استفسار بخصوص تسجيل المقررات ،
 

اسعد الله صباحكم بكل خير .. انا طالب محول من جامعة اخرى لكلية التربية قسم الدراسات القرانية
عند الدخول للموقع ومن خلال ايقونة مركز الطلاب ، عند البحث عن فصول تضهر لي هذه العبارة " لم ينتج عن البحث اية نتائج تطابق المعايير المحددة " مع العلم اني باقي ماسويت معادلة المواد فهل لها علاقة بتسجيل المقررات ؟ وهل اجراءات المعادلة تاخذ وقت ؟ وكيف ممكن اسجل المقررات ؟ اعتذر عن الاطالة و اسعد الله من ساعدنا ودلنا على الخير ورزقه سعادة لاحزن بعدها ❤

رد: استفسار بخصوص تسجيل المقررات ،
 

رد: استفسار بخصوص تسجيل المقررات ،
 

الله يسعدكم جميع ، ابشركم ضهرت لي المقررات قبل شوي في فصول البحث ، لكن ابسألكم انا الحين في المستوى الثالث ، اقدر اسجل في مستويات ادنى مثل مواد المستوى الاول ؟ او من مستويات اعلى مثل مواد المستوى الرابع ؟ الله يسعد من يرد ويرزقه الجنة ❤️

رد: استفسار بخصوص تسجيل المقررات ،
 

مرحبا

بالنسبة لعدم ظهور المقررات كان بسبب عدم ادخال المعادلة والنظام يعتبرك طالب مستجد ولا فتح للمستجدين الا اليوم الظهر

وبالنسبة لتسجيل المقررات اذا تبي نصيحتي راجع الكلية وشوف ايش المقررات اللي راح يعادلون لك حتى لو ما ادخلوها في النظام

عشان تعرف ايش اللي ناقصك من المستويات اللي اقل من مستواك وتنزلها مع مقررات المستوى الخاص بك وتمشي مع الخطة، لأنك اذا صرت تأخذ من مستويات فوق وتحت راح تواجه مشاكل في كل الفصول القادمة بالتسجيل، وأهم المشاكل اللي راح تواجهك قدام:

1- راح يمنعك النظام من التسجيل اذا فيه مقررات من مستويات أولى ما نزلتها.
2- راح يمنعك النظام من التسجيل اذا فيه متطلبات سابقة.
3- ما راح تقدر تتخصص اذا ما انهيت متطلبات التخصص في المستويات الأولى وبعدها ما راح تظهر لك الا المقررات العامه اللي انت نجحت فيها.
4- أغلب الكليات ما تنزل كل المقررات في كل فصل خصوصا اذا تقدمت بالدراسة لأنه الخطط تتغير


واذا واجهتك المشاكل هذه تتقفل عليك الشعب ويروح عليك التسجيل وتضطر انك تحذف الفصل او في اسوء الظروف تنزل عدد بسيط من المقررات وتتأخر عن دفعتك وعن التخرج.

وبالنسبة للمعادلة التأخير غالباً يكون من الكليات ومن تجربة سابقة لاااااازم تتابع مع الشؤون الاكاديمية حتى تدخل المعادلة في أقرب وقت وترتاح في فترة التسجيل القادمة.