|
سجلت في جامعة الملك فيصل بالغلط ابغى الدمام؟
بنأت انا ابي ادخل كلية الاداب بالدمام واذا مادخلتها ابي كلية التربيه بالجبيل طيب
رحت سجلت بموقع جامعة فيصل وحطيت الرغبه الاولى كلية الاداب والرغبه الثانيه كلية التربيه ع اساس انها الليي في الجبيل توني ادري ان فيه كلية تربيه هنا بالدمام واصلا مافي خيارات غير هذي الباقي مكتوب برسوم المهم توني الحين اكتشف ان في موقع اسمه جامعة الدمام وفيه تسجيل اه ببكي شالسالفه التسجيل لكلية الاداب بأي موقع تسجيلي صح ولا لا؟؟؟ وين القى نتيجتي انقذونني؟؟؟؟ |
رد: الحقوني جبت العيد بنفسي ؟؟؟
كليه التربيه اللي بالدمام توها فاتحه هذي السنه وهي موجوده في جامعه الدمام
اما فيصل فهي التربيه اللي بالحسسا اتوقع مابعد تطلع النتائج لفيصل جامعه الدمام انتهى التسجيل |
رد: الحقوني جبت العيد بنفسي ؟؟؟
لا لاتقولين يعني انا الحين سجلت بالحسا؟؟؟؟؟؟
لا بنتتتتتتتحر بليز ردو اكدووولي الكلام راح علي التسجيل مو معقوله اقعد سنه ثانيه بالبيت؟؟؟؟؟ لاااأأأ |
رد: الحقوني جبت العيد بنفسي ؟؟؟
اتوقع
لانه فيصل بالحسا وجامعة الدمام بالدمام انفصلوا العام طيب سجلي بكلية الجبيل الجامعية |
رد: الحقوني جبت العيد بنفسي ؟؟؟
انا ع اساس يقولون انهم نفس الجامعه والله شي يقهر المشكله اني قاعده السنه اللي راحت بالبيت ومستحيل اقعد السنه ذي بعد
ومستحيل بعد اروح الحسا يعني الجبيل اهون بكثير الحين تكفون قولولي شسوي والله مدري عن شي وماعندي احد يساعدني؟؟؟؟ |
رد: الحقوني جبت العيد بنفسي ؟؟؟
ووشهي كلية الجبيل الجامعيه بعد؟؟؟
هي نفسها كلية التربيه؟؟؟ |
رد: الحقوني جبت العيد بنفسي ؟؟؟
ياناس ردو حسو شوي اف والله قهر طيب مافي طريقه اسويها أو اي شي ساعدووني
|
رد: الحقوني جبت العيد بنفسي ؟؟؟
اقتباس:
ان نفس الطريقه سجلت احد الطالبات بجامعة الملك فيصل وكنت ابي كلية التربيه باالحفر وبااالاخير اكتشفت ان كلية التربيه تبع جامعة الدمام وليس الملك فيصل وكثير من الطالبات صار لهم نفس الغلط لان مافصلو جامعة الدمام عن الملك فيصل الي قريب ومحد عنده خبر وهاذى الي لخبط الطالبات لكن انا مثلك محتار تابعي موقع جامعة الدمام ممكن يفتحون التسجيل ثاني مره او سجلي انتساب (( التعليم عن بعد )) بجامعة الدمام وطنشي جامعة الملك فيصل والله يكون في عونك |
رد: الحقوني جبت العيد بنفسي ؟؟؟
مشكوور اخووي ع الرد بس انا مابي انتساب
مافي طريقه.ثانيه يعني مثلا سمعت اني ادرس بالحسا مثلا اسبوعين وبعدها اقدم نقل على كلية الاداب بالدمام صح ولا لا واذا لا مافي طريقة ثانيهه ؟؟؟؟؟ |
رد: الحقوني جبت العيد بنفسي ؟؟؟
كان تأكدتي ياقلبي
ماتشوفين نكتب جامعة الدمام او جامعة فيصل تسجيل بالدمام مافيه مرة ثانية جامعة الجبيل لا مو مثل كلية التربية جامعة الجبيل مو تبع جامعة الدمام وفيها تخصص انجليزي وادارة اعمال للاداب وبيخلص التسجيل بكرى وهذا الرابط التسجيل http://www.ucj.edu.sa/Index.aspx سجلي فيها اذا حبيتي او انتسب في جامعة الدمام اي سؤال انا حاضرة |
رد: الحقوني جبت العيد بنفسي ؟؟؟
ضغطت تمت الاجابه بالغلط معليش بس انا للحين ابي مساعده ومشكوورين
|
رد: الحقوني جبت العيد بنفسي ؟؟؟
حبيبتي بالنسبة لسؤالكِ
انا ماسمعت تدرسين اسبوعين سمعت تدرسين سمستر وتحويل على جامعة النظام من خلال نظام زائر |
رد: الحقوني جبت العيد بنفسي ؟؟؟
مشكوره ياهدوء النفسج شكلي بسجل فيها بس أبي اعرف اكثر عنها شلون قبل يخلص التسجيل؟؟؟
|
رد: الحقوني جبت العيد بنفسي ؟؟؟
اها لا الصراحه مأقدر اتحمل ادرس بالحسا اكثر من اسبوعين خخخخ
ابي الاداااب يارب اكتب لي الخير طيب ع الاقل الجبيل بس شسالفتها عشان ماألخبط؟؟ |
رد: سجلت في جامعة الملك فيصل بالغلط ابغى الدمام؟
حبيبتي
اهي جامعة بالجبيل بكالريوس وفيها مكافأة والدراسة بالانجليزي خمس سنوات سنة تحضيرية وبعدها التخصص وتخصصات للادبي مثل ماقلت لك ادارة اعمال وانجليزي وشنو تبين بعد تعرفين عنها ..! |
رد: سجلت في جامعة الملك فيصل بالغلط ابغى الدمام؟
كلمت وحده اعرفها قالت عادي انتظر الدفعه الثانيه واسوي تنشيط وبيودوني لكية الاداب صح ولا لا؟؟؟؟
|
رد: سجلت في جامعة الملك فيصل بالغلط ابغى الدمام؟
الدراسه بالانجليزي ؟؟؟؟
لا شلووون بفهم بس قولولي اذا نشطت الطلب انقبل بالاداب عادي؟ ويقولون فيه تسجيل عن طريق موقع قياس للكليات صح؟ |
رد: سجلت في جامعة الملك فيصل بالغلط ابغى الدمام؟
اللي كلمتيها شنو قلتي لها
اذا ماقدمتي اوراقك يروح عليك التسجيل انا العام ماوديت اوراقي للدمام وانلغى تسجيلي بعدين والأهم انتي اصلا ماسجلتي بالدمام فكيف تجين لازم تحويل من الحسا للدمام واذا عندك واسطة تتسهل امورك :biggrin: ايه عادي تفهمين بيدرسونك سنة تحضيرية كلها انجليزي :biggrin: مااعرفه موقع قيااس والله |
رد: سجلت في جامعة الملك فيصل بالغلط ابغى الدمام؟
اذ كنتي ماتبين تدرسين باالحساء وطافك التسجيل بجامعة الدمام ماعندك غير خيار واحد ممكن يكون افضل سجلي انتساب بجامعة الدمام وبعد سنه حولي انتظام باالمكان الي تبينه هاذى الي سمعته |
رد: سجلت في جامعة الملك فيصل بالغلط ابغى الدمام؟
طيب في وحده ثانيه قالتلي اخلي واحد يروح لادارة الجامعه الرجال وافهمهم اللي صار وبيقبلوني صح
ومشكووورين ع الرد بس اذا تعطوني رقم احد اكلمه بالجامعه تسوون خير |
رد: سجلت في جامعة الملك فيصل بالغلط ابغى الدمام؟
عطوني رقم احد بالكليه اكلمه طيب
|
رد: سجلت في جامعة الملك فيصل بالغلط ابغى الدمام؟
لوراحلهم احد وشرح الموضوع تتوقعون ينفع؟؟؟
|
رد: سجلت في جامعة الملك فيصل بالغلط ابغى الدمام؟
لاحول ولاقوة الا بالله
|
رد: سجلت في جامعة الملك فيصل بالغلط ابغى الدمام؟
ياقلبي :000:
انتهى التسجيل في جامعة الدمام يوم الاربعاء واليوم اعلنو عن الدفعه الاولى بالنسبه لرقمهم ممكن تتصلين على رئيس قسم شؤون التسجيل أ. عبد الله الشاهين مكتب: 8577000/03 تحويله 2294 مكتب مباشر: 8573960/03 تحويله 19 * كذلك توجد لجنة للقبول ترد على استفسارات الطلاب وأولياء الأمور في مبنى كلية العمارة والتخطيط (700) |
رد: سجلت في جامعة الملك فيصل بالغلط ابغى الدمام؟
الله يكون في عونك روحي للكليه او خلي احد يروح من اخوانك او خشي قوقل وابحثي عن ارقام وموقع او منتدى جامعة الدمام انا عندي نفس المشكله ولحد الان محتار اما اسجل الطالبه انتساب او بحث عن طريقه اخرى |
رد: سجلت في جامعة الملك فيصل بالغلط ابغى الدمام؟
طيب غريبه في وحده من صديقاتي كلمتها وقالتلي عادي اذا سجلت بجامعة فيصل بيودوني للدمام صح ؟؟
وانا دقيت ع ارقامهم بس مايردون ويعطيييييييكم العافيه |
رد: سجلت في جامعة الملك فيصل بالغلط ابغى الدمام؟
اقتباس:
اذا تم قبولك بجامعة الملك فيصل واردتي التحويل لازم تطبقين هذا الشرط اقتباس:
|
رد: سجلت في جامعة الملك فيصل بالغلط ابغى الدمام؟
^
صديقتي دقت على مدري من بالجامعه :biggrin: وقال لها عادي بس تجيبين 2ونص وعادي من سمستر واحد تطلبين تحويل |
رد: سجلت في جامعة الملك فيصل بالغلط ابغى الدمام؟
خلاصه الكلام لاتسمعين لا من فلانه ولا علانه
ماسجلتي مستحيل يقبلونك بجامعه الدمام الا انتساب أو واسطه غير كذا مستحييييييييييييييل جامعه الملك فيصل بالحسا غير الدمام تماما انتي الان مسجله بالحسا تقدرين تسجلين بجامعه الجبيل وتلحقين التسجيل تبين الدمام تحولين لها في حلول : 1- انتساب بجامعه الدمام ثم بعد سنه تحويل انتظام 2- تدرسين ترم في الجبيل او الحسا ثم تحولين لجامعه الدمام والله يوفقك ويسهل امرك غير كذا سواء راح حد او لا مابيقبلون لان قوانينهم صارمه |
رد: سجلت في جامعة الملك فيصل بالغلط ابغى الدمام؟
أغتنمي الفرصصه احسن لك مثل ماقال لحظه لان انا يوم تخرجت صار لي سنتين قالوا لي انتي ماراح ياخذونك لانك متخرجه من زمان :biggrin:
وهي كلها سنتين مالك الا هالحلول |
رد: سجلت في جامعة الملك فيصل بالغلط ابغى الدمام؟
جزاكم الله خييييير ع الرد
بنتظر نتايج القبوووول و مافيه الا انتساب .... ووشكرا.... |
| All times are GMT +3. الوقت الآن حسب توقيت السعودية: 02:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام