|
اختى تم قبولها لكن؟؟؟؟؟؟؟؟؟؟؟؟
السلام عليكم
اختى تم قبولها فى المسار الصحى لكنها خايفة ؟ لأنها سمعت ان بعد السنة التحضيرية سوف يتم توزيع البنات على الكليات الصحية وهى تبى طب وتخاف يحطوها تمريض لآن النسبة الكبرى من اللى انقبلوا على المسار الصحى بيودوهم تمريض نظرا لكثرة المقاعد المخصصة للبنات فى هذا القسم. والسؤال :- هل من العدل ان احد ينقبل فى الجامعة بنسبة مركبة فوق 88 وفى الاخير يحطوه تمريض ويحتجوا عليه بالمعدل التراكمى حق السنة التحضيرية؟ ليش ما خلوا التمريض لحاله ؟ مثل جامعة الفيصل . يعنى حرام اتعب واسهر واجيب معدل عالى وفى الاخير الاقى نفسى ممرضة نسبتى المركبة اعلى من الدكتور اللى اشتغل معاه فى نفس القسم مع احترامى الشديد لمهنة التمريض ..يصير حالى من حال وحدة نسبتها المركبة 70 دخلت المانع ولا سعد ولا المواساة وفى الاخير تصير مثلى :017: لا احد يزعل من كلامى لكن هالقرار من جامعة الدمام غير مدروس ومحطوط بغباء كبير:017: اقل ما يقال عنه ان من وضعه لا يملك ادنى مقومات التفكير الصحيح |
رد: اختى تم قبولها لكن؟؟؟؟؟؟؟؟؟؟؟؟
ولييييييييش يعني مو كل واحدة جابت معدل حليو في القدرات جابته بمجهودهاا اغلبهم حظ
في ناس واجد انظلمو من القدرات وبدل ماتخاف خلها تشد وتجيب معدل حلو وعلية بتنقبل |
رد: اختى تم قبولها لكن؟؟؟؟؟؟؟؟؟؟؟؟
اقتباس:
|
رد: اختى تم قبولها لكن؟؟؟؟؟؟؟؟؟؟؟؟
الله يكتب لها الي فيه الخير
|
رد: اختى تم قبولها لكن؟؟؟؟؟؟؟؟؟؟؟؟
hebah777
كلامك عدل 100% من يقول ان القدرات حظ الحظ في القدرات ما يتجاوز 3% الحمدلله جبت معدل عالي في القدرات والتحصيل بمجهودي يمكن 4 او 5 فقرات بالكثير تخمين لان الوقت مايكفي واتوقع اني جاوبتهم خطأ مع احترامي للي جايبين معدلات نازلة بالقدرات والله اني حاسة فيهم والله يوفقهم ويوفق الجميع لازم نفهم ان المعادلة الموزونة اللي حاطينها الجامعات للقبول فيها من مصلحة الجميع والا كان صارت كلها واسطات وهذا يدخل اخته وذاك يدخل بنت اخوه وذاك ولد خالته والحبل على الجرار |
رد: اختى تم قبولها لكن؟؟؟؟؟؟؟؟؟؟؟؟
^
ليه الحين مافي واسطات ؟ اخوي بعمادة القبول والتسجيل .. 20% من الي داخلين هم بالواسطة وامام عينه عن طريق العميد :) |
رد: اختى تم قبولها لكن؟؟؟؟؟؟؟؟؟؟؟؟
وعليكم السلام والرحمه
كل ما جابت معدل مرتفع في السنه التحضيريه كان لها الاولويه في القبول بتخصص الطب وموفقه باذن الله تشد حيلها وربنا ييسر لها والخيره فيما اختارها الله والحمد لله انها انقلت في غيرها ما انقبلوا نهائي بالتوفيق :119::rose: |
رد: اختى تم قبولها لكن؟؟؟؟؟؟؟؟؟؟؟؟
ابحث عن جواب
تراك خوفتني يعني والتعب اللي تعبناه يجي واحد ياخذه عينك عينك اتوقع الواسطة صعبة مو بهسهولة يمكن فيه بس قلة قليلة جدا |
رد: اختى تم قبولها لكن؟؟؟؟؟؟؟؟؟؟؟؟
^
هذي الحقيقة الي يدخل البيانات يستطيع ادخال كل من يطلبه عميد القبول ولذلك عدد كبير خاشين بالواسطة |
رد: اختى تم قبولها لكن؟؟؟؟؟؟؟؟؟؟؟؟
حتى لو فيه واسطات المستحقين بناء على النسب بيدخلون، لكن بتقل فرص الي تحت النسب
عموما لو هي فوق نسبة المسار الصحي مثل ماقلتي لا تخاف خل تثبت احقيتها بالتحضيري وفكرة المسارات مو السعودية اول من فكر فيها بالعكس هي منطقية ومعطية فرصة للناس خصوصا إن بالدول الثانية فيه قدرات خاصة بالطب وخبرات ووو يعني الثانوي وحده مايثبت الأحقية فيه ناس تجيك من ثانويات اهلية وماخذة نسبة عالية يعني باختصار سالفة المسارات هي السنة الجاية بتشوف انها جيدة لأن التمريض مثلا مظلومين العام كانوا 83 مركبة قبولهم اقل من الإدارة والطب كان 91 |
رد: اختى تم قبولها لكن؟؟؟؟؟؟؟؟؟؟؟؟
مهندسة
اللي يجي من ثانواية اهليه او بمعنى اصح المدفوف في الثانوية يطيح في القدرات والتحصيلي وينكشف عشان كذا زين حطو القدرات والتحصيل |
رد: اختى تم قبولها لكن؟؟؟؟؟؟؟؟؟؟؟؟
بالعكس السنة التحضيرية هي اللي تحدد اذا الشخص يستاهل يروح طب ولا لا
الطب يبي له شطارة مو اي أحد يصلح واذا اختك تبي تلعب من اولها ماتجيب معدل فهي في تخصصات اخرى افضل لأن الطب معروف لازم نباهه ومذاكرة وكرف دراساته تستمر مو ياخذ الشهادة ويتوظف وخلاص لا هذا علم مستمر وهذي أرواح ناس وأنا أشوف ماله علاقة القدرات والتحصيلي لأن مافيها ولاسؤال عن الطب أصلاً حتى شرطتي نسبتك بالطب وحكمتي على اللي جايبين نازل بالتمريض أو غيره نقي الحسد اللي في قلبكـ والله يوفقكـ |
رد: اختى تم قبولها لكن؟؟؟؟؟؟؟؟؟؟؟؟
العنود نفس كلامي اؤيد القدرات جدا
لكن لو كانت قدراتي عالية ورحت مدرسة اهليه بأحصل مركبة اعلى من الي حصلها بحكومية صح ولا لا؟ هنا يجي دور التحضيري ينصف اكثر واكثر .. عموما لو فيه مقاعد اكثر وجامعات كان سلمنا من سالفة ليه وليه |
رد: اختى تم قبولها لكن؟؟؟؟؟؟؟؟؟؟؟؟
اقتباس:
|
رد: اختى تم قبولها لكن؟؟؟؟؟؟؟؟؟؟؟؟
مهندسة
ومن قال لك ان فيصل مافيها تحضيري فيصل فيها سنة اولى تحضيري للطب وناس ما تمشي ويحولونهم كليات ثانية انا اعرف ناس حولوهم السنة كليات ثانية انا اقصد ان اللي ما يمشي في القدرات والتحصيل صعبة يمشي في الطب الطب مو لعبة شوفيهم موزوناتهم +90 وبعضهم ما يمشي بالسنة التحضيرية فما بالك بل 80 او 75 او حتى 70 وتبي طب بالله عليك كيف تمشي وهذي موزونتها خلونا نتكلم بعقل مو عواطف او ليش خفقنا في القدرات والتحصيل ونبي نفتل عضلاتنا ملاحظة/الكلام هذا مو قاصدة احد فيه والشاهد علي ربي بس اللي على راسة بطحة يتحسس موفقين |
رد: اختى تم قبولها لكن؟؟؟؟؟؟؟؟؟؟؟؟
مدري شلون فهمتي اني ضد القدرات والتحصيلي؟
انا كنت احاول اقنع الأخت بجدوى المسارات في السنة التحضيرية جامعة الدمام فيها تحضيري طب بعد بس نادر الي يحولونهم الغالب يكونون مستحقين لان مركبتهم عالية لكن الحين المركبة نزلت كثير |
رد: اختى تم قبولها لكن؟؟؟؟؟؟؟؟؟؟؟؟
وبعد صعبة كل المقبولين والمقبولات في المسار الصحي يكون تخصصهم طب !!
واذا انتي تشوفي هالنظام ظلم اختك ،،فاعتقد بنات الدفعات السابقة اللي كانوا يبغوا طب بيقولوا النظام اللي طبقوه علينا ظلمنا،، ما عطانا الفرصة الثانية اللي عطوها الدفعة الجديدة !! فيعني لهالنظام سلبيات وايجابيات ،، وما احد يقدر يبين هل الايجابيات اكثر ام السلبيات ! كل واحد له وجهة نظر مختلفة ،، و في النهاية كل واحد يسوي اللي يقدر عليه.. اذا الله كتب لاحد شي ما بياخذ غيره "قل لن يصيبنا الا ما كتب الله لنا ":) واتركوا الوسوسة واعملوا بالاسباب ،، والله يحقق مراد الجميع :) |
رد: اختى تم قبولها لكن؟؟؟؟؟؟؟؟؟؟؟؟
القدرات والتحصيلي شي اساسي ومن واقع الي نشوفه له علاقه كبيره وواضحه بمستوى تحصيل الطالب وقدراته الي يقول غير هالكلام يناقض نفسه, غير كذا اتاح فرص كبيره لبعض الطلاب الي تعرضوا لظروف باختباراتهم بالثانوي او الي ماوفقوا غير طبعا خريجي بعض المدارس الاهليه الي اسئلة الاختبارات عندهم والمدرسين يغششونهم ايام اختبارات الوزاره
بالنسبه لنظام السنه التحضيريه الموحده من مميزاته: - اولا اتاحة فرصه لعدد اكبر من الطلاب لان عدد المقاعد راح تكون كبيره فبذلك النسبه الموزونه راح تكون اقل - كلية الطب راح يدخلها الاكفأ بالغالب وبذلك تقل عدد المقاعد المهدره مثلا احد الدفعات بدأت باكثر من 50 طالب وبعد السنه الاولى مابقي منهم الا 20 طالب !!! 30 مقعد مهدر والله حرام - بعض التخصصات الصحيه الاخرى يجهل الكثير اهميتها ومستقبلها والواحد مايدري وين الخيره ممكن يدخلها طلاب مستوياتهم افضل لانهم اضطروا يدخلونها وبهالطريقه خريجيها راح يكونون ذوي كفائه اعلى وبنفس الوقت ما انظلموا ممكن يتوفقون بمناصب افضل لهم من الطب باختصار ان الواحد يدخل تخصص اسهل من الطب العام ويتخرج منه متمكن ومتميز فيه وممكن يوصل فيه لوظيفه مرموقه احسن من انه يتخرج من الطب العام بـ9 سنوات ومستواه على قده ويتعب بعدها - تعطي الطالب فرصه اكبر انه يتعرف على التخصصات المختلفه والمجالات المختلفه ممكن يغير رايه بالتخصص الي كان ناوي يختاره - النظام يعطي فرصه للطلاب المتميزين الي يناسبهم تخصص الطب ولم يوفقوا نوعا ما للقبول الي بالغالب نسبه عاليه سابقا والان اقل لان عدد المقاعد اكبر, حيث يتم قبولهم بالسنه الموحده وبتحقيق المعدل العالي يتم قبولهم بكلية الطب حيث ان الدراسه بالجامعه تختلف عن غيرها وتعتمد على تنسيق الوقت بالغالب والدراسه قبلها لاتقيس المستوى قياس دقيق ولا ارى بالنظام اي عيب سوا ان الطالب ممكن تضيع عليه سنه وينسحب لانه لارغبه لديه الا بدراسة تخصص معين |
رد: اختى تم قبولها لكن؟؟؟؟؟؟؟؟؟؟؟؟
اقتباس:
الحل هو انهم يحطوا العلوم التطبيقية والتمريض فى مسار لوحده |
رد: اختى تم قبولها لكن؟؟؟؟؟؟؟؟؟؟؟؟
مافيني حيل اقرا الردود اللي قبلي :biggrin: بس كلمة وبقولها :sm5: دام نسبتها ماشاءالله أهلتها تنقبل بالمسار الصحّي ! معناه جابته بمجهودها :biggrin: يعني مو صعب عليها تشد حيلها بالتحضيري وتجيب فوق الـ4 ونص بعد :10111: الشاطر شاطر لو يبي :004: قوليلها لآ تخآف ولا تحاتي ولا تتوتر أبد :sm4: خليها تثق بنفسها ولا تفكر بغيرها اذا هو ظلم او لا :139: ولو قدّر الله وما انقبلت طب ! خليها تتأكد ان " الخيرة فيما اختاره الله " وبرضو لا تنسى إنو " لكل مجتهد نصيب " :icon120: مفروض نظام المسار يعطيها حافز تشد حيلها وتتحمس للدراسة :10111: وخصوصا ان طموحها طب ماشاءالله :004: يعني أكيد انها انسانة طموحة وتقدر تحقق حلمها :rose: لا تتعب نفسها بالتفكير وإنّ الله على كل شيء قدير :004: بالتوفيق لك ولأختك :rose::rose::rose::rose: |
رد: اختى تم قبولها لكن؟؟؟؟؟؟؟؟؟؟؟؟
اقتباس:
لا تيأس من قبل أن تبدأ، و ما دامت قُبلت في المسار الصحي فهي أهل له، و لا تركن إلى مخاوفها فتتقاعس عن بذل المزيد، بحجة أنني لن أُوضع فيما أريد. أسأل الله أن وفقها و الجميع |
رد: اختى تم قبولها لكن؟؟؟؟؟؟؟؟؟؟؟؟
عزيزتي هذا النظام المسار الصحي اول سنه يطبق فكيف عرفتي انه النسبه الكبرى رح يروح تمريض لا تحطي في بالك هذا الموضوع من البدايه حتى لا تشوفي نفسك صج في التمريض الي يتخيل شي يصير حقيقه فكذا تخيلي انك رح تدرسي السنه التحضيريه وانك رح تجيبي معدل كويس وتدخلي طب او طب اسنان او علوم طبية واذا انتي احسن من البنات الي جابو نسب انزل منك صج رح تثبتي للكل بمعدلك في السنه التحضيريه انسي الهاجس وخوفك انهم رح يودوك تمريض |
رد: اختى تم قبولها لكن؟؟؟؟؟؟؟؟؟؟؟؟
٨٨٨٨٨
كلام سليم :d5: |
رد: اختى تم قبولها لكن؟؟؟؟؟؟؟؟؟؟؟؟
يسلمووووووووووووووووووو
|
رد: اختى تم قبولها لكن؟؟؟؟؟؟؟؟؟؟؟؟
اقتباس:
لا بالجامعه الدرجات غير لانه يندر اصلا تشوفين 4.9 بيكون في تراوح بالمعدلات وفروقات واذا عالظلم الي واقع لامحاله مو ظلم طالبه نسبتها المركبه 92 تقبل بالطب واخرى نسبتها 91 ماتقبل لا وبالاخير الي نسبتها 92 ماتمشي بالطب !! بالسنه الاولى دائما في انسحابات كثيره الي ماتعجبه الدراسه والي يطلع بعثه والي تتزوج وتنتقل لمنطقه اخرى وكل هالمقاعد مهدره انا ماقلت النظام مثالي لا له عيوبه لكن مزاياه اكثر من عيوبه اخيرا مافي مهنه افضل من اخرى ولولا الله ثم عمال النظافه لانتشرت الاوبئه وامتلأت الشوارع بالقاذورات واستحالت الحياة كل مهنه مكمله للاخرى, |
رد: اختى تم قبولها لكن؟؟؟؟؟؟؟؟؟؟؟؟
وليش انت وياها ميتين خوف وتحسدون في الغير
خلاص اذا على قولتك اهي مجتهدة وجايبة مركبه زينه تجيب في السنة التحضيرية زين بعد شالمشكله واذا غيرها جابو احسن منها وهي حطوها تمريض فهم أولى منها لان السنة التحضيرية هي تقيس اذا يسحتق طب فعلا غير القدرات والتحصيلي تقيس الامتياز بشكل عام |
رد: اختى تم قبولها لكن؟؟؟؟؟؟؟؟؟؟؟؟
اقتباس:
الله يهديك بس |
| All times are GMT +3. الوقت الآن حسب توقيت السعودية: 11:17 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام