|
ممكن مساعد يا اخوان
السلام عليكم ورحمة الله وبركاته
((اخواني بغيت اسأل عن جامعة الملك فيصل )) أخواني انا خريجة كليه العلوم تخصص اغذيه والتغذيه بدرجة الدبلوم بمعدل جيد من دولة الكويت وحابه اكمل ولكن كوني سعوديه مقيمه بالكويت صار الاستكمال البكالريوس له شروط تعقيديه مع إني انضم تحت لائحة الابناء الكويتيات يعني(( إللي امهاتهن كويتيات)) إلا وواجهتني صعوبات فسمعت عن جامعة الملك فيصل و طريقة الانتساب بس ياترى لهم مركز او مقرات بالكويت ؟؟وهل يقبلون الطلبه الحاصلين على درجة الدبلوم؟؟ وشكرا |
رد: ممكن مساعد يا اخوان
الله يوفقك انشالله
من راي لو تكلمين الملحقيه الثقافيه اللي بسفارة السعوديه بالكويت رح يوجهونك او تشوفي فرع الجامعه اللي بالخفجي حتى لو تلفونهم اتمنى لو كنت اعرفه بس :icon9: بالتوفيق رفيعه :106: |
رد: ممكن مساعد يا اخوان
الجامعة ما تعادل شهادات الدبلوم
اذا حابه تكملين لازم تسجلين كـ طالبة مستجدة وتبدين من البداية علماً ان الانساب للتخصصات النظرية فقط :106::106::106: |
رد: ممكن مساعد يا اخوان
اختي رفعية الشاان
اذا كلام اخوي احمد هو الحال في جامعة فيصل والله انصحك تشوفين جامعه ثانيه حتى لو بالمراسله مثل البحرين او اي مكان اصرف لك وتتخرجين بدري بس مايمنع انك تتصلين بالجامعه بالتوفيق |
رد: ممكن مساعد يا اخوان
زين شنو التخصصات إللي يتم في الانتساب
اقصد شنو التخصصات إللي يسمحون لنا بدراسة عن طريق الانتساب وهل هناك تخصص في الجامعه اسمه التربية المتعلقه بتدريس ذوي الاحتياجات الخاصه للتوضح اكثر اقصد ((التربيه الخاصه )) وشكرا للجميع |
رد: ممكن مساعد يا اخوان
انا معاي دبلوك كلية تقنية ومسجل من جديد اي بالثانويه ماحسبو لي مدة دراسة الدبلوم الثلاث سنوات وبالنسبة للجامعه ليس لها مقرات بالكويت الخفجي الله واعلم وبالنسبة للتخصصات
لغة عربية انجليزي دراسات اسلامية اجتماعيات ادارة اعمال تربية خاصة |
رد: ممكن مساعد يا اخوان
شكرا لكل من ردوا ولهم كل الاحترام
بس ممكن احد يوضح لي شنو تخصص التربية الخاصه ياترى هو نفس إللي انا فاهم اني بعد التخرج اصير مدرسه لطلبة ذو الاحتياجات الخاصه إذا ما عليكم امر ممكن احد يعطيني نبذه تعرفيه عن هتخصص وشكراا واسفه ع الازعاج |
رد: ممكن مساعد يا اخوان
اخوان ارجوكم تساعدوني انا رحت لسفاره السعودي إللي بالكويت وما عطوني حل ارجوا المساعد وقالوا لي احنا ماعندنا معلومات بشي
|
رد: ممكن مساعد يا اخوان
اختي .. التربيه الخاصه هو احد التخصصات النظريه ويعني دراسة كل مايتعلق بخدمة ومساعدة الفئات الخاصه بالمجتمع ك فاقدي السمع والبصر والمتخلفين عقليا والمظطربين سلوكيا ومن لديهم صعوبات في النطق وكذلك الموهوبين
مجالات العمل وظائف اداريه في مجال التربيه الخاصه وظائف اشرافيه في مجال التربيه الخاصه وظائف تدريبيه في مجال التربيه الخاصه وظائف تعليميه في مجال التربيه الخاصه اي في مراكز التأهيل لذوي الاحتياجات الخاصه ونحو ذلك يعني مثل اللي انتي فاهمه .. واذا حابه تعرفين اكثر عن القسم ادخلي موقع جامعتنا قسم كلية التربيه وادخلي على التربيه الخاصه وشوفي الخطه والمواد .. وبالتوفيق :love080: |
| All times are GMT +3. الوقت الآن حسب توقيت السعودية: 11:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام