المشاركة الأصلية كتبت بواسطة عبدالله عادل ال (المشاركة 12552832)

سلام عليكم بدون مقدام انا اكبر اخواني وماعندي خبرة فجامعة
حتى تسجيل ابوي سجلني بلجامعة ماعلينا
بس سجلنا بلجامعة وامور تمام قبلوني طب بيطرة واكدت تسجيلي ورسلت وثايق ووصلتهم لاني تتبعت شحنة
المهم تميت فترة اشوف حال تسجيل ف يقولون تم قبولك بجناح برجاء ارسال وثايق
استريت ع هحال لين صادفني كلام بلجامعة ان خدمات جامعة متوقفة لين 5 ايام ف مدري كيف حال تسجيلي
وفي حال تسجيل متى يجب علي اذهاب للجامعة لحظور محاضرات
ومعليش والله محد عندة خبرة ف بيت لاني اول واحد ف خواني واكبرهم سنا ف معندي خبرة

المشاركة الأصلية كتبت بواسطة حزينة جدا (المشاركة 12552981)

وعليكم السلام

1- ان شاء الله تسجيلك مؤكد لاتخاف و الوثائق بتوصل للجامعة ( البريد الممتاز اعطوكم ورقة احتفظ فيها ولاتضيعها)
ـــــــــــــــــــــــــــــــــــ
2- الطب البيطري والثروة الحيوانية لازم فيها فحص طبي واحتمال فيها مقابلة اذا ماسويتهم لازم بعد العيد تسويهم او يحولونك كلية ثانيه اذا ماسويتهم بالوقت المحدد

الوقت المحدد لهم مكتوب في هذي الورقة ( لازم أبوك يشوف الورقة عشان تعرفون متى بالظبط تروحون للفحص والمقابلة ,,, ورقة المواعيد هذي اتوقع عندك نفسها ,, اذا مو واضحة هنا بتشوفها في المرفق الي بالمشاركة هذي)


http://im51.gulfup.com/vacaf2.jpg






ـــــــــــــــــــــــــــــــــــــ

3- في تاريخ 1-11-1436 تدخل على موقع الجامعة وتسوي مجموعة من الخطوات عشان تشوف ،، يوم ومكان والساعه الي تروح فيها لليوم التعريفي بالجامعة



الخطوات الي تسويها عشان تعرف متى اليوم التعريفي أرفقتها بالمشاركة هذي ,,

وطبعا في اليوم التعريفي بالجامعة هم بيفهمونكم كل شيء عن الدراسة و الجداول
ــــــــــــــــــــــــــــــــــــــــــــــــــ

4- الطب البيطري والثروة الحيوانية مافيها تحديد مستوى لان مافيها سنة تحضيرية
ــــــــــــــــــــــــــــــــــــــــــــــــــ ـــــــــ

5- اذا كانت الطب البيطري والثروة الحيوانية مو رغبتك الأولى لازم بين فترة وفتره تشوف اذا تمت ترغيتك لكلية ثانية او لا

اذا مافهمت اي خطوة اسئل

بالتوفيق

المشاركة الأصلية كتبت بواسطة عبدالله عادل ال (المشاركة 12553258)

فهمت اخوي بس بخصوص فحص طبي واختبار تحديد مستوى
هل بتجيني رسالة نصية ول ادخل ع خدمة قبول الاكتروني
وصورة الورقة هذي عندي ف التواريخ الي تحت ف يوم محدد اروح جامعة وسويها؟
ولي موجود بصورة بخصوص طب بيطة بشهر 11
يعني هذا موعد الوحيد لتخصصي وهو سنة تعريفية ؟

المشاركة الأصلية كتبت بواسطة حزينة جدا (المشاركة 12553287)

اول شيء كلية الطب البيطري والثروة الحيوانية مافيها تحديد مستوى
ـــــــــــــــــــــــــــــــــــــــ

بخصوص الفحص الطبي ماتجيك رسالة منهم عشان المواعيد

هم كاتبين بهذي الورقة الي ارفقتها لك مواعيدهم ,,

واذا مافهمت ,,, انا بعطيك موعد تروح فيها عشان ماتفوتك المقابلة والفحص الطبي

اول شيء تروح الجامعة يوم الأحد تاريخ 10-10-1436 في مجمع ادارة الخدمات الطبية في الجامعة وتودي معاك صورة شمسية مقاس 4×6 وتسوي الكشف الطبي من الساعه 8 الصباح الى 12 الظهر

اليوم الي بعده يوم الأثنين تاريخ 11-10-1436 تروح الجامعة عشان تسوي المقابلة الشخصية في مبنى عمادة القبول والتسجيل من الساعه 10 الصباح الى 12 الظهر

طبعا اذا ماناسبك الموعد الي اعطيتك بعطيك موعد ثاني تقدر تروح فيه ..

أهم شيء تروح الموعد(( قبل)) تاريخ 20-10-1436 ,,

ــــــــــــــــــــــــــــــــــ
والي بالصورة بخصوص طب بيطرة بشهر 11 هذا يخص اليوم التعريفي وشرحت لك فوق كيف تعرف هذا اليوم ,,, ومافيه شيء اسمه سنه تعريفية طيب؟

المشاركة الأصلية كتبت بواسطة عبدالله عادل ال (المشاركة 12553309)

بيض الله وجهك وفرج همك ان شاءلله لو الله قمدانت كان فاتتني المواعيد جزاك الله خير وبما اني فاضي 24 ساعة اكيد مواعيدك مناسبة لي يعطيك العافية اخوي/اختي