|
رد: استفسار
السلام عليكم،، أخي أنا بقولّك سالفتي مع المنحة،، وإن شاء الله تستفيد منها أول شي أنا مثلك،، المنحة ما كانت تشملني (لأنّه صارلي 3 سنوات متخرج من الثانوية) فعدفعت رسوم السمستر الأوّل (27 ألف ريال) بعد بداية السمستر صرت أراجع الوزارة،، ودخلت ع الوزير (العنقري) مرّة وعلى النائب (السيّاف) مرتين وكانوا يقولون لي أبشر وخير ومن هالكلام،، والنتيجة وحدة (المعاملة مرفوضة) آخر مرة زهقت ورحت لمدير التعليم الأهلي (الدكتور/ وليد الدالي) ويشهد الله أنّه كفو ووجهه أبيض شافني واقف عند بابه وجاني،، وقالي آمر قلت له بغي الدكتور وليد الدالي،، فقالي أنا الدكتور وليد الدالي فعلّمته سالفتي وحنّا واقفين ع الباب،، وكنت ماخذ معي صورة طبق الأصل من شهادة الثانوية العامة ومن القياس والتحصيلي والأحوال وقلت له أنا كل الشروط متوفرة عندي وزيادة،، بس الفارق معي سنة بالتخرج فقالي أبشر،، ومشى معاي إلى مكتب من المكاتب وعطى الموظف أوراقي وقاله الولد فارقه معه سنة بالتخرج فاستثنوه،، ووقع ع الأوراق وبعدين الموظف قالي راجع (الدكتور/ علاء الشيخ) المسؤول عن المشمولين بالمنح في كلية الغد - الرياض فطلعت من الوزارة وأنا مستانس ورحت لعمادة القبول والتسجيل،، وسألتهم عن الدكتور علاء الشيخ،، فسألني ليش؟؟ فقلت له أنا توني طالع من الوزارة واستثنوني،، وقالوا لي أراجع الدكتور علاء الشيخ فقالي عطني رقم أحوالك،، فاعطيته اياه والصدمة توقع وش قالي .........؟؟؟ يقول،، أنت بالمنح من بداية السمستر !!! وأنا كل يومين ورايح الوزارة وداخل ع الوزير وع نائبه *_* يقول بداية السمستر رفعنا أسماء طلاب علشان يستثنوهم،، وجا قبول من الوزارة ع الأسماء وكان اسمي ضمنهم بعدها سويت طلب استرجاع الرسوم،، والحمد لله رجعوهم لي بعد اسبوعين أو ثلاثة تقريباً ************** اللي أبي أوصله لك أخي،، لازم تمشي ورى الموضوع وما تسكت واللي تقدر عليه سوهـ،، لأن هذا مستقبلك وأي استفسار في خدمتك وخدمة الأعضاء الآخرين،، تقبّل تحيّاتي ^_^ |
| All times are GMT +3. الوقت الآن حسب توقيت السعودية: 01:06 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام