ظلم بكلية الغد ببريده !!! الله لايسامحكم
 

السلام عليكم ...
بقص لكم سالفتي مع كلية الغد ببريده ...
انا سجلت بكليه الغد ودفعت رسوم التسجيل الي هي 5 آلاف ريال المهم بعد تقريبا شهر من بدايه الدراسه صلحوا المعادلة لي
يوم دوقوا علي ورحت لهم بشوف المعادله قالوا لي دراستك راح تكون سنتين ونص قلت كيف سنتين ونص وانا دبلوم عالي موب أكاديمية انا كليه صحيه المهم قالت الدكتوره رحاب المسئولة عن التجسير أنوا كذا المعدله حقتك وكانت صديقتي معي ومعادلين لها سنتين فقط قلت يابنت انا وياها نفس الكلية قالت التخصص يفرق قلت ماشي المهم رحت المحاسبه عشان أشوف. وضع الفلوس كم تبع الترم طلع علي الترم 22 الف وحاجه !! المهم صديقتي طلع عليها 18 الف وحاجه !!! طبعا طلعت ورحت للدكتوره اناقشها قلت انا مالي دخل قلت طيب دليني علي الي له دخل قالت روحي الوكيله رحت الوكيله أبد ما عندها رد مقنع المهم قلت عطيني رقم آيات احد إداري في الكلية استفسر منه قالت ما عندي ؟؟
وطلعت وبعد يوم دقت علي الدكتوره رحاب قالت صلحوا المعادله لك وطلعت سنتين لأنهم يحسبونك أكاديمية قلت طيب من الي صلحها قالت ماعرفش:(269): المهم قالت تعالي وقعي تعهد انك بتدفعين الفلوس قلت طيب المهم رحت لهم .... قلت طيب ابي المعادله حقتي وسجلي الاكاديمي الله لايهينك رفضت قلت ليش ابي صوره منهم من حقي قالت لا اجل الخمسة الألف الي دفعت حقت وش الله لايسامحكم ...
وأجي أشوف المواد حقاني 6 مواد دارستهم بكليتي قلت وش ذا المعادله قالت مالي دخل قلت طيب من له دخل ابي احد ينصفني
قالت المواد الي درستيهم بكليتك اقل ساعات عشان كذا حطوهم لك سبحان الله وانكشفت الكذبه فيه ماده دراستها بكليتي 10 ساعات وحاطينها لي 3 ساعات الترم الاول و 3 ساعات الترم الثاني ... قلت يابنت الحلال انتوا كان غرضكم مادي وزايدين علي مواد وزايدين ترم عشان الفلوس عطوني رسوم التسجيل الي دفعت والوجه من الوجه ابيض قالت مستحيل ترجع المهم رحت للمحاسبه وحده مصريه قلت ابي تحسبين لي كم الترم طلع علي ب 25 الف وحاجه قلت انتي من جدك وش ذا الحرمنه عيني عينك قسم بالله جلست طول النهار معهم أتناقش كله نصب وكذب الله لا يوفقهم من اكبر راس لا اصغر راس فيهم كنت متحمسه ابي ادرس بس للأسف سوق سودا موب دراسه


المهم ابي الرسوم 5 الألف ترجع لي ما أحللهم. لا دنيا ولا اخره ( تسلفتهم عشان ادرس اخر شي يسرقونهم ) :Cry111: الله يأخذ حقي منكم

رد: ظلم بكلية الغد ببريده !!! الله لايسامحكم
 

انا مثلك تجسير والحمدالله خلصت بكالريوس من كليه العد بنسبه للاختي تحصل اخطاء

ممكن تكون الموظفه ماعندها خبر او توها عليمه بمثل هذه الامور بس نصيحه لك ومن مصلحتك وان كان عندك

طموح استمري لازم بعض المواد الي درستيها راح تتدرسينها اصلا اجباري في كم ماده حتى الي خذتيها قبل

درسنه مواد درسناها قبل في كل الكليات هذا نظام نصيحه استمري لانه مب كل الجامعات تمنح تجسير

فهذه فرصه استمري وحاولي تتاقلمين ترى سنتين بسرعه تتطير فتحي وغمضي عين وانتي متخرجه ان شاء الله

وبتوفيق

رد: ظلم بكلية الغد ببريده !!! الله لايسامحكم
 

أولا رسوم التسجيل غير مستردة وهذا نظام معروف في أي مكان
ثانيا الدبلوم حقك سنتين ونص أو ثلاث سنوات؟
ثالثا سواء كنتي خريجة معهد أو كلية فطالما دراستك دبلوم فأنتي أقل من بكالوريوس وحتى المناهج وغيرها أقل بكثير من البكالوريوس حتى لو كانت نفس المادة فدراستها في البكالوريوس أكثر تعمقا
رابعا رسوم الدراسة حسب عدد الساعات المسجلة في كل فصل فلو عدد الساعات اللي مسجلتها كثير بتزيد رسوم الدراسة مقابل ان عدد سنوات الدراسة تقل لكم لذلك بتخلصوا في سنتين أو سنتين ونص لكن في المقابل بتزيد عدد المواد والساعات اللي تدرسوها في كل فصل
خامسا ما في ظلم ولا شي أنتي دبلوم وحتى لو بكالوريوس بتتوقعي كل المواد بيعادلوها ، أكيد لا! لأن في نظام لازم يطبق سواء عجبنا هالنظام أو لا ...

رد: ظلم بكلية الغد ببريده !!! الله لايسامحكم
 

يسلموا ع الردود


كل الكلام الي قلتوا مأخوذ خيره
والله لو أني بأخذ الماجستير الترم 25 الف وش ذا الظلم
خلاص انا مابي ادرس لانها تضحت عندي أمور كانت مخفيه
ولا درست ولاشي خلاص المفروض استرد فلوسي موب ياخذونها بأي حق ياخذونها مادرست ولا شي
ما قول الا حسبي الله عليهم كليه همها الفلوس فقط
وكل شي تحفظ عندهم كأننا بنسرقهم طيب خليكم واضحين من البدايه عشان الي بيسجل يسجل او مايتعب عمره ويسجل
اول قالوا الترم حقك 22 الف بعدين 18 الف بعدين 25 الف بالله وش ذا التناقض حسسوني أني بنك قدامهم

رد: ظلم بكلية الغد ببريده !!! الله لايسامحكم
 

إنسان انا
اخوي أعطينا نبذه عن ذا النظام الي انت تقول

انا معادله بكلية بريده سنه ونص فقط ولا دبلو لي السعر مثل الغد
وين هذا النظام الي تتكلم عنه خل يطبقونه الغد
وإلا اذا جا موضوع الفلوس طلع النظام هذا

رد: ظلم بكلية الغد ببريده !!! الله لايسامحكم
 

إذا معادلين لك سنة ونص فمعناتها باقي لك سنتين ونص تدرسيها في الكلية
والرسوم لكل فصل حسب عدد الساعات المسجلة فكل فصل له رسوم مختلفة حسب عدد الساعات اللي تسجليها
أما الـ 5000 ريال فهي رسوم التسجيل فقط وليست رسوم الدراسة فقط علشان يبدؤوا يسجلونك بالكلية رسمي

رسوم الدراسة تقدري تحسبيها بنفسك
شوفي كم تكلفة الساعة المعتمدة الواحدة واضربيها بعدد الساعات اللي بتسجليها وبتعرفي التكلفة

رد: ظلم بكلية الغد ببريده !!! الله لايسامحكم
 

رد: ظلم بكلية الغد ببريده !!! الله لايسامحكم
 

إذا معادلين لك سنة ونص فمعناتها باقي لك سنتين ونص تدرسيها في الكلية

مادري آش تقصد؟


عموما انا طاب خاطري مابي ادرس وش ذا الأسعار الي عن الكلية 15 ساعه ب 25 الف
وسبحان الله نفس زياده المواد ماجت الا يوم دروا أني مسجلة منحه

ابي فلوسي ال 5 الألف ؟ ماراح أحللهم بأي حق ياخذونها وانا مادرست ورفضت معادلتهم السخيفه الي كل همهم الماده

رد: ظلم بكلية الغد ببريده !!! الله لايسامحكم
 

شفتي التناقض كيف ؟ أقولك اقسم بالله رحت لهم كذا مره الكل متناقض ووضعهم مريب
طيب انا جايه ادرس موب جايه العب ليش ماتتساعدون معي وتكونون واضحين

حتى الوكيله كلامها متناقض !!
طلبتهم يرفعون اعتراضي كمان رفضوا لمن ادفع فلوس الترم !!!
طيب من حقي اعترض اجل الخمسة الي دفعت وش الله يأخذهم حامت كبدي منهم

ما قول الا حسبي الله ونعم الوكيل

رد: ظلم بكلية الغد ببريده !!! الله لايسامحكم
 

أخي القضية مو قضية عدد الفصول القضية عدد الساعات
المجسرين لا يلتزمون تماما بالخطة الدراسية للطالب العادي اللي مسجل بالشهادة الثانوية
فالتفاصيل تكون مختلفة