمال يسوون لك معادلة لبعض المواد
واذا رحتِ تسجلي سأليهم وعطيهم خبر انك دارسة

2- ماعمري اختبرت اختبآر القدرآت او التحصيلي هذا شلون رآح تكون الطريقة ..!!

عاادي ياقلبي
القدرات عبارة عن مهارتك في اللفظي والكمي واطلاعك ع الكتب باختصار معلوماتك
التحصيلي عبارة عن تحصيليك للمعلومات في المرحلة الثانوية
اولى _ ثاني _ ثالث
وطبعا انتي اطلعي ع الاسئلة في النت و فيه كتب اشتريها وجلسي ذاكري
وطبعا فيه تسجيل للقدرات في الترم الثاني ( 1)
وفيه بعد الانتهاء من الاختبارات النهائية للفضل الثاني قدرات + تحصيلي
وطبعا انتي دخلي على موقعهم وشوفي متى يبدأ التسجيل وشوفي وين رح تختبرين
الموقع كتبي في عم قوقل مركز القياس


3 - انا بالمدينة مدري فرع البنآت هوآ اللي قدآم سوق الخضآر العمآرة الطويلة ولا مكآن ثآني ..!!

مدري انا بالدماااااااام

4 - كيف طريقة التسجيل بالمنحة هوا راح يكون بداية كل سنة

نعم ويكون برمضاان تاابعي الموقع

وفي معلومة شفتها بالبحث عن المنحة

ان كآنت نسبتي الثآنوي 85 % ونسبة القدرآت 65 % رآح ادرس ترم ع حسآبي

واذا جبت معدل 3.75 من 5 يصير ع كله حساب الدولة واذا اقل الدولة تدفع نص القيمة

صح ولالا .!!!
اول مرة اسمع منك
لكن انتي اذا قدمت ع المنح وانقبلتي خلااص
اما اذاماانقبلتي تدرسي ع حسابك وجيبي معدل قووي 3.75 او 4 وان شاء الله تنضمين للمنح
وع حسب دفاارة دفعتك بس حاولي تشدي حيلك


ومتى اقدم ع المنحة بدآية السنة وكيف الطريقة لاني مآعرفها
حبيبتي مثل ماقلت لك في رمضان يفتحون والتسجيل عن طريق النت
واكيد رح تشوفين اعلان عنه

ويآريت في بنآت من المدينة حتى اسئلهم كمآن


وبالتوفيق يارب للجميع
ان شاء الله اكوون افدتك لو بالقليل

هدوء البنفسج 2010- 12- 25 08:12 PM
رد: بليز تعآلو عطوني رآيكم ..!!
 
نسيت اقول لك
الاختبار للقدرات والتحصيلي
تراه كله اختيااااااااااري

яοѲо7-Ãƪwᾷᴙđ 2010- 12- 25 08:31 PM
رد: بليز تعآلو عطوني رآيكم ..!!
 
تسسسسسسسسسملين هدوء موررره شوكرآ

بس شفت الاختبآر القدرآت رآح يكون بشهر 4 يعني يمدي ادش الترم الثاني ..!!

هدوء البنفسج 2010- 12- 25 08:41 PM
رد: بليز تعآلو عطوني رآيكم ..!!
 
ايوه ياقلبي
اختبار القدرات الاختبار ( 1) في شهر 4 بس التسجيل رح يبدأ من 9-3 إلى 6-4 << اختياري
اما الاختبار الثااني قدرات + تحصيلي يمكن شهر ( 7) << الزااامي

واختبار القدرات الاول تبيغين تختبرينه على رااحتك
بس احتمال تجيبين نسبة عالية والثاني انزل
فهم رح يااخذوا النسبة الاعلى

،،،،،،،

وبالنسبة اذا كنت بتدخلين الترم الثااني
جيبي نسبة عالية بالكلية عشان تسجلي بالمنح

وان شاء الله اللي من فرع المدينة يدخلوا ويساعدوك ياقلبي

яοѲо7-&#195;ƪwᾷᴙđ 2010- 12- 25 08:48 PM
رد: بليز تعآلو عطوني رآيكم ..!!
 
اها يعني مو شرط اختبر اللي بشهر 4 بس يصير ادخل الكلية بدون مايكون معي اختبار القدرات ..!!

واللي بشهر 7 راح يكون إلزآمي لازم ادخله عشان المنحة ..!!

هدوء البنفسج 2010- 12- 25 08:59 PM
رد: بليز تعآلو عطوني رآيكم ..!!
 
ايه عاادي مو لاازم اختبار القدرات اذا كنت على حساابك

،،،،،،
واذا بتقدمي ع المنحة بعد ماتدرسي مااتوقع تحتاجين قدرات وتحصيلي
رح يعتمد على معدلك اللي في الكلية

القدرات والتحصيلي للموارد واللي بيسجلوا للمنح بدون مايدرسوا ترم في الكلية
ان شاء الله فهمتي علي

яοѲо7-&#195;ƪwᾷᴙđ 2010- 12- 25 09:54 PM
رد: بليز تعآلو عطوني رآيكم ..!!
 
امممممممممممم تيب حلو اذا بدون قدرآت

بس المشكلة كآتبين بموقع كلية الغد من ضمن شروط التسجيل درجة الاتختبار في القدرآت ..!!

وكمآن المنحة طآلبينها ..!!

يعني اذا ع حسابي يختلف الوضع ولا كيف ..!!

هدوء البنفسج 2010- 12- 25 11:15 PM
رد: بليز تعآلو عطوني رآيكم ..!!
 
مااذكر اني لما سجلت كتبت نتيجة القدرات :(107):
كتبت بس نسبتي
مااذاكر يمكن جاني مرض الزهايمر من الاختبارات
وبالنسبة للمنحة
انا قايلة لك القدرات والتحصيلي للي بيسجلوا مع بداية الترم الاول يعني للسنة الجديدة
بس بتأكد لك اكثر من البناات
وبتأكد لك بكرى اكثر

رائـد 2010- 12- 26 12:52 AM
رد: بليز تعآلو عطوني رآيكم ..!!
 
ايوه هي العماره الي عند سوق الخضار قبل الدوار وجهتا قزاز ومكتوب أعلي شي .كلية الغد ...

هدوء البنفسج 2010- 12- 28 07:55 PM
رد: بليز تعآلو عطوني رآيكم ..!!
 
اختي تأكدت لك
مو لاازم القدرات والتحصيلي اذا كنت ع حساابك
واذا جيتي بتقدمي السنة القاادمة رح تقدمي
بالنسبة لمعدلك بالكلية
وعذرا ع التأخير
بس حبيت ااكد لك

تاج حيدر 2010- 12- 28 08:15 PM
رد: بليز تعآلو عطوني رآيكم ..!!
 
هدوء عفية ابغى اعرف المعدل إلي نحطه هو معدل الترم الأخير ولا السنة كلها

هدوء البنفسج 2010- 12- 28 08:20 PM
رد: بليز تعآلو عطوني رآيكم ..!!
 
المعدل الاخير
يعني اللي في السمستر الثااني مو الاول

яοѲо7-&#195;ƪwᾷᴙđ 2010- 12- 29 10:03 AM
رد: بليز تعآلو عطوني رآيكم ..!!
 
اقتباس:
المشاركة الأصلية كتبت بواسطة هدوء البنفسج (المشاركة 2294844)
اختي تأكدت لك
مو لاازم القدرات والتحصيلي اذا كنت ع حساابك
واذا جيتي بتقدمي السنة القاادمة رح تقدمي
بالنسبة لمعدلك بالكلية
وعذرا ع التأخير
بس حبيت ااكد لك
أذا كذا تمآم مرره ازين من اني اختبر القدرآت كلش مآدشت مزآجي

يبي لي اسئل

яοѲо7-&#195;ƪwᾷᴙđ 2010- 12- 29 10:04 AM
رد: بليز تعآلو عطوني رآيكم ..!!
 
طيب شنو رآآآآآآآآآآآيكم بتخصص مختبرآت طبية

انا مرره اميل له واحب هالتخصص له وشسمه مستقبل ولا فيه كمان عجز خصوصا للبنآت :$

هدوء البنفسج 2010- 12- 29 10:18 AM
رد: بليز تعآلو عطوني رآيكم ..!!
 
اممممم
مختبراااااات حلووو وله وظاايف وخاصه انه بكالوريوس
وما اسمع منه الا كل خير
وبالنسبة للبنات
نسأل تاج حيدر تخصصها اكيد اهي بتجاوبك

تاج حيدر 2010- 12- 30 03:00 PM
رد: بليز تعآلو عطوني رآيكم ..!!
 
شوفي ياغناتو ..بصراحة أنا اخترت مختبرات من نفسي وماكان في احد مشجعني
لأن يقولون ان في عجز اشويات وإلي يتوظفوا ما يتوظفوا بسرعة ...بس أنا اقول لك
من منطقة إلى منطقة يختلف .يمكن .في المنطقة الشرقية في عجز بس المدينة مافيها وهكذا
وغير كذا العالم تتطور يعني بحسب علمي إلحين المنطقة الشرقية راح تفتح مستشفى لأمراض الدم بعد اربع سنوات { مناسب لوقت تخرجي ان شاء الله }
وغير كذا ان المملكة بدت تهتم بمراكز الأبحاث ..يعني تحتاج إلى اعداد هائلة من أخصائين المختبر
وكمان في شي ثاني ان المختبرات الطبية تقدري تشتغلين في اربع امكان على الأقل مستشفيات مراكز ابحاث مراكز البحث الجنائي وفي المصانع
وفي النهاية كل شي بيد رب العالمين ..ماحد راح ياخذ غير رزقه


All times are GMT +3. الوقت الآن حسب توقيت السعودية: 01:12 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه