[فرع جدة ] : [ تم تعديل العنوان ] كم عدد الساعات الذي يقبلها النظام في الفصل الدراسي الواحد؟؟؟

[Without_name]

السلام عليكم ورحمة الله وبركاته
صباح الخير للجميع

أتمنى تفيدوني بالذات اللي يدرس في فرع جده ،، كم عدد الساعات الذي يقبلها النظام في الفصل الدراسي الواحد؟؟؟

وهل فيه احد بيدرس اكتر من 21 ساعه في الترم ....
اتمنى من الجميع يدخل ويكتب كم عدد الساعات اللي بيدرسها في الترم وبالأخص تبع فرع جده!!!!!


انا عندي مشكله في تسجيل المواد والمفروض اني اتخرج الترم الجاي بس بسبب هدي المشكله راح اتخرج السنه الجايه، وما اقول غير حسبي الله على كل دكتور ودكتوره في الكليه من العميد الى اقل مسؤول في الكليه.


اذا فيه احد كانت عنده مشكله في تسجيل المواد وحلها يدلني راح لمين وايش سوا اذا سمحتو بعد اذنكم.......

[الــغــد]

بالنظام 18 ساعة وإذا على وشك التخرج تقدر تاخذ 21 ساعه بالراحه

[Without_name]

المشاركة الأصلية كتبت بواسطة الــغــد

بالنظام 18 ساعة وإذا على وشك التخرج تقدر تاخذ 21 ساعه بالراحه

اخي الفاضل ، انت قلت النظام 18 ساعه وعندنا يقولوا اكثر من 20 ساعه مايقبل وانا ادرس 21 ساعه وغيري فنفس التخصص وفنفس الفرع بجده وفي مستويات مختلفه اللي ياخذ 25 ساعه واللي ياخذ 26 ساعه واللي 24 ساعه وغير اللي عدد ساعاتهم 22 ساعه في المستوى الخامس وكمان محملين مواد يعني اذا مادتين نشوف كم عدد ساعة كل ماده تقريبا وحده 4 ساعات والتانيه يا 4 ساعات او 3 واحسبها مع 22 ساعه ممكن تطلع 30 ساعه !!!!!!!

طبعا كل مجموعة من الطالبات ينزل اسمها من بداية السنه عند مرشده طلابيه معينه على اساس انها تسجل المواد وتنسق الجدول والساعات المطلوبه في الترم، فكل مرشده تسوي على كيفها والعميد والعميده عارفين كل شي ولكن يستخدموا قاعدة ( لا أرى لا أسمع لا أتكلم )

وللأسف الضحيه الطالبات، ولمن تجي وحده تبغى حقوقها الدراسيه يقولو لا النظام مايسمح .

للأسف المفروض نتعلم الأخلاق الحميده منهم لكن بيعلمونا النفاق والكذب والظلم وقول الزور والغش وهذا كله لغرض واحد فقط وهو غرض مادي ،، نسوا مراقبة الله لهم والفلوس اعمت عيونهم وصدورهم وقلوبهم .
حسبي الله ونعم الوكيل
حسبي الله ونعم الوكيل
حسبي الله ونعم الوكيل

ممكن افهم واعرف هذا اي نظام اللي بتستخدموا الكليه ... امحق نظام شفته فحياتي
اللي اعرفه لمن احد يجي يقول النظام مايقبل اكثر من 20 ساعه معناته لو كانت عدد الساعات 20.5 مايقبلها حتى النص هذي مرفوضه .



من اليوم اللي دخلت فيه الكليه ماشفت انظمه صحيحه ولا شفت احد يمشي على النظام والقرارات كل مين يسوي على كيفه ونحن ضحايا.

[انسان أنا]

كم ساعة باقية لكي عالتخرج؟

[Without_name]

والله ما ادري كم بالضبط لأنهم مايقولولنا كم عدد ساعات السميستر ، حتى البروشورات اللي وزعوها من البدايه تبع كل قسم كان مكتوب فيها جداول السنين كلها بالمواد وعدد ساعاتها بس اتغير كل شي وما غيروا البروشورات ولا نعرف شي.
اقلك مافي نظام ولا ترتيب لأي شي ، هذا الترم اتعدلت شويه الكليه والحمدلله صارت تنزل جداول للاختبارات، ولا العام وقبل العام وقبلو ماكانت تنزل جداول للامتحان غير في الفاينل اما الميد تيرم ماتنزلها جداول نحن نجري ورا دكتورة كل ماده ونسأل. الله يخارجني منها على خير بس ياخوفي ماتطلع معتمده دوليا ولا شي ، شكلها بس دعايه انها معتمده دوليا-- اساسا مانفتحت الا عشان استثمار وماده قبل اي شي ثاني.

[انسان أنا]

الاعتراف لأي جامعة أو كلية يأخذ وقت وهذا أمر معروف فأكيد أن الكلية لم تحصل على كل الاعترافات لكن الاعتراف بها أتوقع أنه يزداد

لم تجيبيني على سؤالي، كم ساعة باقية لك عالتخصص؟
على الأقل بالتقريب أو المواد الباقية لكي واكتبي جنبها العدد التقريبي للساعات ...

التغيرات اللي حدثت للخطط الدراسية محدودة وأغلبها في الطوارئ

[دحمي طواريء]

حنا حاليا ناخذ 20 الترم هذا والترم الجاي 22 ساعه ونخلص

[sσмєσиє]

الحد المتعارف عليه نظامياً هو 18 ساعه بالترم .. بس بإستطاعتك طلب 21 ساعه بالترم .. و كذلك يمديك تنزلين 23 الى 24 ساعه بالترم بس بشروط منها ( يكون عندك ريكومنديشن (توصية أو تزكية ) من بعض الدكاترة - يكون معدلك على الاقل على الاقل 4 فما فوق من 5 ) وبعد الشيء هذا كله يعود القرار الى رئيس القسم و العميد .