|
اي كليه تنصحوني فيها
السلام عليكم ورحمه الله وبركاته
انا ابي اسجل عن طريق الصندوق الخيري وحاطين كليه المعرفه للعلوم التقنيه و كليه الغد للعلوم الصحيه والكليات العالميه الاهليه ابي مساعدتكم ايش احسن معهد طبعآ بكلوريوس تمريض فقط بعدين انا عن طريق الصندوق الخيري ليش كليه الغد ياخذون علي 3000 رسوم تسجيل :(107):؟؟؟ لاني كلمتهم قالو تدفعين 3000 حتى لو كنتي عن طريق الصندوق الخيري :017: تكفون :g2: ردو بسرعه لاني ابي اسجل |
رد: اي كليه تنصحوني فيها
اي كليه انتي حابتها سجلي فيها وتوكلي على الله وع رسوم التسجيل كلنا دفعنا واذا عطوج الرقم الاكاديمي الفلوس غير مسترده .. اهم شي تروحين كليه انتي حابتها ومعتمده .. بس ترا كلية الغد وقف التسجيل فيها على حد علمي
بالتوفيق |
رد: اي كليه تنصحوني فيها
انا كلمت كليه الغد قالو لي التسجيل مفتوح لين 29 رمضان
بس بسراحه احس خمس سنوات كثير والكليات الي سالتكم عنها كلها في الرياض وانا من ابها والي في ابها مافيه تمريض طيب معليش بطلع من عالم التمريض الى عالم البرمجه ايش رايكم في معهد نيو هريزن دبلوم تقنيه برمجه؟؟؟؟؟لنه هذا الموجود في ابها والخميس انا والله من قبل اتزوج كان عندي رغبه في التمريض بس بعد ماتوفى زوجي كل الي افكر فيه ادرس واتوظف بسرعه عشان ولدي وبعدين التمريض كله في الرياض وصعبه اروح عند اقاربنا بولدي اداوم وبالي معه لو لحالي ممكن ولا قادره اخليه عند اهلي واسافر تكفون انصحوني ادخل نيوهريزن وهل الدراسه فيه حلوه ؟وهل شهادتهم معتمده؟ |
رد: اي كليه تنصحوني فيها
أختي خليك بكليات الغد وكلية سعد
طيب أنا راح أخيرك بين خيارين لا ثالث لهما تدرسي بمعهد لمدة سنتين أو سنه ونص (( فني )) وبالأخير تجلسي في البيت أقل شي خمس سنين وإذا بتتوظفي راتب يادوبك 4 ألاف ريال وأغلب الغالب شركات أو تدخلي كليه صحيه وتدرسي خمس سنين (( أخصائي )) وبعدها بأذن الله ماتجلسي 6 شهور إلا وأنتي متوظفه وبراتب 10 ألاف ريال ____________________________________ الناس بطلت شي أسمه معاهد ... لأنهم بالأخير نصابين هذا رأي بمعاهد نيوهرايزن ويالت تسوي بحث عن طريق قوقل وتشوف أبداعاتهم :cheese: وإذا كنتي محتاره بين كلية الغد ومعهد نيوهرايزن وأنا كانت هناك فرق بين العلوم الصحيه والحاسب أعتقد أنها مقارنه عقيمه لأجل المستقبل والله يوفقك ويوفقنا |
رد: اي كليه تنصحوني فيها
أختي
فيه كلية الغد بأبها وعندهم التخصصات كلها 1- التمريض 2- طب طوارئ 3- الأشعه 4- مختبرات 5- إداره صحيه |
رد: اي كليه تنصحوني فيها
غداوي
هذي التخصصات في كل فروع كليات الغد بس مثلا اذا جينا فرع ومافيه طالبات يسكرونه :icon9: ،،، حبيبتي انتِ تبغين تكونين لك مستقبل عشان يكون لولدك مستقبل وما تحتاجون لاي احد وهذي خطوة حلوة منك ولكن اذا بتحققينها لازم تتركين الجانب العاطفي وتتحملين التخصصات الصحية لها مستقبل وظيفي وخاصة انها بكالريوس اما المعاهد الدبلومية حبيبتي مالها وظيفة مضمونة و راتبها مش ولا بد يعني انتي حابة التمريض وجادة فيه انصحك ادخليه حتى لو بالرياض اما اذا عادي بتخصص ثاني وش التخصصات المتاحة في كلية الغد بابها حطيها عشان تتعرفين عليها اكثر وتدخلين بدل التمريض يمكن يكون خيرة لج بدل التمريض يالغالية انتي فكري فيها بعقلكِ مو بقلبكِ والسنوات 5 تمر وبتنسينها وبتكون ذكرى فقط وان شاء الله ربي مو ناسيكِ وبيكون معاكِ :106: |
رد: اي كليه تنصحوني فيها
اختي ام بسام .. انا طالب مجسر بكلية الغد بابها .. الترم القادم هو الاخير ان شاء الله .. واللي اعرفه من الكلية انهم فتحوا السنه هذي كلية البنات .
والتسجيل فيها يكون في موقع كلية البنين في حي الوصايف . وفيه اعلان ملصق على ابواب الكلية بذالخصوص . انا اشوف اذا كان مستواك جيد .. وتبغين وظيفه مضمونه .. تسجلين بكلية الغد .. واذا تحتاجين اي مشوره هذا ايميلي : ********* والله يوفق الجميع |
رد: اي كليه تنصحوني فيها
ام بسام ..الأخوان ماقصروا في التوضيح
وأنا رآي من رآي هدوء .. روحي الرياض وحطي في بالك الدراسة وبس ..وحاولي تتواصلي مع احد يدرس تمريض لأنك رآح تحتاجي كتب طبية وفالك التوفيق انتي وولدك .. وسام حتى لو كانت نيتك طيبة ..يمنع وضع الأيميلات |
رد: اي كليه تنصحوني فيها
انا عارفه انه في ابها كليه الغد بس المنح حقتك الصندوق الخيري مافيه في ابها لو فيه منح في ابها كان انحلت مشكلتي
والمنح حاطين بس تمريض غيره مافيه الي مصعبها اكثر انو المنح في الرياض انا لو لحالي مو مشكله بروح عند خالتي بس الي افكر فيه ولدي وين احطه وما قدر اخليه عند اهلي في ابها واروح وكمان حاطين منح في جده في كليه البترجي وكليه ابن سينا الا هليه وكليه الرياده للعلوم الصحيه كلها بكلوريوس تمريض بس محد يمدحه هذي الكليات |
رد: اي كليه تنصحوني فيها
وينكم بنات :53: لصقت جونسن وغداوي وهدو البنفسج وتاج حيدر وينكم رددددددو
وينك وسام العيسى تكفووون ردو |
رد: اي كليه تنصحوني فيها
حبيبتي
بالعكس كلية البترجي ولا ابن سينا حلووة مين قال مافيها مدح انا لو اهلي يرضون اروح جدة كان درست في هالكليات وارد اقولك تفكيرك بعقلك مو بقلبك انتي بتروحين خمس ايام في الاسبوع لين تمضي السنوات كلها وتمر على خير وولدك ربي حافظة ان شا الله مايضيع بين اهلك لا تضيعين الفرصة انتِ بودك تدرسين عشان ولدك لازم تتحملين اشوي على نفسك يا الرياض ولا جدة والكليات كلهم معترف من قبل الوزارة اتمنى تتسهل امورك |
رد: اي كليه تنصحوني فيها
وووووينكم:Cry111:
|
رد: اي كليه تنصحوني فيها
سويت بحث ماحلصت احد يمدح البترجي كثير والي يسب فيها اكثر من الي يمدح
وبعدين يقولون فيها اختلاط وابن سينا يمدحونها اكثر من البترجي بس الي يمدحها هم نفسهم الي دخلو البترجي |
رد: اي كليه تنصحوني فيها
طيب شوفي كلية الفارابي ...؟!
|
رد: اي كليه تنصحوني فيها
طيب كلية ابن سينا بما انج تقولين فيها مدح
توكلي عليها انا سامعة عنها بالزين وانتي الحين بتروحين جدة ولا الرياض :(107): طيب حطي لنا كل الكليات اللي تدعم من قبل الصندوق الخيري |
رد: اي كليه تنصحوني فيها
|
رد: اي كليه تنصحوني فيها
البترجي فيها اختلاط بعدين جده البنات يكشفون ماهمهم وفي قليل بس يتغطون وصعبه اجلس متغطيه وادرس طوال اليوم
طيب ايش احسن ابن سينا او كليه الغد في جده ممكن تكون دراستي اهون بكون في بيتي بجده بس ابي كليه مضمونه |
رد: اي كليه تنصحوني فيها
أنتي تتكلمي الأن عن الأفضليه بين كليتين
وصراحه احنا يادوبك درسنا سنه في كلية الغد وكلية الغد مالها سنتين أما كلية أبن سينا ماعمري شفت أحد سبها أو ذمها لكن كلية الغد في تطور سريع وعندهم أهتمام للطالب ولأاختيار الدكاتره ممكن السنه الي فاتت فيها عيوب من ناحية أختيار الدكاتره والأساتذه لكن في فرع المدينة وعلى مسؤلية وكيل الكليه أنهم راح يقعوا مع دكتور متخرج للتو من جامعة هارفارد براتب ...... ؟؟!!((( الي مهتم بكم الراتب يرسلي ع الخاص ))) :biggrin::biggrin::biggrin: |
رد: اي كليه تنصحوني فيها
الحين احنا بنحصر الكليات
( الرياض) المعرفة والغد و العالمية (جدة) ابن سينا او البترجي الريادة البترجي استبعدناها لانها مختلطة طيب بتسكنين لحالك في جدة ؟؟! << سؤال خارجي مو لازم تردين عليه اذا انتي بودك جدة تدرسين ابن سينا من ناحيتي وسوي خيرة وشوفي نفسك مرتاحة منها او لا :106: |
رد: اي كليه تنصحوني فيها
تكفووون انصحوني ايش ادخل
|
رد: اي كليه تنصحوني فيها
إذا انتي تبين راحة البال في الجو الدراسي انصحك بالرياض كلية الغد
موفقة يالغلا |
رد: اي كليه تنصحوني فيها
اقتباس:
1- المختبرات 2- التمريض 3- الأشعه فقط وإستبعاد فكرة تخصص طوارئ أكثر التخصصات كرف بالعمل 1- التمريض 2- المختبرات 3- الأشعه أكثر الدارسه سهوله بين التخصصات 1- الأشعه 2- التمريض 3- المختبرات عدد الساعات المعتمده 1- المختبرات 132 ساعه معتمده 2- التمريض 130 ساعه معتمده 3- الأشعه 128 ساعه معتمده الأكثر ندره للأخصائيين بالمستشفيات 1- الأشعه 2- التمريض 3- المختبرات >>>>> تقدري تدرسي الماجستير بجامعة الملك سعود وبالتوفيق لك |
رد: اي كليه تنصحوني فيها
غداوي المنح بس في قسم التمريض غيره مافيه
|
رد: اي كليه تنصحوني فيها
ام بسام
فيه منح التعليم العالي وكثير مستفيدين منها .. لانها صارت تضم نصف الطلاب انا بقولك على شي : روحي لكلية الغد , وسجلي عندهم .. واطلبي تأجيل رسوم التسجيل حتى تطلع نتائج المنح .. يعني ماتدفعين شي في البدايه . سجلي في برنامج المنح .. وراح تطلع النتائج على شهر 11 تقريبا .. اذا انقبلتي تدفعين فقط رسوم التسجيل 3000 ريال . والمنحه تتجدد سنويا بناء على المعدل .. اهم شي يكون من جيد وفوق .. بتحققين شغلتين : الاولى ظرفك مع ولدك الله يخليه لك وتبقين في ابها والثانيه تحددين التخصص اللي تبغين ( مختبرات / تمريض / اشعه / طب طواريء ) |
رد: اي كليه تنصحوني فيها
اقتباس:
الله يوفقك ويسهل علينا وعليك دراستنا |
رد: اي كليه تنصحوني فيها
اقتباس:
اختي ام بسام اليوم التقيت بعميد كلية ابها و قال لي بان الصندوق الخيري سيتكفل بقبول 30 طالبه هذه السنه في الكلية ( قسم تمريض ) ملاحظه عدد الطالبات المسجلات حتى الان بكلية ابها اقل من هذا العدد قدمي على الكلية والله يوفقك .. |
| All times are GMT +3. الوقت الآن حسب توقيت السعودية: 10:01 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام