ملتقى طلاب وطالبات جامعة الملك فيصل,جامعة الدمام
صفحة 1 من 4 1 234
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى معاهد هجر للعلوم الصحية (https://vb.ckfu.org/forumdisplay.php?f=135)
-   -   للإجابة على أسألتكم واستفساراتكم (https://vb.ckfu.org/showthread.php?t=96662)

Hajr 2010- 9- 18 06:51 PM
للإجابة على أسألتكم واستفساراتكم
 
بسم الله الرحمن الرحيم



إلى الإخوة الأعزاء أعضاء ملتقى طلاب وطالبات جامعة الملك فيصل



السلام عليكم ورحمة الله وبركاته



في الحقيقة وأنا أتصفح مواضيع المنتدى الخاص بمعهد هجر للعلوم الصحية قد وجدت بعض من الأعضاء يسألون عن أشياء تخص المعهد , وللأسف قد وجدت أكثر الإجابات على هذه الاستفسارات خاطئة وبعضها بالغه في الخطأ



لذا قررت فتح هذا الموضوع لأقوم أنا شخصيا بالرد على أسألتكم واستفساراتكم , وكل ما اتمناه منكم ان تكون اسفساراتكم منطقيه ويستفيد منها الجميع وان لا تخرج عن الإطار



ادعوا لي أن يوفقني في الإجابة على أسألتكم



وسامحوني إذا تأخرت على الاجابة عليكم



وأتمنى لكم التوفيق

مغرورة مووووت 2010- 9- 18 08:59 PM
رد: للإجابة على أسألتكم واستفساراتكم
 
السلام عليكم

انا عندي سؤالين

معهد هجر بالاحساء ..

س1 : مازال التسجيل مفتوح لـ تخصص مساعد طبيب اسنان ؟؟ بنات

س2: كم رسوم دراسة الدبلوم ؟؟

اتمنى اي احد يجاوبني

Hajr 2010- 9- 18 11:51 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة مغرورة مووووت (المشاركة 1530149)
السلام عليكم

انا عندي سؤالين

معهد هجر بالاحساء ..

س1 : مازال التسجيل مفتوح لـ تخصص مساعد طبيب اسنان ؟؟ بنات

س2: كم رسوم دراسة الدبلوم ؟؟

اتمنى اي احد يجاوبني
وعليكم السلام ورحمة الله وبركاته

ج1: التسجيل مفتوح لدبلومات المعهد حتى 30/10/1431هـ

ج2: رسوم التسجيل لدبلوم مساعدات طبيب اسنان 60000 ريال
رسوم التسجيل لدبلوم تمريض عام وطب الطوارئ 55000 ريال
يشمل الدراسة + الفصل التحضيري

وامكانية التسقيط المبلغ طيلة مدة الدراسة
وايضا يوجد اتفاقية التقسيط مع مصرف الانماء

مغرورة مووووت 2010- 9- 19 01:34 PM
رد: للإجابة على أسألتكم واستفساراتكم
 
طيب ... شكرا

انا روحت اليوم وسجلت دبلوم مساعدة طبيب اسنان .. ابي اعرف لما اخلص دراسة الدبلوم ان شاءالله, ينفع اكمل بكالوريوس بأأي معهد تاني ؟؟؟


ياربي انا مارتحت لمكان المعهد حسيتها مدرسة ابتدائي:(177): من لما رجعت منها وانا مضايقه

ŞąỜờỜđƒąĦ.♥ 2010- 9- 19 02:15 PM
رد: للإجابة على أسألتكم واستفساراتكم
 
هل شروطكم والمستويات والدراسة نفسكم في كلية العلوم الاكدمية الدولية للعلوم الصحية
لاني انا منقبل في معهد هجر عن طريق الصندوق الموارد البشرية
تخصص طب طورئ ياليت تفيدونه ياحلوووووووووووووين لاني متابع لكم من فترة
واقراء مواضيعكم ... بس الي ابقي اعرفه هل معهد هجر وكلية العلوم الاكدمية نفس بعض ...
مع ألف سلام حبايب قلبوووووووووووووووو
:020:

Hajr 2010- 9- 19 03:00 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة مغرورة مووووت (المشاركة 1536470)
طيب ... شكرا

انا روحت اليوم وسجلت دبلوم مساعدة طبيب اسنان .. ابي اعرف لما اخلص دراسة الدبلوم ان شاءالله, ينفع اكمل بكالوريوس بأأي معهد تاني ؟؟؟


ياربي انا مارتحت لمكان المعهد حسيتها مدرسة ابتدائي:(177): من لما رجعت منها وانا مضايقه
ينفع تكمل في
1/ داخل المملكة ( كليات الرياض , كلية الفارابي )

والمعهد متفق مع عدة جامعات علشان تعادل موادكم وتكملون البكلوريوس مثل
1- جامعة جرش بالأردن
2-الجامعة الهاشمية بالأردن
3-جامعة ادمسون بالفلبين
4-جامعة تانجا الوطنية بماليزيا
5- جامعة كاردونالد البريطانية
6- الكلية البحرينية للعلوم الصحية بالبحرين

واي جامعة تقبل التسجير

بالنسبة لسؤالك الثاني ما فهمت وش تقصدين عدل ولكن اللي فهمته انه موقع المعهد ما يعجبك , ولكن ادارة المعهد اهتمة ان يكون المعهد في وسط محافظة الاحساء


اقتباس:
المشاركة الأصلية كتبت بواسطة so0odfah..18 (المشاركة 1536697)
هل شروطكم والمستويات والدراسة نفسكم في كلية العلوم الاكدمية الدولية للعلوم الصحية

لاني انا منقبل في معهد هجر عن طريق الصندوق الموارد البشرية
تخصص طب طورئ ياليت تفيدونه ياحلوووووووووووووين لاني متابع لكم من فترة
واقراء مواضيعكم ... بس الي ابقي اعرفه هل معهد هجر وكلية العلوم الاكدمية نفس بعض ...
مع ألف سلام حبايب قلبوووووووووووووووو

:020:
اخي العزيز والله ماني فاهم شئ من اللي قلته
يا ريت توضح لي بشكل اكثر علشان اقدر اشرح لك
وبعدين وشو ذي كلية العلوم الاكدمية الدولية للعلوم الصحية , لا يوجد معهد او كلية في السعودية بهذا الاسم

أموووله 2010- 9- 19 09:56 PM
رد: للإجابة على أسألتكم واستفساراتكم
 
يعطيك ربي ترليون عافيه يالغلا وماقصرتي
أنا أبي أسجل في معهد هجر لاكن في الفصل الدراس الثاني وأنا تبع الضمان الاجتماعي
وش رائيك أسجل عن طريق الموارد ولا الصندوق الخيري??
س2)متى يبتدي التسجل عن الطريق الموارد والصندوق الخيري?
س3)أنتي وش تنصحين فيه الأفضل الاكاديميه اللي عندنا في الاحساء ولا هجر??من ناحية كل شي الدراسه وغيره؟؟
س4)وأذا حبيت أسجل عن طريق الصندوق الخيري لازم أخذ ورقه من الضمان ولا مايحتاج??
مشكوره غلاتي وأسفه على الأطاله وجيتي في وقتك

أموووله 2010- 9- 20 12:09 AM
رد: للإجابة على أسألتكم واستفساراتكم
 
حبيت أسأل أخوي عن المنح وش هي ??ياليت تفهميني

أموووله 2010- 9- 20 12:10 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة أموووله (المشاركة 1540267)
يعطيك ربي ترليون عافيه يالغلا وماقصرتي
أنا أبي أسجل في معهد هجر لاكن في الفصل الدراس الثاني وأنا تبع الضمان الاجتماعي
وش رائيك أسجل عن طريق الموارد ولا الصندوق الخيري??
س2)متى يبتدي التسجل عن الطريق الموارد والصندوق الخيري?
س3)أنتي وش تنصحين فيه الأفضل الاكاديميه اللي عندنا في الاحساء ولا هجر??من ناحية كل شي الدراسه وغيره؟؟
س4)وأذا حبيت أسجل عن طريق الصندوق الخيري لازم أخذ ورقه من الضمان ولا مايحتاج??
مشكوره غلاتي وأسفه على الأطاله وجيتي في وقتك
معليش فكرتك في البدايه بنوته أسفه أخوي
مافي تعديل مشاركه كان عدلته :s9:

Hajr 2010- 9- 20 09:25 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة أموووله (المشاركة 1540267)
يعطيك ربي ترليون عافيه يالغلا وماقصرتي
أنا أبي أسجل في معهد هجر لاكن في الفصل الدراس الثاني وأنا تبع الضمان الاجتماعي
وش رائيك أسجل عن طريق الموارد ولا الصندوق الخيري??
والله اثنينهم نفس الشئ , اثنينهم رح يدفعون لك رسوم الدراسة , ولكن الفرق الفرق بأنه صندوق تنمية الموارد البشرية يعطيك مكافئة شهرية قيمتها 1000 ريال , اما صندوق الخيري الاجتماعي مافي مكافئات

س2)متى يبتدي التسجل عن الطريق الموارد والصندوق الخيري?
الصندوق الخيري الاجتماعي ما له وقت محدد , يعني مثلا في سنة 1429 هـ الصندوق ما نزل منح , وفي عام 1430 الصندوق نزل منح في الفصل الدراسي الثاني يعني بإختصار الصندوق ماله فترة زمنية محدده يلتزم فيها علشان ينزل منح دراسية .
وانا انصحك انك تتابعين موقع الصندوق الخيري الاجتماعي ما بين كل فترة وفترة وتتابعين الصحف او موقع المعهد على الفيس بوك او موقع شركة هجر.
موقع الصندوق الخيري الوطنيwww.fund.org.sa
موقع المعهد على الفيس بوك http://www.facebook.com/group.php?gid=188813344065
موقع شركة هجر www.hajrgroup.com

س3)أنتي وش تنصحين فيه الأفضل الاكاديميه اللي عندنا في الاحساء ولا هجر??من ناحية كل شي الدراسه وغيره؟؟
هذا السؤال بالذات لا استطيع ان اجيب عليه لانه بصراحة اللي يجاوبك عليه هم ( الشؤون الصحية بالاحساء , المسشفيات الخاصة بالاحساء , الشركات الصحية ) لانه هم اللي يستطيعون انهم يقيمون خريجي معهد هجر وخريجي الاكاديمية الدولية

س4)وأذا حبيت أسجل عن طريق الصندوق الخيري لازم أخذ ورقه من الضمان ولا مايحتاج??
ايه لازم ... واذا انقبلتي في الصندوق نعطيك احنى ورقة تروحين تعبينا من عند الضمان الاجتماعي

مشكوره غلاتي وأسفه على الأطاله وجيتي في وقتك
العفو
,,,,,,,,,,,,,,,,,,,,,,,,,,,,,,,,,,,,,,,,,,,,,,

Hajr 2010- 9- 20 09:26 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة أموووله (المشاركة 1541388)
حبيت أسأل أخوي عن المنح وش هي ??ياليت تفهميني
يا ريت توضحين اكثر لاني ما فهمت شئ

ŞąỜờỜđƒąĦ.♥ 2010- 9- 20 03:04 PM
رد: للإجابة على أسألتكم واستفساراتكم
 
أخوي هجر ...
أستفساري هو هل الكتب وكل الدراسة تخصص طب الطورئ في معهد هجر تنطبق على كلية الاكدمية للعلوم الصحية .. ولالا
لان في منتدى الاكدمية في تقارير كاملة عند الدراسة والكتب والملخصات الي تخص الدراسة كله سوء تخصص طب طورئ او تمريض او..............الخ ..
افيدوني ..

Hajr 2010- 9- 20 11:12 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة so0odfah..18 (المشاركة 1547073)
أخوي هجر ...
أستفساري هو هل الكتب وكل الدراسة تخصص طب الطورئ في معهد هجر تنطبق على كلية الاكدمية للعلوم الصحية .. ولالا
لان في منتدى الاكدمية في تقارير كاملة عند الدراسة والكتب والملخصات الي تخص الدراسة كله سوء تخصص طب طورئ او تمريض او..............الخ ..
افيدوني ..
لا طبعا ... كل معهد له منهاج خاص فيه

Bosaleh-ss 2010- 9- 21 06:03 AM
رد: للإجابة على أسألتكم واستفساراتكم
 
السلام عليكم

أنا من قبل اكثر من شهرين عطيت اوراقي للصندوق الخيري

ليومك ماجاني اي رد كيف اعرف ان تم قبولي أو لا

وان تم قبولي متى اروح اسلم اوراقي او اختبار القبول وكيف يتم اخباري

بالجوال أو الايميل او كيف

Hajr 2010- 9- 21 11:29 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة bosaleh-ss (المشاركة 1554112)
السلام عليكم

أنا من قبل اكثر من شهرين عطيت اوراقي للصندوق الخيري

ليومك ماجاني اي رد كيف اعرف ان تم قبولي أو لا

وان تم قبولي متى اروح اسلم اوراقي او اختبار القبول وكيف يتم اخباري

بالجوال أو الايميل او كيف
اولا / حاليا لا يوجد منح للصندوق الخيري الاجتماعي

ثانيا / شهادتك الاصلية وينها , اذا كانت عند الصندوق الخيري فا لا يحق للصندوق ان يستلم شهادتك , اما اذا كانت في المعهد فا تعال استلمها

بنت البآآشآ 2010- 9- 21 04:27 PM
رد: للإجابة على أسألتكم واستفساراتكم
 
يعطيك العــــــــــآفيهـ {هجر }....~*

شى حـــــلووو + تشكــــــــرتى


بس حبيت استفـــــــسر وش هي المــــــــوآر البشريهـ ...؟

يعنى مش عارفهـ معنى الموراد البشريهـ ...


لاهنت

Hajr 2010- 9- 21 05:28 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة بيارق (المشاركة 1558241)
يعطيك العــــــــــآفيهـ {هجر }....~*

شى حـــــلووو + تشكــــــــرتى


بس حبيت استفـــــــسر وش هي المــــــــوآر البشريهـ ...؟

يعنى مش عارفهـ معنى الموراد البشريهـ ...


لاهنت
صندوق تنمية الموارد البشرية هي مؤسسة حكومية ذات استقلالية إدارية ومالية , وظيفتها الأساسية هي الحد من البطالة من خلال ( سعودة الوظائف في القطاع الخاص , تهيئة واعداد الشباب السعودي من خلال تدريبهم في المعاهد والكليات الخاصة )

ويمتلك الصندوق العديد من البرامج والنشاطات وهي
Get-IT
برنامج التنظيم الوطني للتدريب المشترك
برنامج دعم حوافز الاستقرار الوظيفي
برنامج التشغيل والصيانة
برنامج دعم تشغيل السجناء
. برنامج التدريب الصحي
دليل الموارد البشرية
تأهيل أخصائي الموارد البشرية
تقديم المشورة الفنية والإدارية للتدريب
دعم مُلاك المنشآت الصغيرة
تدريب وتأهيل أصحاب المنشآت الصغيرة
العمل عن بعـد
التوظيف المباشر
الإرشاد المهني
التدريب المرتبط بالتوظيف
التدريب على رأس العمل
ماهر 12/12 لتأهيل الكوادر المتخصصة



وعلاقة معهد هجر للعلوم الصحية بالصندوق هو من خلال برنامج ماهر 12/12 , ومهمة هذا البرنامج هو تأهيل الشباب السعودي الحاصلين على الثانوية العامة عن طريق توفير فرص دراسية في المعاهد والكليات الاهلية واعطاهم مكافئات شهرية طيلة مدة الدراسة
ويتكفل البرنامج ايضا برسوم الدراسة في المعهد والكليات الاهلية بدلا من الطالب


موقع الالكتروني لصندوق تنمية الموارد البشرية
http://www.hrdf.org.sa

ملكة الحور 2010- 9- 21 06:11 PM
رد: للإجابة على أسألتكم واستفساراتكم
 
هام جدا تم اضافة منح جديده من صندوق تنمية الموارد للمعهد الصحي بنات 20 طالبة في مساعد طبيب اسنان


هل التسجيل مفتوح تبع الموارد في مساعد طبيب الاسنان ؟

هل طلعت الاسماء الطالبات المقبولات الدراسه تبع الصندوق الموارد البشريه في تخصص تمريض بنات ؟

Hajr 2010- 9- 21 06:40 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ملكة الحور (المشاركة 1558937)
هام جدا تم اضافة منح جديده من صندوق تنمية الموارد للمعهد الصحي بنات 20 طالبة في مساعد طبيب اسنان



هل التسجيل مفتوح تبع الموارد في مساعد طبيب الاسنان ؟
حاليا لا يوجد تسجيل لدبلوم مساعد طبيب اسنان تبع الموارد
وسيتم اختيار الـ 20 طالبه من الذين لم يحالفهم الحظ لدراسة التمريض



هل طلعت الاسماء الطالبات المقبولات الدراسه تبع الصندوق الموارد البشريه في تخصص تمريض بنات ؟
نعم تم اعلان اسماء المقبولين لتخصص التمريض
وغدا الاربعاء سوف نوافيكم بأسماء المقبولين لتخصص مساعد طبيب اسنان , ومثل ما ذكرت بأنه الطالبات الذين لم يحالفهم الحظ في التمريض سوف يتم ترشيحهم في تخصص مساعد طبيب اسنان

.................................................. ..............

بنت البآآشآ 2010- 9- 21 07:15 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة Hajr (المشاركة 1558567)
صندوق تنمية الموارد البشرية هي مؤسسة حكومية ذات استقلالية إدارية ومالية , وظيفتها الأساسية هي الحد من البطالة من خلال ( سعودة الوظائف في القطاع الخاص , تهيئة واعداد الشباب السعودي من خلال تدريبهم في المعاهد والكليات الخاصة )


ويمتلك الصندوق العديد من البرامج والنشاطات وهي
Get-IT
برنامج التنظيم الوطني للتدريب المشترك
برنامج دعم حوافز الاستقرار الوظيفي
برنامج التشغيل والصيانة
برنامج دعم تشغيل السجناء
. برنامج التدريب الصحي
دليل الموارد البشرية
تأهيل أخصائي الموارد البشرية
تقديم المشورة الفنية والإدارية للتدريب
دعم مُلاك المنشآت الصغيرة
تدريب وتأهيل أصحاب المنشآت الصغيرة
العمل عن بعـد
التوظيف المباشر
الإرشاد المهني
التدريب المرتبط بالتوظيف
التدريب على رأس العمل
ماهر 12/12 لتأهيل الكوادر المتخصصة



وعلاقة معهد هجر للعلوم الصحية بالصندوق هو من خلال برنامج ماهر 12/12 , ومهمة هذا البرنامج هو تأهيل الشباب السعودي الحاصلين على الثانوية العامة عن طريق توفير فرص دراسية في المعاهد والكليات الاهلية واعطاهم مكافئات شهرية طيلة مدة الدراسة
ويتكفل البرنامج ايضا برسوم الدراسة في المعهد والكليات الاهلية بدلا من الطالب


موقع الالكتروني لصندوق تنمية الموارد البشرية
http://www.hrdf.org.sa



تســــــــــــلم آخوى ومشكــــــــــــور ويعطيك الف الف عـــآفيهـ

والله يوفقك :thumbs-up: ع التوضيح .....~*


بس استفسار ليطمئن قلبـــى ..!
][ يكون ذالحين التسجيل عن طريق الموقع الذى فى آعلاهـ...؟][..*

صح آم لا

ودمــــــــ:)ــــــــت ~

Hajr 2010- 9- 21 10:20 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة بيارق (المشاركة 1559696)


تســــــــــــلم آخوى ومشكــــــــــــور ويعطيك الف الف عـــآفيهـ

والله يوفقك :thumbs-up: ع التوضيح .....~*


بس استفسار ليطمئن قلبـــى ..!
][ يكون ذالحين التسجيل عن طريق الموقع الذى فى آعلاهـ...؟][..*

صح آم لا

ودمــــــــ:)ــــــــت ~
التسجيل عن طريق المعهد نفسه

ملكة الحور 2010- 9- 22 12:15 AM
رد: للإجابة على أسألتكم واستفساراتكم
 
هل طلعت الاسماء الطالبات المقبولات الدراسه تبع الصندوق الموارد البشريه في تخصص تمريض بنات ؟
نعم تم اعلان اسماء المقبولين لتخصص التمريض
وغدا الاربعاء سوف نوافيكم بأسماء المقبولين لتخصص مساعد طبيب اسنان , ومثل ما ذكرت بأنه الطالبات الذين لم يحالفهم الحظ في التمريض سوف يتم ترشيحهم في تخصص مساعد طبيب اسنان

مشكور والله يعطيك العافيه
بس عندي سؤال
اين اجد اسماء المقبولين ؟

Hajr 2010- 9- 22 12:57 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ملكة الحور (المشاركة 1562160)
هل طلعت الاسماء الطالبات المقبولات الدراسه تبع الصندوق الموارد البشريه في تخصص تمريض بنات ؟

نعم تم اعلان اسماء المقبولين لتخصص التمريض
وغدا الاربعاء سوف نوافيكم بأسماء المقبولين لتخصص مساعد طبيب اسنان , ومثل ما ذكرت بأنه الطالبات الذين لم يحالفهم الحظ في التمريض سوف يتم ترشيحهم في تخصص مساعد طبيب اسنان

مشكور والله يعطيك العافيه
بس عندي سؤال

اين اجد اسماء المقبولين ؟
في الاساس
يتم الاتصال بالمقبولين من خلال هواتفهم النقاله

ولكن تستطيعين الاتصال بالمعهد 5861010 او 587010 لتأكد من قبولك او عدمه

نهر الفردوس 2010- 9- 22 01:56 AM
رد: للإجابة على أسألتكم واستفساراتكم
 
السلام عليكم ورحمة الله وبركاته
حبت استفسار متى راح يفتح التسجيل فى الصندوق الخيري
وش الاقسام الموجوده فى معهد هجر والاكاديميه الدوليه للعلوم الصحيه
وهل يتم صرف مكأفات شهريه للطالبات
و انه من مستفدى الضمان الاجتماعى
وهل يخصمون من فلوس الضمان الاجتماعى إذا قبلونى فيه
لانه شهاتى الثانويه راح تخلص مدة
تكفون جبونى على أسئلتى
:mh12::mh12::mh12:

Hajr 2010- 9- 22 12:38 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة نهر الفردوس (المشاركة 1563252)
السلام عليكم ورحمة الله وبركاته
حبت استفسار متى راح يفتح التسجيل فى الصندوق الخيري
الصندوق الخيري الاجتماعي ما له وقت محدد , يعني مثلا في سنة 1429 هـ الصندوق ما نزل منح , وفي عام 1430 الصندوق نزل منح في الفصل الدراسي الثاني يعني بإختصار الصندوق ماله فترة زمنية محدده يلتزم فيها علشان ينزل منح دراسية .
وانا انصحك انك تتابعين موقع الصندوق الخيري الاجتماعي ما بين كل فترة وفترة وتتابعين الصحف او موقع المعهد على الفيس بوك او موقع شركة هجر.
موقع الصندوق الخيري الوطنيwww.fund.org.sa
موقع المعهد على الفيس بوك http://www.facebook.com/group.php?gid=188813344065
موقع شركة هجر www.hajrgroup.com

وش الاقسام الموجوده فى معهد هجر والاكاديميه الدوليه للعلوم الصحيه
بالنسبة لمعهد هجر للعلوم الصحية ( تمريض , طب الطوارئ ) للبنين , ( تمريض , مساعد طبيب اسنان ) للبنات

وهل يتم صرف مكأفات شهريه للطالبات
بالنسبة لصندوق الخيري مافي مكافئات

و انه من مستفدى الضمان الاجتماعى
وهل يخصمون من فلوس الضمان الاجتماعى إذا قبلونى فيه
للأسف مافهمت شئ من سؤالك

لانه شهاتى الثانويه راح تخلص مدة
تكفون جبونى على أسئلتى
:mh12::mh12::mh12:
.................................................. ...................

ملكة الحور 2010- 9- 22 03:34 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة hajr (المشاركة 1562628)
في الاساس
يتم الاتصال بالمقبولين من خلال هواتفهم النقاله

ولكن تستطيعين الاتصال بالمعهد 5861010 او 587010 لتأكد من قبولك او عدمه
مشكور والله يعطيك الف عافيه


الحمدالله تم قبولي عن طريق الموارد في تخصص تمريض

احزان دلوعه 2010- 9- 22 09:35 PM
رد: للإجابة على أسألتكم واستفساراتكم
 
للحين فاتح التسجيل في تخصص التمريض عن طريق الموارد البشريه لأني انا مسجله في الضمان الاجتماعي ياليت تفيدووووني علشان اذا مفتوح اروووح لهم

نهر الفردوس 2010- 9- 23 12:39 AM
رد: للإجابة على أسألتكم واستفساراتكم
 
انا من مستفدي الضمان الاجتماعي هل يخصمون من فلوس الضمان الاجتماعي اي بمعن استلم مبلغ من الضمان الاجتماعي هل يخصم من هذا المبلغ
شـكــ وبارك الله فيك ـــرا لك ... لك مني أجمل تحية .

Hajr 2010- 9- 23 01:16 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة نهر الفردوس (المشاركة 1570959)
انا من مستفدي الضمان الاجتماعي هل يخصمون من فلوس الضمان الاجتماعي اي بمعن استلم مبلغ من الضمان الاجتماعي هل يخصم من هذا المبلغ
شـكــ وبارك الله فيك ـــرا لك ... لك مني أجمل تحية .
لا طبعا

سارونهـ 2010- 9- 23 06:17 PM
رد: للإجابة على أسألتكم واستفساراتكم
 
شكراً لجهودك اخوي هجر

ورده حساويه 2010- 9- 24 10:37 PM
رد: للإجابة على أسألتكم واستفساراتكم
 
السمستر الواحد بكم
والاقساط كيف؟؟
تخصص تمريض

كاسياس 2010- 9- 24 10:44 PM
رد: للإجابة على أسألتكم واستفساراتكم
 
السلام عليكم .. عندي استفسار يسيطــ

1- كم الساعه يبتدي بالمعهد الدوام وكم الساعهـ ينتهي (طب طوارئ)

؟؟ ؟؟ ؟؟

تحيــاتي ..

بنت رضوان 2010- 9- 25 01:00 AM
رد: للإجابة على أسألتكم واستفساراتكم
 
ابي سكن كيف نظامهم على السكن

Hajr 2010- 9- 25 01:43 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ورده حساويه (المشاركة 1586730)
السمستر الواحد بكم
والاقساط كيف؟؟
تخصص تمريض

بالنسبة للرسوم
5000 ريال رسوم دراسة فصل لغة انجليزية
50000 ريال رسوم دراسة سنتين تخصص تمريض
تقدرين تقسطين المبلغ شهريا او كل فصل دراسي
على حسب رغبتك

Hajr 2010- 9- 25 01:44 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كاسياس (المشاركة 1586781)
السلام عليكم .. عندي استفسار يسيطــ

1- كم الساعه يبتدي بالمعهد الدوام وكم الساعهـ ينتهي (طب طوارئ)

؟؟ ؟؟ ؟؟

تحيــاتي ..
على حسب جدولك
ولكن عموما المعهد دوامه الرسمي من الساعة 8 الصبح الى الساعة 4 العصر

اقتباس:
المشاركة الأصلية كتبت بواسطة بنت رضوان (المشاركة 1587945)
ابي سكن كيف نظامهم على السكن
بالنسبة للسكن فا احنى ما نقدر نوفر لك سكن
انت اللي توفرين السكن لنفسك

رجونه 2010- 9- 25 03:47 PM
رد: للإجابة على أسألتكم واستفساراتكم
 
[align=center]
السلآآآآآآآم

الحين الشهادة يبون الأصلية ولا الصورة ؟؟
في التسجيل من تبع الضمان

:)

دمتم بوود
[/align]

بنت رضوان 2010- 9- 25 09:44 PM
رد: للإجابة على أسألتكم واستفساراتكم
 
اقتباس:

السلآآآآآآآم

الحين الشهادة يبون الأصلية ولا الصورة ؟؟
في التسجيل من تبع الضمان

:)

دمتم بوود

عادي ارد هع لا ادا انقبلتي يبغووا الاصليه ادا بتقدمي تجيبي نسخة

لذة السكر 2010- 9- 26 02:24 AM
رد: للإجابة على أسألتكم واستفساراتكم
 
[align=center]
ابي استفسر اذا الطالبه اجنبيه وامها سعوديه
ومسجله بالجمعيات الخيريه يشملها صندوق الموارد البشرية
[/align]

نور 33 2010- 9- 26 02:46 AM
رد: للإجابة على أسألتكم واستفساراتكم
 
لوسمحت اخوي هجر انا من خريجات 1424-1425 وكلمت المعهد وقالوا انا شهادتي عدت الخمس سنوات بس قالت لي اذا تجيبين ورقه من وزارة الصحه عن تعدي سنة تخرجي يقبلوني ابي استفسر عن هذا الشي
وهل يمكن اذا شافوا شهادتي يقبلوني لان معدلي ممتاز ودرجاتي في المواد العلميه حلوه تتوقع يقبلوني والله يعطيكم العافيه

كاسياس 2010- 9- 26 04:17 PM
رد: للإجابة على أسألتكم واستفساراتكم
 
خلاص داومت واخذت الجدول .. يعطيك العافيهـ

بس عندي استفسار .. هل في تسجيــل في المعهد حاليا و حتى في الفصل الثاني؟ .. واذا في

تسجيل نقدر نسجل تبع الموارد البشريهـ ؟؟


وحسافهـ ماكو مكافئات .. ولا :(154):

(دلوعة ماما) 2010- 9- 26 08:05 PM
رد: للإجابة على أسألتكم واستفساراتكم
 
لوسمحت انا خريجة عام 1429__ 2008 هل انقبل

وين مكانكم؟؟

(دلوعة ماما) 2010- 9- 26 08:07 PM
رد: للإجابة على أسألتكم واستفساراتكم
 
هل هو اختلاط؟؟

حروف القران 2010- 9- 26 09:42 PM
رد: للإجابة على أسألتكم واستفساراتكم
 
[align=center]
السلام عليكم
التسجيل للحين مفتوح
اذا حابة اسجل على حسابي
والنسب بالثانويه تاخذون عليها
[/align]

كاسياس 2010- 9- 26 11:31 PM
رد: للإجابة على أسألتكم واستفساراتكم
 
ننظر الاجابـــــات ؟؟؟



:b6b66:

مغرورة مووووت 2010- 9- 27 09:26 AM
رد: للإجابة على أسألتكم واستفساراتكم
 
السلام عليكم

المقبولات على الموارد .. هل تصرف لهم مكافاءت ؟؟؟

تحياتي اخ hajr

Hajr 2010- 9- 27 01:25 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة نور 33 (المشاركة 1599988)
لوسمحت اخوي هجر انا من خريجات 1424-1425 وكلمت المعهد وقالوا انا شهادتي عدت الخمس سنوات بس قالت لي اذا تجيبين ورقه من وزارة الصحه عن تعدي سنة تخرجي يقبلوني ابي استفسر عن هذا الشي
وهل يمكن اذا شافوا شهادتي يقبلوني لان معدلي ممتاز ودرجاتي في المواد العلميه حلوه تتوقع يقبلوني والله يعطيكم العافيه
وزارة الصحة ليس لها علاقة بإدارة المعاهد

ويستثى شرط الخمس سنوات لمن لديهم بكلوريوس في كلية التربية او العلوم قسم احياء او كيمياء

Hajr 2010- 9- 27 01:27 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة لذة السكر (المشاركة 1599814)
[align=center]
ابي استفسر اذا الطالبه اجنبيه وامها سعوديه
ومسجله بالجمعيات الخيريه يشملها صندوق الموارد البشرية
[/align]
والله ما ادري , ولكن من شروط الصندوق ان يكون سعودي الجنسية

Hajr 2010- 9- 27 01:28 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كاسياس (المشاركة 1604889)
خلاص داومت واخذت الجدول .. يعطيك العافيهـ

بس عندي استفسار .. هل في تسجيــل في المعهد حاليا و حتى في الفصل الثاني؟ .. واذا في

تسجيل نقدر نسجل تبع الموارد البشريهـ ؟؟


وحسافهـ ماكو مكافئات .. ولا :(154):

التسجيل على حسابك الخاص مفتوح حتى 30 شوال
التسجيل على حساب صندوق تنمية الموارد البشرية سوف يفتح مع بداية الفصل الدراسي الثاني

Hajr 2010- 9- 27 01:29 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة (دلوعة ماما) (المشاركة 1606732)
لوسمحت انا خريجة عام 1429__ 2008 هل انقبل

وين مكانكم؟؟
من شروط القبول ان لا يكون قد مضى على الشهادة الثانوية اكثر من خمس سنوات

Hajr 2010- 9- 27 01:31 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة حروف القران (المشاركة 1607839)
[align=center]
السلام عليكم
التسجيل للحين مفتوح
اذا حابة اسجل على حسابي
والنسب بالثانويه تاخذون عليها
[/align]
التسجيل على الحساب الخاص مفتوح حاليا حتى 30 شوال

واذا كنت سوف تدرس على حسابك الخاص المعهد لا يشترط النسب المؤية

Hajr 2010- 9- 27 01:32 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة مغرورة مووووت (المشاركة 1613139)
السلام عليكم

المقبولات على الموارد .. هل تصرف لهم مكافاءت ؟؟؟

تحياتي اخ hajr
المقبولين في صندوق تنمية الموارد البشرية تصرف لهم مكافئة شهرية قيمتها 1000 ريال شهريا

المقبولين في الصندوق الخيري الاجتماعي لا تصرف لهم مكافئات

(دلوعة ماما) 2010- 9- 27 06:53 PM
رد: للإجابة على أسألتكم واستفساراتكم
 
طيب وين مكان التسجيل؟؟

حروف القران 2010- 9- 27 07:15 PM
رد: للإجابة على أسألتكم واستفساراتكم
 
[align=center]
طيب ممكن استفسار
قبل يومين جاتني رسالة بالجوال
انوا فية تسجيل مجاني حق شنو ذا؟؟
وصحيح انتوا ما تأخذوا الا قسم علمي بس
لأني ادبي وحابة انظم معاكم
[/align]

(دلوعة ماما) 2010- 9- 27 07:38 PM
رد: للإجابة على أسألتكم واستفساراتكم
 
ودي اقدم على معهد التمريض بس موعارفه كيف لاني جديده بدمام

هل لزم يقبلوا بنسبه

ونا خريجه لي تقربيا سنتين هذي السنه الثانيه

قسم علمي
تكفون حلمي التمريض

وكمان ويكون بنات مو اختلاط

وياليت يكون بدمام..

كاسياس 2010- 9- 28 12:36 PM
رد: للإجابة على أسألتكم واستفساراتكم
 
انا مسجل تبع الموارد البشريهـ (طب طوارئ) اقدر انتقل حاليا لــ (التمريض) ؟

هل يوجــد لطلاب الموارد البشرية مكافئات ؟

؟؟ ؟؟ ؟؟

تحيـــــــاتي :(164):

Hajr 2010- 9- 28 10:12 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة (دلوعة ماما) (المشاركة 1617470)
طيب وين مكان التسجيل؟؟
مكان التسجيل في مقر المعهد

العنوان

معهد البنات , شارع الامير سلطان بن عبدالعزيز , مقابل بنك التسليف والادخار

معهد البنين , شارع علي بن ابي طالب , مقابل فندق الهفوف

Hajr 2010- 9- 28 10:13 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة حروف القران (المشاركة 1617618)
[align=center]
طيب ممكن استفسار
قبل يومين جاتني رسالة بالجوال
انوا فية تسجيل مجاني حق شنو ذا؟؟
وصحيح انتوا ما تأخذوا الا قسم علمي بس
لأني ادبي وحابة انظم معاكم
[/align]
بالنسبة للرسالة ما ادري وش تقصدين

اما بالنسبة للقسم العلمي فهذا صحيح , المعهد لا يأخذ حاليا الا خريجي الثانوية العامة قسم علوم طبيعية

Hajr 2010- 9- 28 10:15 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة (دلوعة ماما) (المشاركة 1617810)
ودي اقدم على معهد التمريض بس موعارفه كيف لاني جديده بدمام


هل لزم يقبلوا بنسبه

ونا خريجه لي تقربيا سنتين هذي السنه الثانيه

قسم علمي
تكفون حلمي التمريض

وكمان ويكون بنات مو اختلاط


وياليت يكون بدمام..
إذا كان التسجيل على حسابك الخاص فلا يتم النظر الى النسبة الموزونه ( فقط ان تكوني خريجة الثانوية العامة قسم علي وان لم يمضي على شهادتك اكثر من خمس سنوات )

الدراسة ليست مختلطة , البنين لهم مبنى والبنات لهم مبنى

المعهد لا يتوفر له فروع سوى في محافظة الاحساء

Hajr 2010- 9- 28 10:16 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كاسياس (المشاركة 1624923)
انا مسجل تبع الموارد البشريهـ (طب طوارئ) اقدر انتقل حاليا لــ (التمريض) ؟

هل يوجــد لطلاب الموارد البشرية مكافئات ؟

؟؟ ؟؟ ؟؟

تحيـــــــاتي :(164):

لا تستطيع النقل من قسم الى قسم دامك تدرس على حساب صندوق تنمية الموارد البشرية

بالنسبة لسؤالك الثاني , يحصل الطلاب المقبولين على حساب صندوق تنمية الموارد البشرية على مكافئة قيمتها 1000 ريال شهريا

اما بالنسبة للصندوق الخيري الاجتماعي فلا يوجد لهم اي مكافئات

(دلوعة ماما) 2010- 9- 29 01:16 AM
رد: للإجابة على أسألتكم واستفساراتكم
 
مافهمت يعني اذا كان قسم علمي وخريجه ثانويه كم ادفع رسوم الترام

ممكن رقم المعهد..

وهل انتهى التسجيل ام الا؟؟

وفيه الترم الثاني؟؟

كاسياس 2010- 9- 29 07:51 PM
رد: للإجابة على أسألتكم واستفساراتكم
 
مافهمت .. يعني انا حاليا داخل المعهد عن طريق الموارد البشريهـ استلم مكافأه كل شهر 1000 ريال ؟؟

غريبهـ مافي احد تكلم عن المكافئات من رحت المعهد وما الى ذالك .

سؤال جديد ؟ الكشف الطبي لازم نضبطهـ في مستشفى الملك فهد ولا اي محل ؟؟

حورر 2010- 9- 30 02:25 AM
رد: للإجابة على أسألتكم واستفساراتكم
 
السلام عليكم اخووي
ابي استفسر هل في السمستر الثاني تسجيل ...؟

وصندووق الموارد البشريه متى تطلع النتائج مساعدات طبيب اسنان لان دقيت عليهم قالو لسه

ماطلعت ؟؟

وصندووق الموارد البشريه يتطلب نسبه معينه ولا ويتطلب اختبارر عشان القبول ؟؟؟

وهل مضمونه الوظيفه اذا تجرحنا من معهد هجر ولا ؟؟

بليز اخوي لاتطول علينا با الرد عان اذا ما في السمستر الثاني بسجل الحين ..

ادري طولناا عليك اخووي عذرا ...:(164):

كوكب الحرية 2010- 9- 30 03:53 PM
رد: للإجابة على أسألتكم واستفساراتكم
 
[align=center]
بسم الله الرحمن الرحيم
السلام عليكم ورحمة الله وبركاته

احبائي
دخولي هنا مجر لعبه ههههههههههه:mh001:

انا شخصياً تم قبولي في معهد هجر وذلك في تخصص طب طوارئ من الصندوق الخيري
ويوم الاربعاغء سلمت شهادتي الاصلية وقالي المودود بالادارة الف مبروك
وسئلته متى الدوام قالي على الاسبوع القادم
ابي اعرف متى ياشباب
وبأي زي اداوم
ودي استفسر عن الدراسة
واريد اعرف المواد التي سوف ادرسها في السمستر الاول
[/align]

Hajr 2010- 9- 30 09:31 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة (دلوعة ماما) (المشاركة 1634926)
مافهمت يعني اذا كان قسم علمي وخريجه ثانويه كم ادفع رسوم الترام

ممكن رقم المعهد..

وهل انتهى التسجيل ام الا؟؟

وفيه الترم الثاني؟؟

تدفعين في الفصل الدراسي الواحد 12500 ريال

رقم المعهد للبنات 5861010 او 5871010
رقم المعهد للبنين 5863000

التسجيل مفتوح حتى 30 شوال

ويوجد تسجيل في الفصل الدراسي الثاني

Hajr 2010- 9- 30 09:34 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة حورر (المشاركة 1645602)
السلام عليكم اخووي
ابي استفسر هل في السمستر الثاني تسجيل ...؟

وصندووق الموارد البشريه متى تطلع النتائج مساعدات طبيب اسنان لان دقيت عليهم قالو لسه

ماطلعت ؟؟

وصندووق الموارد البشريه يتطلب نسبه معينه ولا ويتطلب اختبارر عشان القبول ؟؟؟

وهل مضمونه الوظيفه اذا تجرحنا من معهد هجر ولا ؟؟

بليز اخوي لاتطول علينا با الرد عان اذا ما في السمستر الثاني بسجل الحين ..

ادري طولناا عليك اخووي عذرا ...:(164):
يوجد تسجيل في الفصل الدراسي الثاني على حسابك الخاص وعلى حساب صندوق تنمية الموارد البشرية

واسماء المقبولين لمساعد طبيب اسنان طلعت

والصندوق يتطلب انه تكون نسبتك فوق 65%

بالنسبة لسؤالك للوظيفة فهذا بيد الله سبحانه وتعالى , كأنك تسأليني اذا مضمون اعيش بكره ولا مش مضمون

Hajr 2010- 9- 30 09:35 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كاسياس (المشاركة 1642577)
مافهمت .. يعني انا حاليا داخل المعهد عن طريق الموارد البشريهـ استلم مكافأه كل شهر 1000 ريال ؟؟

غريبهـ مافي احد تكلم عن المكافئات من رحت المعهد وما الى ذالك .

سؤال جديد ؟ الكشف الطبي لازم نضبطهـ في مستشفى الملك فهد ولا اي محل ؟؟

لازم الكشف الطبي في مستشفى الملك فهد

(دلوعة ماما) 2010- 10- 1 02:15 AM
رد: للإجابة على أسألتكم واستفساراتكم
 
أذا بتدرسين عن طريق الموارد البشريه التسجيل فيه خلص وراح يفتح الترم الثاني أهو والصندوق الخيري





طيب ايش الموارد البشريه والصندوق الخيري كيف مافهمتهم؟؟

ياأرحم الراحمين 2010- 10- 1 02:52 AM
رد: للإجابة على أسألتكم واستفساراتكم
 
السلام عليكم


كيف حالك أخوي هجر؟؟


حبيت أسألك أخوي بعد اذنك...متى تطلع نتايج القبول (التسجل تابع للضمان الإجتماعي)؟؟
:mh12:
و

إذا طلعت النتائج وين نحصلها..في المعهد أو وين بالضبط؟؟




تقبل خالص تحياتي:140:

حورر 2010- 10- 1 03:10 AM
رد: للإجابة على أسألتكم واستفساراتكم
 
الحمد لله نسبتي فوق 65 بس شكلي ما نقبلت لان مارسلوو لي رساله


الحين انا ماسجلت عن طريق الموارد البشريه تمريض يعني ما يقبلوني ولا كيف لانك انت قلت الي ماترشحوو با التمريض يرشحونهم بمساعده طبيب اسنان

مشكووراخووووي ..

ياأرحم الراحمين 2010- 10- 1 08:00 PM
رد: للإجابة على أسألتكم واستفساراتكم
 
أخوي هجر

وينك الله يخليك:24_asmilies-com:



أنتظر ردك :oao:

كوكب الحرية 2010- 10- 1 09:11 PM
رد: للإجابة على أسألتكم واستفساراتكم
 
وينك حبيبي
طالت الغيبة علينا

Hajr 2010- 10- 1 10:20 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ياأرحم الراحمين (المشاركة 1656719)
السلام عليكم


كيف حالك أخوي هجر؟؟


حبيت أسألك أخوي بعد اذنك...متى تطلع نتايج القبول (التسجل تابع للضمان الإجتماعي)؟؟
:mh12:
و

إذا طلعت النتائج وين نحصلها..في المعهد أو وين بالضبط؟؟




تقبل خالص تحياتي:140:
النتايج لحد الحين ما طلعت
والنتائج تآخذينها من المعهد

Hajr 2010- 10- 1 11:04 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة حورر (المشاركة 1656925)
الحمد لله نسبتي فوق 65 بس شكلي ما نقبلت لان مارسلوو لي رساله


الحين انا ماسجلت عن طريق الموارد البشريه تمريض يعني ما يقبلوني ولا كيف لانك انت قلت الي ماترشحوو با التمريض يرشحونهم بمساعده طبيب اسنان

مشكووراخووووي ..

لقد تم اعلان المقبولين في صندوق تنمية الموارد البشرية لبرنامجي التمريض ومساعد طبيب اسنان

Hajr 2010- 10- 1 11:14 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة (دلوعة ماما) (المشاركة 1656216)
أذا بتدرسين عن طريق الموارد البشريه التسجيل فيه خلص وراح يفتح الترم الثاني أهو والصندوق الخيري





طيب ايش الموارد البشريه والصندوق الخيري كيف مافهمتهم؟؟
صندوق تنمية الموارد البشرية هي مؤسسة حكومية ذات استقلالية إدارية ومالية , وظيفتها الأساسية هي الحد من البطالة من خلال ( سعودة الوظائف في القطاع الخاص , تهيئة واعداد الشباب السعودي من خلال تدريبهم في المعاهد والكليات الخاصة )


ويمتلك الصندوق العديد من البرامج والنشاطات وهي
Get-IT
برنامج التنظيم الوطني للتدريب المشترك
برنامج دعم حوافز الاستقرار الوظيفي
برنامج التشغيل والصيانة
برنامج دعم تشغيل السجناء
. برنامج التدريب الصحي
دليل الموارد البشرية
تأهيل أخصائي الموارد البشرية
تقديم المشورة الفنية والإدارية للتدريب
دعم مُلاك المنشآت الصغيرة
تدريب وتأهيل أصحاب المنشآت الصغيرة
العمل عن بعـد
التوظيف المباشر
الإرشاد المهني
التدريب المرتبط بالتوظيف
التدريب على رأس العمل
ماهر 12/12 لتأهيل الكوادر المتخصصة




وعلاقة معهد هجر للعلوم الصحية بالصندوق هو من خلال برنامج ماهر 12/12 , ومهمة هذا البرنامج هو تأهيل الشباب السعودي الحاصلين على الثانوية العامة عن طريق توفير فرص دراسية في المعاهد والكليات الاهلية واعطاهم مكافئات شهرية طيلة مدة الدراسة
ويتكفل البرنامج ايضا برسوم الدراسة في المعهد والكليات الاهلية بدلا من الطالب


موقع الالكتروني لصندوق تنمية الموارد البشرية
http://www.hrdf.org.sa


ــــــــــــــــــــــــــــــــــــــــــــــــــ ــــــــــــــــــــــــــــ

الصندوق الخيري الاجتماعي هي مؤسسة حكومية تابعة لوزارة الشؤون الاجتماعية من مهامها ( مساعدة المحتاجين والحد من الفقر )

ويمتلك الصندوق عدة برامج من اهمها

وعلاقة معاهد هجر للعلوم الصحية بالصندوق من خلال ( برنامج المنح الدراسية )ومهمة هذا البرنامج هو تأهيل الشباب السعودي المحتاج الحاصلين على الثانوية العامة عن طريق توفير فرص دراسية في المعاهد فقط
ويتكفل البرنامج برسوم الدراسة في المعاهد الاهلية بدلا من الطالب


موقع الالكتروني للصندوق الخيري الاجتماعي
http://www.fund.org.sa

Hajr 2010- 10- 1 11:44 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كوكب الحرية (المشاركة 1664717)
وينك حبيبي
طالت الغيبة علينا

اخوي بكره بتعرف كل اللي تبيه

سيور الدلوعة 2010- 10- 2 03:02 AM
رد: للإجابة على أسألتكم واستفساراتكم
 
السلام عليكم ورحمة الله وبركاته :-

أشكرك أخوي هجر لتجاوبك على الاستفسارات ...

انا سمعت لايقبل من مضى على شهادة الثانوية خمس سنوات

هل فيه حل آخر لدراستي في التمريض وشهادتي مضى عليها 8 سنوات

أو بالصررررررررريح مافيه أأمل يعني الباب مسكررر في وجهنا ...

وهل نقدر نراجع مكان زي كذا علشان ممكن ننقبل .....

الله يعطيك العااااااافية لاتردني خايبة ........:d1:

ورده حساويه 2010- 10- 2 03:24 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كوكب الحرية (المشاركة 1650031)
[align=center]
بسم الله الرحمن الرحيم
السلام عليكم ورحمة الله وبركاته

احبائي
دخولي هنا مجر لعبه ههههههههههه:mh001:

انا شخصياً تم قبولي في معهد هجر وذلك في تخصص طب طوارئ من الصندوق الخيري
ويوم الاربعاغء سلمت شهادتي الاصلية وقالي المودود بالادارة الف مبروك
وسئلته متى الدوام قالي على الاسبوع القادم
ابي اعرف متى ياشباب
وبأي زي اداوم
ودي استفسر عن الدراسة
واريد اعرف المواد التي سوف ادرسها في السمستر الاول
[/align]
من جد ؟؟؟؟؟؟؟؟
انا مادقو علي ؟؟!!!
اختباري والمقابله كان الاربعا
يعني مانقبلت :( :mad: :(154):

Hajr 2010- 10- 2 07:27 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة سيور الدلوعة (المشاركة 1666468)
السلام عليكم ورحمة الله وبركاته :-

أشكرك أخوي هجر لتجاوبك على الاستفسارات ...

انا سمعت لايقبل من مضى على شهادة الثانوية خمس سنوات

هل فيه حل آخر لدراستي في التمريض وشهادتي مضى عليها 8 سنوات

أو بالصررررررررريح مافيه أأمل يعني الباب مسكررر في وجهنا ...

وهل نقدر نراجع مكان زي كذا علشان ممكن ننقبل .....

الله يعطيك العااااااافية لاتردني خايبة ........:d1:
وعليكم السلام ورحمة الله وبركاته

والله للاسف مالها حل ابدا

اله إذا كنت خريجة من كلية العلوم او التربية في تخصص قريب من التخصصات الصحية مثل ( الاحياء , كيمياء , ....) في هذه الحالة الهيئة السعودية للتخصصات الصحية تسوي لك استثناء وتقدرين تدرسين في المعهد

Hajr 2010- 10- 2 07:27 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ورده حساويه (المشاركة 1666576)
من جد ؟؟؟؟؟؟؟؟
انا مادقو علي ؟؟!!!
اختباري والمقابله كان الاربعا
يعني مانقبلت :( :mad: :(154):
البنات لحد الحين ما طلعت النتائج

ان شاء الله خلال هالاسبوع بتطلع

حورر 2010- 10- 2 07:37 PM
رد: للإجابة على أسألتكم واستفساراتكم
 
تقصد البنات عن طريق الموراد ما طلعت النتايج ولا ؟؟؟
وابي اسال بكم الطوارئ؟؟

نور 33 2010- 10- 2 08:23 PM
رد: للإجابة على أسألتكم واستفساراتكم
 
لوسمحت اخوي هجر انا من خريجات 1424-1425 وكلمت المعهد وقالوا انا شهادتي عدت الخمس سنوات بس قالت لي اذا تجيبين ورقه من وزارة الصحه عن تعدي سنة تخرجي يقبلوني ابي استفسر عن هذا الشي
بس الاداره اهم اللي قالوا لي بس ماني فاهمه شنو هالورقه لمن سالت قالوا اول مره نسمع عنها واي سنه دراسيه يقبلون واهو معهد خاص

ورده11 2010- 10- 3 10:44 AM
رد: للإجابة على أسألتكم واستفساراتكم
 
السلام عليكم ورحمة الله وبركاته
اهلا هجر

حبيت اسألك بعض الاسئله وشكراً لكرمك

اولاً بأي تاريخ يبدأ التسجيل للسمستر الثاني؟!

ثانياً .. لوبغيت اخذ دوره بالمعهد هل لهاشهاده معتمده اقدر اتوظف فيها؟
ولو كيذا فماهي الدورات اللي تنصح فيها ومطلوبه؟!

كلفت عليك فعذراً وشُكراً لاتُحد

كوكب الحرية 2010- 10- 3 12:53 PM
رد: للإجابة على أسألتكم واستفساراتكم
 
السلام عليكم

كيف احوالكم


عهندي استفسار بسيط

بعد ما تتخرج من السنتين الدراسيتين
تأتي لك ست شهور تطبيق
هل يتم صرف راتب (نصف الراتب ) على عادة المتخرجين من الكليات الصحية

Hajr 2010- 10- 3 06:48 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة حورر (المشاركة 1671914)
تقصد البنات عن طريق الموراد ما طلعت النتايج ولا ؟؟؟
وابي اسال بكم الطوارئ؟؟
اقصد البنات عن طريق الصندوق الخيري الاجتماعي

بالنسبة لرسوم الدراسة في طب الطوارئ هي 54 الف ريال يشمل الفصل التمهيدي

Hajr 2010- 10- 3 06:48 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة نور 33 (المشاركة 1672254)
لوسمحت اخوي هجر انا من خريجات 1424-1425 وكلمت المعهد وقالوا انا شهادتي عدت الخمس سنوات بس قالت لي اذا تجيبين ورقه من وزارة الصحه عن تعدي سنة تخرجي يقبلوني ابي استفسر عن هذا الشي
بس الاداره اهم اللي قالوا لي بس ماني فاهمه شنو هالورقه لمن سالت قالوا اول مره نسمع عنها واي سنه دراسيه يقبلون واهو معهد خاص
سبق اني جاوبت على سؤالك

على العموم ارجعي للي قالتك هالكلام وخليها تشرحلك بشكل مفصل

Hajr 2010- 10- 3 06:50 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ورده11 (المشاركة 1678114)
السلام عليكم ورحمة الله وبركاته
اهلا هجر

حبيت اسألك بعض الاسئله وشكراً لكرمك

اولاً بأي تاريخ يبدأ التسجيل للسمستر الثاني؟!

ثانياً .. لوبغيت اخذ دوره بالمعهد هل لهاشهاده معتمده اقدر اتوظف فيها؟
ولو كيذا فماهي الدورات اللي تنصح فيها ومطلوبه؟!

كلفت عليك فعذراً وشُكراً لاتُحد
لم يتم تحديد وقت التسجيل في الفصل الدراسي الثاني

بالنسبة للدورات فهي لا تؤهلك للحصول على وظيفة ابدا بل تؤهلك الى تطوير مستواك الوظيفي مثلا
( ترقية في الوظيفة ) ( زيادة في الراتب )

Hajr 2010- 10- 3 06:53 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة كوكب الحرية (المشاركة 1678763)
السلام عليكم

كيف احوالكم


عهندي استفسار بسيط

بعد ما تتخرج من السنتين الدراسيتين
تأتي لك ست شهور تطبيق
هل يتم صرف راتب (نصف الراتب ) على عادة المتخرجين من الكليات الصحية
لا يتم صرف اي رواتب لطلاب وطالبات الامتياز الدارسين في معاهد وكليات اهلية

ورده حساويه 2010- 10- 3 07:17 PM
رد: للإجابة على أسألتكم واستفساراتكم
 
متى نتايج الصندوق الخيري
تعبببببت وانا انتظر :(

المجروووووحه 2010- 10- 3 09:02 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ورده حساويه (المشاركة 1681603)
متى نتايج الصندوق الخيري
تعبببببت وانا انتظر :(
اختي ورده حساويه

انا كلمت المعهد اليووم

وقالوو ان النتائج بتطلع الثلاثاء او الاربعاء

<<<<<مافي غير الصبر :(154):

((إن الله مع الصابرين ))

ياأرحم الراحمين 2010- 10- 3 09:38 PM
رد: للإجابة على أسألتكم واستفساراتكم
 
إذا هذا كلامهم معناها مافي نتائج غير الأربعاء:(154):


والله قهر:d1:

مللنا الإنتظـــــــــــــــار

ورده حساويه 2010- 10- 3 09:47 PM
رد: للإجابة على أسألتكم واستفساراتكم
 
الثلاثا والاربعا؟؟؟
يعني عشان اللي ماتقدر تجي بنفس اليووم مثلي تروح عليها:(154):
الله يصبرني بسسس

نهر الفردوس 2010- 10- 5 12:09 AM
رد: للإجابة على أسألتكم واستفساراتكم
 
السلام عليكم ورحمة الله وبركاته
وش المواد الدراسيه الموجود فى معهد هجر تخصص تمريض
هل الدراسه باللغة العربيه أو الانقلش وله متنوعها؟؟
هل الاستاذه فى المعهد يعطون الطالبات أسئلة مراجعه أثناء الاختبارات؟؟
:150::150:
تكفون جبونى على الاسلئه

Hajr 2010- 10- 5 12:20 AM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة نهر الفردوس (المشاركة 1694541)
السلام عليكم ورحمة الله وبركاته
وش المواد الدراسيه الموجود فى معهد هجر تخصص تمريض
هل الدراسه باللغة العربيه أو الانقلش وله متنوعها؟؟
هل الاستاذه فى المعهد يعطون الطالبات أسئلة مراجعه أثناء الاختبارات؟؟
:150::150:

تكفون جبونى على الاسلئه


بالنسبة للمواد اللي رح تدرسينها تحصلينها في هذا الرابط
http://www.hajrgroup.com/2/index.php/safahat/108
http://www.ckfu.org/vb/ram1-imp4d.com/misc/progress.gif
والدراسة باللغة الانجليزية فقط
وبالنسبة لسؤالك الاخير بصراحة المفروض ما ينسأل لأنك رح تدرسين تخصص صحي وانت رح تكونين مسؤولة عن مرضى امام الله سبحانه وتعالى


شهربان 2010- 10- 5 05:06 AM
رد: للإجابة على أسألتكم واستفساراتكم
 
[align=center]
بسم الله الرحمن الرحيم

السلام عليكم ورحمة الله وبركاته

كيف حالك إن شاء الله دائما بخير ؟

حبيت اسأل عن:

انا خريجة كليه الادبيه و لي من تخرجت 5 سنوات..

و مسجله بالضمان الاجتماعي..

بغيت اعرف:

هل يحق لي الدراسه تبع صندوق الموارد او تبع الموارد البشريه؟؟

بصراحه ما في طريق نروح له الا هالمكانين...لا وظايف و لا تدريس و لا شئ..:d1::s9::s13::d1:


ارجوا افادتي و لكم مني جزيل الشكر و التقدير
[/align]

Hajr 2010- 10- 5 02:56 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة شهربان (المشاركة 1696219)
[align=center]
بسم الله الرحمن الرحيم

السلام عليكم ورحمة الله وبركاته

كيف حالك إن شاء الله دائما بخير ؟

حبيت اسأل عن:

انا خريجة كليه الادبيه و لي من تخرجت 5 سنوات..

و مسجله بالضمان الاجتماعي..

بغيت اعرف:

هل يحق لي الدراسه تبع صندوق الموارد او تبع الموارد البشريه؟؟

بصراحه ما في طريق نروح له الا هالمكانين...لا وظايف و لا تدريس و لا شئ..:d1::s9::s13::d1:


ارجوا افادتي و لكم مني جزيل الشكر و التقدير
[/align]

نعم تستطيعين ولكن التسجيل في صندوق تنمية الموارد البشرية والصندوق الخيري الاجتماعي انتهى

تستطعين التسجيل في الفصل الدراسي القادم

ولكن اتمنى ان تكون شهادتك الثانوية قسم علوم طبيعية وليس علوم الشرعية لان المعهد لا يقبل حاملي الشهادة الثانوية قسم العلوم الشرعية

ياأرحم الراحمين 2010- 10- 5 07:21 PM
رد: للإجابة على أسألتكم واستفساراتكم
 
السلام عليكم

متى تطلع النتائج؟؟ :bngo12:

ترى بجد ملينا الإنتظار:24_asmilies-com: بلييييز ليه التأخير:s9:
خوفي يجي الفصل الدراسي الثاني قبل تطلع النتائج:(154):

ورده حساويه 2010- 10- 5 07:40 PM
رد: للإجابة على أسألتكم واستفساراتكم
 
وعليكم السلام
وانا مثلك
بكره بدق عليهم مافيني صبر

ŞąỜờỜđƒąĦ.♥ 2010- 10- 5 09:03 PM
رد: للإجابة على أسألتكم واستفساراتكم
 
[align=center]
أستفسار وياليت بااسرع وقت
1: مت تسلمون البطاقة لي الطلاب لانه نحتاجه في اسرع وقت
2: ممكن تشرح لي نسبة الغياب كيف تحسبونه الا وهي 25:% كيف هل باليوم اوبالحصة وبالتفصيل الممل
3:اول سمستر انجليزي وبعدين اختبار الي يعديه يدخل على التخصص والي مايعديه هل يدخل على التخصص
وبعدين يختبر ثاني ولا كيف ..؟
4:هل اذا جاء وقت التطبيق في المستشفيات هل على طول نطبق من بعد مانخلص الدراسة او ننتظر أرقامنه ..
5: في طالب من طلاب التطبيق .. يسال ويقول متى يجي وقت تطبيقهم في المستشفيات ..
لانهم أخذ لهم وهم جالسين 4 أشهر ..
وهل هذ معقول عن معهد هجر ...
يعتبر الان من أفضل المعاهد الصحية ....
6:كيف يكون نظام طلاب الموارد البشرية اذا توظفو ..هل يدفعون مبلغ من المال الى الموارد البشرية .. ولا الكلام خطاء ..
واذا صحيح .. كم ندفع لهم ..
7: هل صحيح طلاب الموارد اذا تخرجو الصندوق هو الي يدور لهم وظايف .. على شان ترجع لهم المبالغ الي صرفه على الطالب ..؟
نبقاه بالتفاصيل الممله
:150:
[/align]

Hajr 2010- 10- 5 10:37 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة ياأرحم الراحمين (المشاركة 1701165)
السلام عليكم

متى تطلع النتائج؟؟ :bngo12:

ترى بجد ملينا الإنتظار:24_asmilies-com: بلييييز ليه التأخير:s9:
خوفي يجي الفصل الدراسي الثاني قبل تطلع النتائج:(154):
اقتباس:
المشاركة الأصلية كتبت بواسطة ورده حساويه (المشاركة 1701331)
وعليكم السلام
وانا مثلك
بكره بدق عليهم مافيني صبر

يا اخوات
اصلا المعهد اعلن نتائج المقبولات
واتصلنا على المقبولات علشان يجيبون شهاداتهم

Hajr 2010- 10- 5 10:53 PM
رد: للإجابة على أسألتكم واستفساراتكم
 
اقتباس:
المشاركة الأصلية كتبت بواسطة So0oDfAh..18 (المشاركة 1702096)
[align=center]
أستفسار وياليت بااسرع وقت
1: مت تسلمون البطاقة لي الطلاب لانه نحتاجه في اسرع وقت
أسأل شؤون الطلاب لأنهم هم اللي يطلعون البطاقات للطلاب
2: ممكن تشرح لي نسبة الغياب كيف تحسبونه الا وهي 25:% كيف هل باليوم اوبالحصة وبالتفصيل الممل
إذا غبت 25% من المادة خلال الفصل الدراسي , تحذف عليك المادة وتضطر تدرسها من جديد
3:اول سمستر انجليزي وبعدين اختبار الي يعديه يدخل على التخصص والي مايعديه هل يدخل على التخصص
وبعدين يختبر ثاني ولا كيف ..؟
إذا رسبت في إختبار اللغة الانجليزية عندك محالة ثانية إذا رسبت فيها بعد تعيد الفصل من جديد , وإذا كنت تدرس على حساب صندوق تنمية الموارد البشرية يوقف عنك المكافئات لغاية ما تنجح
4:هل اذا جاء وقت التطبيق في المستشفيات هل على طول نطبق من بعد مانخلص الدراسة او ننتظر أرقامنه ..
إذا كنت تبي تطبق في مستشفى خاص علطول
إذا كنت تبي تطبق في مستشفى حكومي فا رح تنتظر الدور
5: في طالب من طلاب التطبيق .. يسال ويقول متى يجي وقت تطبيقهم في المستشفيات ..
لانهم أخذ لهم وهم جالسين 4 أشهر ..
وهل هذ معقول عن معهد هجر ...
يعتبر الان من أفضل المعاهد الصحية ....
قل حق خويك : الموضوع هذا مش بيد المعهد , الموضوع هذا بيد الشؤون الصحية بالاحساء
وقله إذا يبي يطبق في مستشفى خاص من بكره يروح ويطبق
وارجو منك ان لا تحملنا أخطاء الآخرين
6:كيف يكون نظام طلاب الموارد البشرية اذا توظفو ..هل يدفعون مبلغ من المال الى الموارد البشرية .. ولا الكلام خطاء ..
كلام خطأ
واذا صحيح .. كم ندفع لهم ..
7: هل صحيح طلاب الموارد اذا تخرجو الصندوق هو الي يدور لهم وظايف .. على شان ترجع لهم المبالغ الي صرفه على الطالب ..؟
صندوق تنمية المو ارد البشرية تقوم بتدريبك فقط وما عليهم منك بعد ما تخلص
نبقاه بالتفاصيل الممله
اسمح لي ما اقدر افصلك لان الاجوبة ما تحتاج الى تفصيل

:150:
[/align]

.................................................. .........


All times are GMT +3. الوقت الآن حسب توقيت السعودية: 08:34 AM.
صفحة 1 من 4 1 234
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه