|
أستفسار عن التحويل الخارجي
السلام عليكم
انا طالب بجامعة الملك سعود ، وقد انهيت السنه التحضيريه كامله بس باقي ما درست تخصصي اللي هو علم اجتماع هل اقدر احول لاي جامعه شرط تكون بالشرقيه لاني قريت معلومه بس ماني متاكد منها وهي انو لازم الشخص يكون درس ترمين في تخصصه |
رد: أستفسار عن التحويل الخارجي
تقدر تحول بشروط ,, مو ترمين في تخصصه
ترمين لاول سنه اللي هي التحضيريه ,, بعدها اطلب تحويل خارجي وانتظر الموافقه من الجامعه لازم تستوفي الشروط علشان يوافقون ,, |
رد: أستفسار عن التحويل الخارجي
شكراً ريمنقو
لكن مكتوب بالموقع زي كذا 1- يشترط اجتياز مقررات السنة التحضيرية ولا يقبل تحويل الطالب للسنة التحضيرية. 2- أن يكون الطالب قد درس ما لا يقل عن فصلين دراسيين في جامعته ورصدت له درجات في ما لا يقل عن 24 وحدة دراسية ، ويشترط لقبول طلب التحويل إلى كليتي الطب وطب الاسنان أن يكون الطالب قد أنهى سنة دراسية في كلية مناظرة (طب أو طب أسنان) في جامعته ورصدت له درجات في ما لا يقل عن 24 وحدة دراسية. رقم ٢ مالمعني فيها؟ |
رد: أستفسار عن التحويل الخارجي
انزين انت بأي كليه .! والمفروض انك تتطلع ع شروط التحويل للجامعه اللي راح تحول الها و معنى رقم 2 الجزء الاول منه .. للكليات اللي مافيها سنه تحضيريه وهو انك اذا جيت تحول تدرس سمسترين يعني سنه كامله وعدد الساعات الناجح فيهم والمسجلين لك لايقل عن 24 ساعه اما الجزء الثاني .. انك اذا كنت تدرس بأحد الكليات الصحيه مثل الطب او طب الاسنان اللي لهم سنه تحضيريه انك تكون مخلصها واذا خلصيتها واخترت التخصص تخلص سنه كامله فيها وتكون مسجل ايضا ما لايقل عن 24 ساعه وناجح فيهم بعدين تقدم ع التحويل |
رد: أستفسار عن التحويل الخارجي
أنا باقي ماتخصصت بسعود ، بس درست تحضيري
واطلعت ع شروط التحويل بجامعة الملك فيصل وحصلت هذي الشروط 1- لمجلس الكلية أن يسمح بقبول تحويل الطالب للجامعة من جامعة أخرى وفقاً للضوابط التالية: أ) أن يكون قد أمضى فصلين دراسيين على الأقل في الجامعة التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة. ما المقصود ب ٢٤ وحدة دراسية انا عدد المواد الي درستها الى الان تسع مواد سنه تحضيريه وست مواد اعداد عام يعني ١٥ مادة وهنا مكتوب على الا يقل عن ٢٤ وحدة دراسية وش الحل !!! |
رد: أستفسار عن التحويل الخارجي
اقصد اخوي بأي كليه يعني بأي قسم , أنت كلية الآداب او اي كليه بالضبط اذا اداب يعني مافيها سنه تحضيريه اول سنه مواد عامه اما المقصود بعدد الوحدات الدراسيه هم عدد الساعات يعني المواد اللي درسيتهم انت كم عدد ساعاتهم يجون 24 ساعه ولازم تكون ناجح فيهم ومعدلك الكلي ضروري مايقل عن 3 من 5 يعني مااتوقع عندك أي مشكله |
رد: أستفسار عن التحويل الخارجي
حلو
اذا كان المقصود بالوحدات الدراسية الساعات فانا عدد ساعاتي الدراسيه ٣١ هل اقدر احول الترم الثاني ؟ او لازم انتظر السنه الجايه؟ |
رد: أستفسار عن التحويل الخارجي
طيب خآلد انت بأي كلية تدرس ؟
علشان افيدكك وكم ترم درست ! |
رد: أستفسار عن التحويل الخارجي
انا درست بكلية السنه التحضيريه مسار انساني بجامعة سعود وخلصت المواد كلها
وباقي ما درست باي تخصص والكليه اللي ابي ادرس فيها كلية الاداب باحساء تخصص علم اجتماع |
رد: أستفسار عن التحويل الخارجي
تمام عليك , يمديك تحول ,, المفروض انك اساسا طلبت تحويل لانك خلصت التحضيري ,,
|
رد: أستفسار عن التحويل الخارجي
تعبتك معي ريمنقو ،،
هل استطيع اطلب تحويل الان كي الترم الثاني ابدأ اداوم؟ وماهي خطوات التحويل |
رد: أستفسار عن التحويل الخارجي
مدري والله ,,
عادةً التحويل له تاريخ معين وينتهي ,, الافضل تستفسر من جامعتك وتسأل كيف طريقة التحويل كل جامعه تختلف طريقة تحويلها عن جامعه غيرها |
رد: أستفسار عن التحويل الخارجي
انا سمعت ان جامعة فيصل ماتعادل لك الا ١٥ ساعه
هل هذا صحيح؟ |
رد: أستفسار عن التحويل الخارجي
اذا بتحول تروح لعمادة القبول والتسجيل بـ جامعتك وتقول لهم بقدم ع طلب تحويل واذا مشت الامور راح يعطونك نموذج تعبيه , وتقريبا راح يُطلب منك انك ترفق مع النموذج صوره من شهادة الثانويه , السجل الاكاديمي , صوره من الهوية الوطنية وخلاص تسلم اللي يطلبوه منك لهم مره ثانيه وهم راح يرفعون طلبك لعمادة القبول والتسجيل بجامعتنا وعمادة جامعة فيصل تنظر في طلبك بعدين يقررون ع حسب الشروط واللوائح والانظمه اللي عندنا ولو كان في اي اجراءات ثانيه راح يعطونك فيها خبر جامعتك مثل ماقالت ريمنقو كان يكون في وقت معين لتحويل / اما عدد ساعات المعادله .. ماعندي فكره كم اقصى شيء وللامانه مااتوقع ان يتم معادلة لك مواد كثيره لان احيانا تكون الماده تحمل نفس الاسم بالجامعتين لكن خطة الماده بجامعة سعود تختلف عن خطة هذي الماده بجامعة فيصل فإذا صار كذا ماراح يتم معادلة لك هذي الماده فضروري تكون نفس الخطه بالجامعتين للماده اللي راح يعادلونها لك وموقصدي اخوي احطمك لان ضروري تعرف ذا الشيء عشان ماتستغرب بعدين من عدد ساعات المعادله لك |
| All times are GMT +3. الوقت الآن حسب توقيت السعودية: 05:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام