|
سكن الجامعه
السلام عليكم احب ابارك لكل الي انقبلو وان شاء الله الي مانقبلو باذن الله رح ينقبلون
ويحطون في بالهم ان الله لايضيع اجر من احسن عملا انا من الخبر وانقبلت بالاحسا فا ابي اعرف شنو نظام السكن بالجامعه وكل الي تعرف شيء عنها ومتاكده منها ياليت تقول لي من جد خايفه ان القوانين حق السكن ماتعجبني طيب متى اسجل بالسكن يعني انتظر ردودكم دمتم بود |
رد: سكن الجامعه
|
رد: سكن الجامعه
طيب ليه
يعني وابي اسال انا كيف اجيب التعهدات مدري طباعه البريد الممتاز ابي اعرف ياليت اذا احد ارسل اوراقه يقول خطوه بخطوه لتن ابي ارسلهم يوم الاثنين وشنو الي يبونه |
رد: سكن الجامعه
ياعمري روحي اقرب مكتبه وقولي لهم يطبع لك ورقة التعهدات وورقة النماذج الاصليه طبعا من موقع الجامعة تاخذينهم اما البريد الممتاز تطبيعنها مرتين وتلاقينها تحت اسمك لما تدخلين عل ملفك مكتوب وربي يوفق الجميع اتمنى اني افدتك يااختي
|
رد: سكن الجامعه
طيب من وين ورقه التعهدات
|
رد: سكن الجامعه
اتمنى احد يرد علي بسرعه لان ابي اروح اطبعهم ورسل اوراقي
|
رد: سكن الجامعه
ياعمري انتي ماعليك روحي المكتبة وقولي له هو يعرف شغله وتحصلين النماذج في موقع الجامعة نماذج القبول وتشوفين نموذجين نموذج التعهدات ونموذج البيانات الشخصية وتخلينه يطبعهم وبعدها تعبينهم بخط ايدك وبعدها تروحين للبريد الممتاز من ملفك
|
رد: سكن الجامعه
وين يكون البريد
من الملف>> تحملها ترا المخ مقفل عندها اليومين ووين يكون موقع البريد الممتاز |
رد: سكن الجامعه
السلام عليكم ورحمة الله وبركاته
في بريد ممتاز بالخبر دقي ع 905 وخدي رقمهم وكلميهم وهم يقولولج موقعهم اما بالنسبة للسكن الجامعي في سكن جامعي وانا من طالبات السكن السابقات وقوانينة تناسب الجميع نوعا ما وبالنسبة للوقت التسجيل سجلي بالسكن من الان لانهم ممكن يرفضونج بسبب عدم توفر اماكن شاغرة وممكن تروحين الجامعه المبنى الثالث 29 وتروحين لمسؤلة السكن وهي تفيديك |
رد: سكن الجامعه
يااخت جبروت انت اي سكن تقصدين اللي بالاحساء او الدمام وكيف نحجز
|
رد: سكن الجامعه
طيب كيف اهم قالو لي ان هالسنه مافي سكن لطالبات عشان بيسوون تعديل مدري شنو
اخت جبروت انا اقصد بالاحسا مش بالدمام الله يوفقنا يارب |
رد: سكن الجامعه
اقتباس:
انا بسكن الاحساء وحجزت عن طؤيق اني رحت السكن نفسة لاستادة لطيفة لاكن انا متفاجئة انهم معتدرين هسنة كله من الموقع اختي كلمي الجامعة استفسري منهم ادا في ولا لا لاكن انا من طالبات السكن العام وسجلت باني جبت معي صورة من بطاقة العايلة و صورة من صك البيت وصورة تعريف من عمل الوالد وصورة من قبولج في كليتج ولازم يكون معاك رجال يخلص بعض الامور من قسم الرجال ولازم بعد تدفعون لهم 500 ريال فقط من اجل تامين واي استفسار انا حاضرة |
رد: سكن الجامعه
اقتباس:
اختي انا متفاجئة من موقع الجامعة بهل الكلام ولاكن لم يتم ابلاغنا عن شيء يجوز ياختي انه في اكتفاء بالسكن وهدا رقم الحامعة 035800000 وكلمي السنترال 9 يحولج لمسؤلة السكن بالمنى الثالث عشان تفهمين السالفة وبالتوفيق |
رد: سكن الجامعه
اخت جبروت بس تدفعين لهم 500 ريال مرة وحده وماياخذون عليك كل شهر او كل سنه وبالله ابي جواب كم سؤال الحين الجامعة تؤمن باصات للطالبات والا الطالبات يؤمنون لنفسهم انا اتكلم عن الدمام واذا عندك خلفية هل طالبات كلية التربية بالجبيل ضمن سكن الطالبات
|
رد: سكن الجامعه
اي 500 ريال تدفع مره وحدة وتكون الى جميع سنواتك الدراسيه وتواجدك بالسكن
والمواصلات توفرهم الجامعه من السكن للجامعه موفقه |
رد: سكن الجامعه
طيب الحين فيه والا مافيه وليه دام عطوني الاوراق حق التعهدات ان عدم مطالبه بالسكن او وسائل المواصلات يعني قولو لي شلون افهم
|
رد: سكن الجامعه
الاحساء فيه سكن طالبات بس الظاهر ان طالبات دفعه الجديده مالهم
الدمام مافي سكن |
رد: سكن الجامعه
اقتباس:
وبالنسبة لتامين الباصات نعم هناك باصات باوقات مختلفة تامنها لكم الجامعة وهدا الكلام عن سكن الاحساء اختي انا ماعرف شي صراحة عن سكن الدمام وطالبات الجبيل ينقبلون عندنا بالسكن مية بلمية لانه في بنات اعرفهم جايين من الجبيل وساكنبن بسكنا اللي هو بالاحساء موفقين |
رد: سكن الجامعه
طيب اخت جبروت فيك تقولين لنا نبذه عن السكن الي بالاحسا طيب اذا مابغيت اسكن بالسكن طيب فيه باصات تجي تاخذنا او لا انتظر ردك
|
رد: سكن الجامعه
اقتباس:
هلا اختي النبدة انة عبارة عن مبنين متصلين بعض وفية قوانين مقبولة نوعا ما وان شالله رح تتعرفين عليها مع مديرة السكن وبالنسبة للباصات نعم هناك باصات متنوعة ع حسب اوقات محاضراتك رح تروحين فيها وبالتوفيق :119: |
رد: سكن الجامعه
طيب انتي ساكنه بالسكن اول ا
واقدر اختار مين معي بالغرفه او شنو |
رد: سكن الجامعه
بصررراحه انا خايفه اسكن وبعدين ما ارتاح هناك ابي احد ساكن هناك يقول لي كيف الوضع
|
رد: سكن الجامعه
الوضع ان مافي نت
ممنوع جوال كام ممنوع تلبسي قصير ممنوع لبس البنطلون ممنوع و ممنوع وممنوع وبس يعني السكن حق دراسه وبس |
رد: سكن الجامعه
سلام بنات مبروك الشهر
ممكن سؤال الله يوفق إلي تجاوب اللبس في قسم العلوم بالاحساء وش الالوان |
رد: سكن الجامعه
وهل في سكن في الاحساء
إذا ليش ممنوع نطالب فيه |
رد: سكن الجامعه
مشكورين على التطنيش
|
رد: سكن الجامعه
فيض العطاء
كلية العلوم كان مقرر انكم تدرسون برى الجامعه فلو كان صحيح يعني الالوان محدوده بس لو كان داخل الجامعه فلش حرية الالوان :) |
رد: سكن الجامعه
طيب ليه كذا يالله يعني مثل شنو الالوان المحدده
|
رد: سكن الجامعه
كان مفروض علينا
الابيض وَ السكري وَ البني |
رد: سكن الجامعه
السلام عليكم
انا انقبلت في جامعة الملك فيصل بالتحديد في كلية المجتمع ولله الحمد ولكن الذي يزعجني في الموضوع اني انا من الدمام والجامعه في الاحساء وماني عارفه كيف القى حل في السكن والمشكله اني ما اعرف احد في الاحساء ... ارجوكم ردوا علي وقولي لي وش الحل ؟ وانا عندي ملاحظه على هالوضع المفروض الاداره تسال البنات عند التسجيل في الجامعات وين مقر سكنها؟ مثلا انا المفروض لاني من سكان الدمام انقبل في جامعة الدمام وبنات الاحساء في جامعة الملك فيصل وهكذا.. لان الصراحه موضوع السكن امر مهم ويحتاج مناقشه .... فاتمنى من الاداره يهتموا بهالامر..... انا ادري ان فيهم الخير وما راح يقصروا لان املي فيهم كبير في تحقيق المصلحه للطلاب و الطالبات .... اولا ... انا اتشرف بالدراسه في هالجامعه وثانيا... ارجو من الاداره الاطلاع على موضوعي والاجابه... جزاكم الله خيرا...... وشكرا لاتاحة الفرصه لي ولغيري حتى نتمكن من الاستفاده |
رد: سكن الجامعه
اقتباس:
كلمت الجامعه وقاااو مع بدايه تاكيد التسجيل (الجداول) تجووو تسجلو في السكن |
رد: سكن الجامعه
السلام عليكم
انا من بنات الانتساب المطور وتم بحمدالله قبولي في الانتظام لكن في مشكله اني انا ماني من بنات الشرقيه ومااعرف عنها شي ولاعمري جيتها ولااعرف اهل الشرقيه كلها وبعد مااعرف وين اسكن ولا طريقه السكن هناك وخايفه من السكن ومن كل شي طمنوني الله يطمنكم بالعافيه ( بالله مااكسر القلب) |
| All times are GMT +3. الوقت الآن حسب توقيت السعودية: 07:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام