ملتقى طلاب وطالبات جامعة الملك فيصل,جامعة الدمام - السنة التحضيرية بالنسبة للجدول يا عيال :(

- منتدى كليه الغد للعلوم الصحية (https://vb.ckfu.org/forumdisplay.php?f=194)

- - [ السنة التحضيرية ] : بالنسبة للجدول يا عيال :( (https://vb.ckfu.org/showthread.php?t=612468)

بالنسبة للجدول يا عيال :(

السلآم عليكم .. عسآكم بخير بس

المهم مرمطوني الكلية فرع الرياض وعاد تعرفون زحمة الرياض .. اسبوع كامل كل يوم ناشبلهم وكل يوم يقولون تعال بكره .. الناس يسألوني كيف الدوام :Looking_anim: ..

الزبده انهم قالولي لآزم تدفع المبلغ كامل اللي هو 28278 ريال سعودي تنقه نق :) وهم اول قايلين لي اقصاد وصارت مشاكل وكذا .. كنت بسحب عليهم بس ارامكو ارسلولي تم رفضك بعد ما سويت الفحص الطبي حق ارامكو وقلت مامعي الا الكلية .. الزبده يمين يسار لين قالوا ما معك .. واخذت رقم الحساب .. ورحت للبنك الاهلي وساعتين انتظر رقمي .. وسحبت الفلوس ورحت للفرنسي وما قصروا معي لطعوني .. وسددت وعلى طول رحت للكيه .. اعطيتهم الايصال وقالوا رح خذ جدولك .. رحت للمرشد الاكاديمي حقي وقالي السستم عطلان :) وكان على وقت غداء يعني اكيد يصرفوني .. المهم جيتهم امس وخذيت الجدول وقالولي داوم يوم الاحد اللي هو بعد بكره :icon120: ..

اختصار الكلام ذا اني عليمي ومستجد ولا اعرف إلا مكتب الاستقبال اللي في الكليه .. ومستواي في الانقليزي جيد نوعاً ما .. وصدموني بالجدول اللي ماعرفت منه إلا اني بأنكد على وجهي :)

http://www.ckfu.org/vb/<a href=http:...com/Y8zkzZ.jpg[http://im45.gulfup.com/Y8zkzZ.jpg

الزبده هذا الجدول وابيكم بس تشرحون لي الحاجات ذي والمواد اللي ماعرفت منها إلا إسلآميات والعربي :icon9:
ايهه ونسيت اقولكم لما عطوني الجدول قلت فيه زي محدد ؟ قالي روح اسال هذاك .. رحت للثاني وحسيته بيقولي السستم عطلان :) دايم يصرفني .. المهم قال باقي ماجات من الوزاره .. وانا ابي اعرف اللون مابي حقهم

طيب واذا رحت يوم الاحد اروح من قبل 8 .. ووين اروح ووين مكان القاعات ..

المعذرة عالإطاله ويعطيكم العافيه :icon19: .

رد: بالنسبة للجدول يا عيال :(

غريبه مافيه بريك بين المحاضرات ولا ايش :(12): ؟؟

الاغلبيه ما سجلو مواد لسى لانو ننتظرهم يقاصدون لنا يمكن تسرعت انت شوي :biggrin:

في الجدول مكتوب وقت المحاضرات فوق و ع جنب الايام
وكمان الماده وتحتها ما فهمت ايش هي p8 .... وتحته اسامي اللي يدرسك الماده
ان شاء يجي احد يشرح لكك اكثر انا مره اكس بالشرح :biggrin:
بالتوفيق ^^

رد: بالنسبة للجدول يا عيال :(

ان شاء الله يفيدونك طلاب فرع الرياض بس
انت مسجل على المنحه الملكيه ولا داخل على حسابك؟

رد: بالنسبة للجدول يا عيال :(

اقتباس:

المشاركة الأصلية كتبت بواسطة احمد العتيبي . (المشاركة 11342586)

ان شاء الله يفيدونك طلاب فرع الرياض بس
انت مسجل على المنحه الملكيه ولا داخل على حسابك؟

على حسابي .. المنحة طالبين التحصيلي 60 اظن وانا اقل

رد: بالنسبة للجدول يا عيال :(

.

عليكُم السلام الله يعينك ويعين الجميع =)) لآزم صعوبآت قبل
بس مَدري ليش دفعت 28278 ! احنا دفعنا 27500 .. المهم الجدول
الأحد : من 8 - 10 english for medical .. ومن 10 - 12 حاسب
ومن 12 - 2 english for medical ومن 2 - 4 مهارات الاتصال
الإثنين : من 8 - 10 ومن 10 - 12 english for medical ومن 12 - 2 ثقافة إسلامية
الثلاثاء : من 8 - 10 ومن 10 - 12 english for medical ومن 12 - 2 احصاء حيوي
الاربعاء : من 8 - 10 لغة عربية ومن 10 - 12 ومن 12 - 2 english for medical
الخميس : من 8 - 10 حاسب ومن 10 - 12 ومن 12 - 2 english for medical
والقاعات تحت كل مادة والدكتور اللي يدرس المادة طبعاً أكيد فيه بريك وغير كذآ
ممكن تجي ايام يقول مافيه محاضرآت .. يعني لا تتوتر بسيطة إن شاء الله :)
إذا تبيني أسوي لك الجدول يعني بالعربي عشآن تفهم ؟ فأنا حاضر .

رد: بالنسبة للجدول يا عيال :(

اقتباس:

المشاركة الأصلية كتبت بواسطة KRESTAL11 (المشاركة 11342579)

p8 القاعة

رد: بالنسبة للجدول يا عيال :(

اقتباس:

المشاركة الأصلية كتبت بواسطة ][ MOHAMMED ][ (المشاركة 11342952)

.

بس مَدري ليش دفعت 28278 ! احنا دفعنا 27500

يحسبونها بعدد الساعات انا عندي 18 ساعه .. مدري كيف طريقة حسبتهم ..

الله يعطيك العافية ماقصرت بس ابي آعرف وين مكان القاعات :icon9:
اللي في فرع الرياض يفيدني .

رد: بالنسبة للجدول يا عيال :(

اقتباس:

المشاركة الأصلية كتبت بواسطة wo0ow10 (المشاركة 11344372)

[ALIGN=CENTER][TABLE1="width:95%;"][CELL="filter:;"][ALIGN=center]

آهاا صحيح .. طيب عآديّ ليش شآيل هم :Looking_anim: :004: !

لما تروح الكُلية بتشوف مكتُوب على القآعات او إسأل

رُوح قبل المحآضرة بنُص سآعة عشآن تدور وترتآح :tongue:

[/ALIGN]

[/CELL][/TABLE1][/ALIGN]

رد: بالنسبة للجدول يا عيال :(

ي حبيبي البريك بيكون ساعه اللي هو الساعه 12 الين 1 بس ولا في ايام اووف

رد: بالنسبة للجدول يا عيال :(

انا برضوه مثلك مستجد لكن انت ع حسابگ و انا منحة
وانت اخذت الجدول .انا م اخذته