ملتقى طلاب وطالبات جامعة الملك فيصل,جامعة الدمام - السنة التحضيرية [ تم تعديل العنوان ] انقطعت سنه تقريبا وكان تخصصي صيدلة،، شنو الحل؟

وعليكم السلام اختي ...

والحمدالله على سلامتك وطلعتك من الظروف ..

بالنسبة لقسم الصيدلة كانت نكبة الكلية من البداية والوزارة مو متعمدته من الاصل
واغلط انفسنا لعدم اطلاعنا على الاعتماد قبل التسجيل :sm18::Cry111:

المهم كانت هذي مشكلة العام وانحلت لنا بطريقتين
1 / تستردين المبلغ وتحولين نتيجك لِـ سنة تحضيرية يعني مانكتب تخصص صيدلة
وتتم معادلة المواد في الكلية اللي بتروحين لها
وجزء من البنات راحوا للمانع تقريبا 6 اللي اعرفهم
واهم مبسوطين ولله الحمد بدون تأخير
والدراسة 6 سنوات اي صيدلة اكلينيكة مثل ماتمنوا

2/ تحولين تخصصك + ضمان المنحة لك وهذا بقية البنات ومنهم انا حولنا
الاغلب حول مختبرات واشعة

بالنسبة لتساهل
الكلية اول ما فتحت كانت متساهلة عشان تكسب الطلاب لكن بعد مامتلت وصار ازدياد بالاقبال عليها
بدأت تحط الشروط وتتدلع وشافت نفسها :sm1:

الحلول
1 - انك تسحبين على هالكلية وتسجلين باي كلية ثانية وبالتخصص اللي تبينه :wink:
2- يكون عندك لسان وحجة وتروحين تدخلين على العميدة وتتكلمين بثقة وبحدة وتدافعين عن حقك وروحي
لعميد الاولاد << يفهم اكثر ومتعاون
وقولي لهم مرح اسكت الفلوس اللي دفعتهم مو لعبة وقولي لهم مو كافي نصبتكم عليننا بالصيدلة
واذا قالوا الوزارة اغلقته
قولي لهم دريت بالقصة اللي صارت العام والوزارة ما اعتمدته من الاصل وعندي اثبات من بنات الصيدلة اللي كانوا معاي وسببتوا لهم ازمة نفسية ولا تكذبون مرة ثانية لانه حبل الكذب قصير :41jg:

3- احتسبي الاجر وصبري وندبي حظك وكبري المخدة و دخلي تحت مذلة حافز والتحديثات :019: :sm18:

هذا الحلول اللي عندي

مع السلامة وبالتوفيق اي تطورات تصير معك تعالي خبرينا عشان نساعدك :biggrin:

وبالنسبة لاختيار التخصص خليه بعدين اول ضمني حقك بالكلية لانك سنة تحضيرية يمديك تفكرين عدل
:106: