جديد تعال وانت بعد تعال وانت يالقديم تعال ,,,

[الجــــ@ـارح]

السلام عليكم ورحمة الله وبركاتة

اسعد الله اوقاتكم بكل خير اخواني اخواتي ,,

دائما في بداية كل ترم نجد الاخوان الجدد يضعون استفسارات ومستعجلين في كل شي

وانا اعذرهم لعدم معرفتهم بطريقة الدراسة في التعلم عن بعد ,

اول شي احب اوضح للاخوان الجدد وكذالك القدم ان الدراسة راح تبدى يوم 5/ 11 حسب اعلان الجامعة

لكن الدراسة الفعلية راح تكون بعد هذا التاريخ بوقت على الاقل 10 ايام يعني من بعد 15/ 11

لعدة اسباب اول سبب تحديث انظمة البلاك بورد والافتراضي ,, ونزول المحاضرات

واحب انصح الجميع بعدم الاستعجال في تحميل المحاضرات وخاصة اول اسبوع

حتى تحدث الانظمة بالكامل ,,

النقطة الثانية راح اجيب على اكثر استفسارات الاخوان الجدد والي اشوفها متكرره في المنتدى ,

1- لم يصلني الرقم السري لحد الان ,,؟؟

الرقم السري يتم ارسالة بعد تفعيل الرقم الجامعي ويكون فعال خلال الاسبوع القادم ان شاء الله

والي مايوصلة الرقم السري يدخل على موضوع استخراج الرقم السري على الرابط التالي ,,

http://www.ckfu.org/vb/t607824.html

2 – هل اذا وصلني الرقم السري ابدى في تحميل المحاضرات وحل النقاشات ؟؟؟

خف علينا يامصطفى ,,

لا حاول انك تلقي نظره عامة على الانظمة وتشوف وتفهمها اكثر , والافضل اذا

الطالب مستعجل على تحميل المحاضرات على الاقل يبدى من يوم 12 / 11

او بعد هذا التاريخ يكون افضل

3- ما اعرف شي في الانظمة وكيفية تحميل المحاضرات وحل المناقشات والواجبات ؟؟؟

ان شاء الله راح نشرح لكم الطريقة بالصورة ,,

4 – طيب لو مادخلت على الانظمة خلال الاسبوع القادم هل يحرموني من الدراسة او اكون غائب
ولازم اكون الصباح موجود وقت الدوام

مافيه غياب الا وقت الاختبار لو تجلسون الى بعد عيد الحج ما دخلتو ماراح يضركم شي

يعني الوقت الي تشوفون ان عندكم فرصة تقدرون تدخلون أي وقت صباح ولا ليل , ماهو لازم وقت دوام
5- كيف اعرف كل جديد في الجامعة , وين اتابع معلومات عن موادي ؟؟

تقدرون تتبعون موقع الجامعة , او المنتدى وكل طلبة وتخصصهم لهم منتدى مخصص فيه كل شي
يخص موادهم ,

6 - وش الافضل الاب توب ولا الاجهزة اللوحية ,, ؟؟

كلها مناسبة ولكن الافضل والاضمن الاب توب

7- متى اسدد الرسوم ؟؟

تسديد الرسوم للجدد وكذالك القداما تم تمديده من الجامعة الى 26/ 12 / 1435

هذي اهم الاستفسارات الي من الاخوان الجدد واعيد واكرر ياخوان لا تستعجلوووون

قلت لكم لو تجلسون من الان الى نهاية شهر ذالقعده مادخلتو الانظمة مارح يضركم شي

اهم شي هو ان قبل وقت الاختبارات تكون جميع محاضراتك ال 14 المسجلة محملة

وكذالك المحاضرات المباشرة 3 وكذالك النقاشات 14 وكذالك 3 واجبات لكل مادة

تكون جاهزة قبل الاختبار بشهر على الاقل غير هذا ما تبي منكم الجامعة حضور يوووومي

بالتوفيق لكم جميعا وان شاء الله وضحت لكم ,,,

[الأريج]

الله يبيض وجهك ويرحم والديك

مواضيعك منتقاة متميزة دائما

الله يوفقك دنيا وآخرة

[Basomi1]

يعطيك العافيه

[Reem13]

الله يوفقك دنيا وآخره اخوي الجارح ماقصرت...

[أسير بلآ قيود]

لعيونك يالجارح حتى ووانا خريج جيت


الله يجزاك الخير

كفيت ووفيت ولا فيك قصوور


تمنياتي للجميع دوام التوفيق

[NOW OR NEVER]

وافي يالجارح ربي يبارك فيك

انا من المتقاعدين

ربي يوفقكم وييسر امرنا وامركم

لاهنت

[خطوة بخطوة]

هذا الكلام المختصر المفيد بارك الله فيك يالجارح

[الجــــ@ـارح]

هلابكم والله ويفقكم جميعا ,,

المشاركة الأصلية كتبت بواسطة أسير بلآ قيود

لعيونك يالجارح حتى ووانا خريج جيت


الله يجزاك الخير

كفيت ووفيت ولا فيك قصوور


تمنياتي للجميع دوام التوفيق

تسلم عيونك اخوي اسير بلا قيود ,, وهلابك , انا قلت الجدد والقداما , بس ماجبت طاري الخريجين

الله يوفقهم , وعقبال الماجستير والدكتوراه , اهم شي لا تنساني ان شاء الله في الماجستير

قلي تعال ياالجديد , الله يوفقك ويسعدك ويحقق لك امنياتك ,

[الجــــ@ـارح]

المشاركة الأصلية كتبت بواسطة now or never

وافي يالجارح ربي يبارك فيك

انا من المتقاعدين

ربي يوفقكم وييسر امرنا وامركم

لاهنت

ياليل وش جابك انت بعد ياخي قلت الجدد والقداما الى في المستويات الاولى

ماقلت المتقاعدين ,,

هلابك ابو يارا وشرفتني طال عمرك , وانت الوفاء كلة ,,

[yousef_fu]

رحم الله والديك من النار