سؤال عن التسجيل ..؟؟
 

السلام عليكم


لما سجلت في الجامعه وحطيت الرغبات ماكان من ضمن الرغبات الموجوده كليه العلوم الخاصه بالجامعه مو الي كليه

العلوم للبنات بالدمام فهل فيه ولالا ؟؟

وهل اقدر اغير الرغبات ولالا ؟؟


وعندي سؤال بعد لما سجلت وخلصت كاتبين تاريخ انشاء الطلب 15 رجب وهو 16 رجب فهل هذا الشي طبيعي ولالا؟؟؟

ارجوكم ردوا عليي

رد: سؤال عن التسجيل ..؟؟
 

ولاحظت من ضمن شروط القبول

لا يحق للطالب أو الطالبة التقدم لأكثر من كلية في نفس الجامعة.

واني سجلت في اكثر من كليه لنفس الجامعه فهل اغير رغباتي ؟؟؟؟؟؟؟؟؟

رد: سؤال عن التسجيل ..؟؟
 

ليش ماحد رد على اسئلتي

ارجوكم حد يرد برد مؤكد ويطمني بليزززززز :Cry111:

رد: سؤال عن التسجيل ..؟؟
 

والله ماعندي خلفية بس أن شاء الله يجي المدير ويرد

رد: سؤال عن التسجيل ..؟؟
 

و عليكم السلام

Angle
قبل كل شي لا بد تفرقين بين :
1/ كلية العلوم الموجودة في الجامعة .. في الحسا
2/ كلية العلوم للبنات بالدمام

عموماً ،،
لو ضغطتي على تم إكمال الطلب .. ما رايح تقدرين تعدلين عليه
و لا فيه حل غير أنك تحذفين الطلب و تعملين طلب جديد
و لو حذفتيه .. لا تسجلين نفس إسم مستخدم القديم
لابد تحطين أسم مستخدم جديد يختلف عن القديم

هم كاتبين كذا من ضمن التعليمات :
لن تتمكن من تعديل بياناتك بعد الضغط على زر تم اكتمال الطلب وفى حالة الرغبة فى اكمال الطلب لاحقا اضغط على زر إنهاء فى وقت لاحق

اي عااادي
لا تقلقين أختي
التاريخ هم من النظام نفسه .. من برمجته
فعادي ممكن بعض الأحيان يكون التاريخ متقدم بيوم أو متأخر بيوم
فلا تقلقين بهذا الخصوص :119:


أهم شي تكون الثلاث الكليات مختلفات
يعني مثلاً تسجلين في :
1/ كلية العلوم للبنات بالدمام
2/ كلية العلوم بالأحساء
3/ كلية العلوم الزراعية و الأغذية بالأحساء
عادي ما فيه مشكلة .. :119:

هم قصدهم من قبل ما تنضم كليات البنات بالشرقية و كليات المعلمين و كليات العلوم الصحية إلى جامعتنا .. كانوا الطالبات يسجلن في كل كلية
يعني يروحون الجامعة و يروحون كلية التربية للبنات بالأحساء - الاقسام العلمية و يروحون كلية المجتمع للبنات بالأحساء و غيرها ... علشان يسجلون
بس ألحين كل الكليات أنضمت لجامعتنا

و ما فيه حل غير أختيار الرغبات

هم كاتبين من ضمن التعليمات :
ستتاح الفرصة للطالب اختيار ثلاث رغبات (كليات) وفيما يخص الطلاب والطالبات الذين يختارون الكليات الصحية كرغبة اولى فيجب عليهم عند اختيار الرغبة الثانية والثالثة ان تكون من غير الكليات الصحية وفي حالة التقديم على الكليات الصحية كرغبة ثانية أو ثالثة فإنه لن يتم النظر الى هذه الرغبات.
على هذا الرابط :
http://www.kfu.edu.sa/ad%2D1429/1st.asp

يعني لو حطيت رغبتك الأولى كلية صحية ..
لابد تكون رغبتك الثانية و الثالثة عبارة عن كليتين غير صحيتين

رد: سؤال عن التسجيل ..؟؟
 

مشكور اخوي ادمن على مرورك

انا لما سجلت حطيت الرغبه الاولى طب والرغبه الثانيه والثالثه حطيتيها لنفس الكليه الا هي كليه العلوم للبنات بالدمام بس غيرت

التخصص الرغبه الثانيه علم الحيوان والرغبه الثالثه حطيت كيمياء وانا الحين ماابي الغي طلبي فهل طلبي صحيح ولالا ؟؟

طيب لو فكرت الغي الطلب واضع الرغبه الثانيه كليه الصيدله فهل طلبي صح

رد: سؤال عن التسجيل ..؟؟
 

Angle
العفو أختي
إن شاء الله طلبك صحيح ..
ما له داعي تلغينه و تفتحين جديد :119:

لا ما يصلح :000:

هم كاتبين من ضمن التعليمات :
ستتاح الفرصة للطالب اختيار ثلاث رغبات (كليات) وفيما يخص الطلاب والطالبات الذين يختارون الكليات الصحية كرغبة اولى فيجب عليهم عند اختيار الرغبة الثانية والثالثة ان تكون من غير الكليات الصحية وفي حالة التقديم على الكليات الصحية كرغبة ثانية أو ثالثة فإنه لن يتم النظر الى هذه الرغبات.
على هذا الرابط :
http://www.kfu.edu.sa/ad%2D1429/1st.asp

يعني لو حطيت رغبتك الأولى كلية صحية ..
لابد تكون رغبتك الثانية و الثالثة عبارة عن كليتين غير صحيتين

رد: سؤال عن التسجيل ..؟؟
 

مشكور اخوي خلاص ماراح الغي طلبي راح اخليه مثل ماهو

وانشاء الله يقبلوني

يعطيك الف عافيه

رد: سؤال عن التسجيل ..؟؟
 

يعطيك العافية