|
طالبات الغد الدمام بس
كيفككم بناات
طبعا جديده انا بالغد ( الدمام) ليفل3 تمريض وعملت هالموضوع ابي اتعرف على بنات نفس الكليية عشان يعلموني عن كليتهم اكثر اغلب البنات مخوفيني من غد الدمام :24_asmilies-com: |
رد: طالبات الغد الدمام بس
انا معاج تمريض ليفل ٣
لا تخافين و لا تسمعين الكلام الشين انتي سألي عن الكلية و نجاوبك |
رد: طالبات الغد الدمام بس
اتكلي على الله مافي شي يخوّف ، عدا انو فرع الدمام ينراد له مذاكرة اول بأول :019:
يعني اعتبري نفسك بجامعة حكومية بحتّ وانسي سالفة الاهلي ، لان بعض المسات غير متعاونين ويقرفون عيشة الواحد :41jg: بس مو لدرجة تخافي :biggrin: انتي خلك شطورة وكل امورك بالسليم انشالله :106: |
رد: طالبات الغد الدمام بس
طيب.. نوره كلميني خاص..
بالنسبه. لنا بالرياض... ماقول لكم كانو يساعدونا بس..... بالفاينل مانذاكر كل المحاضرات.. يعني نذاكر بس اللي ما اختبرنا فيهم و جزء بسيط من ميد 2 كذا يعني انتو كيف؟؟؟ وعارفه كل شي يبي له اول باول مذاكره طيب.. حاليا ابي اعرف بكره بروح ارروح وين؟ لمين؟ هاللي مخليني اضيع اني ماعرف احد بالدمام وتعبت ادور بنات مالقيت وانا مابي اروح احس روحي زي الضايعه :( |
رد: طالبات الغد الدمام بس
- مسأَلة صعِب أَو سَهل كُلنَا صَحيحْ سِمعنَا إنْ فرعْ الدَمام متشددِينْ أَكثر بَس مَ يعني كُل الدكَاترَة لا , وغير كذَا إنتي بشطَارتِك تقدرينْ تكسبينهُم أهم شيء عندهُم الحضُور وبعَده المُشاركة والإنتباه , وإذا رحتي الكُلية بتتعَرفين عَلى البنَات يعني عآدي أي إنسَان مثلك فتَرة ويتعوّد , بالتوفيق :) |
رد: طالبات الغد الدمام بس
مرحبا بنات
عذرا أمطار بدخل عرض على موضوعك أنا لي كم سنة أنتظر أكمل دراسة بعد الدبلوم على أمل انقبل بجامعة حكومية خاصة اني محققة كل الشروط لكن الحمدلله بسبب زحمة التسجيل في الحكومية و قلة المقاعد لم أقبل و قررت إني ما انتظر أكثر ، سابقا ماديا ما كان عندي اي مبلغ ممكن أبتدي فيه لكن حاليا و الحمدلله متوفر عندي مبلغ ممتاز رغم اني بقدم ع المنح بإذن الله و لكن وجود مبلغ عندي يريحني . المهم باختصار أنا متخرجة من كلية العلوم الصحية للبنات معدلي 4.26 و اختبرت ستيب و جبت الدرجة المطلوبة ، و حابه أقدم على الفصل الأول السنة الجديدة ( لأني حامل حاليا و التنقل صعب من الاحساء إلى الدمام ) فبعد الولادة بيكون الموضوع أريح لي . اللي جابه أعرفه هل تعرفون أحد معادل مقررات و يدرس تجسير بالكلية ؟ و كم سنة يدرسون ؟ و أوقات الدوام المحاضرات عادة من كم إلى كم ؟ و التدريب أي المستشفيات يدربون الطالبات فيها ؟ و هل أقدر أسجل بأي وقت في الإجازة الصيفية أو فيه وقت محدد ؟ و ربي يوفقكم جميعا و مشكورين |
رد: طالبات الغد الدمام بس
اقتباس:
شِفت شَباب كانُوا بالأكاديمية ودخُلوا المُستوى الرآبع أو الخَامَس < ماني متأكد بالضَبطْ والمُحاضرآت تقريباً من 8 >> 3 :004: بخصوص التدريب والله ماأدري , وبالإجازَة سجليّ برمضَان لأنهم يفتحُون أعتقد 9 بالليل , بالتوفيق أختيّ :106: |
رد: طالبات الغد الدمام بس
شكرا لك أخوي محمد
يعني يوميا المحاضرات إلى 3 العصر ؟ الله يعين عموما طمنتني و أنتظر البنات بعد يمكن عندهم اضافات (: |
رد: طالبات الغد الدمام بس
اقتباس:
لا تخافي أختي .. :icon120: صدقيني كل شيء سهل اذا كنت انتي تذكاري اول بأول :verycute: و كمانه أكيد بتتعرفي على بنات اذا بديتي دراسة و ان شاء الله تستمتعي و تستفيدي :biggrin: و بالنسبة للاختبارات الفاينل من كل المحاضرات معنا الا اذا المس حذفت منهم شوي :(107): و المسات تقدري انتي تكسبيهم بتعاملك :sm4: و الأدب و الحضور الدائم للمحاضرات في الوقت المحدد :biggrin: و بالتوفيق أختي :004::106: |
رد: طالبات الغد الدمام بس
اقتباس:
|
رد: طالبات الغد الدمام بس
مشكورين بنات على الردود ....
اذا كل المحاضرات بموووووت كذا خاصه اني على وجه ولاده ... يمكن اسبوع او اسبوعين وانا والد .. الله يعيني بنهلك هالترم هلاك بحياتي ماشفته ... اللي تسال عن التجسير ... ايواا فيه بنات درسوو تجسير ... وعلى حسب المعادله يحطونك بالليفل .. و بالنسبه للمستشفى ( مافي مستشفى محدد ) |
رد: طالبات الغد الدمام بس
يعطيكم العافية
طيب لو أنا بدرس أول ترم على حسابي أقدر أسجل من الآن ؟ و أدفع رسوم التسجيل ؟ ما أحب أيام الزحمة \: لأني أتوقع منح التجسير للمستجدين يشترطون الشهادة ما تزيد عن ثلاث سنوات فقط و انا كملت خمس من تخرجت .. فمو مشكلة ادرس على حسابي اول ترم لكن التسجيل ودي أضمنه . و لأني أبغى أعرف وضع المعادلة بعد و من أي مستوى راح يخلوني أبدأ . و هل فيه مقابلة شخصية أو اي اجراءات غير الفحص الطبي . و لو فيه وحده تمر قسم القبول هاليومين إذا مداومين تسأل بخصوص تسجيل الدبلوم بكون لها من الشاكرين و سؤال أخير الكلية كم تبعد عن محطة القطار ؟ و شنو اسم منطقة الكلية و المناطق القريبة منها ( ابي ارتب أموري ) |
رد: طالبات الغد الدمام بس
تبعد قولي ثلث ساعه.. يعني مو مره بعيده
بالنسبه للمعادله يعادلون المواد اللي جايبه فيهم a b c اقل من كذا ماتتم المعادله ويخلونك تعيدي. الماده. يعني هووو على حسب موادك مانقدر نحدد بالنسبه للتسجيل مايياخذونك الحين لازم وقت التسجيل بس غيره انسي يقبلونن وما يمشونك بعد انا اليوم هناك وجات واحد تحاول فيهم عشان تسجيل ارفضو وبقوه يعني مالك الا تصبري لين. يفتح التسجييييل وتجين تسجلين ولا تستعجلي اصبري شوي.. |
رد: طالبات الغد الدمام بس
صديقتي من الاحساء وبتجي تدرس الترم الثاني تحويل..
عشانها راحت تدرس بالررياض وبتاخذ سكن طالبات بعدين ان قدمتي و اقبلوك نشوف ترتيبات ثانيه تطمني وريحي هالترم ولا تشغلي. بالك،؛؛ يعني على رمضان كذا او شوال ييفتح التسجيل تعالي سجلي مع كامل اوراقك وايضا فيه بنت اعرفها تبي تقدم وقدمت تجسير ورفضوها عشان اختبار التوفل اقل من المطلوب قالو. عيديه. وعقب تعالي قدمي.. مقابله شخصيه يسووون وفحص طبي لازم وبس.. |
رد: طالبات الغد الدمام بس
يعطيك العافية أمطار
أنا بعد بكون على وجه ولادة بداية الفصل الاول السنة الجديدة بإذن الله و ربي يسهل عليك و علينا و نتجاوز المرحلة بالإنجاز تحياتي |
رد: طالبات الغد الدمام بس
بنات كلية الدمام
أنا سجلت الاسبوع اللي طاف ولحد اللحين محد رد علي، وانا خايفه ان رقمي غلط وانا ساكنه بالجبيل ومشوار اروح أسأل بس وأخر شي أتفشل:/ وأبي أحد يساعدني ويسأل لي اذا بيداوم بكرا؛( و جربت أدق ولا رقم رد علي ؛( |
رد: طالبات الغد الدمام بس
القبول خلص.. ودام محد دق لك يعني ماقبلوك
مالك الا الاحد بمراسال لك عطيني بياناتك واسال لك اذا تحسي مشوارروكذا وصدق تعب عليك تجينن كل يوم من الجبيل شوفي لك سكن طالبات احسن واريح :) |
رد: طالبات الغد الدمام بس
انا جربت من اول اولد وانا ادرس جد تعب كان وهلاك لو ما امي ساعدتني كان وربي مانجحت
وتوقعت اجيب معدل هابط. والحمد لله جبت معدل 4 هالترم مدري كيف مع اطفال اثنين احس جبت الشقا لننفسي بس ربي يسهل وتعدي الامور على خير واتمنى اولد. هالاسبوووووع عشان لا يفوتني كثير مع الغياب بس لو ولدت بنص الدراسه بيفوتني اشياء مهمه |
رد: طالبات الغد الدمام بس
اقتباس:
تدرين كلامك هذا فيه رسَالة لكُل اللي مايشد حيله انتي ماشاء الله عندك ظروف صعبة وماشاء الله معدلك زين , طيب انتي عادي مثلاً تأجلين ترم؟ |
رد: طالبات الغد الدمام بس
ايه.. عادي ااجل ترم
ولكن مابي ااجل ترم ابي اكمل واخلص ... لا للتاجيل.. ازمه وتعدي. وامي و زوجي جنبي يساعدوني مايقصرون ان شاءالله.. |
| All times are GMT +3. الوقت الآن حسب توقيت السعودية: 03:12 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه