|
استفسار هام
السلام عليكم عندي استفسار بسيط ياليت احد يقدر يساعدني فيه انا من متخريج الثانويه الحديثين ونسبتي الحمد لله فوق 90% والمواد العلميه عندي كلها ممتازه ماعد بس اختبار القياس شوي نازل عندي تحت 70% هل من الممكن اني انقبل في جامعة الملك فيصل :mh19:
|
رد: استفسار هام
هلا أخوي مـ حـ مـ د .... بما أن نسبتك 90% فأكثر تستطيع التقديم على الطب ودخول المنافسة... بالنسبة لما ذكرته عن اختبار القياس .... إذا كنت تقصد القدرات .... فهي لها نصيب 30% من إجمالي النسبة المركبة... أما إذا كنت تقصد اختبار التحصيلي ... فكيف عرفت نتيجتك والنتائج لم تظهر... عموما التحصيلي عليه 40% من النسبة المركبة... سوف تظهر نتائج الأولاد السبت والبنات الأربعاء... يعني مثلا إذا كنت جايب بالقدرات منخفض وبالتحصيلي والثانوي عالي وحدة تكمل الثانية. تحياتي ... يارب وفقني للطب:Cry111: :s12:دعواتكم يا إخوان:s12: ... |
رد: استفسار هام
وليش ما تقدر تدخل جامعة فيصل وإنت عندك نسبة 90% فأكثر ...يا أخي مو إنت اللي لازم تخاف... خلي الخوف للي نسبهم 80% الله يعينهم... ولا أنسى أقولك أن جامعة الملك فيصل أعلنت ... أنها ستقبل جميع النسب لهذا العام... عدا الصحية 90% فأكثر .... والهندسة85% فأكثر للأولاد والهندسة95% فأكثر للبنات. تحياتي... :Cry111:يارب وفقني للطب :Cry111: :s12: دعواتكم يا إخوان :s12: |
رد: استفسار هام
هلا اخت مرجانه ريحانة اشكرك على الرد على استفساري ... اهاا انا فهمت من كلامك انه اذا جبت في التحصيلي نسبه عاليه مع نسبتي حق الثانويه بيكون انه الاثنين يشيلون القياس طيب يعني لاسمح الله ما جبت عدل في التحصيلي ونزلت تحت 70% ... مثل ما نحط احسن الأحتمالات نحط اسوأ الأحتمالات .. شنو بيكون الموقف برايك :s12: انشاء الله تنقبلين في دخول تخصص الطب وتصيرين دكتوره :s12: |
رد: استفسار هام
اقتباس:
هل اكيد انها تقبل جميع النسب؟؟!! طيب انا نسبتي 75% علمي هل يمكن تقبلني جامعه الفيصل في احد التخصصات؟؟ والله يوفقك تحياتي |
رد: استفسار هام
هلا أختي الحائرة ....:222g: هذا الكلام ليس كلامي بل كلام مسؤول جامعة الملك فيصل....:no2: وأكد على ذلك الشيء ... وهو أنه جميع النسب مقبولة... طبعا إنتي كمان لازم تاخذين بالأسباب ... فهمتي قصدي؟؟؟:mh19: يعني لا تسجلي في تخصصات ذات نسب عالية...:000: وحتى لو ما انقبلتي في شي اسمه انتساب... يعني أحسن ما تجلسين بالبيت(بعيد الشر عنك) واعلمي أختي أن الخير فيما اختاره الله... وربي يوفقك...:s12: وأنتظر منك رسالة إذا انقبلتي...:066: ولا ما أستحق نصيب من البشارة؟؟؟:011: تحياتي... يارب وفقني للطب...:Cry111:....دعواتكم يا إخوان ... |
رد: استفسار هام
مرحبتين اختي مرجانه حيرانه
الله يجزاكي خير ويوفقك للطب وعقبال ما اشوفك احسن دكتوره في المملكه > ما فيه شي مستحيل:119:< بس انا قريت من ضمن شروط القبول في جامعه الملك فيصل في كل الاقسام ولقيت اقل نسبه في الاقسام تتطلب 77% فما فوق وبصراحه جاتني حاله احباط بعدها وانا كنت ناويه ادخل التصميم الداخلي في كليه العماره والتخطيط ولقيتها تتطلب نسبه من 95% فما فوق وجاتني صدمة قووويه:s12: :bngo12: والله ان ودي بالتصميم وابشري انك اول وحده بتدري اذا انقبلت بس دعواتك:g8: تقبلي تحياتي |
رد: استفسار هام
انشاء الله ننقبل في التخصصات الي نبيها ادعي الله يوفقك مرجانة ريحانه و الحائره
الله يوفقكم انشاء الله ويفقنا لا تنسووون تبشرووونا بنتايجكم اول ما تطلع وربي يعطيكم على قد نياتكم ..... لا تنسونا بالدعاء :119: |
رد: استفسار هام
مرجانه ريحانه ابي اقول لك اهو صحيح انه الجامعه قالت بتاخذ كل نسب الثانويه العامه بس تتوقعين ما راح يكون اهناك قوة تنافس
على التخصصات الطبيه .. طبعا راح يكون بحكم قوة جامعة الملك فيصل وبحكم ان التخصصات هذي مطلوبه الحين في البلد و الشي الي يضايق الواحد ان الان صارت نظرة الجامعات الى الثانويه مثل شهادة ابتدائي وصارة نظرة القدرات والتحصيلي اهي الاقوى طيب المفروض تكون نظرة جامعة الملك فيصل الى المواد العلميه بشكل كبير اذا تبي تحكم على مستوى الطالب وانا سمعت ان الجامعة تسوي اختبار للطلاب المقبولين .. ليش ما تقوم الجامعه بقبول جميع الطلاب الي نسبهم من 90% وطالع في الطب وتسوي لهم كلهم الاختبار كذا راح تتضح الصوره بشكل كبير للجامعه بس ان يعتمدون على اختبار قياس وهو يتكون من كمي ولفظي يعني ( رياضيات - عربي ) ما اتوقع جامعة الفيصل في تخصص الطب تحتاج ذا الاختبار وجهة نظري هذي نروح للاختبار الثاني التحصيلي الصراحه هذا اختبار تحتاجه جامعة الملك فيصل بسبب وجود المواد العلميه في هذا الاختبار ليه ما يعيدون النظر في احتساب النسبه الموزونه عشان تكون الفرص متكافئه يمكن واحد يجيب في الثانويه عالي وفي القياس نازل والتحصيلي نازل وتروح السنوات الي درسها هبا منثورا ...المقصد من السنوات ما يقارب 13 سنه دراسه :t1: وتروح كذا ما اتوقع هذا شي بيساعد او بيخلي الطالب يوصل الى اعلى المراكز والطموحات ... مع تحياتي لكم وشكري وامتناني ونسأل الله التوفيق لنا وحنا جالسين ننتظر ساعة الفرج متى الله يفرجها علينا ( الصبر مفتاح الفرج ) :119: :119: |
| All times are GMT +3. الوقت الآن حسب توقيت السعودية: 10:52 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه