|
نأمل استكمال طلب قبولك
السلام عليكم ورحمة الله و بركاته
لما بدأ التسجيل في جامعة الدمام كنت من اوائل اللي سجلوا كانت رغبتي الاولى هي حاسب و بما انها لتخصص علمي فالاقرب لها >> علوم ادارية و انصدمت بالرغبات المسموحة لخريجي شرعي رغبتين فقط ! الرغبة الاولى و هي الدراسات التطبيقية و الى الآن معلوماتي عنها قليلة و الرغبة الثانية و هي دراسات قرآنية توقفت في مرحلة ادراج الرغبات و سجلت خروج و اليوم وصلتني رسالة على الايميل و الجوال هذا نصها نأمل استكمال طلب قبولك وإدخال رغباتك حتى لا يستبعد طلبك - جامعة الدمام كلمت الدعم المباشر امس و قال لي تواصل مع عمادة القبول رسلت لهم ايميل و الى الآن ما جاني رد منهم :icon9: طلبتكم اخواني و خواتي انصحوني شسوي ؟ ألغي طلب التقديم و الا ايش ؟ انتظر ردودكم مع خالص شكري و تقديري لكم :rose: |
رد: نأمل استكمال طلب قبولك
وعليكم السلام ورحمه الله وبركاته بالعكس اخوي قد ما تقدر قدم على الجامعات واكمل تسجيل ما تدري الخيره وين واذا تبي تعرف عن كلية الدراسات التطبيقيه اطلع هنا >> http://www.ud.edu.sa/DU/ar/colleges/...s_cs/index.htm ففيها التخصصات التاليه بعد اتمام السنه التحضيريه .. اللي هي برامج البكالوريوس : - تخصص المحاسبة - تخصص نظم المعلومات الإدارية - تخصص التسويق - تخصص إدارة الأعمال - تخصص العلوم المالية |
رد: نأمل استكمال طلب قبولك
الله يطمن قلبك اختي
بس انا سمعت يقولون ان الدراسات التطبيقية برسوم و شهادتها دبلوم مو بكالوريوس وبعدين اختي كيف يعني ادرس سنة تحضيرية و بعدين انا اختار التخصص و الا هم ؟ و شاكر لك اختي :rose: |
رد: نأمل استكمال طلب قبولك
العفو ويااك
ايه نعم في كلية الدراسات التطبيقيه برامج دبلوووم بالاضافه الى برامج الباكالوريس وهي بدون رسووم بل تاخذ مكافأه شهريه وبالنسبه لدراسة السنه التحضيريه اتوقع في هذي الكليه تكون سنتين تحضيري يعني المواد العامه للكليه تخلص منها في البدايه يسمونه البرنامج التأهيلي بعدين تتخص في السنه الثالثه والرابعه وطبعا انت اللي تختار التخصص لكن يعتمد على حسب المعدل اللي تجيبه في السنه التحضيريه والمعدل المطلوب في كل تخصص اطلع هنا>> أولا: البرنامج التأهيلي ثانيا: خطة برنامج البكالوريوس - نظم المعلومات الإدارية - المحاسبة - التسويق - إدارة الأعمال - العلوم المالية |
رد: نأمل استكمال طلب قبولك
متأكدة اختي بدون رسوم ؟ مو بعدين ابتلش ! :000:
و بخصوص برامج الدبلوم و برامج البكالوريس مافهمت يعني لي حرية الاختيار بينهم و الا كيف ؟ و هل بالامكان لو بغيت بعدين اقدر احول لكلية ثانية لدراسة الحاسب مثلا ؟ ادري تعبتك معاي معليش اختي تحمليني :rose: |
رد: نأمل استكمال طلب قبولك
قدم ومنت خسران شي اذا حصلت غيرها انسحب من جامعة الدمام
|
رد: نأمل استكمال طلب قبولك
اقتباس:
طيب لو حصلت غيرها اقدر انسحب نفس طريقة التسجيل و الا بعد روحة و جية و دوخة راس ؟ |
رد: نأمل استكمال طلب قبولك
لاعادي ايه نعم متأكده انها بدو رسوم فهي كانت اول برسوم لكن قبل 3 سنوات تقريبا صارت بدون رسوم وحالها حال الكليات الاخرى بالجامعه بالمكافأه واذا حاب تتأكد أكثر راسل عمادة القبول والتسجيل >> ar@ud.edu.sa // vd.grad@ud.edu.sa والدبلوم والباكالوريس يعني الكليه تعطي برنامجين برنامج دبلوم ويشمل التعليم المفتوح . الدبلومات المتوسطة والقصيرة. الدورات التدريبية المتقدمة. الدورات التدريبية المشتركة. الدورات التعليمية المبسطة. الدبلومات التأهيلية المتخصصة وفقاً لسوق المعمل دبلوم السكرتارية والنسخ الطبي وبرنامج الباكالوريس فالتخصصات اللي ذكرتها قبل اما بالاختيار بينهم ما اعرف اذا هي الدبلومات تطلع لكم في الرغباات بس انت اختار برنامج بكالوريس وبالنسبه للتحويل عادي تقدر بعد ما تخلص 24 ساعه او مستويين دراسيين |
رد: نأمل استكمال طلب قبولك
اقتباس:
كنت متحطم جدا جدا و ردك شجعني و حمسني كثير ربي يسعدك و يوفقك اختي ما قصرتي مليوووون شكرا لك و ما تكفي :rose: |
رد: نأمل استكمال طلب قبولك
اقتباس:
وبيعتبرون طلبك ملغي اما اذا وديت اوراقك عن طريق البريدد الممتاز تقدر تسترجعها بنفس الطريقه |
| All times are GMT +3. الوقت الآن حسب توقيت السعودية: 07:18 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام